basauriko eaj-pnvren hauteskunde egitasmoa 2015eko hauteskundeetarako

BASAURI LO MUEVES TÚZU ZARA BASAURI

2015eko udal-hauteskundeetako programa 2

GEURE HERRIA MODU IRAUNKORREAN GARATU

GAZTEEI AUKERAK ESKAINTZEN DIZKIEN HERRIA IZAN DADILA BASAURI

KULTURA, HEZKUNTZA ETA KIROLA ONGIZATEAREN ETA GARAPEN EKONOMIKO ETA SOZIALAREN GILTZARRI BIHURTU

EUSKARAREN ERABILERAREN SUSTAPENEAN ARRETA JARRI, BAITA GURE ONDAREAREN ETA KULTURA-IZAERAREN BALIOA AGERIAN JARTZEKO ASMOAN EREGIZONEN ETA EMAKUMEEN ARTEKO PAREKOTASUNA BULTZATU, ERRESPETUAN ETA ZUZENTASUNEAN OINARRITUTAKOA

BIRLANERATZEA SUSTATU ETA ENPRESA- ETA MERKATARITZA-PROIEKTU BERRIEN SORRERA BULTZATU

Basauriarrek gobernu-jardueran parte hartu dezaten eta kudeaketa gardena abiapuntutzat izanda

(herritarrei kontuak emateko asmoan oinarrituta dagoen kudeaketa, hain zuzen), EAJ-PNVren ahaleginek honako helburu hauek izango dituzte ardatz berriz ere:

GIZATALDE AHULENENGANAKO ARRETA LEHENETSI

HERRITARREN PARTE-HARTZEA ETA GARDENTASUNA GURE KUDEAKETAREN ARDATZ NAGUSI IZAN DAITEZELA

Herritarrek udalaren kudeaketan esku hartzen jarraitu ahal izan dezatela erraztu, norbanakoei zein elkarte eta kolektiboei parte-hartzea ahalbidetzen dieten ekimenen bidez. Horretarako, jarraipena emango zaie azken lau urte hauetan Udalak martxan jarri dituen hainbat herritarren parte-hartzerako prozesu.

Legegintzaldi honetan www.basauri.net/gardentasuna web orrialdearen bidez abian jarri den gardentasunerako eta herritarrei kontuak emateko jardunean sakondu. Asmo horrekin, areagotu egingo dira bai udalaren kudeaketari buruz herritarrei eskaintzen zaien informazioa, bai hura hedatzeko kanalak.

Udalbatza berriak onartuta dagoen kode etikoa bultzatu eta beteko du.

GEURE HERRIA MODU IRAUNKORREAN GARATU

I. HIRIGINTZA-GARAPENA.

Hiri-antolamenduko Plan Orokorra onartzea bultzatu, herrian gune atseginagoak eta irisgarriagoak eskuratzeko xedearekin. Helburu hori lortzeko bidean, honako hauek uztartuko dira: mugikortasunaren hobekuntza, udalerriak duen aparkaleku eskasia arintzeko neurriak eta udalerriak dituen egiazko beharrizanetara egokituta dagoen etxebizitza-eskaintza, babestutakoa eta askea.

San Fausto-Bidebieta-Pozokoetxeko eremuaren biziberritzea sustatu, soziala eta ekonomikoki jasangarria den hirigintza-proiektua behin betiko onartuta, ahalik eta adostasun gehien bilduz eta Pozokoetxeko trenbide-hondartza askatzeari ekinez.


http://www.basauri.net/gardentasuna

II. HIRIGINTZA BIZIBERRITZEA ETA IRISGARRITASUNAREN HOBEKUNTZA.

Honako eremu hauek biziberritzea edo berriro urbanizatzea bultzatu: Federico Mayo multzoan egiteke dagoen zatia, Kareaga Goikoa (1, 2, 3), Larrazabal eta Baskonia.

Aurrerapausoak eman bai Trintxeratik Hiltegira doan tartea estaliko duen proiektua zehaztean, bai hura finantzatzeko etorkizuneko iturrien bilaketan; horrela, aisialdi publikorako guneak berreskuratuko dira.

Auzoegin programarekin jarraitu, auzoetako beharrizanei jaramon egiteko.

Urbi plazaren eta UGT sindikatuko bulegoen arteko pasabidea eraiki.

Axular eta Kareaga Goikoa artean igogailu bat eraikitzeko proiektuari ekin.

III. ETXEBIZITZA.

Sarratu, Azbarren eta San Migel eremuan etxebizitza babestuak eta askeak eraikitzeko plana gauzatu.

Babes erregimeneko etxebizitza publikoen sustapenetan (aipatutakoetan eta beste batzuetan) alokairuko etxebizitzen aukera bultzatu.

Etxebizitza hutsak alokairuko etxebizitzen merkatura atera daitezen bultzatzen jarraitu.

IV. APARKALEKUAK, TRAFIKOA ETA MUGIKORTASUNA.

Lurgaineko aparkalekurik ez kentzeko konpromisoa, baina nahitaezkoa izanez gero, gune hurbiletan jarriko dira.

Lurgaineko doako 250 aparkaleku berri San Migelen, Sarratun eta hirigunean:

Doako aparkalekuak San Migel eta Sarratu etxebizitza-urbanizazio berrietan.


San Migel-Abaroa-Uriarte gunean aparkaleku-eremu bat egokitu (33 plaza).

Hirigunean lurgaineko aparkaleku bat eraiki. Behin hura martxan egonda, anbulatorioko aparkalekua merkataritzako ordutegian txandakakoa izan dadin prestatu.

Aparkaleku-kopurua areagotu bai Matxitxako eremuan, bai Urbiko trenbide-pasagunearen eremuan, aparkatzeko partzelei banaketa berria emanez, eta Baskonia kalekoa hobetu.

San Migel eta Sarratu urbanizazio berrietan aparkalekuak erosteko aukera eskaini.

San Migel auzoko auzotarrei metro-geltokira hurbiltzeko doako zerbitzua ematen jarraitu.

Trafikoa Antolatzeko Plana idatzi.

VI. BIDE BERDEAK ETA BIZIKLETENTZAKO BIDEAK.

Arratiako tranbia zaharraren ibilbidean oinezkoentzako eta bizikletentzako pasealekua jartzea bultzatu.

Oinezkoentzako eta bizikletentzako pasealekuak alboko udalerrietarantz hedatzen jarraitu.

Montefuerterako sarbidea Zubialdea auzotik berriro urbanizatu eta hobetu.

Udalerrian dauden pistak eta mendi-bideak egokitu eta seinaleztatu.

VII. AISIALDIRAKO ETA JOLASERAKO GUNEEN ESKAINTZA.

Bizkotxalde parkean Aisigune eraiki, kirola praktikatzea eta kultura-ekimenak egitea ahalbidetuko duen erabilera anitzeko espazio estalia.

Haurrentzako parkeak estaltzen jarraitu.


VIII. INGURUMENA.

Basaurin materia organikoa (bosgarren edukiontzia) jasotzeko eremua hedatu.

Energia-eraginkortasuna lortzera bideratutako jarduera-planarekin jarraitu.

BIRLANERATZEA SUSTATU ETA ENPRESA- ETA MERKATARITZA-PROIEKTU BERRIEN SORRERA BULTZATU

I.- ENPLEGUGARRITASUNAREN HOBEKUNTZA ETA AUTOENPLEGURAKO LAGUNTZEN ESKAINTZA BEHARGINTZAREN BITARTEZ.

Basauriko enpresa txiki eta ertainei arreta ematen jarraitu, enpresa-lankidetzako proiektuetan elementu katalizatzaile izateko helburuarekin.

Ekintzaileei euren enpresa-proiektuen bideragarritasuna aztertzen lagundu: prestakuntza, aholkularitza, enpresa eratzeko orduan laguntza, finantzaketara sarbidea eta diru-laguntzak.

Sortu berriak diren negozioen finkapenera eta biziraupenera bideratutako ekintzak sendotu.

Langabezian dauden pertsonen prestakuntza-ahaleginak enpresetan antzemandako beharrizanetara zuzendu.

Langabeziaren eragina gehien jasaten duten gizataldeekin konpromisoa, lan-merkatuaren aurrean daukaten posizionamendua hobetzera bideratutako jarduerak indartuz.

II.- ERAKUNDEEN ARTEKO LANKIDETZA EUSKO JAURLARITZAREN, BIZKAIKO FORU ALDUNDIAREN ETA BASAURIREN ARTEAN.


Erakunde desberdinek bultzatzen dituzten enplegu-programen diseinuan parte hartu, udalerriak dituen ezaugarrietara eta beharrizanetara egokituz.

Erakunde desberdinekin lankidetza eta koordinazioa bultzatu enpleguaren eta sustapen ekonomikoaren alorrean, erreferentziazko eragile bihurtzera iritsiz haien programak garatzeko orduan.

III.- SALTOKIENTZAKO ETA OSTALARITZARENTZAKO LAGUNTZA.

Adostutako ekintzak gauzatu udalerriko saltokiak eta ostalaritza sustatzeko, elkarteen konpromisoa bilatzeko xedearekin.

Hutsik dauden lokalen erabilera dinamizatzeko ekintzak: % 60ko hobaria mantendu, 200 m2 baino txikiagoak diren lokal komertzialak irekitzeko.

Basauriko Behargintzaren eskutik, pertsona ekintzaileei laguntza eskaini, ekimen komertzial berrietarako.

Anbulatorioko aparkaleku-eremuan aparkaleku bat eraikitzea sustatu, txandakakoa izango dena merkataritzako ordutegian.

Saltokiak eta ostalaritzako establezimenduak dinamizatzeko

ekintzak bultzatu: Helmuga Basauri (saltokiek eta ostalaritzak duten kalitate handiaren inguruko jarduerak, hutsik dauden saltokien itxura hobetu, etab.).

Jarduera komertzial desberdinek egindako inbertsoei laguntzak ematen jarraitu, haien lehiakortasuna hobetzeko helburuarekin.

IV.- BASKONIA LAN ETXEA.

Legegintzaldi honetan zehar, proiektu horrek zein eremu estrategiko posibletan oinarrituta egon behar duen definitzeko prozesua bukatu da, eta, behin laguntza publikoak eta pribatuak bilatzeko prozesua amaituta, hura ezar dadin egingo dugu lan, honako helburu hauekin:

• Nerbioi-Ibaizabal eskualdeko bizilagunen enplegagarritasuna hobetu, enplegu berezitua bultzatzearen bitartez eta indarrak lehendabiziko enplegua eskuratzera bideratuz.


• Ekintzailetza bultzatu. Haztegi bat egongo da, sortu berriak diren enpresentzat.

• Eskualdeko sektore bultzatzaileak sendotu.

• Hazkundea izan dezaketen sektoreak sustatu.

• Udalerrien arteko lankidetza-jarduerak bultzatu, eskualde-garapenerako proiektuak abiarazteko.

• Parte-hartze publiko-pribatua sustatu.

• Nerbioi-Ibaizabal eskualdea erreferente gisa kokatu, ekonomia- eta enpresa-garapeneko beste proiektu posible batzuetarako. Ikerkuntza bultzatuko duten zentroak izango dira, eta ezagutza horren igortzaileak.

V.- POLITIKA FISKALA EKONOMIAREN ETA ENPLEGUAREN HAZKUNDERA BIDERATU.

Neurri fiskalak mantendu:

Eraikuntzen eta Obren gaineko zerga (ICIO): % 60ko hobaria 200 m2 baino txikiagoak diren lokal komertzialak irekitzeko.

Jarduera Ekonomikoen Zerga (IAE): % 3ko hobaria batez besteko langileen kopurua hazten bada.

VI.- ENPRESA-PROIEKTU BERRIAK ERAKARTZEA.

Aukerako lurguneak daudela aprobetxatu (jabari publikokoak zein pribatukoak direnak, baina ez udalarenak) bultzatzaileak izango diren enpresa-proiektu berriak udalerrira erakartzeko, indargune handiak baititu: komunikazio bikainak beste lurralde batzuekin, dibertsifikatutako sektore ekonomikoak eta enpresa osagarri ugari.

Horretarako, Baskoniako lur-eremuek jarduera ekonomikoak edota mistoak hartu ditzatela proposatuko dugu, eta espetxeko lursailak aska daitezela eskatzen jarraituko dugu, uste baitugu ahalmen handia dutela Basauriko garapen ekonomikorako.


GIZATALDE AHULENENGANAKO ARRETA LEHENETSI

I.- GIZARTE-ZERBITZUAK.

Zaurgarritasun-egoeran dauden basauriarrak babesteko konpromisoa; horretarako, Udaleko Gizarte-zerbitzuetan beharrezkoak diren baliabide ekonomikoak eta giza baliabideak jarriko dira.

Ematen diren laguntzen gaineko kontrol- eta jarraipen-sistemak sendotzen jarraitu, gehien behar dituztenen pertsonengana iristen direla ziurtatzen segitzeko.

Gizarteratze Batzorde bat sortu, eremu horretan lan egiten duten kolektibo nagusiek osatuko dutena. Bere helburua honako hau izango da: jardunbideak koordinatzea eta arrisku- edo babesgabetasun-egoeren aurrean estaldura eraginkorragoa eskaintzea.

II.- ZAHARTZE AKTIBOA.

Autonomia pertsonala izatea garatzen eta bultzatzen jarraitu, prebentzioan eta ohituren sustapenean oinarrituta; baita osasun fisikoari, psikikoari eta sozialari buruzko jardueretan zein prestakuntzan eta aholkularitzan oinarrituta ere (ikastaroen, tailerren eta erakundeen laguntzaren bidez ematen dena).

Adineko pertsonen beharrizanen gaineko ikerketa egin, haien eskaerak zuzenean entzunez, eta txosten horretan jasotzen diren ekintzak egiten hasi.

Ikerketa horretan bizi-kalitatearen hobekuntzarekin, parte-hartze sozialarekin, adineko pertsonen ahalduntzearekin, eta abarrekin lotutako alderdiak aztertuko dira.

Gauzak horrela, ekintza-sorta bat sustatuko dugu, eurentzako hiri atseginagoa sortzen lagunduko duena.


Belaunaldien arteko harremana bultzatu, ikastetxeetan egindako ekimenen bidez eta esperientziak trukatzearen bidez.

III.- LANKIDETZA, ELKARTASUNA ETA BORONDATEZKO LANA.

Udalerriko elkarteek bultzatzen dituzten borondatezko lanetarako programetan parte-hartzea sustatu.

Elkarteek eta norbanakoek elkartasun-ekintzetan parte hartu dezatela eragin.

GAZTEEI AUKERAK ESKAINTZEN DIZKIEN HERRIA IZAN DADILA BASAURI

Gazteen kolektiboekin elkarrizketarako eta parte-hartzerako sareak eta eremuak indartu, ekitaldi honetan abiarazi direnak.

Gazteentzako gizarte-alokairuak bultzatu Sarratuko, San Migeleko eta, etorkizunean, Azbarreneko etxebizitza-sustapenen bitartez, baita etxebizitza hutsak alokatzeko bitartekaritza-zerbitzuaren bitartez ere.

Udalerriko enpresek Basauriko gazte langabeak kontratatu ditzatela sustatu eta erraztu.

Gazteguneetako zerbitzuak eta ordutegiak indartu eta antzematen diren beharrizan berrietara egokitu, azken lau urteetan egin izan den legez.

Ariz-Benta-Uribarri eremuan Gaztegune bat abiarazi.

Kultura-, kirol- eta aisialdi-jarduera gehiago martxan jarri gazteriarentzat, 2011 eta 2015 urteen artean ezarritakoei gaineratuko zaizkienak.

Basauri musika-mugimenduaren erdigunean jarri duten jardunbideekin jarraitu, Social Antzokian zein kalean kontzertuen programazioa sustatuz, eta MAZ eta Rockein gisako proiektuei jarraipena emanez.


KULTURA, HEZKUNTZA ETA KIROLA ONGIZATEAREN ETA GARAPEN EKONOMIKO ETA SOZIALAREN GILTZARRI

BIHURTU

• Kultura sustatzen jarraitu, jarduera zein ordutegi aldetik kultura-eskaintza zabalduko eta berrituko duten aukera eta programa berriak martxan jarrita.

• Social Antzokiko, kultur etxeetako eta auzo-etxeetako programazioa bultzatu eta hobetu, baita asteburuetan kaleetan egiten dena ere, kultura arloan Basauri erreferentzia puntu gisa finkatu dadin.

• Beste ikastetxe batzuetara zabaldu jolastokiak eskola-orduetatik kanpo erabiltzeko programa (“Patio Zabalik”).

• Udalerriko bizitza sozialarekin, asoziatiboarekin eta kulturalarekin harreman estuagoa duen Musika Eskola eredurantz aurrerapausoak eman.

• San Migeleko auzo-etxearen proiektua bultzatu.

• Bizkotxalde parkean espazio estali eta balioaniztun bat gaitu (“Aisigune”), herri-, kultura- eta kirol-ekitaldi gehiago hartzeko ahalmena izango duena.

• Udalerriko herritarrek, elkarteek, kolektiboek eta klubek arlo sozialean, kulturalean eta kirolean egiten duten lan eskuzabala aintzatetsi eta ekitaldi baten bidez balioa eman.

• San Fausto jaietako eredu tradizionalarekiko babesa sendotu, baita San Migel auzoko eta Basauriko beste auzoetako jaiekiko ere.

Udalerriko kirol-instalakuntzak hobetzeko politika finkatu.

Padeleko jokalekuak estali.

Kirol-jarduerak hirigunera hurbildu, tokiko saltokietan eta ostalaritzan duten eragin ekonomikoa areagotzeko.


EUSKARAREN ERABILERAREN SUSTAPENEAN ARRETA JARRI, BAITA GURE ONDAREAREN ETA KULTURA-IZAERAREN

BALIOA AGERIAN JARTZEKO ASMOAN ERE

Jarraipena eman legegintzaldi honetan martxan jarri den udalerriko espazio sozial eta kultural orotan euskara sustatzeko jardunbideari, baina ez bakarrik aipatutako espazio horietan, baita familiartean, lanean, merkataritzan eta ostalaritzan ere.

Udaletxean euskara erabili dadila sustatzen jarraitu, herritarrei arreta egiteko zein lanerako hizkuntza izan dadin.

Finagako arkeologia-multzoari buruzko interpretazio-zentro bat abiarazi, eta gure herriaren eta ezaugarrien gaineko ezagutza sustatu, ikastetxeetako programetan arreta berezia jarriz.

Memoria Historikoari buruzko programa bultzatu, eta dagokion esparruaren barruan ikur faszistak kentzen jarraitu, memoria historikoaren beka deitu, eta indar politiko eta sozial guztien artean ekintza bateratuak sustatu, biktima guztiak oroitzeko asmoz.

GIZONEN ETA EMAKUMEEN ARTEKO PAREKOTASUNA BULTZATU, ERRESPETUAN ETA ZUZENTASUNEAN OINARRITUTAKOA

Gizonen eta emakumeen arteko berdintasunaren aldeko bultzada eta sustapena zeharkako eran jasoko duen araudia onartu.

Beste erakunde batzuekin lankidetza bultzatu, genero-indarkeria egoerei erantzuteko.

MARIENEA dinamizatu, gizonen eta emakumeen arteko berdintasun-politikak garatzeko udalak duen tresna nagusi gisa funtzionatzen jarraitu dezan Basaurin.


basauriko eaj-pnvren hauteskunde egitasmoa 2015eko hauteskundeetarako

Government & Nonprofit