back to school - ng kerk vrystaat nuusbrief - 8 julie... · dit bied leiding aan persone wat...
TRANSCRIPT
MADELEIN NORTJE— “Armoede het ʼn spesifieke reuk – muf, rook en urine.” Dit is onder andere wat dr. Botha van
Aarde van die Kerklike Maatskaplike Dienste Raad (KMDR) van die NG Kerk Sinode tydens ʼn werkswinkel oor strate-
gieë vir die bekamping van armoede gesê het. Hierdie werkswinkel, wat in samewerking met Engo Vrystaat gehou is,
het op Vrydag 19 Junie 2015 by NG Gemeente Ooshoek plaasgevind en is deel van die NG Kerk Vrystaat se 150ste
verjaarsdagsvieringe.
Die geleentheid is deur ongeveer 80 gemeentes bygewoon. Daar is opnuut besef dat armoedeverligting belangrik is,
maar dat Engo en die meeste gemeentes reeds by die verligting van armoede betrokke is deurdat gepoog word om
onmiddellike menslike behoeftes soos kos, klere, skuiling en menswaardigheid aan te spreek.
Die uitdaging is daarin geleë om armoede deur middel van bemagtiging te voorkom. Die term wat algemeen gebruik
word, is Ukuba. Dit is ʼn Zulu-woord wat beteken “om te ontwikkel” of “to become”. Tydens die geleentheid is veral
gefokus op vroeë kinderontwikkeling. Navorsing het reeds duidelik getoon dat kinders wat skoolgereed is, ʼn baie
groter kans het om matriek te slaag en dus die siklus van armoede te breek. Madelein Nortje van Engo het ʼn prak-
tiese handleiding oor vroeë kinderontwikkeling voorsien. Dit bied leiding aan persone wat belangstel om by te dra tot
die ontwikkeling van ʼn baba of kleuter of wat ʼn vroeë kinderontwikkelingsprogram by ʼn speelgroep of sentrum wil
aanbied.
Meer inligting is beskikbaar by [email protected] of
www.ukuba.org.za.
www.engo.co.za
Vir ons Kinders 2015
E-Nuus Julie 2015
Sentrums kan hulle maandelikse nuus en foto’s vir die e-nuus elke maand na
[email protected] stuur.
22 Van Heerden Road, Willows, Bloemfontein | 12552, Brandhof, 9324
t: 051 407 7222 | f: 051 525 2015 | [email protected] | www.engo.co.za 002-671 NPO
Esther Brand was sedert 2009 'n inwoner van Engo se Ons Tuiste hier in Bloemfontein. Suster Lizette Jonker en die in-woners voel reeds die gat in die Groengang: "Sy was 'n trotse dame wat tot haar val nog alles vir haarself gedoen het. Ons sal haar as daardie trotse, onafhanklike mens onthou."
'n 'Goue vrou' - het Volksblad oor haar berig. Engo eer haar vir haar prestasies, haar menswees en die invloed wat sy die laaste paar jaar in Ons Tuiste op soveel inwoners se lewens gehad het.
Ons Tuiste se Mieliebrood
1 koppie mieliemeel
Net meer as 1/2 kop volgraanmeel, gesif
1 teelepel seesout
2 teelepels bakpoeier
1 koppie karringmelk
1/4 koppie heuning
3 eetlepels gesmelte botter of olie
1 koppie gemengde dadels en pruime, gekap
1 eier (opsioneel)
Metode
Klits die eier, karringmelk,heuning en olie (of gesmelte botter) saam. Meng goed met die res van
die bestanddele—gebruik ‘n elektriese klitser. Gooi die beslag in ‘n goed geoliede vierkantige koek-
pan en bak vir byna 30 minute teen 220°C.
Hierdie resep maak ook 12 muffins. (Uit-en-Tuis Junie/Julie 2015)
Luister na die volgende Vir ons Kinders-
onderhoude hierdie maand op Rosestad
(100.6 FM):
9 Julie om 13:15: Ds. Willem Botha oor
Finansiering van dienste vir kinders deur
Departement Maatskaplike Ontwikkeling
16 Julie om 08:15: Veronica Grunder,
Chantelle en Johandi oor My lewe as ‘n
kind in ‘n Kinder– en Jeugsorgsentrum.
23 Julie om 10:15: Magda de Beer oor
aanneming.
30 Julie om 15:15: Hanna van Tonder en
Maggie Breytenbach oor My taak en rol as
kinderversorger.
14—18 Julie: Vrystaatfees! Kom besoek die
Engo- en Volksblad Ons Gee Om-tent oorkant
Marjolein-koshuis! Daar gaan enigiets van
tuisgemaakte sop en brood en kolwyntjies te
koop wees. As jy nie kos wil hê nie, kom skop
jou skoene by ons bonfire uit.
Die Chevy Spark Campus en baie entoesiastiese
verkoopsdames en -here sal
regstaan om Vir ons Kinders-
kaartjies aan jou te verkoop.
Moenie dit misloop nie!
25 Julie: Volksblad Kos– en Kunsmark by Loch
Logan
Mnr. Nelson Mandela het gesê: We pledge ourselves to liberate all our people from the continuing bondage of poverty,
deprivation, suffering, gender and other discrimination. In die lig hiervan bied Engo Vrystaat lekker promosiegeleenthede
op 18 Julie, Mandeladag, aan. Hoe raak ‘n individu of besigheid betrokke?
1) Jy vertel ons van jou blink idee en ons plaas jou by die sentrum waar jy op 18 Julie hierdie blink idee kan uitvoer.
2) Jy/jou besigheid neem ‘n huis/sentrum vir 67 minute aan, wat beteken dat julle ‘n gratis diens/produkte (n.a.v. jou
tipe besigheid) aan daardie huis kan lewer. Kontak Rachelle ([email protected]) vir meer inligting.
3) Jy besoek ‘n huis vir 67 minute en bederf hulle met basiese winterbehoeftes of wenslysies. Stuur ‘n e-pos na
[email protected] vir behoeftelyste en kinders se wenslysies.
Hou ons Facebook-blad dop vir NOG ‘n GROOT GELEENTHEID daardie dag wat vir BAIE PRET gaan sorg!!!!!
JULIE-PROMO’S
Dankie, MIMOSA MALL!
CHRISTA MAREE- Hier ontvang ek (Christa, middel) en
Mitzi op Vrydag, 5 Junie, 20 komberse geskenk deur
Flamingo Rotary, Sunset Rotary en St. Luke Men's
League - almal van Welkom. Al die komberse is by
Winburg Jeugsorgsentrum afgelewer. Tydens ons
vergadering in Winburg verlede week Dinsdag, is die
behoefte aan 24 komberse uitgespreek. Ray (heel
links) het my die Donderdag gebel om te sê dat hulle
die komberse wil skenk. Ons staan eintlik in verwon-
dering hieroor. Dit was so op die regte tyd!
CHRISTA MAREE - Op Vrydag 5 Junie 2015 het ‘n span
van Kindersorg saam met ‘n klomp vrywilligers in
Bothaville, Nala re Thabile Jeugsorgsentrum besoek.
Hulle het die terrein help opknap en met
huishoudelike takies in die sentrum gehelp. Nala re
Thabile wil graag die vrywilligers bedank vir hul hulp
om die sentrum netjies te hou.
Thusano Jeugsorgsentrum spog met nuwe skoene.
Baie dankie aan die volgende borge: G. Vosloo, S.
Wiggett, L. Heiriss, A. Wilson, E. de Jonge en A.
Heiriss.
Welriedal sê baie dankie aan N.G. kerk Welkom
(Moedergemeente) se tannies wat vir al die kinders
van Welriedal (24) mussies, serpe en handskoene ge-
brei het.
CHRISTA MAREE - Die Eikelaners het die koue trotseer
en voor Saambak Bakkery in Bothaville pannekoek
verkoop. Deon en Grace wil graag die kinders see toe
neem en samel op hierdie manier fondse vir die
vakansie in.
Baie vrywilligers help om hierdie droom vir die kinders
waar te maak. Nie een van die 12 kinders was al ooit
by die see nie. Hulle het al R3517 ingesamel!
Tien van ons Engo-babatjies is in Junie bederf met byna
R13 000 se splinternuwe babaprodukte, -klere en
-kombersies, danksy Mimosa Mall se skenking vroeër
hierdie jaar. Cathy Symington en Frikkie van Dyk, die
prinsipaal maatskaplike werkers van onderskeidelik Char-
lotte Theron Kinder– en Jeugsorgsentrum (Bethlehem) en
Ons Kinder– en Jeugsorgsentrum (Bloemfontein) is baie
dankbaar vir hierdie bederf!
CATHY SYMINGTON—Makyla is ‘n inwoner van Charlotte Theron Kinder- en Jeugsorgsentrum en `n graad 8-
leerder van die Maluti Hooglandskool, waar sy aan verskeie sportsoorte deelneem. Die afgelope atletieksei-
soen het sy veral mooi presteer. Sy word in die Vrystaatspan ingesluit op grond van haar prestasies in ver-
spring (eerste plek), hoogspring (derde plek) en spiesgooi en kwalifiseer om in Rustenburg aan die SA Kampi-
oenskappe te gaan deelneem.
Daar verwerf sy ‘n derde plek in hoogspring (bronsmedalje). Vir verspring en spiesgooi kry sy elk ‘n vierde
plek en mis die medaljes met sentimeters. Sy bedank al haar borge wat hierdie geleentheid moontlik gemaak
het.
‘n Sentrum verkoop ’n Vir ons Kinders-kaartjie aan ‘n beampte van die Departement van Maatskaplike Ontwikkeling.
Hier is Madelein Nortje van Engo saam met
dr. Botha van Aarde van die KMDR.
“Dis ‘n woelige knapie, dié.” vertel Willie Sapsford
van Engo, terwyl hy na die seuntjie met die groot oë
op die foto wys. “Dit was omtrént ‘n storie om hom
te kry om stil te sit vir ‘n foto!” *Tshepo is ‘n ses-
tienmaandoue inwonertjie van een van Engo se
Kinder- en Jeugsorgsentrums. Armoede het Ma
*Sara genoodsaak om haar baba vir aanneming op
te gee, met die hoop dat hy die huis en geleenthede
sal kry wat sy nie kan bied nie.
Haar wens word binnekort waar. Klein Tshepo
ontmoet 12 Julie sy nuwe ouers – al die pad van
België! Hierdie is die eerste internasionale aan-
neming wat in die Vrystaat sal plaasvind en Saps-
ford, wat voorheen by die Departement van
Maatskaplike Ontwikkeling werksaam was, fasiliteer
die proses.
Tshepo se nuwe ouers het lankal dié ‘lieflike kind
met groot vreugde aanvaar’. “Kinderloosheid
weens mediese redes, die tekort aan aanneembare
kinders in België en hul behoefte om ouers te wees,
het gelei tot hierdie groot stap om aansoek om ‘n
internasionale aanneming te doen.” sê Sapsford.
Aannemings is ‘n maatskaplike diens wat al vir dek-
ades in Suid-Afrika gelewer word. Dit was aanvank-
lik nie baie prominent nie, maar het baie aandag
begin geniet sedert Kinderwet 38 van 2005 geïmple-
menteer is. Aannemings (nasionaal en inter-
nasionaal) word ook al hoe meer deur die staat
bevorder omdat dit ouerlose kinders die geleen-
theid bied om op ‘n permanente basis deel van ‘n
gesin te word. Hierdie proses word streng deur die
Kinderwet en die Den Haagse Konvensie van 1993
gereguleer, om kinderhandel oor landsgrense te
voorkom.
Engo Vrystaat is onlangs deur die Nasionale Departe-
ment van Maatskaplike Ontwikkeling geakkrediteer
om internasionale aannemings te doen. Sapsford en
Magda de Beer dryf die proses namens Engo, in
samewerking met die Departemente van Maatskap-
like Ontwikkeling, Binnelandse Sake, Buitelandse Sake,
die Sentrale Owerhede vir Aanneming in Suid-Afrika
en België, die geakkrediteerde maatskaplike organ-
isasie in België, asook die voorsittende beampte van
die plaaslike kinderhof. “Soos in die geval van nasion-
ale aannemings, is die internasionale aan-
neemprosedure deursigtig, met ‘n baie streng
keuringsproses in Suid-Afrika en België.” beklemtoon
Sapsford.
Wanneer die ouers 12 Julie voet op Suid-Afrikaanse
bodem sit, moet hulle vir tussen vier en ses weke in
die land bly. Dan word die aanneming gewettig, alle
ander prosedures afgehandel en sal Tshepo sy visum
kry.
Die woelige seuntjie met die groot oë se dae van
ouerloosheid is amper verby - Tshepo gaan huis toe.
Ons kort dringend die volgende babaprodukte:
Beddegoed vir die cot
Warm, fleeze kombersies, wet wipes
Boudjiesalf, doeke, badbenodigdhede
Poeiermelk
1 stootwaentjie
As julle van iemand weet wat kan help, laat weet
dringend vir Jana by 083 948 6453.
SAREL VENTER—Vroeër die jaar is die Pikkewyn-
huis na die NG kerk Bethlehem-Oos se jaarlikse
visvangkompetisie uitgenooi. Oom Sarel het
saam met die seuns gegaan en hulle het ‘n heer-
like naweek gehad. Die manne het ernstig ge-
hengel en die ooms van die kerk het die outjies
wat nog nooit ‘n vistok hanteer het nie, ‘n bietjie
touwys gemaak. Anro en Esias het elkeen ‘n vis
gevang. Ons het ‘n lekker kamp opgeslaan en al
het die reên so bietjie in die middel van die nag
gepla, het ons heerlik in die aand gesit en stories
vertel. Die tannies van Bethlehem-Oos het
gesorg vir genoeg eetgoed en ons lekker bederf.
Die naweek was heeltemal te vinnig verby!
ARMOEDE ‘n PRIORITEIT VIR NG KERK EN ENGO
Back to School Personeel by Engo se provinsiale kantoor het ‘n paar
skoolherinneringe tydens die halfjaarfunksie op 19 Junie
opgeroep. Die tema was ‘Back to School’ en personeel-
lede het lekker saamgekuier, saamgeëet en selfs ‘n paar
toekennings by die prysuitdeling gewen!
Engo het vir 10 dae rondom
Jeugdag in Mimosa Mall
uitgestal. BO: Solomon
Kubanca van die Vrystaatse
Departement van Landbou
koop sy kaartjie. REGS: Koos
Saaiman, wat die motor in
2013 gewen het, is oortuig dat
hierdie jaar weer sy gelukkige
jaar is. Adri Eksteen wys hom
waar om in te vul.
Borge gryp in waar subsidies druk...
De Wet en Ria hou prysuitdeling.
Handri kry haar toekenning.
Die finansiële afdeling (Rika—middel; en Susan –
regs) rebelleer ‘n bietjie...
Trompie (middel) en die res van die Boksom-
bende. Rianka van Negemadi - links; Magda van
Aannemings - regs
Wilna en Benita luister aandagtig na
Skoolhoof De Wet.
Rentia van Vrystaat Jeugsorgsentrums
glimlag ondeund...wat weet jy wat ons nie
weet nie?!
Hier is Rachelle
by van die
Ackermans-
inkopies.
Kieriekaskenades 2015 Ons Tuiste nooi alle bejaardesorgsentrums uit na die eerste Kieriekaskenades! Elke
sentrum kan ‘n span inskryf en enigiemand is welkom, of jy nou in ‘n rolstoel of 4x4
ry.
Een span bestaan uit 8 persone.
Datum: Dinsdag, 6 Oktober
Plek: Groot kerksaal (NG Kerk Aandbloem), Bloemfontein
Registrasie: 08:00 die oggend (Kaskenades begin 09:00)
Inskrywingsfooi: R10 p.p.
HOPE PRYSE TE WEN!!!! Navrae: Teresa by 051 407 7222
Medelye Vir ons Kinders...
Eerste Engo-baba op pad na België
Pikkewyne vang vis
Christa Maree, prinsipaal maatskaplike werker sê spesiaal
dankie:
Sara-Marié Coetzee van Legalwise Welkom het in Februar-
ie 2015 vir Welkom Jeugsorgsentrum en Merafong Jeug-
sorgsentrum genomineer as moontlike begunstigdes van
hul 30ste bestaansjaar. So kry ons toe 2 weke gelede
R30 000—R15 000 vir elke sentrum. Ons wil opreg dankie
sê aan Legalwise, maar ook aan Sara-Marié vir die nomi-
nasie. Broodnodige herstelwerk sal nou aan die sentrums
gedoen kan word.
RINA MAREE - Help U Debt Counsellors Foundation het Gladstone in die afgrond in bederf. Een seuntjie is vyf sweetpak-
kies, twee stelle slaapklere, twee warm baadjies, hempies, ‘n denim, twee pare skoene en 6 onderbroekies ryker.
‘n Ander seun het een paar tekkies en pantoffels ontvang en twee ander elk ‘n warm baadjie.
Die huis het ‘n mikrogolfoond, gasverwarmer en gasbottel gekry en iemand is tans besig om die vyf banke, een stoel en
twee ottomans met ‘n baie goeie kunsleer oor te trek.
Dis nie al nie… hulle het ook twintig van die volgende geskenk: borde, klein borde, bakkies, bekers, messe, vurke, lepels
en teelepels.
Dankie vir julle warm harte in hierdie koue winter!
Express Employment Professionals het op 20 Julie met
hordes kruideniers en partytjiekos by Amor en Carpe
Diem opgedaag. Die koek was skaars gesny, toe Flippie
en sy span van Impact Riders op hulle groot motorfietse
voor die huis stop! Die adrenalienjunkies het hulle gate
uit geniet agter op die ooms en tannie se ghrênd bikes!
Dankie Anzari en jou span vir die baie pret en plesier—
ons het lanklaas soveel kinders so hard gehoor lag.