augustus 2015uitgawe 5 die leipoldt bilting quiche rugby en netbal - cpl 6 7 lief en leed jongspan...
TRANSCRIPT
1
K u i e r t j i e b y
O p a e n
O u m a
O p
d i e
S t o e p
N U U S B
L A D
Augustus 2015 Uitgawe 5
NUUSBLAD
Die Leipoldt
S o o n t h o u o n s . . .
I N H I E R D I E
U I T G A W E
Uit die pen van Ds.
Hennie de Kock 2
Sproeireën - Gedig
Klawer Eisteddfod
3
3
Uitdrukking oor henne
4
Vitamiene vir die Siel
Ballet - CPL
5
5
Resep: Bilting Quiche
Rugby en Netbal - CPL
6
7
Lief en Leed
Jongspan
Karoolus en Lente
8
9
9
Advertensies
Ten Slotte
10
11
Die slot, deur ‘n Hollander
met die van, Van Dam,
gemaak, is ongeveer 300
jaar oud. Daar is slegs
twee van hierdie soort
houtslotte in die wereld,
en een van hulle is die een
op die plaas Wadrif
Die deur was eers ‘n toe-
gangsdeur van ‘n
wynkelder, wat tans ‘n
motorhuis is. Die slot is
gemaak van ysterhout. Die
deur is ‘n ysterhoutdeur en
werk met ysterskaniere
wat met die hand gesmee
is. Die slot het twee
sleutels wat horisontaal in
die slot geplaas word. Elke
sleutel het dan verskillen-
de houtblokkies op soos ‘n
gewone sleutel se tande.
Die onderste moet
horisontaal gelig word so-
dat dit die boonste sleutel
se blokkies gelyktydig kan
oplig en sodoende die slot
oop te sluit. Die deur is
aanmekaar gesit met
handgemaakte spykers
genoem kapspykers. Die
spykers is omgekap en
deur die jare se verwering
is die spykers nou sigbaar.
Dit is ook ‘n teken van die
ouderdom van die deur.
Die deur is in 1960 vanaf
die ou kelder verskuif na ‘n
vertrek waar die deur
heeldag in die skaduwee is,
om verdere verwering te
voorkom. Die vertrek
waar die deur tans as deur
gebruik word, is die brood-
huis genoem waar die ouer
mense hul gebakte brode
gestoor het. Hierdie ver-
trek word tans as ‘n stoor-
kamer gebruik.
(Hugo en Madel Louw)
‘n Houtslot en houtsleutels op Wadrif,
waarvan daar net twee in die wêreld is.
Die Sederhoutdeur met die
ysterhout slot.
Links: Die twee
Houtsleutels vir die
Ysterhoutslot
Regs: Ysterhoutslot
met die
houtsleutels
2
U I T G A W E 4 D i e L e i p o l d t
Uit die pen van ...
Die roetine van selfdissipline
Filippense 4:8
“Vriende, ek wil vir julle nog iets sê. Julle moet
altyd dink aan die dinge wat waar is, wat mooi is,
wat reg is, wat rein is, wat pragtig en goed is. Ja,
julle moet dink aan alles wat mooi is, alles waarop
’n mens trots kan wees” (Die Bybel vir almal)
Romeine 14:7 – 8
Ons lewe nie om onsself te dien nie en ons sterf
nie om onsself te dien nie. Wanneer ons lewe, dan
lewe ons om die Here te dien. En wanneer ons
sterf, dan sterf ons om die Here te dien. Ja, wan-
neer ons lewe, dan behoort ons aan die Here, en
wanneer ons sterf, dan behoort ons aan die Here.
Sonder roetine in jou geestelike lewe vorder jy op
die ou end nie veel in die regte rigting nie.
Om vir die Here te leef is nie iets wat vanself kom
nie.
Mense weet nie instinktief wat die regte dinge is
om te doen nie en hulle doen nie sommer uit hulle
eie mooi dinge vir God en vir ander nie.
Nee, 'n sterk geestelike lewe is die resultaat van
gereelde, gedissiplineerde, oefening in God se
gimnasium.
Dissipline beteken reëlmaat; dit impliseer 'n
bepaalde geestelike ritme van Bybelstudie, gebed,
stilte en gehoorsaamheid aan God wat deur dik en
dun volgehou word.
Selfdissipline kom van binne af.
As jy nie innerlik gemotiveerd is om te doen wat
God vra nie, gaan eksterne motiverings, soos
dreigemente dat God jou gaan staf of emosionele
druk van die kant van ander Christene net vir 'n
rukkie werk.
Maar hoe raak mens hier binne-in jou oortuig dat
jy moet vasbyt in jou studie van God se Woord en
in gebed?
Dit gebeur net as jy oop is vir die leiding van die
Heilige Gees. Hoe meer jy op sy golflengte ingestel
is, hoe meer oortuig Hy jou wat die regte dinge is
om vir God te doen.
Hy steek'n vuur in jou binneste aan wat maak dat
jy opreg begin honger na God.
Die Gees bring 'n dors in jou hart wat tot gevolg
het dat jy soos 'n wildsbok in 'n dorre woestyn
smag na God se lewende water.
Dan is dit jou kos om die Bybel te lees en jou
drank om aan God se voete te sit.
Dan is selfdissipline nie iets wat 'n sware las is nie,
maar net mooi die teenoorgestelde.
Dan is jou eenkanttye saam met God juis die hoog-
tepunt van jou dag. Dit is jou kragbron.
Selfdissipline raak egter nie net jou stiltetyd nie.
Nee, dit raak ook die detail van jou lewe.
Dit raak die manier hoe jy praat, dink, optree. Dit
maak dat jou ganse menswees tot in die fynste
besonderhede onder God se aktiewe beheer staan.
Jy het selfdissipline wanneer:
jy gereeld tyd in gebed met God
deurbring, maak nie saak hoe besig jy
is nie;
die Woord 'n integrale deel van jou
lewe uitmaak;
jy jou plek in die kerk Sondae
inneem, asook by 'n Bybelstudie,
wyksbyeenkoms of ander geloofsge-
meenskap geleendhede;
jy uit jou pad gaan om andermense
se nood in gebed na God toe te
neem;
jy nooit jou liggaam afskeep nie,
want jy is 'n tempel van God;
jy nooit toelaat dat verkeerde kyke
of slegte begeertes die botoon in jou
lewe voer nie;
jy jou aktief daarop instel om vir
ander om te gee;
jy bereid is om groot offers te bring
as jou geloof dit van jou vra. God kom
immers altyd eerste in alles wat jy
dink, doen en sê;
jy gereelde tye van stilte en
afsondering in jou program inbou.
Sonder selfdissipline is jou geloof gedoem tot
middelmatigheid en tot voortdurende kompromieë
met sonde.
Sonder selfdissipline doen jy net wat jy wil wan-
neer jy wil.
Jy gaan kerk toe as jy so voel en bid wanneer jy
lus het.
Dan is jou geestelike lewe soos 'n wipplank.
Eendag is dit bo en die volgende dag is dit weer
onder.
Jy het die keuse of jy heeltyd so wil leef en of jy 'n
gedissiplineerde, geoefende geloofslewe wil hê.
Wel, as jy laasgenoemde moontlikheid kies, moet
jy maar net jou voet op God se pad plaas en dit
daar hou.
Dis al. Die res kom vanself.
U I T G A W E 5 D i e L e i p o l d t
Uit die pen van Ds. Hennie de Kock ... Toets vir Vergifnis
Die opdrag om ander te vergewe, is in sommige gevalle makliker uitvoerbaar as in an-der! As dit byvoorbeeld nie werklik ’n groot en moedswillige misstap is wat ’n ander teen jou begaan het nie, as dit jou nie werklik seergemaak het nie, en veral as dit jou vriend is wat jy moet vergewe, is dit darem nie té moeilik nie. Maar, as die een wat jou te na gekom het, jou vyand is, as hy of sy ’n groot moedswillige misstap begaan het, as dit jou werklik seerge-maak het dan lyk die saak an-ders! Juis hier lê die ware toets vir vergifnis. Is ek bereid om ook mense wat my lewe op ’n ingrypende, negatiewe wyse geraak het, van harte te vergewe? Is ek bereid
om op te hou sê: ’’n oog vir ’n oog en ’n tand vir ’n tand? (Matt. 5:38) 38“Nog ’n bevel wat julle goed ken, is die volgende: ‘’n Oog vir
’n oog en ’n tand vir ’n tand.’ Oftewel: oortredings moet
regverdig gestraf word. 39“Ek sê egter vandag vir julle: julle
moenie mense wat julle sleg behandel probeer terugkry nie…
Dit kan die dronk motorbestu-urder wees wat my kind doodgery het, die rower wat my motor gekaap het, die nalatige dokter wat my gesondheid ’n knou gegee het, die mens wat my in die verlede afgeknou of verneder het. So sou ons kon opnoem... die gemeentelid wat my in be-sigheid te nagekom het, die een wat my gevloek het en van my geskinder het. Die gemeentelid wat my skerp-bytend geant-woord het, die een wat altyd dwarstrek, nie eers dankie sê vir wat ek gedoen en opgeoffer het nie, die een wat altyd sy sin wil hê… Kan ek hulle vergewe? Matt. 5: 43 – 48 sê: 43 “Julle ken ook die ou opvat-ting: ‘Wees lief vir jou naaste. Haat jou vyand.’ 44 “Wel, dit is nie waar nie. Ek sê vandag vir julle dat julle ook julle vyande moet liefhê. Bid vir almal wat julle swaar laat kry en julle vervolg. 45 Dan leef julle regtig
soos kinders van God. Want Hy
doen goeie dinge vir almal. Hy laat die son skyn oor goeie men-se en oor slegte mense. Hy laat dit ook reën oor goeie mense se grond en oor slegte mense se grond. 46 “As julle net daardie mense liefhet met wie julle goed oor die weg kom, moet julle nie verwag om daarvoor ’n medalje vir goeie diens by God te kry nie. Almal doen dit tog, ook slegte mense wat nie in God glo nie. 47 As julle net julle familie en vriende groet, het julle nog niks spesiaals gedoen nie. Selfs die grootste sondaars groet ook hulle vriende. 48 “Julle moet soos julle hem-else Vader wees. Hy het almal hier op die aarde lief. As julle ook vol liefde en respek optree teenoor almal met wie julle te doen kry, doen julle presies wat die wet van julle vra. Dan stap julle in julle hemelse Vader se voetspore. Dan is julle net soos Hy!” Slegs die wete dat God ons vergewe het, kan maak dat ons ander ook vergewe.
Ek sê vandag vir julle dat
julle ook julle vyande
moet liefhê. Bid vir almal
wat julle swaar laat kry en
julle vervolg. Dan leef
julle regtig soos kinders
van God
3
U i t g a w e 5 D i e L e i p o l d t
Klawer Eisteddfod
Klawer Eisteddfod het op 31 Julie
2015 plaas gevind en die volgende
Leipoldtvillers het presteer:
Sproeireën
(DJ Opperman)
My nooi is in ‘n nartjie,
my ouma in kaneel,
daar’s iemand …. iemand in anys,
daar’s ‘n vrou in elke geur!
As ek ’n stukkie nartjieskil
tussen my vingers buig of knak,
breek uit die klein sproeireën
wat geurend om my hand uitsak,
die boorde weer van Swartfoloos
en met die nartjies om my heen
weet ek hoe dat ’n vrou kan troos.
My nooi is in ‘n nartjie,
my ouma in kaneel,
daar’s iemand …… iemand in
anys, daar’s ‘n vrou in elke geur!
Arlene Visser
Twee spraak - Goud 83%
Nerine Visser
Twee spraak - Goud 87%
Engelse Voordrag - Cum Laude/Dubbel Goud 93%
Afrikaanse Voordrag - Goud 83%
JG Visser
Twee spraak - Cum Laude/Dubbel Goud 95%
Engelse Voordrag - Cum Laude/Dubbel Goud 95%
Afrikaanse Voordrag - Goud 87%
Visuele Kuns - Goud 86%
Anrica Koegelenberg
Afrikaanse Voordrag - Cum Laude/Dubbel goud 92%
Arlene Visser Nerine Visser
JG Visser Anrica Koegelenberg
4
U i t g a w e 5 D i e L e i p o l d t
Uitdrukking: ‘n Eiewys hen lê die eier opsy.
Betekenis: Iemand wat nie na raad luister nie, begaan foute.
Uitdrukking: Die hennetjie wat eerste gekekkel het, het die eier gelê.
Betekenis: Die persoon wat eerste gepraat het, is skuldig.
Uitdrukking: Die hen/gans wat die goue eier lê.
Betekenis: Die bron wat baie voordeel bring.
Uitdrukking: Die henne wat die meeste kekkel, lê nie die meeste eiers nie.
Betekenis: Die wat die meeste praat, doen nie noodwendig die meeste nie.
Uitdrukking: ‘n Hen wat kraai word (die) nek omgedraai (en ‘n meisie wat fluit word by die deur uitgesmyt)
Betekenis: ‘n Berisping aan meisies wat fluit.
Uitdrukking: ‘n Blinde hen kry ook partykeer ‘n mieliepit.
Betekenis: Selfs die onwaarskynlike kan gebeur.
Uitdrukking: Loop soos ‘n hen wat nes soek.
Betekenis: Rusteloos rond en bont loop.
Uitdrukkings oor henne ...
Maroela Media
Baie dankie aan Jolanda Visser vir die pragtige
fotos van Mieke en Heino.
5
U i t g a w e 5 D i e L e i p o l d t
‘n Onaangename dag
Ek sal nooit gelukkig kan wees as ek geen kontrole hou
oor my gevoelslewe nie, wanneer my dag bederf word
deur ‘n stamp aan my motor, ‘n verkeerde woord tuis,
‘n vergissing in die werk, ‘n mislukte afspraak, ‘n mind-
er goeie resultaat, ‘n kous of das wat verkeerd sit.
Ek sal nooit gelukkig kan wees as ek die slagoffer van my
emosies is nie, slaaf van my drange, en gevange in
stompsinnige verwagting.
Ek moet dit weer eens sê dat geluk nie soveel te make
het met rykdom en besittings nie.
Geluk kom nooit per bankrekening of postjek nie.
Vermaak en plesier en ‘n oorsese vakansie kan jy koop,
maar ‘n sorgvrye en tevrede hart, wat ‘n mens dit wat jy
het laat geniet , is nooit en nêrens te koop nie. Dit is
onbetaalbaar!
Vitamine vir die Hart
Phil Bosman
Op die 20ste Junie 2015 het die ballet dogters van die Christelike Privaatskool Leipoldtville
aan die “Lambertsbay’s Got Talent” deelgeneem. Die dogters het hulle goed van hul taak
gekwyt. Marquerite Louw is as ’n toekomstige dansertjie uitgewys. CPL is baie trots op
hierdie dogters en wil graag vir Patsy Newman , hul afrigter, vir haar insette bedank.
Ballet
6
D i e L e i p o l d t U i t g a w e 5
Zelda Louw se Biltong Quiche
(4-6 Porsies)
Biltong en rugby is mos beste maats. Die
quiche resep sal beslis ‘n gunsteling word.
Hierdie resep is deur Zelda Louw ingestuur
en ek verstaan nou waarom Hentie so
graag rugby kyk …
Bestanddele:
1 x 400 g Broskorsdeeg
100g sterk cheddarkaas, grof gerasper
160g gesnyde beesbiltong
2 eiers
250 ml room
Varsgemaalde swartpeper na smaak
Verhit oond tot 180°C. Rol broskorsdeeg
op ‘n meelbestrooide oppervlak dunner uit.
Voer ‘n gesmeerde tertbord van sowat 18cm met
deeg uit. Sprinkel kaas onder in tertbak en rangskik
biltong bo-op. Klits die eiers en room saam en gooi
oor kaas en biltong, geur met peper. Bak vir sowat
35 minute tot eiermengsel gestol het. Bedien warm
of wanneer afgekoel.
Wenke:
- Klam Biltong werk die beste
- Vars kruie kan na smaak bygevoeg word.
Resep is uitgetoets en geillustreer
deur Marlena du Toit.
7
U i t g a w e 5 D i e L e i p o l d t
Op die 25ste Julie 2015, het die seuns en
dogters van die Christelike Privaatskool
Leipoldtville aan ‘n sportdag by Nouveau
Kollege deel geneem. Dit het baie goed
gegaan met beide spanne. Baie dankie
aan Wimpie Louw vir die afrigting van
die rugbyspannetjie wat dan ook hulle
eerste wedstryd gewen het. Baie dankie
ook aan die CPL onderwyseresse vir die
netbalspannetjie se afrigting.
Rugby en Netbal
8
U i t g a w e 4 D i e L e i p o l d t
Lief en Leed
Wimpie en Cecile Louw se
seuntjie, Wilru, is op 2 Julie 2015
gebore.
Driaan en Marguerite Louw is baie
trots op hul pragtige bababoetie.
Johan en Lida Botha verhuis in
Augustus 2015 na de Rust
naby Oudtshoorn.
Albert Robertson se
gedenkdiens is op
1 Augustus 2015 deur Ds.
Hennie de Kock waargeneem.
9
U i t g a w e 5 D i e l e i p o l d t
Matteus 21: 22 As julle glo, sal julle al-les ontvang wat julle in die gebed vra.
Ek voel ons onderskat die krag van gebed.
Deur in Hom te glo en te bid kan won-
derwerke in ons lewens gebeur.
Carla O’Connell Gr. 10
Christelike Privaatskool
Leipoldtville se leerders
was baie bevoorreg om
Oom Karoolus en Lente
die 23ste Julie 2015 by
hulle op Leipoldtville te
ontvang.
Die leerders het Oom
Karoolus en Lente vrees-
lik geniet en lekker saam
met hulle gedans en ges-
ing.
Die lessie wat hul gebring
het was baie waardevol
en die kinders het baie
geleer.
Oom Karoolus en Lente besoek CPL
10
D i e l e i p o l d t U i t g a w e 5
R350 000-00
Skakel Henk van Zyl vir inligting
Graafwater
8533m2
083 260 5669
Erf te koop
GESOEK: WONING TE HUUR
Oktober tot November 2015
In Leipoldtville omgewing
Bianca Gersbach
072 461 7452
ADVERTENSIES
Skriba Leipoldtville Gemeente
Ds. Hennie de Kock 083 263 0099
Elsabe Carstens 083 225 6536
Kerkkantoor 027 412 2844 Sluit- ingsdatum: 25 September 2015
Epos: [email protected]
Vakante Pos
Kontak
Triple J Lodge
Was van:
Alle matte, kussings en matrasse
Voertuie - Binne, buite, bagasie-bakke en sitplekke
Karavane (Kussings ens)
Motorbote (Sitplekke)
Sitkamerstelle
Oorpakke en kleure
Estelle: 081 577 6951
Lambertsbaai
Graafwater Kayser’s
Skoonmaak Dienste
11
In Augustus vier ons Vrouedag en daarom was my inspirasie die
henne en die gedig Sproeireën van DJ Opperman… my nooi is
in ‘n nartjie, my ouma in kaneel, daars iemand in anys, daars
‘n vrou in elke geur.
Ek wil net baie dankie sê vir die terugvoer wat ek steeds na elke
uitgawe van Die Leipoldt ontvang.
As iemand foto’s van die Leipoldt Kuierfees geneem het, kan
julle dit gerus instuur, sodat ons van die fotos in ons volgende
uitgawe kan gebruik.
Stuur asseblief enige voorstelle of nuus na
Redaktrise: Karien O’Connell
Redigering: Gideon van der Merwe
Ten Slotte
Leraar:
Ds. Hennie de Kock
Tel/Faks: 027 4122823
Sel: 083 263 0099
Koster:
Carol Loubser
Tel: 027 422 1347
Sel: 073 419 2830
Kassier:
Corlia Carstens
Tel: 027 4221030 (h)
Sel: 083 632 4284
Skriba:
Lida Slabber
Tel: 027 412 2331 (h)
Sel: 083 866 7760
Kerkkantoor
Tel: 027 412 2844 Faks: 086 210 7798
NG Kerk Leipoldtville
U i t g a w e 5 D i e l e i p o l d t
Gemeentebestuurder
Elsabe Carstens
Tel: 027 422 1802