Aru Tubaraniya Ri Gowa Atta..Karaeng Tabe Kipammoporang Mama Ridallekang Labbiritta Riempoang Matinggita Risari Karatuanta Inakke Minne, Karaeng Lambara Tatassalana Gowa Nakarappekangi Sallang, Karaeng Pangngulu Ribarugaya Nanatepokangi Sallang Pasorang Mattangnga Parang Inai-Inaiannamo Sallang, Karaeng Tamappattojengi Tojenga Tamappiadaki Adaka Kusalagai Sirinna Kuisara Parallakkenna Berangja Kunipatebba Pangkulu Kunisoeyang Ikatte Anging, Karaeng Naikambe Lekok Kayu Ammiriko Anging Namarunang Lekok Kayu Iya Sani Madidiyaji Nurunang Ikatte Jene, Karaeng Naikambe Batang Mammanyu Assolongko Jene Namammanyu Batang Kayu Iya Sani Sompo Bonangpi Kianyu Ikatte Jarung, Karaeng Naikambe Bannang Panjai Taleko Jarung Namamminawang Bannang Panjai Iya Sani Lambusuppi Nakontu Tojeng Makkanamamaki Mae, Karaeng Naikambe Mappajari Mannyabbu Mamaki Mae Karaeng Naikambe Mapparupa Punna Sallang Takammaya Aruku Ri Dallekanta Pangkai Jerakku Tinra Bate Onjokku Pauwang Ana Ri Boko Pasang Anatanjari Tumakkanaya, Karaeng Natanarupai Kananna Sikammajinne Aruku Ri Dallekanta Dasi Nadasi Natarima Pangngaruku Nasaba Alla TaAla Salama

Aru Tubaranina Bajeng Cini-cinimami sallang karaeng Ikambemami anne tumakkana tojeng Burane tenang teaya Pangngului batang jambua Tonasa tamanrabaya Ia-Iannamo sallang karaeng Tampa tetea riada Tampa dongkoka rikontu tojeng Ia-Iannamo sallang karaeng Manrumbang-rumbangi ia Bulu kipammanjengia Kaloro pajukukanta Mantatta-tattaki ia Kaleleng ki pattagallia Ku pannepokangi sallang Pasorang mattangnga parang Kupannumbeangi pole Balembeng ri barugaya Tojeng karaeng!!!