arte gótica - edu.xunta.gal · arte gótica ana navas, 2010‐11 1
TRANSCRIPT
Arte gótica
Ana Navas, 2010‐11 1
III. A escultura gótica ANUNCIACIÓN E VISITACIÓN DA CATEDRAL DE REIMS
1. Clasificación Cronoloxía: 1230‐1260 Estilo: escultura gótica Comitente: o bispo dirixe e promociona as obras da catedral. Autores: coñecidos como mestre do sorriso e mestre clasicista 2. Contexto histórico‐artístico
Aplicar o contexto do gótico que teñades preparado, engadindo algo específico da escultura (páxs.180‐181).
3. Breve historia da catedral Ver o documento de Reims en arquitectura. 4. Análise e comentario
Estrutura: o grupo escultórico da Anunciación e da Visitación sitúase na xamba dereita da porta central da fachada occidental da catedral de Reims. Trátase dunha portada monumental que contén os elementos construtivos constantes neste tipo de edificios góticos: grandes arquivoltas de arcos apuntados coroados cun gran gablete, tímpano, parteluz, lintel e xambas. Nesta portada se desenvolve un completo programa iconográfico de temática mariana. A arquitectura segue a ser o marco propio da escultura, sen embargo no gótico variou dita relación xa que a distribución da escultura é menos caótica e aínda que as figuras estivesen adosadas a soportes arquitectónicos estas tenden a “saír” e adquirir un volume completo. Os doseletes que protexen algunhas estatuas e as peañas, incrementan este efecto de independencia.
Contido iconográfico e elementos formais A. Anunciación. Mestre do sorriso.
Tema iconográfico: o anxo anuncia a María a súa maternidade. Grupo composto por dúas estatuas: María e o anxo que sorrí. Inspirado polos modelos cortesáns de arte amable.
Caracterízase por: • Naturalismo evidente na humanización das actitudes. O anxo sorrí,
mentres que María permanece en actitude humilde. • Solemnidade, en relación coa trascendencia do representado • Beleza idealizada nos rostros. • Movemento a partir da xesticulación dos brazos, as súas cabezas
inclínanse. Contraposto no anxo. • Pregas con pouco volume, ríxidas, rectas e en ángulo, especialmente en
María que marcan a verticalidade. • Independízanse do marco arquitectónico • Están sobre unha peaña
B. Visitación. Mestre Clasicista Tema iconográfico: visita de María a súa curmá Sabela. Inspirado polos
modelos da arte clásica Caracterízase por:
• Naturalismo especialmente marcado en reflectir a diferenza de idade entre María e Isabel. Realismo nos rostros, expresivos e diferenciados, especialmente Isabel
• Movemento en S, as súas cabezas inclínanse e as súas mans xesticulan
Arte gótica
Ana Navas, 2010‐11 2
• Tratamento clásico, seguramente inspirado en modelos romanos antigos: contraposto, perfección nos pregamentos profundos que envolven os corpos que se adiviñan baixo a roupa.
• Actitude serena. Conversan, xestos • Independízanse do marco arquitectónico • Están sobre unha peaña
Características da escultura gótica: 1. NATURALISMO GÓTICO, represéntase o mundo visible tal e como é, o ser
humano e a natureza comezan a ser de novo valorados, consecuencia dunha nova visión do mundo influída pola filosofía Escolástica (Sto.Tomás de Aquino) e polas Ordes Mendicantes (Franciscanos) que favorecen o achegamento á natureza como creación divina. As esculturas gañan tamaño e melloran as proporcións, teñen expresividade, actitude dialogante xa que con frecuencia forman grupos de gran forza expresiva. Hai tamén no período que estudamos un avance manifesto nas proporcións das figuras e na mellora técnica.
2. MOVEMENTO: lonxe da frontalidade e do hieratismo románicos. 3. TRATAMENTO DAS ROPAXES: as pregas, cada vez máis abundantes e con maior
sensación de peso e movemento, poden ser brandas ou angulosas (incluso se recorrerá aos panos mollados de tradición clásica).
4. SENTIDO NARRATIVO, utilizando recursos moi variados: relación e diálogo entre os personaxes, potenciación dos xiros, escorzos, torsións, olladas.
5. A PORTADA continua sendo o seu soporte principal, pero no Gótico a distribución da escultura é menos caótica. Nas xambas, igual que no parteluz, aínda que as figuras estean adosadas a soportes arquitectónicos, tenden a adquirir un volume completo e a independizarse do marco arquitectónico.
6. Os doseletes que as protexen e as peañas sobre as que se asentan, incrementan este efecto de independencia.
7. A ICONOGRAFÍA DE MARÍA alcanza unha gran difusión e variedade. O culto mariano foi especialmente impulsado pola Orde do Císter e a súa iconografía aparece nos tímpanos, nos parteluces, gabletes, etc. Os motivos máis representados nos relevos das portadas fan referencia ao ciclo desde a Presentación da Virxe nena no templo ata a súa Coroación, Morte (Durmición) e Asunción de María. Mantéñense tamén os temas da Visitación e da Anunciación. Pero sen dúbida é a María nai de Cristo a iconografía más tipicamente gótica, a representación convértese en escena íntima e maternal. Función didáctica: A función didáctica que teñen as imaxes na arte occidental
cristiá desde a Alta Idade Media perdura no mundo gótico. Ensinar aos fieis, polo xeral analfabetos, os dogmas e principios do Cristianismo. A Igrexa domina o panorama cultural e as imaxes instrúen aos fieis, ensinándolles os camiños para chegar ao Paraíso. O home, creado por Deus, para salvarse debe imitar a vida de Cristo e dos santos, que se lle ofrecen como modelo. Pero a imaxe de Deus xa non é terrible e xusticiera, coma no Románico, senón paternal ao que colabora a presenza de María como mediadora.
Función simbólica: A portada representa a porta do ceo e da casa de Deus e advirte da importancia de traspasar o seu umbral, é o lugar, reservado aos crentes, polo que se abandona o mundo profano e se penetra no mundo de Deus.
Arte gótica
Ana Navas, 2010‐11 3
En conclusión, conxunto escultórico característico e representativo do século
XIII cos trazos propios do gótico tanto na temática da vida de María coma no tratamento das figuras. Os dous grupos mostran trazos diferenciadores, o primeiro afonda na expresividade das imaxes (Anunciación) e o segundo recupera trazos estéticos do mundo clásico (Visitación).
‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐………………………..‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐ IMAXES:
1. Portada central 2. Xamba dereita: Anunciación e Visitación