Paglitaw ng mga Unang Tao

Ang Simula ng Lahi ng Tao

?

Mga Teorya Maka-Relihiyon sa Paglikha sa Tao

Babylonian – Sa paniniwalang ito ng mga Babylonian, natalo ni Marduk na tagapagtanggol ng mga Diyos sa isang labanan si Tiamat na kinikilalang diyos ng karagatan.

Inca – Ayon sa mga Inca na isang sinaunang lahi sa Timog America, mayroong isang malaking lawa sa daigdig noon. Mula sa lawang ito ay lumitaw ang kanilang diyos na may dala-dalang mga tao.

Pilipinas - Alamat ni Malakas at Maganda / Silalak at Sibabay.

Kristiyanismo / Judaismo – Ang paniniwalang ito ay ukol sa paglikha sa tao ay nakatala sa unang aklat ng Bibliya ng mga Kristiyano at ng Torah ng mga Hudyo na tinatawag na Genesis.

Mga Teoryang Siyentipiko sa Pinagmulan ng Tao

Si Charles Darwin ay isang siyentipikong Ingles, kung saan nagkamit ng pangmatagalang kasikatan bilang tagapagsimula ng teorya ng ebolusyon ng mga tao.

Ang libro ni Darwin ay ipinakilala ang teorya na ang mga populasyon ay nagbagao sa loob ng mahabang panahon sa pamamagitan ng proseso ng likas na pagpili o Natural Selection.Ipinahayag nito na ang pagkakaiba-iba ng anyo ng buhay ay nagsimula sa iisang pinanggalingan sa pamamagitan ng pagsasanga ng kaparaanan ng ebolusyon.

Mga Sinaunang Kalahi ng Tao

Ang mga tao ay kalahi ng pamilya ng mga primates na kinabibilangan ng mga unggoy, bakulaw, lemur at mga tarsier. Natatangi sila sa pagkakaroon nila ng malalim na uri ng paningin o stereoscopic vision, kakayahang humawak ng mga bagay gamit ang mga daliri at pagkakaroon ng may kalakihang utak.

Dryopithecine – Isa sa mga kinikilala sa mga kanununuan ng tao at nang modernong mga unggoy. Sila ay nabuhay sa mga kagubatan ng Africa at India may 20 milyong taon na ang nakalilipas.

Ang Paglitaw ng mga Hominid

Hominid - Ang maagang anyo ng tao. Ito ay kabilang sa pamilya na binubuo ng mga nilalang na kawangis ng tao. Sila ay lumitaw sila may 4 hanggang 1 milyong taon na ang nakararaan.

Kabilang sa mga unang hominid ang Australopithecus Africanus at ang hugut na malaking australopithecus robustus. Mas kilala sila sa tawag na Australopithecine o Southern Man.

Australopith – wangis bakulaw subalit may kakayahang maglakad gamit ang dalawang paa (bipedalism)

Bipedalism – paglakad gamit ang dalawang paa

Lucy – Isa sa mga naging kilalang Australopith na natagpuan noong 1974 ng pleontologong Amerikanong si Donald Johnsson. Kinakalkulang nabuhay si Lucy 3.2 milyong taon na ang nakakalipas.

Ang mga Homo – ang mga Kauna-unahang Tao

Homo - Salitang Latin na ang ibig sabihin ay “tao”. Isang uri na kabilang ang tao at mga lahi na hawig dito.

Homo Habilis at Homo Rudolfensis – itinuturing na mga unang homo. Ang dalawang ito ay makabago na ang itsura at mayroong nang kakayahan na gumawa ng mga kagamitan o tools.

Homo Ergaster at Homo Erectus – ang mga homo na ito ay may mas higit na modernong mga bungo nahalos kahugis ng sa modernong tao.

Homo Erectus – (taong naglalakad ng tuwid) natatagpuan ng isang Dutch na si Eugene Dubois.

Ang Paglitaw ng Modernong Tao

Taong Neanderthal - Isang ubos na lahi ng uring homo na natagpuan sa Europa at bahagi ng kanluran at gitnang Asya. Natagpuan noong 1856 sa Neanderthal Valley sa Alemanya.

Homo Sapiens – (unang taong nag-iisip) ang taong Neanderthal ay halimbawa ng Homo Sapiens sa Kanlurang Asya at sa Europa.

Homo Sapiens Sapiens – o modernong tao, may higit nang kakayahan sa pamumuhay, pananalita at pakikipag-ugnayan.

Ang Ebolusyon ng Tao

Modelo ng Maraming Rehiyon – Sa modelong ito ay sinasabi na mula sa Africa ay kumalat sa maraming bahagi o rehiyon ng mundo ang ating mga ninuno.

Modelong “Mula sa Africa” – Sinasabi ng modelong ito na ang mga homo erectus na kumalat sa iba’t ibang bahagi ng daigdig ay hindi na naging homo sapiens.

Danny De Jesus - Magdaraog