akta ohiko osoko bilkura 2019-03-11 2019/akta...2019/03/11 · jarraian alkateak, udalbatzak...

AKTA

OHIKO OSOKO BILKURA

2019-03-11

Bilera: Ohiko Osoko Bilkura

Bilera-zenbakia: Lehenengo deialdia

Eguna: 2019-03-11 (astelehena)

Ordua: 18:30-19:25

Tokia: Dimako udaletxeko batzar aretoa

Bertaratuak:

Nekane Intxaurtza Etxebarria, Alkatea

Ibon Iza Totorika, zinegotzia.

Jose Maria Atutxa Olabarri , zinegotzia .

Francisco De Borja Ruiz Huerta, zinegotzia.

Maria Yolanda Palacios Palacios, zinegotzia.

Iurdana Acasuso Atutxa, zinegotzia.

Josu Gorospe Lapatza, zinegotzia.

Francisco Javier Arteaga Plaza, zinegotzia.

Jose Antonio Aurrekoetxea Olabarria, zinegotzia.

Felix Perez Santirso, idazkaria

Bertaratuezinak:

Diman, udaletxeko batzar aretoan, bi mila ta hemeretziko martiaren

hamaikako arrastiko sei t´erdiak diranean, goian aipatutako zinegotzi jaun-

andreak bildu dira Nekane Intxaurtza Etxebarria alkate buru dala eta Felix Perez

Santirso idazkariaren laguntzaz.

Jarraian Alkateak, Udalbatzak 19-01-22ko aktaren zuzenketa hurrengo

bilkurarako itxi ondoren, gai zerrenda aztertzeari ekin dautso.

GAIAK

1. 01/19 aurrekontu aldaketaren onarpena.

2. 2019.rako ibilgailuen errolda eta borondatezko ordainketa epearen onarpena.

3. Errota fundazio publiko bihurtzeko akordioa.

4. Nagusiak aurkeztutako mozioa.

5. Dimako Elexalde eta Landaburu kaleak eraldatzeko urbanizazio proiektuaren lanen kontratoa

aldatzeko akordioa.

6. Aldi baterako herri hezitzailerako hezitzaileak kontratatzeko lan poltsa.

7. Udal batzordeetan jorratutako gaien barri emotea.

8. Dekretuen barri emotea.

9. Eskari eta galderak.

01/19 AURREKONTU ALDAKETAREN ONARPENA

01/19 aurrekontu aldaketa onartzeko proposamenaren barri Udal Osoko

Bilkurari emon jako.

Francisco De Borja Ruiz Huerta EH BILDUko zinegotzi jn.k berba hartu dau

aurrekontu aldaketa honen proposamena azaltzeko. Adierazo dauan lez, igazko

aurrekontuaren kontu urte amaieran ejekutatuko udaletxeko teilatua konpontzeko

gastua ez da aurten beharrezkoa izango eta ondorioz beste inbertsio batean,

ondorengo laukian islatzen dana, gastatuko da:

BAJAK HASIERA ALDAKETA AMAIERA

1522 622 01 Udaletxeko teilatua 9.850,00 7.730,60 2.119,40

GUZTIRA 7.730,60

ALTAK HASIERA ALDAKETA AMAIERA

161 623 02 Lapurriketa ur horniketa 7.730,60 7.730,60

GUZTIRA 7.730,60

Iurdana Acasuso Atutxa EAJ/PNVko udal taldearen bozeraemoileak azaldu dau

bere taldea aldeko botoa emongo dauala.

01/19 aurrekontu aldaketa onartzeko proposamena botutara jarri da ondorengo

emoitzagaz:

Botoak guztira: 9, aldekoak: 9.

Aldeko botoak: Nekane Intxaurtza Etxebarria and. (EH BILDU), Ibon Iza Totorika jn. (EH

BILDU), Jose Maria Atutxa Olabarri jn. (EH BILDU), Maria Yolanda Palacios Palacios and.

(EH BILDU), Francisco De Borja Ruiz Huerta jn. (EH BILDU), Iurdana Acasuso Atutxa and.

(EAJ/PNV) , Josu Gorospe Lapatza jn. (EAJ/PNV) , Jose Antonio Aurrekoetxea Olabarria jn.

(EAJ/PNV). Francisco Javier Arteaga Plaza, zinegotzia.

Udal Osoko Bilkurak, bozketa burutu ondoren, aho batez erabagi dau 2019ko

01/19 aurrekontu aldaketa onartzeko proposamena onartzea.

2019.RAKO IBILGAILUEN ERROLDA ETA BORONDATEZKO

ORDAINKETA EPEAREN ONARPENA

2019. rako ibilgailuen errolda eta borondatezko ordainketa epea onartzeko

proposamenaren barri Udal Osoko Bilkurari emon jako.

Udalbatzarburuak adierazo dau borondatezko ordainketa epea bagilaren

30era arte luzatuko dala. Era berean ganeratu dau aurtengo ibilgailuen erroldan

1.236 ibilgailu egongo dirala eta euren zerga bilketaren zenbatekoa 121.692,42

€,-koa izango dala.

Jarraian 2019 erako ibilgailuen errolda eta borondatezko ordainketa epea

ezartzeko proposamena onartzeko proposamena botutara jarri da ondorengo

emoitzagaz:


Udal Osoko Bilkurak, bozketa burutu ondoren, aho batez erabagi dau 2019ko

udal aurrekontuak eta euren ejekuzio araua behin betiko onartzea.

ERROTA FUNDAZIO PUBLIKO BIHURTZEKO AKORDIOA

Errota fundazio publiko bihurtzeko proposamenaren barri udal Osoko Bilkurari

emon jako.

Nekane Intxaurtza Etxebarria Alkate and.k hartu dau berba azaltzeko bere udal

taldearen aldeko botoa. Adierazo dauan lez, Errotakoek LKS abokatuen

aholkularitzapean ebaluatu eben bere izaera fundazio publiko bihurtzeko,

behargintzaren zereginak burutu ahal izateko eta era berean prozedura hori euren

baitan egiteaz gain, udaletxerik udaletxe aztertu eta ibilbide barri horren

aldekotasuna eskuratzea. Ganeratu dauan lez, Errota fundazio publiko bidez egin

gura dana da Galdakaoko Behargintzaren begibistako gabeziak estali eta aldi

berean bete lan esparruan beste zeregin batzuek modu integralean.

Iurdana Acasuso Atutxa EAJ/PNVko udal taldearen bozeraemoileak adierazo

dau bere taldea abstenitu egingo dala. Azaldu dauan lez, bere alderdiak gai

honetan ezarri dau Arratiako eskualde mailan eretxi bateratu bat eta euren ustez

fundazio publiko bihurtzea da Errota erakundearen barneko erabagi bat eta

horretan ez daukie zer ikusirik eurekaz.

Jarraian Errota fundazio publiko bihurtzeko proposamena botutara jarri da

ondorengo emoitzagaz:

Botoak guztira: 9, aldekoak: 5; abstentzioak: 4.



(EH BILDU), Francisco De Borja Ruiz Huerta jn. (EH BILDU).

Abstentzioak: Iurdana Acasuso Atutxa and. (EAJ/PNV) , Josu Gorospe Lapatza jn.

(EAJ/PNV) eta Jose Antonio Aurrekoetxea Olabarria jn. (EAJ/PNV). Francisco Javier Arteaga

Plaza, zinegotzia.

Udal Osoko Bilkurak, bozketa burutu ondoren, gehiengo osoz erabagi dau

Errota fundazio publiko bihurtzeko proposamena onartzea.

NAGUSIAK AURKEZTUTAKO MOZIOAREN GANEKO AKORDIOA

Nagusiak izeneko alkarteak aurkeztutako pentsio planen eta borondatezko

gizarte-aurreikuspeneko erakundeak (BGAE) berreskuratzaeri buruzko

mozioaren barri Udal Osoko Bilkurari emon jako.

Mozio honen edukina honako hau da:

Jarraian Yolanda Palacios Palacios EH BILDUKO zinegotzi and.k berba hartu

dau honako hau adierazoteko:

Mozio horretan eskatzen dana BASE-k (Borondatezko Aurreikuspen Sozialeko Erakundea) ez dagiela laneko sarreren tratamedu fiskal berdina izan, behin erreskatatzen diranean; baizik eta aurrezkien tratamendua izan dagiela, hau da, atxikipen txikiagoa.

Honek oso planteamendu zehatzari jarraituten dautso, hau da, pentsioak duintasunez bizitzeko nahikoak ez direnez izango, egin ezazu BASE bat horiek osatzeko.

Lehenengo eta behin, hau pentsio sistema publiko duin bat izatearen aurka doa. Pentsio sistema publikoak egoera guztiei duintasunez erantzun behar dautsie, eta ez da horiek osatzeko beharrizanik egon behar. Guk ez dugu pentsio sistema pribaturik bultzatuko, ez eta horiendako onurak ekartzen daben neurririk be.

Bigarrenik, gaur egun pentsionisten %70ak ez dauka pentsioak osatzeko sistema pribatu batera jotzeko aukerarik; aukera ekonomikorik. Gainera BASEen bitartez aurrezten den kopuru hori, gizarte osoak ordaintzen dugu beste bide fiskal batzuetatik (zerbitzu publikoak ordaintzeko batu beharreko dirua alde batetik ez bada bestetik jaso behar dalako).

Eta azkenik, BASEak egiteak ez dautso onura zuzenik ekartzen interesdunari, onuradun handiena Banketxe edo Aseguru etxeak dira, izan be 20 urtera inbertitutakoaren besteko % 36ko irabaziak lortzen dabez.

Azken finean, gure indarrak pentsio sistema publikoa indartzera bideratu behar doguz, eta ez hori eskasa denez, irtenbide pribatuak bilatzera.

EH BILDUREN posizioa jakina da gai honen inguruan; gure ustez sistema publikoak 1080 €-ko gutxieneko pentsioak bermatu behar dauz. Horretan saiatu gara hainbat bider, azkenengoa aurrekontuen negoziaketetan. Ildo beretik jarraitzeko asmoa daukagu aurrerantzean ere.

Mozio honek eskatutakoa, beraz, EHBILDUren helburuetatik kanpo gelditzen denez ezezkoa izango da gure botoa.


dau udalen ganeko gaietan egiten daben lez, euren alderdiak finkatzen dau euren

jarrera eta kasu honetan abstenitu egingo dira.

Jarraian Nagusiak aurkeztutako mozioa botutara jarri da ondorengo emoitzagaz:

Botoak guztira: 9, kontrakoak: 5; abstentzioak: 4.

Kontrako botoak: Nekane Intxaurtza Etxebarria and. (EH BILDU), Ibon Iza Totorika jn. (EH



Abstentzioak: Iurdana Acasuso Atutxa and. (EAJ/PNV) , Josu Gorospe Lapatza jn.


Plaza, zinegotzia.


Nagusiak aurkeztutako mozioa ez onartzea.

DIMAKO ELEXALDE ETA LANDABURU KALEAK ERALDATZEKO

URBANIZAZIO PROIEKTUAREN LANEN KONTRATOA

ALDATZEKO AKORDIOA

Dimako Elexalde eta Landaburu kaleak eraldatzeko urbanizazio proiektuaren

kontratoa aldatzeko proposamenaren barri Udal Osoko Bilkurari emon jako.

Jarraian Udalbatzarburu and.k udaleko idazkari-kontuhartzaileari berbea emon

dautso gai hau azaldu dagian. Funtzionario honek gogoratu dauan lez, Dimako

Udalak, prozedura sinplifikatua erabiliz, Elexalde eta Landaburu kaleak

eraldatzeko urbanizazio proiektuaren 2, 3 eta 6 guneko lanak Bermeosolo SAU

enpresari adjudikatu eutsozan 257.918,60-€ko zenbatekoan (BEZ barne), 2018o

urriaren 29ko Udal Osoko Bilkuraren akordio bidez.

Lan horiek hasita egonda eta esleipendunak haien burutzapenerako

eskeinitako hamabi asteko epea amaitzeko egonik, Dimako udala, Aiert Buruaga

Magunagoitia eta Aitzol Aurrekoetxea Pujana diren proiektu-egileen aholkupean,

lan horiek jarraitzearen aldekoa da Landaburu kalean bertan 4.gunea deritzon

tramuan. Horretarako lizitazioaren baldintza-sortako 11. epigrafean baita

azaroaren 8ko 9/2017 Sektore Publikoaren Kontratuen Legeko 191. artikuluan

eta hurrengoetan aurrikusitako aukeraz baliatuz, indarreko kontratu

administratiboa handitu ahal da %20ko gehieneko kopuruan (42.631,17,-€ BEZ

barik) interes publikoko arrazoiengatik, lege horretan jasotako kasu eta

moduetan, Bermeosolo SAU enpresari entzunaldia eman ondoren.


dau bere taldeak proiektu honen aurka egonik eta kontratuaren aldaketa hau

horren jarraipena izanik, oraingoan be euren botoa kontrakoa izango da.

Jarraian proposamena botutara jarri da ondorengo emoitzagaz:

Botoak guztira: 9, aldekoak: 5; kontrakoak: 4.




Kontrakoak: Iurdana Acasuso Atutxa and. (EAJ/PNV) , Josu Gorospe Lapatza jn.


Plaza, zinegotzia.


Dimako Elexalde eta Landaburu kaleak eraldatzeko urbanizazio proiektuaren

kontratoa aldatzeko proposamena onartzea.

ALDI BATERAKO HERRI HEZITZAILERAKO HEZITZAILEAK

KONTRATATZEKO LAN POLTSA

Aldi baterako herri hezitzailerako hezitzaileak kontratatzeko lan poltsa bidean

jartzeko proposamenaren barri Udal Osoko Bilkurari emon jako.

Oinarri-sortaren edukina honako hau da: ALDI BATERAKO HERRI HEZITZAILERAKO HEZITZAILEAK KONTRATATZEKO LAN POLTSARAKO DEIALDIAREN OINARRIAK Lehenengoa. Deialdiaren xedea. 1.- Herri hezitzailearen estrategia barruan Dimesten izeneko proiektua garatzeko, deialdi honen helburua Dimako aisialdirako (ludoteka, gaztelekua, udalekuak,….) aldi baterako hezitzaile lan poltsa sortzea da. 2.-Lan poltsa honen iraupena hurrengo lan poltsa bat atara artekoa izango da, edozelan be lau urte baino gehiagoko iraupena izan barik. 3.- Deialdi honek 2015 urtean Dimako udalak aldi baterako eta lanaldi erdirako udal ludotekarako ludotekari bat kontratatzeko lan poltsa bertan behera lagatzen dau. 3.-Bidelagun horren zereginak honeik izango dira:

Herri hezitzailearen estrategia barruan eta Dimesten izeneko proiektuaren garapenari lotuta,Dimako aisialdiko eskaintza hezitzaile bat sortzea.

Ludotekako dinamizazioa; jasotzaileen parte hartzea sustatzea eta bermatzea, jasotzaileen beharrak identifikatzea eta horren araberako programa zehaztea.

Gaztelekuko dinamizazioa; jasotzaileen parte hartzea sustatzea eta bermatzea, jasotzaileen beharrak identifikatzea eta horren araberako programa zehaztea.

Euskararen erabilera sustatzea. Hezkidetza eta kultur aniztasuna bultzatzea. Aukera bardintasuna sustatzea.

Lehiaketan parte hartzeko ezinbestekoa da: a) Europar Batasuneko kide diren estatuetako baten herritartasuna izatea, edo, Europar Batasunak egindako eta Espainiako Estatuak berretsitako Nazioarteko Itunei jarraiki, langileen zirkulazio askea aplikatzen zaion estaturen bateko herritarra izatea. Parte hartu ahal izango dau, baita be, Europar Batasuneko kide diran estatuetako herritarren ezkontideak, beti ere zuzenbideko banaketarik gabekoak badira; baita ere bere ondorengoak eta bere ezkontidearenak, baldin eta zuzenbideko banaketarik bakoak badira, eta ondorengo horiek hogeita bat (21) urte baino gutxiagokoak badira, edo adin horretatik gorakoak, baina bere pentzuan bizi diranak.

b) 18 urte edo gehiago izatea, eta adinagatiko derrigorrezko jubilazio-adinera iritsi gabe egotea. c) Lanpostuari jagokozan zereginak betetzeko akats fisiko edo psikikorik ez izatea. d) Edozein herri administrazioren zerbitzutik diziplina-espediente bidez baztertua ez egotea edo zeregin publikoak betetzeko gaitasuna galduta ez izatea. e) Ezgaitasun edo bateraezintasunaren legezko karietan erorita ez egotea. f) Euskarazko bigarren hizkuntza eskakizuna. h) Langabezian egotea udal kontratua hasi orduko edo behar bateragarria izatea, betiere, azken kasu honetan, kontratu bien artean zortzi orduko lan ihardunaldia gainditu ezean. i) Beharrezko titulazioa: 2 LH Titulua, Goi Mailako Batxilergoa edo maila bereko ikasketak bukatuta izatea. j) Aisialdirako begirale titulua izatea. k) Izaera sexualeko deliturik ez izanaren ziurtagiria izatea. Bigarrena. Eskaera-orriak. Eskaera-orriak eredu ofizial eta normalizatuetan egingo dira. Ereduok Dimako Udaletxean dohainik eskura leikez. Eskaera-orriagaz batera hauxe aurkeztu beharko da:

1.-Nortasun Agiri Nazionalaren fotokopia edo, atzerriko lehiakideen kasuan, nortasuna eta nazionalitatea egiaztatzen dituen dokumentua. 2.-2 LH Titulua, Goi Mailako Batxilergoa edo baliokide tituluaren fotokopia.

2.-Aurkezten diren merezimenduen ziurtagiriak. Hautaketa-prozesurako eskabideak Alkate-Udalburuari zuzenduta aurkeztuko dira Dimako Udaletxean, Ugarana, 1.zkian, 2019ko martiaren 12tik martiaren 22a arte, hau barne, eta jendaurrentzako ordutegi barruan. Halaber, urriaren 1eko 39/2015 Herri Administrazioen Prozedura Erkidearen legearen 16. artikuluan adierazten diren moduak ere balia daitezke eskariak aurkezteko. Lehiakideek eskarian adierazi beharko dute bigarren oinarrian eskatzen diren baldintza guzti-guztiak betetzen dituztela, eskariak aurkezteko epea amaitu aurretik. Hautaketa-prozesu honetan parte hartzeak berekin dakar eskarian jasotako datu pertsonalak tratatzeko onespena, hau da, behin-behineko eta behin betiko emaitzak iragarki-oholetan eta web orrian argitaratzeko erabiliko diren datuak tratatzeko. Era berean, eskaera aurkezteak esan nahi du berariazko baimena eman dela beste administrazio publiko batzuek haien langile premiak betetzeko langileen zerrendak eskatzen dituztenean norberaren datuak emateko. Ez da lehiakideen eskaria onartuko beren datuak erabiltzeko baimenik eman ezean. Datuak ikusi, aldatu, zuzendu edo ezabatzeko eskubideaz baliatu nahi izanez gero, dei egin duen organora jo beharko dute.

Hirugarrena. Hautagaiak onartzea. Eskabideak aurkezteko epea amaitu ondoren, Dimako Alkateak onartuen eta baztertuen zerrenda onetsi eta argitaratuko du, Udaletxeko iragarki-oholeko taulan. Baztertuta utzitako hautagaiek onartu eta baztertuen zerrenda onetsitako ebazpenaren aurka administrazioarekiko auzi errekurtsoa jarri ahal izango dute. Edozelan be egitatezko akatsak edozein unetan zuzendu ahal izango dira, ofizioz zein aldeek horrela eskatuta. Laugarrena. Kalifikazio-Epaimahaiaren osaketa, eraketa eta jarduketa. Epaimahai kalifikatzailea hiru kidek osatuko dute: epaimahaiburua eta bi epaimahaikide, (Honeek Dimako udaleko funtzionarioak izango dira). Idazkari baten laguntza izango du epaimahaiak, eta Dimako Udaletxeko funtzionarioa izango da. Deialdia zuzenduko dauen epaimahaiaren osaera argitara emango da onartuen eta baztertuen zerrendarekin. Epaimahaiko kide guztiek berba eta botoa izango dabe, idazkariak izan ezik, idazkariak ez baitu boto emateko eskubiderik izango. Epaimahaiaren erabakiak bertaratutakoen botoen gehiengoak hartuko ditu, eta, berdinketa egonez gero, epaimahaiburu diharduenaren botoak erabakiko du. Oinarri hauetan ezarri ez den guztirako, Epaimahaiak ahalmen osoa du sor daitezkeen zalantzak argitu, eta deialdiaren funtzionamendu egokia bermatzeko erabakiak hartzeko. Edozelan be, epaimahaikideen abstenzioa eta ezespena arautuko da urriaren 1eko 40/ 2015 legearen 23 eta 24 artikuluetan ezarritakoa jarraiki. Jakinarazpen eta komunikazioen aldetik, kalifikazio-epaimahaiaren helbidea Dimako Udalaren egoitza Ugarana 1 zkian. Bosgarrena.Aukeraketarako prozedura. Hautagaiak aukeratzeko erabiliko den prozeduran hautagaiek alegatutako merezimenduak balioetsiko dira era honetan:

1. Herri Hezitzailea, eskola Herritarra proiektuan parte hartu izana. Urteko puntu bat. Gehienez 4 puntu

2. Herri Hezitzailea, eskola Herritarra proiektuko ikastaroak. 0.5 puntu ikastaro bakotxeko. Gehienez 2 puntu

3. Herri Hezitzaileko ludoteka proiektuan parte hartu izana. Urteko 0.5 puntu. Gehienez 2 puntu

4. Herri Hezitzaileko gazteleku proiektuan parte hartu izana. Urteko 0.5 puntu. Gehienez 1 puntu

5. Herri Hezitzaileko udako egonaldietan parte hartu izana. Urteko puntu bat. Gehienez 3 puntu

Hautagai bakoitzak gehienez 12 puntu lortu ahal izango ditu. Seigarrena. Izangaien sailkapenaren hurrenkeraren ezarpena. Merezimenduen balorazioa amaitutakoan, Epaimahaiak lan poltsarako osatutako izangaien zerrenda jakinaraziko du. Izangaien sailkapen-ordena lehiaketan lortutako puntuazioen batuketak emango dau. Bardinketa-kasuan, zozketa publiko bidez desegingo litzateke. Zazpigarrena.Lan baldintzak eta agirien aurkezpena. Lan-poltsakideek honako agiri honeik derrigorrez aurkeztu beharko dabez kontratu formalizatu orduko:

a. NANaren fotokopia egiaztatua. b. Enplegu eskatzailearen I.N.E.M.eko txartela. c. Osasun Zerbitzuko txartelaren fotokopia. d. Euskal Funtzio Publikoari buruzko uztailaren 6ko 6/1.989 Legeak ezarritako

43.artikuluan eskatutako tituluen fotokopia, behar den bezala egiaztatutako tituluen fotokopia. Lanpostu bakoitzerako egindako deialdien oinarrietan zehazten dira aurkeztu beharreko tituluak.

e. Hizkuntza maila justifikatu ez duten hautagaiek euskara proba egin behar izango dute.

Aurreko atalean adierazitako agiriak ezin izan direla aurkeztu behar den bezala frogatzen bada, deialdian eskatutako betebeharrak betetzen dituela egiaztatzeko zuzenbidean onartzen den edozein froga erabili ahal izango du.Goian aipatutako agiriak Dimako Udaletxeko Idazkaritzan aurkeztu beharko dira kontratua formalizatu ahal izateko.Emandako epearen barruan, eta ezinbesteko arrazoiren bat dela eta ez balu agiririk aurkeztuko edo bere agiriak aztertu ostean, bigarren oinarrian ezarritako baldintzaren bat ez dela betetzen ikusten baldin bada, ezin izango dira izendatu eta hark egindako jarduerak bertan behera geratuko dira, gainera eskaera-orrian datu faltsuren bat eman baldin badabe, horren erantzukizuna jasan beharko dau. Agiri faltsuak aurkeztu dituztela eta hautagaiak zerrendatik kanporatu dituztenez, deitutako lanposturen bat bete barik geldituko balitz, hautagaien hurrenkera kontuan hartu eta Epaimahaiak izendapen berria proposatuko lauke. Zortzigarrena. Lan poltsaren onespena. Eskumena daukan organoa: Dimako Alkateak onetsiko ditu lan-poltsa osatzeko epaimahaiak aurkeztutako sailkapenak. Jakinarazpena eta argitarapena: Deitatuko lan-poltsarako izangaiak eta euren hurrenekera Dimako Udaletxeko oholezko taulan argitaratuko dira.

Bederatzigarrena.Poltsakidearen ukapena eta araubidea. Dimako Udalak lan poltsakide bati kontratatzeko dei egin ezkero, eta poltsakide horrek ordezkapen hori ez dauela egingo adierazotekotan, eta horretarako ezinbesteko arrazoiren bat egon ezik, behin betiko geratuko litzateke lan poltsatik kanpo. Poltsakideak aipatutako arrazoia ezinbestekoa dan ala ez, behar denean erabakiko du Dimako Alkateak. Oinarri hauetan ezarri ez dan guztirako, ondokoak dira aplikatu beherrekoak: Enplegatu Publikoaren Oinarrizko Estatutuari buruzko apirilaren 12ko 7/2007 Legea; Estatuto Administrazioaren zerbitzupeko langileen sarrerari buruzko Araudi Nagusia onetsi zuen martxoaren 10eko 364/1995 Errege Dekretua; Tokiko Administrazioaren funtzionarioak hautatzeko prozeduren oinarrizko araudiak eta gutxieneko ptogramak ezarri dituen ekainaren 7ko 896/1991 Errege Dekretua; Toki Araubidearen Oinarriak arautzen dituen apirilaren 2ko 7/85 Legea, apirilaren 18ko 781/1986 Legegintzako Errege Dekretua, Euskal Funtzio Publikoari buruzko uztailaren 6ko 6/1989 Legea eta aplikagarri diren gainerako xedapenak Hamargarrena. Errekurtsoak. Oinarri honetan xedatu ez den guztiari dagokionez, Epaimahaiak ahalmena du sortzen diren zalantzak argitzeko eta hartu beharreko erabakiak hartzeko hautaketa-prozesua behar bezala egite aldera. Deialdiaren, bere oinarrien eta deialditik eta epaimahaiaren jardueratik erator daitekezan egintza administratiboen aurka egin leike interesatuek, urriaren 1eko 39/2015 Administrazio Publikoen Administrazio Prozedura Erkidearena Legeak aurreikusitako epe eta moduan.

Jarraian Ibon Iza Totorika EH BILDUko zinegotzi jn.k azaldu dauz deialdi honen

arrazoiak eta helburuak. Adierazo dauan lez, gero eta ume eta gazte gehiago

joaten dira ludotekara eta beharrezkoa da ludotekariari laguntza emotea behargin

bakar batentzat lan zama handiegia dalako. Bestalde, gazteek eskatu dabe

ludoteka zabaldutea eurentzat domeka arrastietan bariku iluntzen ordez, eta euren

dinamikak eta umeenak desberdinak dira. Azken batean ezinbestekoa da

barriztatzea lan poltsakideen zerrenda gero eta kide gitxiago dagozalako beste

lanetan dabizelako eta derrigorrezkoa da dimesten proiektuan jende gehiago

barrusartzea bere jarraipena bermatzeko.


dau bere taldeak aldeko botoa emongo dabela ondo erizten dautsielako lan

poltsaren jarraipena eta barriztapena bermatzeari.

Jarraian aldi baterako herri hezitzailerako hezitzaileak kontratatzeko lan poltsa

bidean jartzeko proposamena botutara jarri da ondorengo emoitzagaz:


Udal Osoko Bilkurak, bozketa burutu ondoren, aho batez erabagi dau aldi

baterako herri hezitzailerako hezitzaileak kontratatzeko lan poltsa bidean jartzeko

proposamena onartzea.

UDAL BATZORDEETAN JORRATUTAKO BESTELAKO GAIEN

BARRI EMOTEA

Nekane Intxaurtza Etxebarria Alkate andreak zinegotzi batzordeburuei Udal

Batzordeetan jorratutako gaien barri emoteko aukera eskeini dautsie, baina gai

garrantziskoenak osoko bilkura honen gai zerrendakoak izanik, hurrengo gaira

pasatu da.

Udal Osoko Bilkura jakitun geratu da.

DEKRETUEN BARRI EMOTEA

2019ko 9. Alkatetz-Dekretutik 2019ko 41. Alkatetz-Dekretura (biak barne)

informazioaren barri Udal Osoko Bilkurari emon jako.

Nekane Intxaurtza Etxebarria Alkate-Udalbatzarburu and.k berba hartu dau

azken Osoko Bilkuratik hona onartu dauzan dekretuen barri emoteko:

19/09 2019-01-19 Ezkontza zibila: Francisco de Borja Ruiz Huerta zinegotziari eskumena

emotea.

19/10 2019-01-23 Juan Antonio Cortes Lavado jn.ri lanak eta zerbitzuak 28.583,-€tan (BEZ

barik) eta 500 ordu kopuruan adjudikatzea.

19/11 2019-01-23 Juan Antonio Cortes Lavado jn.ri adjudikatzea 2019.urtean zehar udal

bide ertzetako bedarrak eta zuhaitzen adarrak desbrozatu eta haien

ubideen arketak eta kuneten garbiketa egitea.

19/12 2019-01-28 Andoni Akesolo Zuazo jn.ri Dimako lur katastroko 13. Poligonoko 500

lur sailean negutegi bat lan baimena emotea.

19/13 2019-01-30 Cedatek enpresari nominak egiteko progamaren berrikuspenaren

zebitzua adjudikatzea.

19/14 2019-01-30 Zamakolako auzune inguruan oso egoera txarrean dagoan bidea

konpontako lan geoteknikoak eta proiektoa Euskontrol enpresakoei

7.991,02,-€tan (BEZ barik) adjudikatzea.

19/15 2019-01-30 2019ko urterako kultura, euskara eta kirol arloaren diru-laguntzak

bananduteko deialdia onartzea.

19/16 2019-01-31 Iratxe Zabala Del Barrio andreak bere bitarteko udal funtzionarioa

izaerari egindako ukapena onartzea.

19/17 2019/01/31 Langilegoari jagokozan 2019ko urtarrileko soldaten ordainketa.2019ko

urtarrileko faktura zerrendaren onarpena.

19/18 2019/01/31 2019ko urtarrileko faktura zerrendaren onarpena.

19/19 2019-02-08 Bilboko administrazioarekiko auzien 4 z.ko epaitegiak eskatutako

administrazio-espedientea bidaltzea.

19/20 2019-02-08 Carlos Basterra Ruiz jn.ren eskaera, bere Dimako helbidean bere adin

txikiko seme-alabak erroldaketaren ganekoa, ukatzea.

19/21 2019-02-13 Iratxe Ibarra Larraskitu and.k aurkeztutako 29/2019 zenbakiko

administrazioarekiko auzi-errekurtsoaren epaiketan bertaratzea.

19/22 2019-02-14 Itxaso Cadenato Quincoces. and.ri, eskatutako lehen erabilera

baimenari buruzko espedientea dela eta, udaleko arkitekto teknikari

aholkulariak egindako txostena onartzea .

19/23 2019-02-18 Landaxuela 2 zk.ko etxebizitzako balkoia konpontako lan baimena

emotea.

19/24 2019-02-18 Elezatsu eta Egiraungo bideetan asfaltatze lanak Lasuen enpresakoei

9.044,70,-€tan (BEZ barik) esleitzea.

19/25 2019-02-26 Udal zerbitzu teknikoek egindako Dimako udal argiztapen publikoa,

herriko lau gunetan, LED teknologiara aldatzeko eta 45.750,66 €ko

aurrekontua (BEZa barne) onartu eta Agenda 21eko foru egitasmora

aurkeztea.

19/26 2019-02-27 Aitzol Aurrekoetxea Pujana eta Aiert Buruaga Magunagoitia

arkitektoek Dimako Udalarentzat egindako Dimako herri plaza

oinezkoentzat egokitzeko 3.fasea burutzeko memoria eta 156.409,14

€ko aurrekontua (BEZa barne) onartu eta Azpiegiturak foru egitasmora aurkeztea.

19/27 2019-02-28 Bargondiako 16 zk.ko baserrian espaloia etxe bueltan eta plaka

botatzeko proiekturako lan baimena emotea.

19/28 2019-02-28 Artaun 28 zk.ko baserrian sutea eta komuna barriztatzeko lan baimena

emotea.

19/29 2019-02-28 Zubimakurre 5 D zk.ko etxebizitzako komunean dutxa ipinteko lan

baimena emotea.

19/30 2019-02-28 Olakoetxe 3 zk.ko baserrian baserrian komuna eta gela barriztatu,

barandilla barria jarri eta galdara lekuz aldatzeko lan baimena emotea.

19/31 2019-02-28 Bargondia Behekoako 15 zk.ko baserria erdibitzeko proiekturako lan

baimena emotea.

19/32 2019-02-28 Ugariotz 1 zk.ko baserriko teilatuko erreteila egiteko lan baimena

emotea.

19/33 2019-02-28 ADECAP elkarteari, 2019ko ekainaren 23an, ehiztari eta arrantzarien

eguna Zumeltzako landetan ospatzeko baimena emotea.

19/34 2019-02-28 Itxaso Cadenato Quincoces.rna and.ri, Oba Behekoa landaguneko

AMRVU-PA-03 lur-sailean familia batentzako etxebizitzarako lehen

erabilera baimena emotea.

19/35 2019-02-28 Iñigo Yurrebaso Bernaola jn.ri, Bikarregiko 3 zk.ko baserria birgaitzeko

proiekturako lehen erabilera baimena emotea.

19/36 2019-02-28 Olatz Gallo and.ri eta Ruber Barcina. jn.ri Olazabalgo landaguneko

AMRV-PA-07 lur-sailean eskatutako txabola bietako bat bakarrik

eraikitzeko lan baimena emotea.

19/37 2019-02-28 Bargondia Behekoa 15zk.ko etxebizitzako lur sailean eraikitako txabola

barriztatu eta materialak ordetzeko lan baimena emotea.

19/38 2019/02/28 2019ko otsaileko faktura zerrendaren onarpena.

19/39 2019/02/28 Langilegoari jagokozan 2019ko otsaileko soldaten ordainketa.2019ko

urtarrileko faktura zerrendaren onarpena.

19/40 2019/03/05 Dimako udalak bidean jarritako administrari plaza baten enplegu

publikoaren eskaintza dela-eta, onartu eta baztertutakoen izangaien

behin-behineko zerrenda onartzea.

19/41 2019/03/05 Otsaileko Kultur Batzordetik pasatutako kultur dirulaguntzen

onarpena.

Dekretu honeik dekretu liburuan gordeta geldituko dira.

Udal Osoko Bilkura jakitun gelditu da.

ESKARI ETA GALDERAK

Josu Gorospe Lapatza EAJ/PNVko zinegotzi jn.k berba hartu dau galdetzeko

administrariaren lanposturako hautaketa prozedura dala-eta, noz arte egongo da

oraingo administraria bere postuan.

Nekane Intxaurtza Etxebarria alkate andreak esan dau bitarteko funtzionario

horrek, arrazoi pertsonalak dirala-eta, uko egin dautsola bere postuari eta une

honetan lanpostu hori hutsik dagoala. Era berean ganeratu dau bere ordez ez dala

inor jarri, prozedura nahiko arin joango dalakoan. Bestalde udal behargineekaz

berba egin da eta ados egon dira inor ez hartzeagaz, esperientzi bako langile barri

bat hartzeak ez leukelako epe laburrean, behintzat, zerbitzuen

funtzionamendurako hobekuntzarik ekarriko bere lankideen gidaritzapean ibiltea

ohiko zereginetarako kaltegarria izango zalako.


dau Egiraungo bide ertzetako zuhaitz batzuen egoera kezkagarria dala eta emoten

dauala jausteko arriskuan dagozala, eta horren aldetik itaundu dau udaletxetik

jarraipena egiten dan.

Jose Maria Atutxa Olabarri EH BILDUko zinegotzi jn.k erantzun dautso baietz,

iraganean haietako batzuek eta beste auzunetakoak bota egin dirala, bai

jabegoak, udalak eskaturik, bai udalak berak jabeek ezer egin ez dabenean eta

euren ordez eta euren kontura. Dana dala ganeratu dau beti ez dala posible hori

egitea, bide ertzetako zuhaitzak okertuta egon arren ez dagozalako jausteko

moduan, eta zenbait kasutan Diputazinoko basozainaren laguntzagaz arbolen

egoera aztertu ondoren, ezin da eratorri haien erorketa. Izan be batzuetan

ustelduta dagozanak edo benetako arriskuan dagozanak dira barruragoko

iladenak.

Francisco De Borja Ruiz Huerta EH BILDUko zinegotziak ganeratu dau sei

hilabete dagozala pinudi barriak landatzen diranetik kexak edo erreklamazioak

egiteko Diputazinoan bide ertzetaraino itxi beharreko aldea errespetarazoteko.

Bestalde, Josu Gorospe Lapatza EAJ/PNVko zinegotzi jn.k jakin gura izan dau

Ugariotzeko basobidearen konponketa dala-eta, iturriko uraren arazoa zelan

dagoan eta ze aurreikuspen dagoan.

Nekane Intxaurtza Etxebarria Alkate and.k erantzun dau udaleko arkitekto

tenikari aholkulariak arazo horren ganean dagoala jakitun dagoala eta Ekin

enpresakoekaz hartuemonetan dagoela lan horien jarraipena egiteko eta

konpontako.

Josu Gorospe Lapatza EAJ/PNVko zinegotzi jn.k azaldu dau eskola aurreko

biribilgunetik eurite zaparradak egiten dauzanean Zubimakurreko garajera ura

sartzen dala burdinezko parrilak ezin daualako hainbeste ur bideratu eta galdetu

dau ez zer egin ahal dan hori ekiditeko.

Francisco De Borja Ruiz Huerta EH BILDUko zinegotziak erantzun dau arazo

hori garaje baino lehenago dagoan hormigoizko dadoak arazo hori areagotu egin

dauala eta orain Zubimakurreko auozan egingo dan urbanizazio lanetaz baliaturik

espero dala arazo hori konpondutea.

Eta beste gairik ez dagoanez, alkateak batzarrari amaiera emon dautso.

Eztabaidatutakoa nahiz erabakitakoa jasota geratzeko, nik, idazkaria nazen

honek, hori guztia idatzi eta ziurtatu egiten dot, alkateak ontzat emonda.

akta ohiko osoko bilkura 2019-03-11 2019/akta...2019/03/11 · jarraian alkateak, udalbatzak...

Documents