YOHA NEH BO-EU LA K'A CEH-EU GUI LAH DAW

Mi yeh-eu Daw shi sha ji pi-aw jaw le-eu

1:1 A dah beh ngeh neh Daw jaw lu meh. Daw k'oe-a Mi yeh neh-eh

jaw-aw, Daw k'oe-a Mi yeh meh. 2 Daw k'oe-a, a dah beh ngeh neh, Mi

yeh neh-eh jaw lu meh. 3 K'a jaw k'a ja-eu daw taw lu a yaw neh beh ta-eu

meh. K'a beh ta-eu deu la k'oe a yaw neh ma beh ta-eu ti je-i ma ja. 4 A

yaw-eu la k'oe deh-eu je ah-eu meh. Deh-eu k'oe-a, tsaw ha-eu yaw sheh

meh. 5 Yaw sheh k'oe-a, yaw zah la k'oe bya lu meh. Yaw zah-a, yaw

sheh k'oe-ah ma g'a le-a. 6 Mi yeh neh bi oe-eu Yoha leh myah-eu ti g'a

jaw-eu meh. 7 A yaw-a, yaw sheh k'oe-eu ga kaw sa ki kam le-eu meh. A

yaw ba da neh tsaw ha daw taw lu jah la ni, a yaw sa ki kam le-eu meh. 8

A yaw-a, yaw sheh ma ngeu-a. Yaw sheh-eu ga kaw sa ki kam le-eu teh

meh.

9 Ma jaw ni g'eh-eu yaw sheh k'oe, mi tsa k'oe ta oe-aw, tsaw ha daw taw

lu-ah bya neh-eu meh. 10 A yaw mi tsa k'oe ta jaw-eu meh. Mi tsa heu a

yaw neh beh-eu meh. Eh k'aw, mi tsa za a yaw-ah ma si-a. 11 A yaw-eu

jaw du-ah a yaw oe-eu k'aw, a yaw-eu tsaw jeu tsaw ca a yaw-ah ma ha

geu-a. 12 Eh k'aw, a yaw-ah k'a ha geu-eu tsaw ha, a yaw-ah k'a jah-eu

tsaw ha daw taw lu, a yaw-eu bao ba da neh Mi yeh-eu za pyeu la-eu meh.

13 A yaw ma Mi yeh-eu za pyeu la-eu-a, tsaw jeu tsaw ca ba da neh ma

ngeu-a. Shi sha ji-eu nui noe nui lo ba da neh k'aw ma ngeu-a. K'a dze

za-eu nui noe nui lo ba da neh k'aw ma ngeu-a. Mi yeh ba da neh a yaw ma

Mi yeh-eu za pyeu la-eu meh.

14 Daw k'oe-a, shi sha ji pi-aw, a dui neh-eh jaw le-eu meh. A yaw-eu

yaw sheh k'ah seh-ah nga ma ya maw-eu ma. Yaw sheh k'ah seh k'oe-a, A

da Mi yeh-ah neh do le-eu Za ma ti g'a teh-eu yaw sheh k'ah seh meh. Za

ma k'oe g'a-a, gui lah yaw dzah haw-eu yaw tsa yaw daw je ti byah ah-eu

meh. 15 (Yoha a yaw-eu ga kaw sa ki heu lo-eh kam-eu meh. Nga-eu meh

nah oe lu-eu g'a, nga na ma tse hui meh. A je mi neh eh na, nga ma deh le

mi na-eh a yaw deh lu meh leh nga eh-eu k'oe g'a, a yaw meh leh, Yoha

yaw k'a-eh meh-eu meh.) 16 A yaw-eu la k'oe gui lah yaw dzah ti byah

ah-eu meh. Gui lah k'oe deu, ti je sa-i ti je a dui za-eu ma. 17 Mi yeh

Mose-ah zah daw k'o daw bi sha ha le-eu meh. Gui lah yaw dzah haw-eu

yaw tsa yaw daw je-a, Yesu Ka-li-ah neh do le-eu meh. 18 Tsaw ha ti g'a-i

Mi yeh-ah ma maw haw-a. A da Mi yeh ga dui dui-eu a yaw-eu Za ma g'a,

Mi yeh-eu ga kaw tsa ga le-eu meh.

Batisa m neh-eu Yoha sa ki kam-eu

19 Yelusaleh meu-ah jaw-eu Yuda tsaw ha deu, pi za deu haw-eu Lebi

tsaw ha deu-ah Yoha jaw ga k'eh g'eh-eu meh. Naw a su g'a te leh, a yaw

ma Yoha-ah na ha ngeh, Yoha sa ki heu lo-eh kam-eu meh. 20 A yaw ma

pyeh ni, Nga-a Ka-li ma ngeu leh, daw coe ni eh k'o neh-eu meh. 21 K'oe

na, a yaw ma pa na ha-eu, To-eh ma-i, naw Eliya te lo. Nga Eliya ma ngeu

leh, a yaw eh k'o neh-eu meh. Mi yeh-eu g'a du ngeh dah-eu k'oe g'a te lo

leh, pa na ha-eu meh. Ma ngeu leh, a yaw eh k'o neh-eu meh. 22 Tsaw ha

k'oe deu eh-eu, Naw a su g'a te. Nga ma nga ma-ah k'eh le-eu tsaw ha

deu-ah tsa le nya ni, naw naw-eu ga kaw a jo-eh eh nm leh, pa na ha-eu

meh. 23 Yoha eh-eu, Mi yeh-eu g'a du ngeh dah-eu Isaya neh eh ta-eu

lo-eh, Sah pa Mi yeh-eu ga ma sha daw-aw leh, baw tsah baw dah-ah gu

lu-eu g'a nga ma leh, eh k'o neh-eu meh.

24 Na ha le-eu tsaw ha k'oe deu-a, Paliseh deu neh k'eh le-eu meh. 25 A

yaw ma eh-eu, Naw-a Ka-li k'aw ma ngeu. Eliya k'aw ma ngeu. Mi yeh-eu

g'a du ngeh dah-eu k'oe g'a k'aw ma ngeu ma-i, a je g'eh-eu naw a caw-ah

batisa m neh lu te leh, na ha-eu meh. 26 Yoha eh-eu, Nga a caw-ah i cu la

k'oe batisa m neh lu ma. Naw ma ma si-eu tsaw ha ti g'a naw ma neh-eh

jaw meh. 27 A yaw-a, nga-eu meh nah oe-eu g'a meh. Nga-a, a yaw-eu

seh naw a ca-ah pui-eu k'aw ma geu-a leh, eh k'o neh-eu meh. 28 Yoha

Yawda law ba k'oe paw ba-ah ja-eu Betani pu-ah jaw-aw batisa m neh lu

ngeh, a yaw ma a yaw-ah k'oe lo-eh na ha-eu meh.

Mi yeh-eu Yaw za-ah haw she

29 Ni shaw ngeh nah, a yaw jaw ga Yesu oe lu ga Yoha ya maw ngeh a

yaw eh-eu, Mi tsa za-eu i ba-ah pi dzeh-eu Mi yeh-eu Yaw za-ah haw she.

30 Nga-eu meh nah oe lu-eu g'a, nga na ma tse hui meh. A je mi neh eh na,

nga ma deh le mi na-eh a yaw deh lu meh leh, nga eh-eu k'oe g'a, a yaw

meh. 31 Yaw beh nga a yaw-ah ma si. Eh k'aw, Isalela tsaw ha a yaw-ah

yaw mui-eh ya si ya maw ni, nga oe-aw neh, a caw-ah i cu la k'oe batisa m

neh lu ma. 32 K'oe u ta Yoha sa ki kam kam-eh eh-eu, Yaw sah Mi yeh

k'a k'oe lo-eh m-ah neh za ka le-aw, a yaw-eu k'oe ta jaw ga nga ya

maw-eu ma. 33 Yaw beh nga a yaw-ah ma si. Eh k'aw, i cu la k'oe a

caw-ah batisa m neh-aw leh nga-ah k'eh-eu g'a nga-ah heu lo-eh eh neh

la-eu meh. Tsaw ha ti g'a-eu k'oe ta Yaw sah Mi yeh za ka le-aw jaw ga

naw ya maw ngeh, mui-eu shaw-eu Yaw sah Mi yeh la k'oe batisa m

neh-eu g'a teu g'a meh leh naw ya si teh-a leh, eh neh la-eu meh. 34 Nga

k'oe-ah ya maw-aw, tsaw ha k'oe g'a Mi yeh-eu Za ma meh leh, nga sa ki

kam-eu ma leh, Yoha eh-eu meh.

Za lah pyeu beh beh la-eu deu

35 Ni shaw ngeh nah, Yoha a yaw-eu za lah nyi g'a neh-eh yaw lu meh. 36

K'oe ngeh, a yaw Yesu oe lu ga haw-aw, Mi yeh-eu Yaw za-ah haw she

leh, eh neh-eu meh. 37 Za lah k'oe nyi g'a, Yoha eh-eu daw k'oe daw ya

ga-aw, Yesu-eu meh nah caw teh le-eu meh. 38 Yesu nah g'o g'o haw-aw,

a yaw nya a yaw-eu meh nah caw teh la lu ga ya maw ngeh, Naw nya a je

sha po la te leh, na ha-eu meh. Labi-o, naw a ga jaw te leh, a yaw-ah na

ha-eu meh. (Labi leh eh-eu-a, sa la-ah eh-eu meh.) 39 Haw la she leh,

Yesu a yaw nya-ah eh neh-eu meh. K'oe mi neh a yaw nya le-aw, a yaw-eu

jaw du-ah ya maw-eu meh. A yam k'oe-a, u ci paw na li oe la eh g'a ni

byah la-eu mi neh, k'oe ngeh nah a yaw nya a yaw neh-eh jaw-eu meh.

40 Yoha neh eh neh-eu daw k'oe daw ya ga-aw Yesu-eu meh nah caw teh

le-eu k'oe nyi g'a-ah neh, ti g'a Simo Betulu-eu meh nm Adehleh meh. 41

Adehleh m beh beh-eu-a, a yaw-eu meh nm Simo-ah po maw-i-aw, Nga

nya Mesiya-ah maw-eu ma leh, eh neh-eu meh. (Mesiya leh eh-eu-a,

Ka-li-ah eh-eu meh.) 42 K'oe na, Adehleh a yaw-ah Yesu jaw ga sheu

g'eh-eu meh. Yesu Simo-ah haw-aw, Naw-a Yoha-eu a li Simo nga. A ka

na naw-ah Gepa leh ya ku teh-a leh, eh neh-eu meh. (Gepa leh eh-eu-a, k'a

lo-ah eh-eu meh.)

Pilipu haw-eu Nadanela-ah ku-eu

43 Ni shaw ngeh nah Galileh mi k'ah-ah i ma leh, Yesu noe tseh la-eu

meh. A yaw Pilipu-ah tah pu-aw, Nga-eu meh nah caw teh la-aw leh, eh

neh-eu meh. 44 Pilipu-a, Adehleh haw-eu Betulu jaw-eu Behdzeda

meu-ah jaw-eu meh. 45 Pilipu-a, Nadanela-ah po maw-i-aw eh neh-eu,

Mose neh bo ta-eu zah daw k'o daw la k'oe haw-eu Mi yeh-eu g'a du ngeh

dah-eu tsaw ha deu neh bo ta-eu la k'oe, a yaw ma neh bo ta-eu tsaw ha

k'oe g'a-ah nga ma ya maw-eu ma. A yaw-a Nazaleh pu za, Yosheh-eu a li

Yesu meh leh, eh neh-eu meh. 46 Nazaleh pu-ah yaw mui je do la nya ta

lo leh, Nadanela na ha-eu meh. Haw la-aw taw leh, Pilipu eh neh-eu meh.

47 Yesu Nadanela la lu ga ya maw ngeh, Nadanela-eu ga kaw heu lo-eh

eh-eu meh. Isalela tsaw ha a di pyeu-eu g'a-ah haw she. A yaw-a, ja myaw

myaw-eu nui ma ma ah-a leh eh-eu meh. 48 Naw nga-ah a jo-eh si nya te

leh, Nadanela Yesu-ah na ha-eu meh. Pilipu naw-ah ma ku mi na-eh, naw

si gu ma sheu a baw u mo jaw lu ngeh neh, nga naw-ah maw-eu ma leh,

Yesu eh neh-eu meh. 49 Nadanela eh-eu, Labi-o, naw-a Mi yeh-eu Za ma

nga. Isalela tsaw ha-eu Sah pa ku haw kam k'aw ngeu nga leh, a yaw-ah

eh neh-eu meh. 50 Yesu eh-eu, Naw si gu ma sheu a baw u mo jaw lu

ngeh neh nga naw-ah maw-eu ma leh eh-eu mi neh, naw jah te lo. Heu na

ma tse hui-eu deu-ah k'aw naw ya maw teh-a leh, eh neh-eu meh. 51 Yesu

eh-eu, Nga naw ma-ah a di ma-eh eh neh nya. M pah ta-eu ga naw ma ya

maw teh-a. Mi yeh-eu m ta g'a k'eh tsaw ha-eu Za ma k'oe ta tsaw toe

tsaw da-eh cah lu ga k'aw ya maw teh-a leh, eh neh-eu meh.

Gana pu-ah a caw oe m ba-eu

2:1 K'oe na, sm nah dzeu-i-aw, Galileh mi k'ah-ah ja-eu Gana pu-ah a caw

oe m ba lu meh. Yesu-eu a ma k'aw k'oe ga jaw lu meh. 2 Oe m ba ga

oe-aw leh, a caw Yesu haw-eu a yaw-eu za lah deu-ah ku-eu meh. 3 A ga

dza ui ji-eu mi neh, A yaw ma a ga dza ui ma pa dah nga leh, Yesu-eu a

ma Yesu-ah eh neh-eu meh. 4 Yesu eh-eu, A ma-o, naw nga-ah a jo-eh ta

te. Nga-eu a yam ma tsa-a si leh, eh neh-eu meh. 5 Yesu naw ma-ah

k'eh-eu lo-eh m de leh, Yesu-eu a ma g'a mah mah dza-eu deu-ah eh

neh-eu meh. 6 K'oe ga, k'a lo ci cu ko si ja-eu meh. Ci cu k'oe ko si-a,

Yuda tsaw ha-eu zah ja-eu lo-eh, i cu i shaw shaw-eu g'a du bi ja-eu meh.

Ti si la k'oe i cu nga keu ko keu de le-eu meh. 7 Ci cu heu deu-eu la k'oe i

cu ti byah k'aw ah-aw leh, Yesu g'a mah mah dza-eu k'oe deu-ah k'eh-eu

meh. A yaw ma k'aw i cu ti byah k'aw ah-eu meh. 8 Nym-m ku-aw, oe m

ba ga a yui geu-eu g'a-ah ci neh-i-aw leh, Yesu k'eh-eu meh. A yaw ma

k'aw ku-aw ci neh-i-eu meh. 9 Oe m ba ga a yui geu-eu g'a, i cu a ga dza

ui pyeu la-eu k'oe-ah ui cui daw haw-eu meh. A ga dza ui k'oe a geu ga

za-eu nga leh, a yaw ma si-a. (Eh k'aw, i cu k'aw ah-eu g'a mah mah

dza-eu deu si lu meh.) K'oe ngeh, oe m ba ga a yui geu-eu g'a mi za

sheu-eu k'oe g'a-ah ku-aw eh neh-eu, 10 Tsaw ha yaw g'a na lu, a ga dza

ui yaw kui je hu bi daw-aw, a caw daw deh g'a na, ma kui-eu a ga dza ui

bi daw-eu meh. Eh k'aw, naw-a nym-m keu ni a ga dza ui yaw kui je hm

ta-eu nga taw leh, eh neh-eu meh. 11 Yesu-a, bi si bi maw beh beh-eu heu

je, Galileh mi k'ah-ah ja-eu Gana pu la k'oe meh neh-aw, a yaw-eu yaw

sheh k'ah seh a caw-ah bi maw-eu meh. A yaw-eu za lah deu a yaw-ah jah

la-eu meh.

12 K'oe na, a yaw-eu a ma, a yaw-eu a nyi deu haw-eu, a yaw-eu za lah

deu neh-eh Gabeneo meu-ah i-eu meh. A yaw ma k'oe ga g'aw myah ni ma

jaw-a.

U du tah nym nym ma-ah bi mui bi shaw la-eu

13 Yuda tsaw ha-eu Basaka baw-i g'eh-eu a yam peh la ngeh, Yesu

Yelusaleh meu-ah da le-eu meh. 14 K'oe ngeh, u du tah nym nym ma la

k'oe, yaw, maw ne haw-eu k'a k'oe ah lu-eu tsaw ha-ah Yesu ya maw-eu

meh. Pyu daw pa neh lu-eu tsaw ha deu nui lu ga k'aw, ya maw-eu meh.

15 Yesu a ca ca za nyeh baw-aw, ca tm tm-eu meh. K'oe na, a yaw ma

daw taw lu-ah ma eh, yaw haw-eu maw ne deu-ah ma eh, u du tah nym

nym ma la k'oe teh dzeh-eu meh. Pyu daw pa neh lu-eu tsaw ha deu-eu

pyu-ah ngaw k'a-aw, a yaw ma-eu haw jeh deu-ah k'aw ngaw dzeh-eu

meh. 16 K'a k'oe ah lu-eu tsaw ha-ah k'aw, K'a k'oe heu deu ba g'eh-aw.

Nga Da-eu nym-ah leh ta bi pyeu leh, eh neh-eu meh. 17 Nga naw-eu nym

g'a du leh jeh dui dui maw-eu nui ma ah mi-a leh, Ja li la k'oe bo ta-eu ga a

yaw-eu za lah deu noe do la-eu meh. 18 K'oe ngeh, Yuda tsaw ha ti pa na

deu eh-eu, Naw heu lo-eh jah-eu-a, nga ma-ah a geu je bi si bi maw-eu leh

jah te leh, a yaw-ah na ha-eu meh. 19 Yesu eh-eu, U du tah nym nym ma

heu-ah pya dzeh-aw. Sm nah la k'oe nga tso pa ma leh, eh neh-eu meh. 20

K'oe ngeh, Yuda tsaw ha ti pa na deu eh-eu, Oe tse ko k'o byah ni u du tah

nym nym ma heu-ah tso-eu meh. Sm nah teh-eh naw tso pa nya ma lo leh,

eh neh-eu meh. 21 Yesu k'oe lo-eh eh-eu-a, u du tah nym nym ma pyeu-eu

a yaw-eu g'aw maw-ah eh maw-eu meh. 22 Yesu g'o deh la ngeh, a yaw

neh eh ta-eu daw k'oe daw-ah a yaw-eu za lah deu noe do la-eu meh. K'oe

na, Ja li-ah k'aw, Yesu neh eh ta-eu daw-ah k'aw, a yaw ma jah-eu meh.

Yesu tsaw ha-eu nui ma-ah si nya meh

23 Basaka baw-i g'eh-eu a yam la k'oe Yesu Yejusaleh meu-ah jaw-eu

meh. A caw-ah bi si bi maw-eu leh, a yaw neh jah meh-eu k'oe deu-ah a

caw ya maw-aw, tsaw ha g'aw mya ni a yaw-ah jah la-eu meh. 24 Eh

k'aw, Yesu a yaw-eu g'aw maw tsaw ha k'oe deu-ah ma a neh-a. A je mi

neh eh na, a yaw tsaw ha daw taw lu-ah si nya meh. 25 A yaw tsaw ha-eu

nui ma-ah si nya-eu mi neh, tsaw ha-eu ga kaw a caw a yaw-ah ja meh

neh-eu a yaw ma lo-a.

Yesu haw-eu Nigawdi daw ja ja caw-eu

3:1 K'oe ngeh, Nigawdi leh myah-eu Paliseh ti g'a jaw-eu meh. A yaw-a,

Yuda tsaw ha-eu k'oe ta a yui geu-eu a mu la k'oe jaw-eu meh. 2 U ci ci le

ngeh, a yaw Yesu jaw ga la-aw eh-eu, Labi-o, naw-a Mi yeh neh bi oe-eu

sa la ti g'a nga leh, nga ma si nya ma. A je mi neh eh na, naw neh bi si bi

maw-eu leh jah-eu deu, jah-eu ga neh-eh Mi yeh ma jaw law nm-a, tsaw

ha ti g'a-i ma jah nya-a leh, eh neh-eu meh. 3 Yesu eh-eu, Nga naw-ah a di

ma-eh eh neh nya. Nyi po ti po ma deh pa la-eu tsaw ha, Mi yeh u lah-eu

la k'oe ma ya jaw-a leh, eh neh-eu meh. 4 Nigawdi eh-eu, Tsaw maw ti g'a

a jo-eh deh pa la nya-eu. A ma-eu u ma la k'oe u le-aw, ti po pa deh le nya

teh-a lo leh, na ha-eu meh. 5 Yesu eh-eu, Nga naw-ah a, di ma-eh eh neh

nya. I cu la k'oe haw-eu Yaw sah Mi yeh la k'oe ma deh pa la na, Mi yeh u

lah-eu la k'oe ma ya u le-a. 6 Shi sha ji-ah neh deh le-eu je-a, shi sha ji

meh. Yaw sah Mi yeh-ah neh deh le-eu je-a, yaw sah meh. 7 Naw ma yaw

shui ti po ya deh, pa la teh-a leh nga naw-ah eh neh-eu ga ta zah le. Ja

leh-a, k'a baw g'eh maw-eu paw baw g'eh-eu meh. 8 Ja leh baw lu-eu te

sa-ah naw ya ga k'aw, ja leh k'oe a geu paw neh baw la-aw, a geu paw

baw g'eh-eu nga leh naw ma si-a. Yaw sah Mi yeh la k'oe deh le-eu tsaw

ha yaw g'a na lu k'oe lo-eh du-eu meh leh, eh neh-eu meh.

9 Heu deu a jo-eh pyeu la nya-eu leh, Nigawdi Yesu-ah na ha-eu meh. 10

Yesu eh-eu, Naw-a, Isalela tsaw ha la k'oe sa la ti g'a geu lu k'aw, ga kaw

heu deu ma si nya nya lo. 11 Nga naw-ah a di ma-eh eh neh nya. Nga ma

si lu-eu ga kaw nga ma ja-aw, nga ma maw lu-eu ga kaw nga ma sa ki

kam-eu ma. Eh k'aw, nga ma sa ki kam ga naw ma ma na ha geu-a. 12 Mi

tsa-ah ta-eu ga kaw deu nga ja meh k'aw naw ma ma jah na, m-ah ta-eu ga

kaw deu nga naw ma-ah ja meh k'aw, naw ma a jo-eh jah nm. 13 M-ah

neh za ka le-eu tsaw ha-eu Za ma ma ngeu na, tsaw ha ti g'a-i m-ah ma da

le haw-a. 14 Baw tsah-ah Mose a law-ah k'ah tu-eu lo-eh, a caw tsaw

ha-eu Za ma-ah k'ah tu teh-a. 15 A yaw-ah k'a jah-eu tsaw ha, m ma ma

bya za zi ya deh ni, a yaw k'ah tu ga ya da teh-a.

Mi yeh mi tsa za-ah ga dui dui-eu

16 Mi yeh mi tsa za-ah ga dui dui-eu mi neh, a yaw-eu Za ma ti g'a teh

k'aw bi neh le-eu meh. Za ma-ah k'a jah-eu tsaw ha ma ya caw-i-eu u ta, m

ma ma bya za zi ya deh meh. 17 A je mi neh eh na, mi tsa za-ah ya k'a bi

da-eu leh, Mi yeh a yaw-eu Za ma mi tsa k'oe ta bi oe-eu ma ngeu-a. Mi

tsa za-ah bi ka k'o le-eu meh. 18 A yaw-ah k'a jah-eu tsaw ha, ya k'a da ga

ma ya da-a. Ma jah-eu tsaw ha, Mi yeh-eu Za ma-ah ma jah-eu mi neh,

nym-m k'aw ya k'a da ta-eu ga da lu meh. 19 Ya k'a da-eu k'oe-a, mi tsa

k'oe ta yaw sheh bya le-eu k'aw, tsaw ha za yaw hai je m-eu mi neh, yaw

sheh-ah na ma tse yaw zah-ah nui ma tsa-eu meh. 20 Yaw hai je m-eu

tsaw ha, yaw sheh-ah ma haw nah-eu mi neh, a yaw ma m-eu deu ma ya

do la ni, yaw sheh bya ga ma la-a. 21 Yaw tsa yaw daw je m-eu tsaw ha, a

yaw ma m-eu deu Mi yeh-ah g'oe-aw m-eu ma leh bi do la ni, yaw sheh

bya ga la-eu meh.

Mi za sheu-eu g'a-eu caw-eu ga kaw

22 K'oe na, Yesu haw-eu a yaw-eu za lah deu Yuda mi kah-ah i-eu meh. A

yaw za lah deu neh-eh k'oe ga jaw-aw, a caw-ah batisa m neh-eu meh. 23

Sali meu daw peh Eno leh myah-eu tsah, i cu g'aw mya ni dah-eu mi neh,

Yoha k'aw k'oe ga a caw-ah batisa m neh lu meh. Tsaw ha ti pa na deu

k'oe ga batisa kam la-eu meh. 24 K'oe ngeh, Yoha-ah taw-ah ma daw-a si.

25 Yoha-eu za lah ti pa na deu, Yuda tsaw ha ti g'a neh-eh bi shaw la-eu

zah deu-eu ga kaw tsaw pyeh pyeh lu meh. 26 A yaw ma Yoha jaw ga

la-aw eh-eu, Labi-o, Yawda law ba k'oe paw ba-ah naw neh-eh jaw ngeh,

a yaw-eu ga kaw naw sa ki kam-eu k'oe g'a, a caw-ah batisa m neh lu meh.

Tsaw ha daw taw lu a yaw jaw ga i lu meh leh, eh neh-eu meh. 27 Yoha

eh-eu, Mi yeh neh bi-eu je ma ngeu na, tsaw ha ti je-i ma za nya. 28

Nga-a, Ka-li ma ngeu. Ka-li-eu meh hu Mi yeh neh bi oe-eu g'a, nga ma

leh, nga naw ma-ah eh neh-eu ma. Eh neh-eu daw k'oe daw ga-eu ma leh,

naw ma k'aw sa ki kam nya teh-a. 29 Dah dza-i-eu g'a-ah sheu-eu g'a, mi

za sheu-eu g'a meh. Mi za sheu-eu g'a-eu caw daw peh yaw-aw neh, mi za

sheu-eu g'a-eu daw ya ga ngeh, la k'a ceh dui dui-eu meh. K'oe lo-eh du ni,

nga k'aw la k'a ceh dui dui mi-a. 30 Yesu-a ya hui ya mah-i meh. Eh k'aw,

nga-a ya te ya nyi-i meh leh, eh neh-eu meh.

M-ah neh oe-eu g'a

31 M-ah neh oe-eu g'a, daw taw lu-eu k'oe ta hui-eu g'a meh. Mi tsa za, mi

tsa-ah ta-aw, mi tsa-eu ga kaw teh-eh ngeh-eu tm-eu meh. M-ah neh oe-eu

g'a, daw taw lu-eu k'oe ta hui-eu g'a meh. 32 A yaw ya ga ya maw-eu

deu-eu ga kaw a yaw sa ki kam-eu meh. Eh k'aw, a yaw neh sa ki kam-eu

ga, tsaw ha ti g'a-i ma na ha geu-a. 33 A yaw neh sa ki kam-eu ga na ha

geu-eu tsaw ha, Mi yeh tsa dui daw dui dui meh leh si du-aw sa ki kam-eu

meh. 34 A je mi neh eh na, Mi yeh neh bi oe-eu g'a, Mi yeh-eu daw

ngeh-eu tm-eu meh. Mi yeh-a, Yaw sah bi ngeh, ma peh ma sa ni bi-eu

meh. 35 A da Mi yeh-a, Za ma-ah ga-aw, yaw je na lu a yaw-ah a neh-eu

meh. 36 Za ma-ah jah-eu g'a m ma ma bya za zi deh-eu je za-eu meh. Za

ma-ah ma ha geu-eu g'a m ma ma bya za zi deh-eu je ma za. Mi yeh nui

ma peh-eu je a yaw-eu k'oe ta ja lu meh.

Yesu Samali ma-ah meh neh-eu

4:1 Yesu-a, Yoha na ma tse a caw-ah za lah bi pyeu la-aw, batisa m neh lu

meh leh, Paliseh deu ya ga-eu meh. 2 (A di eh na, Yesu a caw-ah batisa

ma m neh-a. A yaw-eu za lah deu teh-eh m neh-eu meh.) 3 Ga kaw heu

Paliseh deu ya ga-eu meh leh Yesu ya si ngeh, Yuda mi k'ah-ah neh

do-i-aw, Galileh mi k'ah-ah ti po pa i-eu meh. 4 Samali mi k'ah-ah a yaw

ya i pa-eu meh. 5 Samali mi k'ah la k'oe ja-eu, Suka leh ku-eu meu ti

meu-ah a yaw i keu-eu meh. Meu k'oe meu-a, Yako a yaw-eu a li

Yosheh-ah bi ta ya-eu mi tsa k'oe tsah-eu daw peh meh. 6 K'oe ga

Yako-eu lah du ja-eu meh. Yesu g'a doe cah doe-eu mi neh, lah du daw

peh nui lu meh. A yam k'oe-a, nah lo ceh la maw-eu meh. 7 K'oe ngeh,

Samali ma ti g'a i cu k'aw le-eu meh. Nga-ah i cu ui cui bi daw la leh,

Yesu a yaw-ah sha-eu meh. 8 K'oe ngeh, Yesu-eu za lah deu meu-ah dza

dza daw daw zeu le-eu meh. 9 Samali ma eh-eu, Nga-a Samali tsaw ha

ma. Naw-a, Yuda tsaw ha meh. A je g'eh-eu naw nga-ah i cu sha daw te

leh, eh neh-eu meh. A je mi neh k'oe lo-eh eh-eu nga leh eh na, Yuda tsaw

ha haw-eu Samali tsaw ha caw ti paw-i ma caw-a. 10 Yesu eh-eu, Mi yeh

neh bi-eu la saw haw-eu, Nga-ah i cu ui cui bi daw la leh naw-ah sha lu-eu

g'a-ah naw si law nm-a, naw a yaw-ah sha teh-a. A yaw k'aw naw-ah sa la

bi deh la-eu i cu bi daw la teh-a leh, eh neh-eu meh. 11 Za mi za k'oe g'a

eh-eu, Sa la-o, naw i cu k'aw do-eu ti je-i ma ah-eu u ta, lah du heu du-a,

na dui dui-eu meh. Naw sa la bi deh la-eu i cu a ga k'aw nm. 12 A dui-eu a

da Yako, lah du heu du nga ma-ah bi la-eu meh. A yaw haw-eu a yaw-eu

za deu k'aw lah du heu du-ah k'aw daw-eu meh. A yaw-eu je za deu-ah

k'aw, k'aw do-aw bi daw-eu meh. Naw Yako na ma tse hui te lo leh, na

ha-eu meh. 13 Yesu eh neh-eu, I cu heu k'a daw-eu tsaw ha, i cu pa meh la

teh-a. 14 Eh k'aw, nga bi daw-eu i cu k'a daw-eu tsaw ha, i cu ti jaw-i ma

pa meh la. Nga bi daw-eu i cu k'oe, tsaw ha k'oe g'a-eu la k'oe m ma ma

bya za zi deh-eu je do le-eu i cu i byoe pyeu-eu meh leh, a yaw-ah eh

neh-eu meh. 15 Za mi za k'oe g'a eh-eu, Sa la-o, nga i cu ma ya meh-eu u

ta, heu ga k'aw i cu ma ya k'aw le ni, i cu k'oe nga-ah ui cui bi daw la-aw

leh, eh neh-eu meh.

16 Naw-eu k'a dze za ku la le-aw leh, Yesu a yaw-ah eh neh-eu meh. 17

Nga k'a, dze za ma baw leh, za mi za k'oe g'a eh k'o neh-eu meh. Yesu

eh-eu, K'a dze za ma baw leh naw eh-eu-a, tsa meh. 18 A je mi neh eh na,

naw-a nga zah i-eu meh. Nym-m naw neh-eh jaw lu-eu g'a naw-eu k'a dze

za ma ngeu-a. Naw to-eh eh-eu-a, tsa dui dui meh leh, eh neh-eu meh. 19

Za mi za k'oe g'a eh-eu, Sah pa-o, naw-a Mi yeh-eu g'a du ngeh dah-eu g'a

nga leh, nga si nya la-eu ma. 20 Nga ma-eu a poe a pi deu-a, gaw jaw heu

jaw-eu k'oe ta u du tah-eu meh. Eh k'aw, Yelusaleh meu la k'oe u du ya

tah le meh leh naw ma eh-eu meh leh, eh neh-eu meh. 21 Yesu eh-eu, Nga

eh lu-eu daw-ah naw jah-aw. Gaw jaw heu jaw-eu k'oe ta ma eh,

Yelusaleh meu la k'oe ma eh, naw ma A da Mi yeh-ah u du ma ya tah

le-eu a yam keu le-i-eu meh. 22 Naw ma-a, naw ma ma si-eu je-ah u du

tah-eu meh. Nga ma-a, nga ma si-eu je-ah u du tah-eu ma. A je mi neh eh

na, ka k'o-eu je Yuda tsaw ha la k'oe neh do la-eu meh. 23 Mi yeh-ah a di

ma-eh u du tah-eu tsaw ha deu-a, nui ma la k'oe haw-eu yaw tsa yaw daw

la k'oe u du tah-eu a yam keu le lu meh. Nym-m k'aw keu le-eu meh. A je

mi neh eh na, A da Mi yeh-a, a yaw-ah k'oe lo-eh u du tah-eu tsaw ha-ah

geu maw-eu meh. 24 Mi yeh-a, yaw sah meh. A yaw-ah u du k'a tah-eu

tsaw ha deu-a, nui ma la k'oe haw-eu yaw tsa yaw daw la k'oe u du ya tah

meh leh, eh neh-eu meh. 25 Za mi za k'oe g'a eh-eu, Mesiya oe meh leh

nga si nya ma. A yaw oe keu ngeh, nga ma-ah yaw je na lu meh neh la

teh-a leh, eh neh-eu meh. (Mesiya leh eh-eu-a, Ka-li-ah eh-eu meh.) 26

Naw neh-eh daw ngeh caw lu-eu nga-a, Mesiya ma leh, Yesu eh neh-eu

meh.

27 K'oe ngeh, a yaw-eu za lah deu g'o keu le-eu meh. Yesu za mi za k'oe

g'a neh-eh daw ngeh caw lu ga a yaw ma ya maw-aw zah le-eu meh. Eh

k'aw, Naw a je maw nya. A je mi neh naw a yaw-ah daw ngeh caw lu te

leh, ti g'a-i ma na ha-a. 28 Za mi za k'oe g'a, a yaw-eu mi tsa oe lah ta

ya-aw, meu-ah g'o le-eu meh. 29 Nga neh k'a m dzeu-eu daw taw lu

nga-ah ja meh neh la-eu g'a-ah haw le-aw. A yaw-a, Ka-li ngeu nga leh,

meu-ah jaw-eu tsaw ha-ah eh neh-eu meh. 30 A yaw ma meu-ah neh

do-i-aw, Yesu jaw ga i-eu meh.

31 K'oe ngeh, Labi-o, dza la-aw leh, za lah deu Yesu-ah sha-eu meh. 32

Nga naw ma ma si-eu dza-eu je ja ma leh, Yesu eh neh-eu meh. 33 Tsaw

ha ti g'a na a yaw-ah bi dza bi daw-eu ngeu nga leh, za lah deu a yaw ma

yaw ka ja-eu meh. 34 Yesu eh-eu, Nga-ah bi oe-eu g'a-eu nui ma tsa ni

m-aw, a yaw-eu ga m ji-eu heu-a, nga-eu dza-eu je ma.

35 Ba la oe si dzeu-i na, ceh yeh yam keu la-eu nga leh, naw ma eh-eu ma

ngeu lo. Eh k'aw, nga naw ma-ah eh neh nya. Ceh ya-ah haw she. Nym-m

k'aw ceh shui la-aw, ceh yeh de la-eu nga. 36 Seh-eu g'a haw-eu yeh-eu

g'a, ti kaw lo-eh la k'a ya ceh ni, yeh-eu g'a a poe za-aw, m ma ma bya za

zi deh-eu a si di ui-eu meh. 37 Ti g'a seh-aw ti g'a yeh-eu meh leh, daw da

da-eu daw k'oe daw, heu-ah tsa meh. 38 Naw ma neh ma m ta-eu ya-ah

nga naw ma-ah ceh bi yeh-i-eu ma. A caw neh m ta-eu ya-ah naw ma ya

yeh dza-eu meh leh, eh neh-eu meh.

39 Meu k'oe meu-ah jaw-eu Samali tsaw ha g'aw mya g'a Yesu-ah jah

la-eu meh. Nga neh k'a m dzeu-eu daw taw lu a yaw nga-ah ja meh neh

la-eu meh leh, za mi za k'oe g'a sa ki kam-eu mi neh meh. 40 Samali tsaw

ha k'oe deu Yesu jaw ga oe keu-aw, Nga ma neh-eh heu mya nah jaw la si

leh sha-eu mi neh, a yaw k'oe ga nyi nah jaw-eu meh. 41 Yesu neh eh-eu

daw k'oe deu-ah ya ga-eu mi neh, tsaw ha g'aw mya ni a yaw-ah jah la-eu

meh. 42 A yaw ma za mi za k'oe g'a-ah eh neh-eu, Nga ma naw-eu daw ba

da neh teh-eh Yesu-ah jah-eu ma pa ngeu ma. Nga ma a yaw-eu daw ya

ga-eu mi neh, tsaw ha heu g'a a di a ma mi tsa za-ah ka k'o-eu g'a nga leh,

nga ma si nya la-eu ma leh, eh neh-eu meh.

Yesu sah pa-eu a li-ah bi ta le-eu

43 Yesu k'oe ga nyi nah jaw g'a na, Galileh mi k'ah-ah i-eu meh. 44 A je

mi neh eh na, Mi yeh-eu g'a du ngeh dah-eu g'a, yaw ha-eu jaw k'ah-ah

k'ah seh ma ja leh, Yesu a yaw sa ki kam-eu meh. 45 A yaw Galileh mi

k'ah-ah i keu ngeh, Galileh tsaw ha deu a yaw-ah ha-eu meh. A je mi neh

eh na, Yelusaleh meu-ah baw-i g'eh ngeh, a yaw ma k'aw jaw-aw, Yesu

neh k'a m-eu deu ya maw-eu meh.

46 K'oe na, a yaw Galileh mi k'ah Gana pu-ah pa le keu-eu meh. Pu k'oe

pu-a, a yaw neh i cu-ah a ga dza ui bi pyeu la-eu pu meh. K'oe ngeh,

Gabeneo pu-ah jaw-eu sah pa ti g'a-eu a li pya lu meh. 47 Yesu Yuda mi

k'ah-ah neh Galileh mi k'ah-ah la keu-eu meh je leh, sah pa k'oe g'a ya

ga-eu meh. K'oe ngeh, a yaw-eu a li shi le lu-eu mi neh, a yaw Yesu jaw

ga le-aw, Nga li-ah la ta le she leh, Yesu-ah sha-eu meh. 48 Yesu eh-eu,

Bi si bi maw-eu deu haw-eu, k'a je-eh g'eh-eu deu-ah naw ma ma ya

maw-eu k'oe-a, naw ma ma jah-a leh, eh neh-eu meh. 49 Sah pa-o, nga li

ma shi mi na-eh haw le la she leh, sah pa k'oe g'a Yesu-ah sha-eu meh. 50

Naw li ta le-eu meh. G'o-i-aw leh, Yesu eh neh-eu meh. Sah pa k'oe g'a,

Yesu eh neh-eu daw-ah jah-aw, g'o-i-eu meh. 51 A yaw g'o-i lu ngeh, ga

peh a yaw-eu za k'a deu a yaw-ah tah pu-aw, Naw li ta le-eu meh leh, eh

neh-eu meh. 52 Nga li a geu yam-ah ta le ta leh na ha ngeh, Mi nah nah

g'ah paw na li ti la-ah a yaw pya-eu ta le-eu meh leh, za k'a k'oe deu a

yaw-ah eh neh-eu meh. 53 A yam k'oe, Naw li ta le-eu meh leh Yesu a

yaw-ah eh neh-eu a yam-ah tsa-eu nga leh, a da k'oe g'a si-eu meh. K'oe

ngeh, a yaw k'aw, a yaw-eu mi saw za daw taw lu k'aw, Yesu-ah jah la-eu

meh. 54 Bi si bi maw-eu heu-a, Yesu Yuda mi k'ah-ah neh Galileh mi

k'ah-ah i keu-aw, bi si bi maw-eu je jah-eu, nyi je ti je meh.

Lah daw peh Yesu neh na-eu tsaw ha ti g'a-ah bi ta le-eu

5:1 K'oe na, Yuda tsaw ha-eu baw-i g'eh-eu a yam keu la-eu mi neh, Yesu

Yelusaleh meu-ah da le-eu meh.

2 Yelusaleh meu la k'oe, yaw lah k'eh-eu daw peh, Hebyeh daw Bedesada

leh ku-eu lah ti lah ja-eu meh. Lah k'oe lah daw peh seh g'aw nga g'aw

ja-eu meh. 3 Seh g'aw k'oe nga g'aw la k'oe na-eu tsaw ha, mya beh beh-eu

tsaw ha, a kui ma mui-eu tsaw ha haw-eu, kui shi la shi shi-eu tsaw ha

g'aw mya ni yu lu meh. 4 A yam keu la na, m ta g'a k'eh lah la k'oe za ka

le-aw, i cu-ah la nyeh-eu meh. I cu k'oe nyeh la ngeh, a caw-eu je hu u-i-eu

g'a, a yaw a je na lu k'aw ta le-eu meh. 5 Sm tse yeh k'o byah ni na lu-eu

k'a dze za ti g'a k'oe ga yu lu meh. 6 Yesu tsaw ha k'oe g'a-ah ya maw

ngeh, a yaw na lu-eu g'aw myah keu la-eu nga leh si-aw, Naw ta le maw

mi-a lo leh, a yaw-ah na ha-eu meh. 7 Tsaw ha k'oe g'a eh-eu, Sa la-o, i cu

heu nyeh la ngeh, lah la k'oe nga-ah ci u neh la-eu ti g'a-i ma jaw-a. Nga i

lu ngeh, nui g'a nga-eu meh hu u-i shaw-eu meh leh, eh neh-eu meh. 8

Yesu eh-eu, Tu-aw. Naw-eu yu za ba-aw do-i-aw leh, eh neh-eu meh. 9

Tsaw ha k'oe g'a ti po teh-eh ta le-aw, a yaw-eu yu za ba-aw do-i-eu meh.

10 A nah k'oe nah-a, Yuda tsaw ha-eu jaw nah meh. K'oe mi neh, ta le-eu

tsaw ha k'oe g'a-ah, Yuda tsaw ha ti pa na deu eh neh-eu, I nah-a, jaw nah

meh. Naw naw-eu yu za ba ba-eh ma cah k'm-a leh, eh neh-eu meh. 11

K'oe ngeh a yaw eh-eu, Nga-ah bi ta le-eu g'a, Naw-eu yu za ba-aw

do-i-aw leh nga-ah k'eh-eu meh leh, a yaw ma-ah eh neh-eu meh. 12

Naw-eu yu za ba-aw do-i-aw leh naw-ah k'eh-eu k'oe g'a, a su g'a-a leh, a

yaw ma a yaw-ah na ha-eu meh. 13 Ta le-eu tsaw ha k'oe g'a, a yaw-ah bi

ta le-eu k'oe g'a a su g'a-a leh, a yaw ma si-a. A je mi neh eh na, k'oe ga

tsaw ha a ma ma ma jaw-eu mi neh, Yesu do-i-eu meh. 14 K'oe na, u du

tah nym nym ma la k'oe Yesu a yaw-ah maw-aw eh-eu, Naw ta le-eu nga.

Heu na ma tse k'a-eu na-eu gaw-eu je naw-eu k'oe ta ma ya keu le ni, i ba

ta pa m leh, eh neh-eu meh. 15 Ta le-eu tsaw ha k'oe g'a Yuda tsaw ha ti

pa na deu jaw ga i-aw, Nga-ah bi ta le-eu g'a, Yesu meh leh, eh neh-eu

meh.

16 Yesu jaw nah ngeh nah k'oe lo-eh bi ta le-eu mi neh, Yuda tsaw ha ti pa

na deu Yesu-ah k'eh beh beh-eu meh. 17 K'oe ngeh Yesu eh-eu, Nym-m

keu ni nga Da ga m lu meh. Nga k'aw ga m ma leh, eh neh-eu meh. 18

K'oe mi neh, Yuda tsaw ha ti pa na deu yaw beh na ma tse Yesu-ah di

seh-eu leh po lu meh. A je mi neh eh na, a yaw-a jaw nah-ah la caw-eu u

ta, Mi yeh-ah a yaw-eu A da leh ku-aw, a yaw haw-eu Mi yeh ti kaw nui

ni ta-eu mi neh meh.

Za ma bao ah-eu ga kaw

19 Yesu eh-eu, Nga naw ma-ah a di ma-eh eh neh nya. Za ma-a a yaw

yaw ti je-i ma m nya. A da Mi yeh m lu ga maw-eu lo-eh, Za ma k'aw m

ma. A da k'a m-eu yaw je na lu Za ma k'aw m ma. 20 A da Mi yeh-a, Za

ma-ah ga-eu mi neh, a yaw k'a m-eu daw taw lu Za ma-ah meh neh-eu

meh. Naw ma bi zah dui dui le-eu leh, heu deu na ma tse hui-eu nui deu

k'aw a yaw Za ma-ah m meh neh teh-a. 21 A da Mi yeh-a, shi-eu tsaw

ha-ah bi g'o deh la-eu lo-eh, Za ma k'aw bi deh la maw-eu tsaw ha-ah bi

deh la ma. 22 Tsaw ha daw taw lu A da Mi yeh-ah yaw zeu baw-eu lo-eh

Za ma-ah k'aw yaw zeu baw la ni, A da Mi yeh tsaw ha ti g'a-ah-i ya k'a

ma da-a. K'a ya da-eu ya k'a daw taw lu Za ma-ah a neh-eu meh. 23 Za

ma-ah yaw zeu ma baw-eu tsaw ha, Za ma-ah bi oe-eu A da Mi yeh-ah

kaw yaw zeu ma baw-a.

24 Nga naw ma-ah a di ma-eh eh neh nya. Nga-eu daw na ha geu-aw,

nga-ah bi oe-eu g'a-ah jah-eu g'a, m ma ma bya za zi deh-eu je za-eu meh.

Jah-eu k'oe g'a, ya k'a da ga ma ya da-a. A yaw shi-eu la k'oe do-i-aw,

deh-eu la k'oe u le-eu meh. 25 Nga naw ma-ah a di ma-eh eh neh nya.

Shi-eu tsaw ha deu-a, Mi yeh-eu Za ma-eu daw-ah ya ga-eu a yam keu le

lu meh. Nym-m k'aw keu le-eu meh. Ya ga-eu tsaw ha k'aw ya deh teh-a.

26 A da Mi yeh-eu la k'oe bi deh la-eu bao ah-eu lo-eh, Za ma-eu la k'oe

k'aw ah ni, A da Mi yeh a yaw-ah bi neh-eu meh.

27 K'oe u ta, a yaw-a tsaw ha-eu Za ma mi neh, ya k'a da-eu bao A da Mi

yeh a yaw-ah a neh-eu meh. 28 Ga kaw heu-ah ta zah le. A je mi neh eh

na, lm bym-ah du pah ta-eu tsaw ha daw taw lu a yaw-eu daw ya ga-aw,

lm bym-ah neh do la-eu a yam keu la teh-a. 29 Yaw mui je m-eu tsaw ha,

sa la deh-eu g'a du g'o deh la teh-a. Yaw hai je m-eu tsaw ha, ya k'a da ga

ya da-eu g'a du g'o deh la teh-a.

Yesu-eu ga kaw sa ki kam-eu deu

30 Nga teh na ti je-i ma m nya nya. Nga ya ga-eu lo-eh nga ya k'a da ma.

Nga da-eu-a, tsa ma. A je mi neh eh na, nga-ah bi oe-eu g'a-eu nui ma

tsa-eu lo-eh nga m ma. Nga nui ma tsa-eu lo-eh nga m-eu ma ngeu. 31

Nga nga-eu ga kaw sa ki kam na, nga kam-eu sa ki-a, ma tsa-a. 32 Nga-eu

ga kaw sa ki kam-eu ti g'a jaw meh. A yaw kam-eu k'oe-a, tsa meh leh nga

si nya ma. 33 Naw ma a caw-ah Yoha jaw ga k'eh g'eh ngeh, a yaw yaw

tsa yaw daw ga kaw sa ki kam-eu meh. 34 A di eh na, tsaw ha kam-eu sa

ki-ah nga ma g'oe. Eh k'aw, naw ma ka k'o-eu je za ni, nga heu lo-eh eh

neh nya. 35 Yoha-a, do bya ta-eu tsi k'm lo-eh du-eu meh. A yaw-eu yaw

sheh bya ga naw ma a yam ti k'eh la k'oe la k'a ceh maw-eu nui ma ah-eu

meh. 36 Yoha nga-eu ga kaw kam ta-eu sa ki na ma tse hui-eu nga-eu ga

kaw sa ki kam lu meh. Ga heu deu m ji-aw leh, A da Mi yeh nga-ah

k'eh-eu meh. Nym-m nga m lu-eu heu-a, A da Mi yeh nga-ah bi oe-eu sa ki

meh. 37 Nga-ah bi oe-eu A da Mi yeh k'aw, nga-eu ga kaw sa ki kam-eu

meh. Naw ma-a, A da Mi yeh-eu daw ma ga haw-a. A da Mi yeh-ah k'aw

ma maw haw-a. 38 A da Mi yeh-eu daw naw ma-eu la k'oe jaw k'a ma za.

A je mi neh eh na, a yaw neh bi oe-eu g'a-ah naw ma ma jah-a. 39 Ja li la

k'oe m ma ma bya za zi deh-eu je za teh-a leh naw ma noe-eu mi neh, naw

ma Ja li la k'oe po po-eh gui lu meh. Ja li k'oe-a, nga-eu ga kaw sa ki

kam-eu meh. 40 Eh k'aw, sa la deh-eu je za ni, naw ma nga jaw ga ma

la-a.

41 Yaw sheh k'ah seh hui dui dui nga leh, tsaw ha nga-ah eh la ga nga ma

ha geu. 42 Eh k'aw, naw ma-a heu lo-eh ma ngeu-a. A je mi neh eh na, Mi

yeh-eu g'oe-eu ga-eu je naw ma-eu nui ma la k'oe ma ah nga leh nga si nya

ma. 43 Nga nga Da-eu tsaw myah u' mo oe-eu k'aw, naw ma nga-ah ma ha

geu-a. Yaw ha-eu tsaw myah u mo yaw ha oe-eu nui g'a-ah naw ma ha

geu teh-a. 44 Mi yeh ti g'a teh-eh jaw-eu meh. A yaw-eu yaw sheh k'ah

seh-ah za ni naw ma ma po-eh, naw ma yaw ka, Naw k'ah seh hui dui dui

nga leh eh ga teh-eh maw-eu mi neh, naw ma a jo-eh jah nya-eu. 45 A da

Mi yeh-eu meh shi naw ma-ah i ba ta-eu g'a nga meh leh ta noe. Naw

ma-ah i ba ta-eu ti g'a jaw meh. K'oe g'a, naw ma g'oe lu-eu Mose meh. 46

Naw ma Mose-ah jah law nm-a, nga-ah k'aw jah teh-a. A je mi neh eh na,

a yaw nga-eu ga kaw bo ta-eu meh. 47 Naw ma a yaw neh bo ta-eu deu-ah

ma jah na, nga-eu daw-ah a jo-eh jah nm leh, eh neh-eu meh.

Tsaw ha nga he g'a-ah bi dza-eu

6:1 K'oe na, Yesu Debeli leh ku-eu, Galileh lah k'oe paw ba-ah tseh-i-eu

meh. 2 A caw-ah bi si bi maw-eu leh, Yesu na-eu gaw-eu tsaw ha-ah bi ta

le ngeh, ya maw-eu tsaw ha a ma ma ma a yaw-eu meh nah caw teh

g'eh-eu meh. 3 Yesu gaw jaw-ah da le-aw, a yaw-eu za lah deu neh-eh nui

lu meh. 4 K'oe ngeh, Yuda tsaw ha-eu Basaka baw-i g'eh-eu a yam peh

la-eu meh. 5 Yesu haw g'eh ngeh, tsaw ha a ma ma ma a yaw jaw ga la lu

ga ya maw-eu meh. A dui ma tsaw ha heu deu-ah bi dza-eu ka mu a geu

ga zeu-i nm leh, Yesu Pilipu-ah na ha-eu meh. 6 Yesu a yaw a jo-eh ya

jah-eu leh si nya k'aw, Pilipu-ah law haw maw-eu mi neh k'oe lo-eh na

ha-eu meh. 7 Pilipu eh-eu, Tsaw ha heu deu ti g'a ui cui ya dza ni, ka mu

nyi ya bya a poe zeu k'aw ma lo lu-a leh, Yesu-ah eh k'o neh-eu meh. 8 A

yaw-eu za lah deu-eu la k'oe, Simo Betulu-eu meh nm A-dehleh eh-eu, 9

Heu ga jaw-eu a li ti g'a, law loe neh jah ta-eu ka mu nga si haw-eu nga

sha nyi maw ah nga. Eh k'aw, tsaw ha heu mya ni-eu g'a du a je eh nya

nyeu-eu leh, Yesu-ah eh neh-eu meh. 10 Tsaw ha heu deu-ah bi nui-aw

leh, Yesu eh neh-eu meh. K'oe ga-a, da zaw law deh meh. K'oe ga nui-eu

tsaw ha, nga he g'a eh g'a ni byah-eu meh. 11 K'oe ngeh Yesu ka mu k'oe

yu-aw, Mi yeh-eu gui lah-ah ja ceu-eu meh. K'oe na, nui lu-eu tsaw ha-ah

bi neh-eu meh. K'oe lo-eh du ni, a yaw ma k'a maw-eu lo-eh, nga sha k'oe

deu k'aw bi neh-eu meh. 12 Tsaw ha k'oe deu dza deh g'a ngeh, Ti paw-i

ma ya byo-i ni, dza ngeh daw dzeh daw taw lu g'o k'o-aw leh, Yesu a

yaw-eu za lah deu-ah eh neh-eu meh. 13 K'oe na, a yaw ma g'o k'o haw

ngeh, law loe neh jah ta-eu ka mu k'oe nga si-eu dza ngeh daw dzeh, tse

nyi pu byah-eu meh.

14 A yaw neh bi si bi maw-eu heu je-ah tsaw ha k'oe deu ya maw ngeh,

Tsaw ha heu g'a, mi tsa k'oe ta oe teh-a leh eh ta-eu Mi yeh-eu g'a du ngeh

dah-eu k'oe g'a a di nga leh, eheu meh. 15 Tsaw ha k'oe deu a yaw-ah

nyeh-aw sah pa ku haw kam bi geu-eu leh g'eh-eu ga Yesu si nya-eu mi

neh, a yaw ti g'a teh-eh gaw jaw-ah pa da le-eu meh.

Yesu lah k'oe ta cah-eu

16 U ci ci le ngeh a yaw-eu za lah deu lah-ah i-aw, law-ah u-i-eu meh. 17

K'oe na, a yaw ma Gabeneo meu-ah i-eu leh, lah-ah tseh lu meh. K'oe

ngeh, u ci ci k'a k'a-i-eu meh. Yesu a yaw ma-ah ma teh mi le-a si. 18 Ja

leh leh ma baw la-aw, i cu i lu dzeh-eu meh. 19 A yaw ma sm la oe la

byah ni law heu keu g'eh ngeh, Yesu lah k'oe ta cah cah-eh, law daw peh

caw teh le lu ga a yaw ma ya maw-aw, gu dui dui-i-eu meh. 20 Nga ma.

Naw ma ta gu leh, Yesu a yaw ma-ah eh neh-eu meh. 21 K'oe na, a yaw

ma la k'a ceh ta ni Yesu-ah law-ah ku ah-aw, law k'oe a yaw ma i lu-eu

tsah ti k'eh la k'eh teh-eh i keu-eu meh.

Tsaw ha a ma ma ma Yesu-ah po-eu

22 Ni shaw ngeh nah keu ni, tsaw ha a ma ma ma k'oe ma, lah k'oe paw

ba-ah jaw lu-a si. Mi nah-a, law ti law teh-eh heu ga ja meh leh, a yaw ma

si nya meh. Yesu law-ah ma u-i-eh, a yaw-eu za lah deu teh-eh law k'oe

dzi g'eh-eu ga, a yaw ma maw lu meh. 23 Sah pa Yesu Mi yeh-eu gui

lah-ah ja ceu-aw a yaw ma ka mu ya dza-eu k'oe tsah-eu daw peh, Debeli

meu-ah neh law nui deu la keu-eu meh. 24 Yesu haw-eu a yaw-eu za lah

deu heu ga ma pa jaw nga leh, tsaw ha a ma ma ma k'oe ma ya si-eu meh.

K'oe mi neh a yaw ma law k'oe deu dzi-aw Yesu-ah po-i-eu leh, Gabeneo

meu-ah i-eu meh.

Yesu-a sa la-ah bi deh la-eu ka mu meh

25 A yaw ma lah k'oe paw ba-ah Yesu-ah po maw ngeh, Labi-o, naw heu

ga a myah oe keu te leh, Yesu-ah na ha-eu meh. 26 Yesu eh-eu, Nga naw

ma-ah a di ma-eh eh neh nya. Naw ma bi si bi maw-eu je-ah ya maw-eu mi

neh nga-ah po-eu ma ngeu-a. Ka mu ti deh ya dza-eu mi neh nga-ah po-eu

meh. 27 Bu-i caw-i nya-eu dza-eu je-ah za ni ta po. M ma ma bya za zi bi

deh nya-eu dza-eu je-ah za ni leh jeh-aw po-aw. M ma ma bya za za bi

deh nya-eu dza-eu je, tsaw ha-eu Za ma naw ma-ah bi dza teh-a. A je mi

neh eh na, k'oe lo-eh bi dza-eu g'a a yaw meh leh, A da Mi yeh yaw

mui-eh bi si bi maw-eu meh leh, Yesu a yaw ma-ah eh neh-eu meh.

28 Mi yeh-eu ga m nya ni, nga ma a jo-eh ya jah ta leh, a yaw ma Yesu-ah

na ha-eu meh. 29 Mi yeh neh bi oe-eu g'a-ah jah-eu je-a, Mi yeh-eu ga

m-eu je pyeu-eu meh leh, Yesu a yaw ma-ah eh k'o neh-eu meh. 30 A yaw

ma eh-eu, To-eh ma-i, nga ma ya maw-aw naw-ah jah la nya ni, bi si bi

maw-eu a geu je naw nga ma-ah bi maw la nm. Naw a geu je jah meh la

nm. 31 A dui-eu a poe a pi deu-a baw tsah-ah jaw ngeh, mana ka mu ya

dza-eu meh. A yaw ma ya dza ni, m k'oe ta-eu ka mu Mi yeh bi-eu meh

leh, Ja li la k'oe bo ta-eu meh leh, a yaw ma a yaw-ah eh neh-eu meh.

32 Yesu eh-eu, Nga naw ma-ah a di ma-eh eh neh nya. Naw ma-ah m k'oe

ta-eu ka mu bi-eu g'a, Mose ma ngeu-a. Ma ma ni m k'oe ta-eu ka mu, nga

Da naw ma-ah bi-eu meh. 33 Mi yeh-eu ka mu-a, m koe ta neh oe-aw, mi

tsa za-eu sa la-ah bi deh la-eu ka mu meh leh, a yaw ma-ah eh neh-eu

meh. 34 Sah pa-o, ka mu k'oe nga ma-ah a myah lu bi dza la-aw leh, a

yaw ma a yaw-ah sha-eu meh.

35 Yesu eh-eu, Nga-a, sa la-ah bi deh la-eu ka mu ma. Nga jaw ga la-eu

tsaw ha, haw ma pa meh-a. Nga-ah jah-eu tsaw ha, i cu k'aw ma pa

meh-a. 36 Naw ma nga-ah maw-eu k'aw, nga-ah ma jah nga leh nga naw

ma-ah eh neh-eu ma. 37 Nga Da nga-ah k'a bi-eu tsaw ha daw taw lu, nga

jaw ga la teh-a. Nga jaw ga k'a la-eu tsaw ha-ah nga ma byeh dzeh. 38 A

je mi neh eh na, nga nui ma tsa-eu lo-eh m-eu leh m-ah neh oe-eu ma ngeu.

Nga-ah bi oe-eu g'a-eu nui ma tsa ni m-eu leh nga oe-eu ma. 39 Nga-ah bi

oe-eu g'a-eu nui ma tsa-eu je-a, heu meh. A yaw nga-ah k'a bi la-eu tsaw

ha la k'oe ti g'a-i ma ya byo-i-eu u ta, a sa sa ngeh nah a yaw ma daw taw

lu-ah bi g'o deh la-eu-a, a yaw nui ma tsa-eu meh. 40 A je mi neh eh na, Za

ma-ah maw-aw jah-eu tsaw ha yaw g'a na lu m ma ma bya za zi ya

deh-eu-a, nga Da nui ma tsa-eu meh. A sa sa ngeh nah nga k'aw, tsaw hay

k'oe deu-ah bi g'o deh la ma.

41 Nga-a, m-ah neh oe-eu ka mu ma leh, a yaw eh-eu mi neh, Yuda tsaw

ha a yaw-ah ja bu ja doe-eu meh. 42 A yaw-a Yosheh-eu a li Yesu, ma

ngeu-a lo. A yaw-eu a ma a da-ah k'aw a dui ma si lu-eu, ma ngeu lo. Nga

m-ah neh oe-eu ma leh, a yaw a jo-eh eh-eu nga leh, a yaw ma yaw ka

ja-eu meh. 43 K'oe ngeh Yesu eh-eu, Naw ma nga-ah ta ja bu ta ja doe. 44

Nga-ah bi oe-eu A da Mi yeh, nga jaw ga ma g'eu la na, tsaw ha ti g'a-i

nga jaw ga ma la nya. A da Mi yeh nga jaw ga g'eu la-eu tsaw ha-ah a sa

sa ngeh nah nga bi g'o deh la ma. 45 Mi yeh-eu g'a du ngeh dah-eu deu-eu

sah bo la k'oe, Mi yeh-a a yaw ma daw taw lu-ah meh neh teh-a leh, bo

ta-eu meh. A da Mi yeh-eu daw ga-aw, A da Mi yeh neh meh-eu deu-ah

na ha-eu tsaw ha yaw g'a na lu, nga jaw ga la teh-a. 46 Tsaw ha ti g'a-i A

da Mi yeh-ah ma maw haw-a. Mi yeh jaw ga neh oe-eu g'a teh-eh A da Mi

yeh-ah maw haw-eu meh. 47 Nga naw ma-ah a di ma-eh eh neh nya.

Nga-ah jah-eu tsaw ha, m ma ma bya za zi deh-eu je za-eu meh.

48 Nga-a, sa la-ah bi deh la-eu ka mu ma. 49 Naw ma-eu a poe a pi deu-a,

baw tsah-ah jaw ngeh mana ka mu ya dza-eu k'aw, a yaw ma shi ji-eu

meh. 50 Nga eh maw-eu ka mu-a, m-ah neh oe-eu ka mu ma. 51 Ka mu

heu dza-eu tsaw ha ma ya shi-a. Nga-a, m-ah neh oe-eu ka mu ma. Ka mu

heu-a, sa la-ah bi deh la-eu ka mu meh. Ka mu heu dza-eu tsaw ha, m ma

ma bya za zi ya deh meh. Mi tsa za sa la deh la ni, nga neh bi-eu ka mu

heu-a, nga-eu sha ji ma leh, eh neh-eu meh.

52 K'oe ngeh, Yuda tsaw ha deu eh-eu, Tsaw ha heu g'a, a yaw-eu sha ji a

dui ma-ah a jo-eh bi dza la nya-eu leh, a yaw ma yaw ka pyeh-eu meh. 53

Yesu eh-eu, Nga naw ma-ah a di ma-eh eh neh nya. Tsaw ha-eu Za ma-eu

sha ji ma dza-eh, a yaw-eu shi ma daw na, naw ma-eu la k'oe sa la deh-eu

je ma ah-a. 54 Nga-eu sha ji dza-aw, nga-eu shi daw-eu tsaw ha, m ma ma

bya za zi deh-eu je za-eu meh. A sa sa ngeh nah nga a yaw ma-ah bi g'o

deh la ma. 55 A je mi neh eh na, nga-eu sha ji-a a di a ma dza-eu je

pyeu-eu ma. Nga-eu shi-a, a di a ma daw-eu je pyeu-eu ma. 56 Nga-eu sha

ji dza-aw, nga-eu shi daw-eu tsaw ha, nga-eu la k'oe jaw-eu meh. 57 Nga

k'aw, a yaw ma-eu la k'oe jaw ma. Deh lu-eu A da Mi yeh nga-ah bi

oe-aw, a yaw ba da neh nga deh lu ma. K'oe lo-eh du ni, nga-ah dza-eu

tsaw ha, nga ba da neh sa la ya deh teh-a. 58 Ka mu heu-a, naw ma-eu a

poe a pi deu ya dza-eu ka mu k'oe-ah ma du-a. A yaw ma ka mu k'oe ya

dza-eu k'aw shi ji-eu meh. Ka mu heu-a, m-ah neh oe-eu meh. Ka mu heu

dza-eu tsaw ha, m ma ma bya za zi ya deh meh leh, a yaw ma-ah eh eh-eu

meh. 59 Gabeneo meu-ah ja-eu, u du tah nym la k'oe meh neh tso neh lu

ngeh, ga kaw heu deu Yesu eh-eu meh.

Sa la-ah bi deh la-eu daw deu

60 A yaw-eu za lah deu daw k'oe daw ya ga ngeh, Daw heu daw-a, doe

dui dui nya. A su g'a na ha nah-eu leh, g'aw mya g'a yaw ka ja-eu meh. 61

A yaw-eu za lah deu ga kaw k'oe-ah ja bu ja doe lu ga Yesu a yaw-eu nui

ma la k'oe si nya-aw eh-eu, Daw heu daw ba da neh naw ma nui ma caw te

lo. 62 Tsaw ha-eu Za ma a yaw-eu jaw du-ah da g'o le ga naw ma ya maw

na, a jo-eh noe nm. 63 Yaw sah teh-eh sa la-ah bi deh la nya meh. Shi sha

ji-a, ti je-i ma jah nya. Nga neh naw ma-ah eh neh-eu daw deu-a, yaw sah

haw-eu sa la-ah bi deh la-eu daw deu meh. 64 Eh k'aw, naw ma ti pa na

deu-a, ma jah-a leh, a yaw ma-ah eh neh-eu meh. A je mi neh eh na, a

yaw-ah ma jah-eu deu haw-eu a yaw-ah a caw-eu a la la k'oe a neh-eu

g'a-ah k'aw, yaw beh ngeh neh Yesu si nya lu meh. 65 Yesu eh-eu, K'oe

mi neh, nga Da ma bi la na, tsaw ha ti g'a-i nga jaw ga ma la nya leh nga

naw ma-ah eh neh-eu ma leh, eh neh-eu meh.

66 K'oe mi na, a yaw-eu za lah gaw mya g'a a yaw-ah g'aw-i-aw, a yaw-eu

meh nah ma pa caw teh-eu meh. 67 Naw ma k'aw g'o le ma lo leh, Yesu

g'a k'eh tse nyi g'a-ah na ha-eu meh. 68 Simo Betulu eh-eu, Sah pa-o, nga

ma a su g'a-eu meh nah caw teh-i-eu. M ma ma bya za zi deh-eu je-ah

ta-eu daw naw nga ma-ah meh neh la-eu meh. 69 Naw-a, Mi yeh-eu tsaw

mui tsaw shaw g'a nga leh nga ma si la jah la-eu ma leh, Yesu-ah eh k'o

neh-eu meh. 70 Yesu eh-eu, Naw ma tse nyi g'a-ah nga neh tse do ta-eu,

ma ngeu-a lo. Eh k'aw, naw ma-eu la k'oe ti g'a neh sah pa meh leh, a yaw

ma-ah eh neh-eu meh. 71 A yaw k'oe lo-eh eh-eu-a, Simo Isagalio-eu a li

Yuda-ah eh maw-eu meh. A je mi neh eh na, a yaw-a g'a k'eh tse nyi

g'a-eu la k'oe ah-eu k'aw, Yesu-ah a caw-eu a la la k'oe a neh-eu meh.

Yesu-eu a nyi deu Yesu-ah ma jah-a

7:1 K'oe na, Yesu-a Galileh mi k'ah la k'oe ti ga sa-i ti ga i-eu meh. Yuda

tsaw ha deu a yaw-ah di seh-eu leh po lu-eu mi neh, Yuda mi k'ah la k'oe a

yaw ma i-a. 2 K'oe ngeh, Yuda tsaw ha Seh g'aw-eu baw-i g'eh-eu a yam

peh la-eu meh. 3 A yaw-eu a nyi deu eh-eu, Naw m-eu deu-ah naw-eu za

lah deu ya maw ni, heu ga neh do-i-aw, Yuda mi k'ah-ah le-aw. 4 A je mi

neh eh na, yaw ha-eu tsaw myah bi do maw-eu tsaw ha, ba za-ah ti je-i ma

m-a. Naw ga heu deu m na, mi tsa za-ah naw-eu g'aw maw bya ceh ni bi

maw-aw leh, eh neh-eu meh. 5 A je mi neh k'oe lo-eh eh ta leh eh na, a

yaw-eu a nyi deu k'aw a yaw-ah ma jah-a. 6 Yesu eh-eu, Nga-eu g'a du a

yam ma tsa-a si. Eh k'aw, naw ma-eu g'a du-a, a myah lu a yam tsa meh. 7

Mi tsa za naw ma-ah ma mui nya-a. Eh k'aw, a yaw ma neh m-eu deu yaw

hai nga leh, nga sa ki kam-eu mi neh, mi tsa za nga-ah mui-eu meh. 8

Baw-i g'eh-eu k'oe ga naw ma le-aw. 9 Nga-eu g'a du a yam ma tsa-eu mi

neh nga ma le si leh, a yaw ma-ah eh neh-aw, Galileh mi k'ah-ah jaw ya-eu

meh.

Yesu Seh g'aw-eu baw-i g'eh ga da le-eu

10 A yaw-eu a nyi deu baw-i g'eh-eu k'oe ga le dzeu ngeh, a caw ma bi si

ma bi maw ni, Yesu k'aw le-eu meh. 11 Baw-i g'eh-eu la k'oe Yuda tsaw

ha a yaw-ah po po-eh, A yaw a ga i ta leh, a yaw ma yaw ka na ha-eu

meh. 12 Tsaw ha a ma ma ma deu a yaw-eu ga kaw law law-eh ja lu meh.

Ti pa na deu eh-eu, A yaw-a, tsaw mui tsaw ja meh leh eh-eu meh. A

yaw-a tsaw mui tsaw ja ma ngeu-a. Tsaw ha-ah sheu bah-eu g'a meh leh, ti

pa na deu eh-eu meh. 13 Eh kaw, Yuda tsaw ha-ah gu-eu mi neh, tsaw ha

ti g'a-i Yesu-eu ga kaw bya ceh ni ma eh peu-a.

14 Baw-i g'eh-eu koe ti pa ga la ngeh, Yesu u du tah nym nym ma-ah da

le-aw meh neh tso neh-eu meh. 15 Yuda tsaw ha deu zah le-aw, Tsaw ha

heu g'a sah bo ma dzaw haw-eu k'aw, a jo-eh heu na na-eh si nya-eu nga

leh eh-eu meh. 16 Yesu eh-eu, Nga meh lu tso lu-eu daw heu-a, nga-eu

daw ma ngeu. 17 Nga-ah bi oe-eu g'a-eu daw meh. Mi yeh nui ma tsa ni m

maw-eu tsaw ha, nga meh lu tso lu-eu daw heu Mi yeh neh bi meh-eu nga

lo. Ma ngeu na, nga-eu nui noe nga meh-eu nga lo leh si nya teh-a. 18 Yaw

ha-eu nui noe yaw ha meh-eu g'a, yaw ha-eu k'ah seh za ni po-eu meh. Eh

kaw, a yaw-ah bi oe-eu g'a-eu yaw sheh k'ah seh za ni po-eu g'a, yaw tsa

yaw daw meh. Ma tsa ma daw-eu nui ma ti paw-i ma ah-a.

19 Mose naw ma-ah zah daw k'o daw bi-eu, ma ngeu-a lo. Eh k'aw, naw

ma ti g'a-i zah daw k'o daw k'oe-ah ma m-a. Naw ma nga-ah di seh-eu leh,

a je g'eh-eu po lu te leh, eh neh-eu meh. 20 Tsaw ha k'oe deu eh-eu,

Naw-a, neh u-eu nga. Naw-ah di seh-eu leh a su g'a po lu nga leh, eh

neh-eu meh. 21 Yesu eh-eu, Nga ti je m-eu ma. K'oe ga naw ma daw taw

lu zah le-eu meh. 22 Mose naw ma-ah ba k'o meh dza yeh-eu zah bi jah-eu

meh. (A di eh na, Mose neh bi jah-eu ma ngeu-a. A poe a pi deu neh jah

ka le-eu meh.) Jaw nah ngeh nah k'aw naw ma ba k'o meh dza yeh-eu

meh. 23 Mose neh bi-eu zah daw k'o daw ma ya caw-i ni, jaw nah ngeh

nah k'aw naw ma ba k'o meh dza yeh-eu meh. To-eh ma-i, jaw nah ngeh

nah nga tsaw ha ti g'a-eu g'aw maw maw lah-ah bi ta le-eu mi neh, naw ma

nga-ah nui ma peh te lo. 24 Naw ma neh ya maw-eu deu-ah teh-eh

haw-aw ya k'a ta da. Yaw tsa yaw daw daw-eh ya k'a da-aw leh, eh

neh-eu meh.

Heu g'a Ka-li meh lo

25 K'oe mi neh, Yelusaleh meu-ah jaw-eu tsaw ha ti pa na deu eh-eu, A

yaw ma di seh-eu leh po lu-eu g'a, heu g'a ma ngeu-a lo. 26 Haw she. A

yaw bya ceh ni meh lu k'aw, a yaw ma a yaw-ah ti je-i ma eh nga. Tsaw ha

heu g'a Ka-li meh leh sah pa deu a di si nya ngeu-eu ma si. 27 Eh k'aw,

tsaw ha heu g'a a geu ga neh do la-eu, a dui ma si nya ma. Ka-li oe ngeh, a

yaw a geu ga neh do le-eu leh, ti g'a-i ma si nya-a leh eh-eu meh. 28 K'oe

mi neh, Yesu u du tah nym nym ma la k'oe meh lu tso lu ngeh yaw k'a-eh

eh-eu, Naw ma nga-ah si nya meh. Nga a geu ga neh do le-eu k'aw naw

ma si nya meh. Eh k'aw, nga-eu nui noe nga oe-eu ma ngeu. Nga-ah bi

oe-eu g'a, yaw tsa yaw daw meh. 29 Naw ma a yaw-ah ma si-a. Nga-a, a

yaw-ah si nya ma. A je mi neh eh na, nga a yaw jaw ga neh oe-aw, a yaw

nga-ah bi oe-eu meh leh, eh neh-eu meh. 30 K'oe mi neh, a yaw ma a

yaw-ah nyeh-eu leh g'eh-eu meh. Eh k'aw, a yaw-eu a yam ma tsa-eu mi

neh, tsaw ha ti ga-i a yaw-ah ma nyeh-a. 31 Tsaw ha k'oe deu la k'oe tsaw

ha gaw mya g'a a yaw-ah jah-eu meh. A yaw ma eh-eu, Ka-li oe keu na,

tsaw ha heu g'a neh jah-eu bi si bi maw-eu deu mya ma tse, a yaw bi si bi

maw-eu deu jah teh-a lo leh, eh neh-eu meh.

Yesu-ah bi nyeh-i-eu

32 Tsaw ha k'oe deu Yesu-eu ga kaw law law-eh ja lu ga Paliseh deu ya

ga-eu meh. K'oe mi neh, pi ma deu haw-eu Paliseh deu a yaw-ah bi

nyeh-i-eu leh, u du tah nym nym ma-ah jaw-eu yeh deu-ah k'eh g'eh-eu

meh. 33 K'oe ngeh Yesu eh-eu, Nga naw ma neh-eh ti k'eh jaw ma. Ti k'eh

g'eh na, nga-ah bi oe-eu g'a jaw ga g'o le ma. 34 Naw ma nga-ah po teh-a.

Po k'aw ma po maw nya-a. Naw ma nga jaw ga ma la nya-a leh, eh neh-eu

meh. 35 K'oe ngeh Yuda tsaw ha yaw ka eh-eu, A dui ma a yaw-ah ma ya

maw ni, a yaw a geu ga i-eu leh nga. Helasa tsaw ha neh-eh jaw-i-eu tsaw

ha deu jaw ga i-aw, Helasa tsaw ha deu-ah meh neh tso neh-i-eu leh nga

lo. 36 Naw ma nga-ah po teh-a. Po k'aw ma po maw nya-a. Naw ma nga

jaw ga ma la nya-a leh a yaw eh-eu-a, a je eh maw-eu nga leh eh-eu meh.

Sa la-ah bi deh la-eu law gaw deu

37 Baw-i g'eh sa sa-eu, a nah yaw hui ngeh nah, Yesu gaw yaw yaw-aw

yaw k'a-eh eh-eu, I cu k'a meh-eu tsaw ha nga jaw ga daw la-aw. 38

Nga-ah jah-eu deu-a, Ja li la k'oe bo ta-eu lo-eh, A yaw-eu nui ma la k'oe

sa la-ah bi deh la-eu law gaw deu yoe le meh leh, eh neh-eu meh. 39 A

yaw k'oe lo-eh eh-eu-a, a yaw-ah jah-eu tsaw ha deu a ka za-eu Yaw sah

Mi yeh-ah eh-eu meh. A je mi neh a ka za-eu leh eh na, Yesu yaw sheh

k'ah seh ma za-eu mi neh, Mi yeh-a Yaw sah Mi yeh ma bi jaw le-a si.

A yaw ma Yesu-eu ga kaw-ah neh nyi mu pyeu-i-eu

40 A yaw ma daw k'oe daw ya ga ngeh, tsaw ha ti pa na deu eh-eu, Tsaw

ha heu g'a, Mi yeh-eu g'a du ngeh dah-eu k'oe g'a a di nga leh eh-eu meh.

41 Ti pa na deu eh-eu, Tsaw ha heu g'a Ka-li nga. Eh k'aw, ti pa na deu

eh-eu, Ka-li-a, Galileh mi k'ah-ah do la meh lo. 42 Ka-li-a, Dabi-eu a jeu a

ca mi neh, Dabi-eu jaw du Behlehheh pu-ah do la meh leh, Ja li la k'oe bo

ta-eu, ma ngeu-a lo leh eh-eu meh. 43 A yaw ma Yesu-eu ga kaw-ah neh

nyi mu pyeu-i-eu meh. 44 Ti pa na deu a yaw-ah nyeh maw-eu meh. Eh

k'aw, tsaw ha ti g'a-i a yaw-ah ma nyeh-a.

A yaw meh-eu lo-eh ti g'a-i ma meh haw-a

45 K'oe ngeh, pi ma deu haw-eu Paliseh deu jaw ga, u du tah nym nym

ma-ah jaw-eu yeh k'oe deu go la-eu meh. Naw ma a je g'eh-eu a yaw-ah

ma nyeh la te leh, pi ma deu haw-eu Paliseh deu na ha-eu meh. 46 Tsaw

ha k'oe g'a meh-eu lo-eh ti g'a-i ma meh haw-a leh, yeh k'oe deu eh k'o

neh-eu meh. 47 Paliseh k'oe deu eh-eu, Naw ma-ah k'aw a yaw neh sheu

bah g'eh-eu mi-a lo. 48 Sah pa deu haw-eu Paliseh deu-eu la k'oe, a

yaw-ah jah-eu ti g'a na jaw meh lo. 49 Zah daw k'o daw ti paw-i ma si

nya-eu tsaw ha k'oe deu-a, ya k'eh ya ga ya da lu meh leh, eh neh-eu meh.

50 A hu Yesu jaw ga i haw-eu, Nigawdi leh myah-eu g'a, a yaw ma-eu a

mu la k'oe jaw-eu meh. 51 A yaw eh-eu, A dui ma-eu zah daw k'o daw la

k'oe eh-eu, Tsaw ha ti g'a eh-eu daw-ah ma ya ga-eh, a yaw neh m-eu

ga-ah ma ya si-eu k'oe-a, a yaw-ah ya k'a da-eu zah ma ja-a leh, a yaw

ma-ah eh neh-eu meh. 52 A yaw ma eh-eu, Naw k'aw Galileh tsaw ha te

lo. Ja li-ah yaw mui-eh gui haw she. Mi yeh-eu g'a du ngeh dah-eu tsaw

ha ti g'a-i Galileh mi k'ah la k'oe ma do la ga naw ya maw teh-a leh, eh

neh-eu meh.

A caw neh-eh joe lu-eu za mi za ti g'a-ah sheu la-eu

53 K'oe ngeh, a yaw ma yaw ha-eu i kah yaw ha g'o-i-eu meh.

8:1 Yesu-a, Salo gaw jaw-ah da le-eu meh. 2 U shaw yaw na-eh a yaw u

du tah nym nym ma-ah pa oe-aw, tsaw ha daw taw lu a yaw jaw ga la-eu

meh. K'oe ngeh a yaw nui-aw, a yaw ma-ah meh neh tso neh-eu meh. 3

Zah meh-eu deu haw-eu Paliseh deu, a caw neh-eh joe lu-eu za mi za ti

g'a-ah Yesu jaw ga sheu la-eu meh. 4 Za mi za k'oe g'a-ah g'ah ceh sheu

ta-aw eh-eu, Sa la-o, za mi za heu g'a a caw neh-eh joe lu ga nga ma

maw-aw nyeh-eu ma. 5 Heu lo-eh g'eh-eu tsaw ha-ah k'a lo neh ya bi seh

meh leh, Mose zah daw k'o daw la k'oe bo ta-eu meh. Naw-a, a jo-eh eh

nm leh, eh neh-eu meh. 6 A yaw ma k'oe lo-eh eh-eu-a, Yesu-ah i ba ta

nya ni, a yaw-ah law haw-eu meh. Yesu aw k'o-aw, mi tsa-ah la noe neh

bo lu meh. 7 Eh k'aw, a yaw ma a yaw-ah na ha teh teh lu-eu mi neh, a

yaw aw tu-aw eh-eu, Naw ma la k'oe i ba ma ah-eu tsaw ha ti g'a, k'a lo

neh a yaw-ah je hu bi-aw leh, a yaw ma-ah eh neh-eu meh. 8 K'oe na, a

yaw ti po pa aw k'o-aw, mi tsa-ah la noe neh pa bo-eu meh. 9 A yaw ma

Yesu-eu daw k'oe daw ya ga ngeh, a k'o k'aw dzeh-eu g'a-ah neh a k'o nyi

dzeh-eu g'a-ah keu ni, ti g'a sa-i ti g'a do-i-eu meh. Yesu ti g'a teh-eh jaw

ya-aw, za mi za k'oe g'a k'aw koe ga yaw lu meh. 10 K'oe ngeh, Yesu aw

tu-aw eh-eu, A yaw ma a ga i ji ta. Tsaw ha ti g'a-i naw-ah ma da neh la-a

lo leh, na ha-eu meh. 11 Sah pa-o, nga-ah ti g'a-i ma da neh la-a leh, za mi

za k'oe g'a eh neh-eu meh. Yesu eh-eu, Nga k'aw naw-ah ma da neh. I-aw.

I ba ta pa m leh, eh neh-eu meh.

Yesu-a, mi tsa-eu yaw sheh meh

12 Yesu ti po eh-eu, Nga-a mi tsa-eu yaw sheh ma, Nga-eu meh nah la-eu

tsaw ha, yaw zah la k'oe ma ya cah-a. Sa la-ah bi deh la-eu yaw sheh a

yaw ma-eu la k'oe ah la teh-a leh, eh neh-eu meh. 13 Paliseh deu Yesu-ah

eh neh-eu, Naw naw-eu ga kaw sa ki kam-eu nga. Naw-eu sa ki-a ma tsa-a

leh, eh neh-eu meh. 14 Yesu eh-eu, Nga-eu ga kaw nga sa ki kam-eu k'aw,

nga-eu sa ki-a yaw tsa yaw daw ma. A je mi neh eh na, nga a geu ga neh

oe-aw, nga a geu ga i-eu k'aw si nya ma, Nga a geu ga neh oe-aw a geu ga

i-eu ga naw ma ma si nya. 15 Naw ma-a, mi tsa za ya k'a da-eu lo-eh da-eu

meh. Nga-a, tsaw ha ti g'a-ah-i ya k'a ma da. 16 Eh k'aw, nga ya k'a da

law nm-a, da-eu k'oe-a yaw tsa yaw daw ma. A je mi neh eh na, nga ti g'a

teh-eh jaw-eu ma ngeu. Nga-ah bi oe-eu A da Mi yeh nga neh-eh jaw lu

meh. 17 Tsaw ha nyi g'a sa ki kam na, sa ki kam-eu k'oe yaw tsa yaw daw

meh leh, naw ma-eu zah daw k'o daw la k'oe bo ta-eu meh. 18 Nga-eu ga

kaw nga sa ki kam-eu ma. Nga-ah bi oe-eu A da Mi yeh k'aw, nga-eu ga

kaw sa ki kam-eu meh leh, eh neh-eu meh. 19 Naw Da a ga jaw ta leh, a

yaw ma na ha-eu meh. Yesu eh-eu, Naw ma nga-ah k'aw, nga Da-ah k'aw

ma si nya. Naw ma nga-ah si na, nga Da-ah k'aw si teh-a leh, eh k'o neh-eu

meh. 20 U du tah nym nym ma-eu la k'oe meh neh tso neh lu ngeh, pyu

dam-eu tsah jaw-aw daw k'oe deu a yaw meh neh tso neh-eu meh. A

yaw-eu a yam ma tsa-eu mi neh, tsaw ha ti g'a-i a yaw-ah ma nyeh-a.

Naw ma nga i ga ma oe nya-a

21 Yesu ti po pa eh neh-eu, Nga i ma. Naw ma nga-ah po k'aw, naw ma

naw ma-eu i ba la k'oe ya shi teh-a. Naw ma nga i ga ma oe nya-a leh, a

yaw ma-ah eh neh-eu meh. 22 K'oe ngeh Yuda tsaw ha deu eh-eu, Naw

ma nga i ga ma oe nya-a leh a yaw eh-eu-a, a yaw yaw seh-eu leh nga lo

leh eh-eu meh. 23 Yesu eh-eu, Naw ma-a m-eu u mo-eu tsaw ha meh.

Nga-a m ta-eu tsaw ha ma. Naw ma-a mi tsa-ah ta-eu meh. 24 Nga-a mi

tsa-ah ma ta. K'oe mi neh, naw ma naw ma-eu i ba la k'oe ya shi teh-a leh,

nga naw ma-ah eh neh-eu ma. A je mi neh eh na, nga-ah k'oe g'a nga leh

naw ma ma jah na, naw ma naw ma-eu i ba la k'oe ya shi teh-a leh, a yaw

ma-ah eh neh-eu meh. 25 Naw a su g'a te leh, a yaw ma a yaw-ah na ha-eu

meh. Yesu eh-eu, Yaw beh ngeh neh naw ma-ah eh neh-eu lo-eh ma. 26

Nga naw ma-eu ga kaw ja-aw ya ka da pa-eh g'eh-eu g'aw mya je ja te si.

Eh k'aw, nga-ah bi oe-eu g'a tsa dui daw dui dui meh. Nga a yaw-eu daw

ya ga-eu lo-eh, mi tsa za-ah ja neh ma leh, a yaw ma-ah eh neh-eu meh.

27 Yesu a yaw ma-ah A da Mi yeh-eu ga kaw ja neh-eu ga a yaw ma ma

si nya. 28 K'oe mi neh Yesu eh-eu, Naw ma tsaw ha-eu Za ma-ah k'ah tu

ngeh, nga-a k'oe g'a nga leh, naw ma ya si teh-a. Nga teh na ti je-i ma m-eu

u ta, A da Mi yeh nga-ah meh-eu lo-eh teh-eh nga eh-eu ga k'aw, naw ma

ya si teh-a. 29 Nga-ah bi oe-eu g'a, nga neh-eh jaw lu meh. Nga ti g'a

teh-eh ya jaw ni a yaw nga-ah ma byeh-a. A je mi neh eh na, a yaw nui ma

tsa-eu deu nga a myah lu m lu ma leh, eh neh-eu meh. 30 A yaw daw k'oe

deu ngeh ngeh, tsaw ha g'aw mya ni a yaw-ah jah la-eu meh.

Yaw tsa yaw daw je naw ma-ah pyeh neh la teh-a

31 K'oe ngeh, a yaw-ah jah-eu Yuda tsaw ha-ah Yesu eh neh-eu, Naw ma

nga-eu daw la k'oe jaw zi na, naw ma nga-eu za lah a di a ma pyeu la

teh-a. 32 Naw ma yaw tsa yaw daw je ya si teh-a. Yaw tsa yaw daw k'oe

je-a, naw ma-ah pyeh neh la teh-a leh, eh neh-eu meh. 33 A yaw ma

eh-eu, Nga ma-a Abyaha-eu a jeu a ca ma. Nga ma a caw-eu za k'a ti po-i

ma geu haw-a. Naw ma-ah pyeh neh la teh-a leh naw a jo-eh eh te leh, a

yaw-ah eh neh-eu meh.

34 Yesu eh-eu, Nga naw ma-ah a di ma-eh eh neh nya. I ba m-eu tsaw ha

yaw g'a na lu, i ba-eu za k'a meh. 35 Za k'a-a, nym ji la k'oe a myah lu ya

jaw-eu ma ngeu-a. Za ma-a, a myah lu ya jaw-eu meh. 36 Za ma naw

ma-ah pyeh neh la na, naw ma za k'a geu-eu ga ya bu-i teh-a. 37 Naw

ma-a, Abyaha-eu a jeu a ca meh leh nga si nya ma. Eh k'aw, nga-eu daw

naw ma-eu la k'oe jaw k'a ma za-eu mi neh, naw ma nga-ah di seh-eu leh

po lu meh. 38 Nga-a, nga Da neh-eh jaw ngeh, maw-eu deu ja neh-eu ma.

Naw ma k'aw, naw ma-eu a da neh-eh dzaw-eu lo-eh m-eu nga leh, a yaw

ma-ah eh neh-eu meh.

Neh sah pa-eu za deu

39 A yaw ma Yesu-ah eh neh-eu, Abyaha nga ma-eu a da ma. Yesu eh-eu,

Naw ma Abyaha-eu za ngeu na, Abyaha m-eu lo-eh m teh-a. 40 Mi yeh

nga-ah eh neh la-eu yaw tsa yaw daw je nga naw ma-ah ja meh k'aw, naw

ma nga-ah di seh-eu leh po lu meh. 41 Abyaha-a heu lo-eh ma m-a. Naw

ma-a, naw ma-eu a da m-eu lo-eh m-eu nga leh, a yaw ma-ah eh neh-eu

meh. A yaw ma eh-eu, Nga ma de za ma ngeu. Mi yeh ti g'a teh-eh nga

ma-eu A da ma leh, a yaw-ah eh neh-eu meh. 42 Yesu eh-eu, Mi yeh naw

ma-eu A da ngeu na, naw ma nga-ah ga teh-a. A je mi neh eh na, Mi

yeh-ah neh nga do le-eu ma. Nga nui ma tsa-eu lo-eh m-eu leh nga oe-eu

ma ngeu. 43 A yaw nga-ah bi oe-eu meh. Nga eh-eu daw-ah a je mi neh

naw ma ma g'o shaw nya-eu nya. Nga neh meh-eu daw naw ma ma na ha

geu coe-eu mi neh meh. 44 Naw ma-eu a da-a, neh sah pa meh. A yaw nui

ma tsa-eu lo-eh naw ma m maw-eu meh. A yaw a, yaw beh ngeh neh tsaw

ha-ah la seh-eu yaw sah meh. A yaw-eu la k'oe yaw tsa yaw daw ti paw-i

ma ah-eu mi neh, yaw tsa yaw daw la koe a yaw ma jaw nya-a. A yaw ja

myaw myaw ngeh, a yaw-eu la k'oe pyeu lu-eu lo-eh a yaw myaw-eu meh.

A je mi neh eh na, a yaw ja myaw myaw-eu yaw sah pyeu-aw, ja myaw

myaw-eu a da meh. 45 Nga yaw tsa yaw daw-eu daw ngeh-eu mi neh,

naw ma nga-ah ma jah-a. 46 Nga-ah i ba ah nga leh, naw ma-eu la k'oe a

su g'a toe meh nya nm. Nga yaw tsa yaw daw-eu daw ngeh-eu ngeu na, a

je mi neh naw ma nga-ah ma jah te. 47 Mi yeh-eu za k'a pyeu-eu tsaw ha,

Mi yeh-eu daw na ha-eu meh. Naw ma-a, Mi yeh-eu za ma pyeu-eu mi

neh, ma na ha-eu nga leh, a yaw ma-ah eh neh-eu meh.

Abyaha ma deh le mi na-eh nga jaw lu ma

48 Yuda tsaw ha deu eh-eu, Naw-a Samali tsaw ha nga. K'oe u ta, neh

u-eu tsaw ha k'aw ngeu nga leh nga ma eh-eu, tsa-eu ma ngeu-a lo leh, a

yaw-ah eh neh-eu meh. 49 Yesu pa eh-eu, Nga neh u-eu tsaw ha ma ngeu.

Nga nga Da-ah yaw zeu baw ma. 50 Naw ma-a, nga-ah yaw zeu ma

baw-a. Eh k'aw, yaw sheh k'ah seh za ni nga po-eu ma ngeu. Nga-ah yaw

sheh k'ah seh bi za-eu leh po-eu ti g'a jaw meh. A yaw-a, ya k'a da-eu g'a

meh. 51 Nga naw ma-ah a di ma-eh eh neh nya. Nga-eu daw na ha geu-eu

tsaw ha, ti jaw-i ma ya shi-a leh, Yesu eh neh-eu meh.

52 Yuda tsaw ha deu eh-eu, Naw neh u-eu tsaw ha nga leh, nym-m nga

ma si du-eu ma. Abyaha haw-eu Mi yeh-eu g'a du ngeh dah-eu deu shi

ji-eu meh. Nga-eu daw na ha geu-eu tsaw ha, ti jaw-i ma ya shi-a leh naw

eh-eu beu taw. 53 Naw a dui-eu a da Abyaha na ma tse hui te lo. A yaw-a

shi-eu meh. Mi yeh-eu g'a du ngeh dah-eu deu k'aw shi-eu meh. 54 Naw a

su g'a geu te leh, na ha-eu meh. Yesu eh-eu, Yaw sheh k'ah seh za ni nga

m na, yaw sheh k'ah seh k'oe-a, ti paw-i ga dah ma tsoe-a. Nga yaw sheh

k'ah seh za ni nga Da m-eu meh. Naw ma nga Da k'oe g'a-ah, Nga ma-eu

Mi yeh ma leh eh-eu meh. 55 Eh k'aw, naw ma a yaw-ah ma si nya.

Nga-a, a yaw-ah si nya ma. Nga a yaw-ah ma si leh eh law nm-a, nga k'aw

naw ma lo-eh ja myaw myaw-eu tsaw ha pyeu teh-a. Nga a yaw-ah si

nya-aw, a yaw-eu daw na ha geu ma. 56 Naw ma-eu a da Abyaha-a,

nga-eu a nah a yam ya maw-eu mi neh, la k'a zaw ceh-eu meh. A yaw ya

maw-eu mi neh, la k'a ceh-eu meh leh, eh neh-eu meh.

57 Yuda tsaw ha deu eh-eu, Naw-a nga tse k'o ma k'aw la nga si. Naw

Abyaha-ah maw haw ma lo leh, na ha-eu meh. 58 Yesu eh-eu, Nga naw

ma-ah a di ma-eh eh neh nya. Abyaha ma deh le mi na-eh nga jaw lu ma

leh, a yaw ma-ah eh neh-eu meh. 59 K'oe mi neh, a yaw ma k'a lo g'o-aw,

a yaw-ah bi-eu leh g'eh-eu meh. Eh k'aw, a yaw ma ma bi maw ni Yesu u

du tah nym nym ma-ah neh do-i-eu meh.

Deh le ngeh neh mya beh beh-eu ti g'a-ah Yesu bi maw la-eu

9:1 Yesu i lu ngeh, deh le ngeh neh mya beh beh-eu tsaw ha ti g'a-ah

maw-eu meh. 2 K'oe ngeh a yaw-eu za lah deu eh-eu, Labi-o, tsaw ha heu

g'a deh le ngeh neh mya beh beh-eu-a, a su g'a-eu i ba ba da neh nga. A

yaw-eu i ba ba da neh nga lo. Ma ngeu na-a yaw-eu a ma a da-eu i ba ba

da neh nga lo leh, a yaw-ah na ha-eu meh. 3 Yesu eh k'o neh-eu, A yaw,

eu i ba ba da neh ma ngeu-a. A yaw-eu a ma a da-eu i ba ba da neh k'aw

ma ngeu-a. Mi yeh a yaw-ah bi maw la ngeh Mi yeh-eu bao bi do la-eu

leh, a yaw k'oe lo-eh deh le-eu nga. 4 Nga-ah bi oe-eu g'a-eu ga-ah nah

g'ah paw a dui ya m meh. U ci ci le meh. U ci ci-i na, tsaw ha ti g'a-i ga

ma m nya. 5 Nga mi tsa k'oe ta jaw ngeh, nga mi tsa-eu yaw sheh ma leh

eh-eu meh.

6 K'oe lo-eh eh g'a-aw neh, mi tsa-ah du k'a k'a sheh-aw, sha jeh jah-eu

meh. K'oe na, tsaw ha k'oe g'a-eu mya nui-ah leh neh-eu meh. 7 Silo

lah-ah mya du pu shaw-i-aw leh, Yesu a yaw-ah k'eh-eu meh. (Silo leh

eh-eu-a, k'eh g'eh-eu leh eh-eu meh.) K'oe mi neh a yaw mya du pu-i-eu

meh. K'oe ngeh a yaw mya nui maw la-aw g'o la-eu meh.

8 A yaw neh-eh nym ka ta-eu tsaw ha deu haw-eu, a yaw sha dza sha daw

lu ga maw-eu tsaw ha deu eh-eu, Tsaw ha heu g'a, dzeu la ngeh nui-aw

sha dza lu-eu k'oe g'a ma ngeu nga lo leh eh-eu meh. 9 Ti pa na deu eh-eu,

Teu g'a meh. Ti pa na deu eh-eu, Teu g'a ma ngeu-a. A yaw k'oe g'a-ah

du-eu nga leh eh-eu meh. Tsaw ha k'oe g'a eh-eu, Nga-a naw ma eh lu-eu

k'oe g'a ma leh, eh neh-eu meh. 10 To-eh ma-i, naw-eu mya nui a jo-eh

maw la te leh, a yaw ma a yaw-ah na ha-eu meh. 11 A yaw eh-eu, Yesu

leh myah-eu g'a sha jeh jah-aw, nga-eu mya nui-ah leh neh la-eu meh. Silo

lah-ah mya du pu shaw-i-aw leh k'eh-eu mi neh nga pu shaw-i-aw, mya nui

maw la-eu ma leh, eh k'o neh-eu meh. 12 Tsaw ha k'oe g'a a leh leh, a yaw

ma a yaw-ah na ha ngeh, Nga ma si leh, eh k'o neh-eu meh.

Mya nui a jo-eh maw la-eu ga kaw Paliseh deu na ha-eu

13 Tsaw ha k'oe deu mya beh beh haw-eu k'oe g'a-ah Paliseh deu jaw ga

sheu g'eh-eu meh. 14 Yesu sha jeh jah-aw tsaw ha k'oe g'a-eu mya nui-ah

bi maw la-eu a nah k'oe nah-a, Yuda tsaw ha-eu jaw nah meh. 15 A

yaw-eu mya nui a jo-eh maw la-eu ga kaw Paliseh deu k'aw a yaw-ah na

ha-eu meh. A yaw eh-eu, A yaw nga-eu mya nui-ah sha jeh leh neh la-aw,

nga pu shaw-i ngeh, maw la-eu ma leh, a yaw ma-ah eh neh-eu meh. 16

Paliseh ti pa na deu eh-eu, Tsaw ha k'oe g'a Mi yeh jaw ga neh oe-eu ma

ngeu-a. A je mi neh eh na, jaw nah ngeh nah a yaw ma lah ma daw-a leh

eh-eu meh. Ti pa na deu eh-eu, I ba za ti g'a heu lo-eh g'eh-eu bi si bi

maw-eu deu a jo-eh jah nya-eu leh eh-eu meh. K'oe mi neh, a yaw ma nyi

mu pyeu-i-eu meh. 17 A yaw ma mya beh beh haw-eu k'oe g'a-ah, Naw-eu

mya nui-ah bi maw la-eu tsaw ha k'oe g'a-eu ga kaw naw a jo-eh eh nm leh

ti po pa na ha ngeh, A yaw-a, Mi yeh-eu g'a du ngeh dah-eu g'a meh leh,

eh k'o neh-eu meh.

18 Yuda tsaw ha deu, mya nui maw la-eu tsaw ha k'oe g'a-eu a ma a da-ah

ma na ha-eu k'oe-a, yaw beh a yaw mya beh beh-aw nym-m mya nui maw

la-eu ga a, yaw ma ma jah-a. 19 Tsaw ha k'oe g'a-eu a ma a da-ah a yaw

ma na ha-eu, Heu g'a, naw nya-eu a li ma lo. Deh le ngeh neh mya beh

beh-eu meh leh naw nya eh-eu heu g'a meh lo. To-eh ma-i, nym-m a yaw

mya nui a jo-eh maw la ta leh, na ha-eu meh. 20 A yaw-eu a ma a da

eh-eu, Heu g'a nga nya-eu a li ma. Deh le ngeh neh mya beh beh-eu meh

leh nga nya si lu ma. 21 Eh k'aw, nym-m a yaw mya nui a jo-eh maw la-eu,

nga nya ma si. A yaw-eu mya nui-ah a su g'a neh bi maw la-eu leh k'aw,

nga nya ma si. A yaw-ah na ha-aw. A yaw hui la-eu meh. A yaw-eu ga

kaw a yaw ja neh la nya teh-a leh, eh neh-eu meh. 22 A yaw-eu a ma a da

Yuda tsaw ha-ah gu-eu mi neh k'oe lo-eh eh-eu meh. A je mi neh gu-eu

nga leh eh na, Yesu-ah Ka-li meh leh k'a eh-eu tsaw ha-ah nga ma-eu a mu

la k'oe teh do ma leh, Yuda tsaw ha deu baw dza tseh ta-eu meh. 23 K'oe

mi neh, A yaw hui la-eu meh. A yaw-ah na ha-aw leh, a yaw-eu a ma a da

eh-eu meh.

24 K'oe na, a yaw ma mya beh beh haw-eu k'oe g'a-ah ku la-aw eh neh-eu,

Mi yeh-ah teh-eh ja ceu-aw. Tsaw ha k'oe g'a i ba za meh leh nga ma si-eu

ma leh, a yaw-ah eh neh-eu meh. 25 K'oe ngeh a yaw eh-eu, A yaw i ba za

ngeu-eu, ma ngeu-eu nga ma si. Ti je teh-eh nga si nya ma. Yaw beh nga

mya beh beh-eu k'aw, nym-m maw la-eu ma leh, a yaw ma-ah eh neh-eu

meh. 26 A yaw naw-ah a jo-eh jah neh la ta. Naw-eu mya nui-ah a jo-eh la

maw neh la ta leh, a yaw ma a yaw-ah pa na ha-eu meh. 27 A yaw eh-eu,

U soe nga naw ma-ah eh neh-eu k'aw, naw ma ma na ha-a. A je g'eh-eu

naw ma ti po pa ga maw-eu nya. Naw ma k'aw a yaw-eu za lah geu

maw-eu nya lo leh, eh neh-eu meh. 28 A yaw ma a yaw-ah deh deh-eh

eh-eu, Naw-a, a yaw-eu za lah nga. Nga ma-a Mose-eu za lah ma. 29 Mi

yeh Mose-ah daw ngeh neh-eu meh leh nga ma si nya ma. Eh k'aw, tsaw

ha k'oe g'a a geu ga neh la-eu, nga ma ma si leh, eh neh-eu meh.

30 A yaw eh-eu, A yaw nga-eu mya nui-ah bi maw la-eu k'aw, a yaw a geu

ga neh la-eu, naw ma ma si-eu-a, zah dui dui le pa-eh g'eh nga. 31 Mi

yeh-a, i ba za-eu daw ma na ha-a leh, a dui si nya teh-a. Eh k'aw, tsaw ha

ti g'a na Mi yeh-ah yaw zeu baw-aw, Mi yeh nui ma tsa-eu lo-eh m na, Mi

yeh tsaw ha k'oe g'a-eu daw na ha-eu meh. 32 M beh mi beh beh ngeh neh

i nah keu ni, deh le ngeh neh mya beh beh-eu tsaw ha-ah mya nui bi maw

la-eu ga kaw, tsaw ha ti g'a-i ma ga haw-a. 33 Tsaw ha k'oe g'a Mi yeh

jaw ga neh oe-eu ma ngeu law nm-a, a yaw ti je-i ma m nya-a leh, a yaw

ma-ah eh neh-eu meh. 34 A yaw ma eh-eu, Naw i ba la k'oe deh pah deh

lah le-eu k'aw, nga ma-ah meh neh la te lo leh eh neh-aw, a yaw-ah teh

do-eu meh.

Sa la paw mya beh beh-eu ga kaw

35 Tsaw ha k'oe g'a-ah a caw teh do-eu ga kaw Ye-su ya ga-eu meh. Yesu

a yaw-ah po maw-aw, Naw tsaw ha-eu Za ma-ah jah ma lo leh, na ha-eu

meh. 36 Sa la-o, nga a yaw-ah jah nya ni, tsaw ha-eu Za ma a su ga-a leh,

tsaw ha k'oe g'a na ha-eu meh. 37 Yesu a yaw-ah eh neh-eu, Naw a

yaw-ah ya maw-eu u ta, nym-m naw-ah daw ngeh caw lu-eu g'a, a yaw

meh leh, a yaw-ah eh k'o neh-eu meh. 38 Sah pa-o, nga jah ma leh eh-aw,

Yesu-ah u du tah-eu meh.

39 K'oe na Yesu eh-eu, Mya nui ma maw nya-eu tsaw ha mya nui maw

nya la-aw, mya nui maw nya-eu tsaw ha mya beh beh-i ni, ya k'a da-eu leh

mi tsa k'oe ta nga oe-eu ma leh eh-eu meh. 40 K'oe ga a yaw neh-eh

jaw-eu Paliseh ti pa na deu, daw k'oe daw ya ga ngeh, Nga ma kaw mya

beh beh-eu tsaw ha nga lo leh, a yaw-ah na ha-eu meh. 41 Yesu eh neh-eu,

Naw ma a di mya beh beh law nm-a, naw ma i ba ma ah-a. Eh k'aw, Nga

ma maw lu ma leh nym-m naw ma eh lu-eu mi neh, naw ma i ba ah-eu

meh.

Yaw yaw ku ga kaw yaw je ma je daw

10:1 Nga naw ma-ah a di ma-eh eh neh nya. Yaw yaw ku-ah u la ngeh, g'o

k'eh-ah neh ma u la-eh, yaw ga yaw neh da u la-eu g'a, sm k'oe tah joe

meh. 2 Eh k'aw, g'o k'eh-ah neh u la-eu g'a, yaw bo-eu g'a meh. 3 G'o

k'eh-ah lo-eu g'a, a yaw-ah la g'o pah neh-eu meh. Yaw deu a yaw-eu daw

na ha-eu meh. A yaw-a, a yaw-eu yaw deu-eu tsaw myah ku-aw, yaw k'oe

deu-ah sheu do g'eh-eu meh. 4 A yaw-eu yaw daw taw lu-ah sheu do ji na,

yaw deu-eu meh hu a yaw i-eu meh. Yaw deu k'aw, a yaw-eu daw si

nya-eu mi neh, a yaw-eu meh nah caw teh g'eh-eu meh. 5 Yaw k'oe deu-a,

a yaw ma ma si nya-eu tsaw ha-eu meh nah ma caw teh-a. A yaw ma ma

si nya-eu tsaw ha-eu daw ma si nya-eu mi neh, ceh-eu meh leh, a yaw

ma-ah eh neh-eu meh. 6 Yesu yaw je ma je daw heu daw-ah neh a yaw

ma-ah meh neh-eu meh. Eh k'aw, a yaw a jo-eh eh maw-eu nga leh, a yaw

ma ma si nya.

Yesu-a zaw nya-eu yaw bo-eu g'a meh

7 Yesu ti po pa eh-eu, Nga naw ma-ah a di ma-eh eh neh nya. Nga-a yaw

deu u la-eu g'o k'eh ma. 8 Nga-eu meh hu neh la-eu tsaw ha daw taw lu sm

k'oe tah joe meh. Yaw deu a yaw ma-eu daw ma na ha-a. 9 Nga-a, g'o keh

ma. Nga-ah neh u la-eu g'a, ka k'o-eu je za teh-a. Tsaw ha k'oe g'a, u k'aw

u le, do k'aw do le do le-eh, ga dza du ya maw teh-a. 10 Sm k'oe tah joe-a,

k'oe-eu, seh-eu, la caw-eu leh teh-eh la-eu meh. Nga-a yaw deu ya deh-eu

u ta, deh-eu k'oe ti byah ti lo za nya ni oe-eu ma. 11 Nga-a, zaw nya-eu

yaw bo-eu g'a ma. Zaw nya-eu yaw bo-eu g'a, yaw deu-eu g'a du shi dah

meh. 12 G'a mah mah dza-eu tsaw ha, yaw bo-eu g'a ma ngeu-eu u ta, a

yaw-eu yaw ma ngeu-eu mi neh, k'a yeh la ga ya maw ngeh, yaw deu-ah

byeh dzeh-aw ceh-eu meh. K'a yeh k'oe yaw deu-ah kaw-aw bi bya-i-eu

meh. 13 Tsaw ha k'oe g'a, g'a mah mah dza-eu tsaw ha teh-eh pyeu-aw,

yaw deu-eu g'a du ti je-i ma sha noe ni, a yaw ceh-eu meh.

14 Nga-a, zaw nya-eu yaw bo-eu g'a ma. A da Mi yeh nga-ah si nya-aw,

nga k'aw A da Mi yeh-ah si nya-eu lo-eh, nga-eu yaw deu-ah nga si nya

ma. Nga-eu yaw deu k'aw, nga-ah si nya meh. 15 Nga yaw deu-eu g'a du

shi dah ma. 16 Yaw yaw ku heu ku-ah ma ta-eu yaw nui deu k'aw nga jaw

te si. Yaw k'oe deu-ah k'aw nga ya sheu la-aw, a yaw ma nga-eu daw na

ha teh-a. K'oe ngeh, yaw yaw ma ti ma teh-eh pyeu la-aw, yaw bo-eu yaw

sah k'aw ti g'a teh meh. 17 Nga g'o deh la nya ni, nga shi dah ma. K'oe mi

neh, A da Mi yeh nga-ah ga-eu meh. 18 Nga-eu deh-eu je-ah tsaw ha ti

g'a-i ma lu geu nya. Nga nui ma keu-eu la k'oe shi dah ma. Nga shi dah-eu

bao haw-eu g'o deh la-eu bao ja ma. K'oe lo-eh m ni, A da Mi yeh nga-ah

k'eh-eu meh leh, a yaw ma-ah eh neh-eu meh.

19 Yesu-eu daw k'oe deu-ah neh, nym-m po k'aw Yuda tsaw ha deu nyi

mu pyeu-i-eu meh. 20 A yaw ma-eu la k'oe tsaw ha g'aw mya g'a eh-eu, A

yaw-a neh u-aw u-i-eu nga. Naw ma a je g'eh-eu a yaw-eu daw na ha te

leh eh-eu meh. 21 Ti pa na deu eh-eu, A yaw-eu daw-a, neh u-eu tsaw

ha-eu daw ma ngeu nya. Neh-a, mya beh beh-eu tsaw ha-ah mya nui bi

maw la nya teh-a lo leh eh-eu meh.

Yuda tsaw ha Yesu-ah byeh dzeh-eu

22 K'oe ngeh, Yelusaleh meu-ah neh-eu baw-i g'eh lu meh. 23 A yam

k'oe-a, tsah ga yam meh. Yesu-a, u du tah nym nym ma-eu lah la k'oe tso

ta-eu Sawlamo-eu seh g'aw g'aw ma la k'oe cah lu meh. 24 K'oe ngeh,

Yuda tsaw ha a yaw jaw-eu jaw jaw-eh ui la-aw eh-eu, A myah keu ni nga

ma-eu nui ma-ah po po la la-eh bi sha la te. Naw Ka-li ngeu na, nga ma-ah

bya ceh ni eh neh la-aw taw leh, a yaw-ah eh neh-eu meh. 25 Yesu eh-eu,

Nga eh neh-eu k'aw naw ma ma jah-a. Nga Da-eu tsaw myah u mo nga

m-eu deu-a, nga-eu ga kaw sa ki kam-eu meh. 26 Eh k'aw, naw ma nga-eu

yaw deu ma ngeu-eu mi neh ma jah-a. 27 Nga-eu yaw deu-a, nga-eu daw

na ha meh. Yaw k'oe deu-ah nga si nya ma. A yaw ma nga-eu meh nah

la-eu meh. 28 Nga a yaw ma-ah m ma ma bya za zi deh-eu je bi-aw, a yaw

ma ti jaw-i ma ya caw-i-a. Nga-eu a la la k'oe yaw k'oe deu-ah ti g'a-i ma

lu do nya-a. 29 Yaw k'oe deu nga Da nga-ah a neh la-eu meh. Nga Da-a,

daw taw lu-eu k'oe ta hui-eu meh. A da Mi yeh-eu a la la k'oe yaw k'oe

deu-ah ti g'a-i ma lu do nya-a. 30 Nga nya Da za, ti g'a teh ma leh, a yaw a

yaw ma-ah eh neh-eu meh.

31 K'oe ngeh Yuda tsaw ha k'a lo g'o-aw, a yaw-ah bi-eu leh pa g'eh-eu

meh. 32 Yesu eh-eu, A da Mi yeh-eu bao ba da neh, ga yaw mui g'aw mya

je nga naw ma-ah m meh-eu ma. Ga k'oe deu la k'oe, ga a geu je ba da neh

naw ma nga-ah k'a lo bi-eu leh pa g'eh te leh, a yaw ma-ah na ha-eu meh.

33 Yuda tsaw ha eh-eu, Naw ga yaw mui m-eu ba da neh naw-ah k'a lo

bi-eu leh g'eh-eu ma ngeu. Naw Mi yeh-ah yeh baw seh lu-eh eh-eu mi

neh, bi-eu leh g'eh-eu ma. K'oe u ta, naw tsaw ha k'aw, Mi yeh jah geu-eu

nga leh, a yaw-ah eh neh-eu meh. 34 Yesu eh-eu, Naw ma-eu zah daw k'o

daw la k'oe heu lo-eh bo ta-eu meh. Nga eh-eu, naw ma mi yeh deu meh

leh bo ta-eu, ma ngeu-a lo. 35 Mi yeh neh daw bi-eu tsaw ha k'oe deu-ah,

mi yeh deu meh leh a yaw eh-eu meh. (Ja li-eu daw-ah ma la caw nya-a.)

36 To-eh ma-i, A da Mi yeh neh bi mui bi shaw-aw, mi tsa k'oe ta bi oe-eu

k'oe g'a, Nga Mi yeh-eu Za ma ma leh eh-eu mi neh, Naw Mi yeh ah yeh

baw seh lu-eh eh-eu nga leh naw ma eh te lo. 37 Nga nga Da-eu ga ma m

na, nga-ah ta jah. 38 Eh k'aw, nga m na naw ma nga-ah ma jah k'aw, nga

neh m-eu ga-ah jah-aw. K'oe lo-eh jah na, A da Mi yeh nga-eu la k'oe

jaw-aw, nga k'aw A da Mi yeh-eu la k'oe jaw-eu nga leh naw ma ya si ya

maw teh-a leh, a yaw ma-ah eh neh-eu meh. 39 K'oe ngeh, a yaw ma a

yaw-ah nyeh-eu leh g'eh-eu meh. Eh k'aw, a yaw a yaw ma-eu a la la k'oe

law-i-eu meh.

40 Yoha neh batisa m neh beh beh-eu, Yawda law ba k'oe paw ba-ah

Yesu ti po pa i-aw, k'oe ga jaw lu meh. 41 Tsaw ha g'aw mya g'a a yaw

jaw ga i-eu meh. A yaw ma eh-eu, Yoha-a, bi si bi maw-eu leh ti je-i ma

jah-a. Eh k'aw, tsaw ha heu g'a-eu ga kaw Yoha neh k'a eh ta-eu daw taw

lu tsa dui dui nga leh, eh lu meh. 42 Yesu k'oe tsah jaw lu ngeh, tsaw ha

g'aw mya g'a a yaw-ah jah la-eu meh.

Lazalu shi-eu ga kaw

11:1 Lazalu leh myah-eu g'a na la-eu meh. A yaw-a, Mali haw-eu Mata a

nya nm jaw-eu Betani pu-ah jaw-eu meh. 2 (Mali k'oe g'a, a hu Sah pa

Yesu-ah na ma haw leh-aw, tseh kah neh a yaw-eu a kui-ah si neh-eu, k'oe

g'a meh. Na lu-eu Lazalu-a, Mali-eu meh nm meh.) 3 Sah pa-o, naw zaw

ga-eu k'oe g'a na lu meh leh, Mali haw-eu Mata a nya nm Yesu-ah daw tsa

tsa ah g'eh-eu meh. 4 Yesu daw k'oe daw ya ga-aw eh-eu, Na-eu k'oe-a,

shi pa-eh g'eh-eu na-eu je ma ngeu-a. Na-eu k'oe ba da neh Mi yeh yaw

sheh k'ah seh za-aw, Mi yeh-eu Za ma k'aw, k'oe-eu ba da neh yaw sheh

k'ah seh za teh-a leh, eh neh-eu meh.

5 Yesu-a, Mata a nya nm haw-eu Lazalu-ah ga-eu meh. 6 Lazalu na-eu ga

kaw Yesu ya ga-eu k'aw, a yaw jaw lu ga nyi nah pa jaw-eu meh. 7 K'oe

na Yesu eh-eu, A dui Yuda mi k'ah-ah pa le ka-eu leh, za lah deu-ah eh

neh-eu meh. 8 Za lah deu eh-eu, Labi-o, nym-m k'aw Yuda tsaw ha

naw-ah k'a lo bi-eu leh g'eh lu meh. Naw k'oe ga le-eu leh pa g'eh te lo leh,

a yaw-ah eh neh-eu meh. 9 Yesu eh-eu, Ti nah la k'oe na li tse nyi la ja-eu,

ma ngeu-a lo. Tsaw ha ti g'a na, nah g'ah paw ga ma cah na, mi tsa-eu yaw

sheh ya maw-eu mi neh, ma peh to-a. 10 Tsaw ha ti g'a na u ci paw ga ma

cah na, yaw sheh ma ja-eu mi neh, peh to peh to-eh cah-eu meh leh, eh

neh-eu meh.

11 A yaw k'oe lo-eh eh g'a-aw ti po pa eh-eu, A dui-eu caw Lazalu yu

k'a-eu meh. Eh k'aw, nga a yaw-ah la noe le la leh, a yaw ma-ah eh neh-eu

meh. 12 Za lah deu eh-eu, Sah pa-o, a yaw yu k'a lu na, ta le teh-a leh, a

yaw-ah eh neh-eu meh. 13 Lazalu shi-eu ga kaw Yesu eh-eu k'aw, Lazalu

yu k'a lu ga eh-eu nga leh, a yaw ma noe-eu meh. 14 K'oe mi neh, Yesu a

yaw ma-ah bya ceh ni eh neh-eu, Lazalu shi-eu meh. 15 Naw ma ya jah ni,

nga k'oe ga ma jaw-eu mi neh, naw ma-eu g'a du nga la k'a ceh mi-a. 16

Nym-m k'oe ga le ma leh, eh neh-eu meh. K'oe ngeh Toma eh-eu, A yaw

neh-eh ti kaw lo-eh ya shi ni, a dui k'aw le ka-eu leh, a yaw-eu caw za lah

deu-ah caw-eu meh. Toma leh eh-eu-a, ti po teh-eh nyi g'a deh le-eu ga

eh-eu meh.

G'o deh la-eu je haw-eu sa la deh-eu je ga kaw

17 Yesu le keu ngeh, Lazalu-ah du pah ta-eu, oe nah keu la-eu nga leh

Yesu si nya-eu meh. 18 Betani pu-a, Yelusaleh meu-eu daw peh meh. Nyi

la eh g'a ni ka-eu teh meh. 19 K'oe mi neh, Yuda tsaw ha g'aw mya ni

Mata haw-eu Mali jaw ga la-aw, a yaw nya-eu meh nm Lazalu shi-eu mi

neh, a nya nm nui ma sa la ni jah neh lu meh. 20 Yesu la lu-eu ga kaw

Mata ya ga-aw, a yaw-ah ha-i-eu meh. Eh k'aw, Mali-a i kah jaw lu meh.

21 K'oe ngeh Mata eh-eu, Sah pa-o, naw heu ga jaw law nm-a, nga-eu

meh nm Lazalu ma shi-a. 22 Nym-m k'aw, naw Mi yeh-ah a geu je sha

k'aw, Mi yeh naw-ah bi neh teh-a leh nga ma si nya ma leh, Yesu-ah eh

neh-eu meh. 23 Naw-eu meh nm Lazalu g'o deh la teh-a leh, Yesu a

yaw-ah eh neh-eu meh. 24 Mata eh-eu, A sa sa ngeh nah g'o deh la-eu a

yam keu la na, a yaw g'o deh la teh-a leh nga si nya ma leh Yesu-ah eh

neh-eu meh. 25 Yesu eh-eu, Nga-a g'o deh la-eu je haw-eu sa la deh-eu je

pyeu-eu ma. Nga-ah jah-eu tsaw ha shi k'aw g'o deh la teh-a. 26 Yaw deh

deh ngeh nga-ah k'a jah-eu tsaw ha ti jaw-i ma ya shi-a Daw heu daw-ah

naw jah ma lo leh, Mata-ah na ha-eu meh. 27 Mata eh-eu, Jah ma, Sah

pa-o. Mi tsa k'oe ta a ka oe meh leh eh ta-eu, Mi yeh-eu Za ma Ka-li-a,

naw nga leh nga jah lu ma leh, a yaw-ah eh neh-eu meh.

Yesu Lazalu-eu lm bym daw peh ngoe-eu

28 Mata k'oe lo-eh eh g'a-aw, a yaw-eu meh nm Mali jaw ga g'o le-aw eh

neh-eu, Sa la la keu-eu meh. A yaw naw-ah ku lu meh leh, a za za-eh eh

neh-eu meh. 29 Mali daw k'oe daw ya ga ngeh, yaw kaw tu-aw, Yesu jaw

ga i-eu meh. 30 K'oe ngeh, Yesu pu-ah ma u le-a si. Mata a yaw-ah

ha-i-eu k'oe tsah jaw lu-a si. 31 Mali neh-eh i kah la k'oe jaw-aw, Mali-ah

nui ma sa la ni jah lu-eu Yuda tsaw ha deu Mali yaw kaw tu-aw do-i ga ya

maw-eu meh. A yaw lm bym-ah ngoe-i-eu ngeu nga leh noe-aw, a yaw ma

a yaw-eu meh nah caw teh g'eh-eu meh.

32 Mali Yesu jaw ga i keu-aw Yesu-ah ya maw ngeh, a yaw-eu a kui daw

peh paw tsui paw dm dm-aw eh-eu, Sah pa-o, naw heu ga jaw law nm-a,

nga-eu meh nm Lazalu ma shi-a leh, eh neh-eu meh. 33 Mali haw-eu a

yaw-eu meh nah oe-eu Yuda tsaw ha deu ngoe lu ga Yesu ya maw ngeh, a

yaw nui ma su sa-aw, noe sha dui dui-eu meh. 34 Naw ma a yaw-ah a geu

ga ba pah-i te leh, Yesu na ha ngeh, Sah pa-o, haw le-aw leh, a yaw ma a

yaw-ah eh neh-eu meh. 35 Yesu mya bi do le-eu meh. 36 K'oe ngeh, Yuda

tsaw ha deu eh-eu, Haw she, a yaw Lazalu-ah zaw ga-eu law haw nga leh

eh-eu meh. 37 Ti pa na deu eh-eu, Mya beh beh-eu tsaw ha-ah mya nui bi

maw la nya-eu tsaw ha heu g'a, Lazalu ma ya shi ni ma jah nya-eu nga lo

leh eh-eu meh.

Lazalu-ah bi g'o deh la-eu

38 K'oe ngeh, Yesu nui ma pa su sa la-aw, lm bym-ah i keu-eu meh. Lm

bym k'oe-a, lo k'ah meh. G'a k'eh-ah k'a lo ngaw tsoe ta-eu meh. 39 K'a lo

ngaw dzeh-aw leh, Yesu eh neh-eu meh. Shi-eu g'a-eu dm ma Mata eh-eu,

Sah pa-o, a yaw shi-eu oe nah keu la-eu mi neh, yaw bu beh la teh-a leh, a

yaw-ah eh neh-eu meh. 40 Yesu eh-eu, Naw jah na Mi yeh-eu yaw sheh

k'ah seh-ah ya maw teh-a leh, nga naw-ah eh neh-eu, ma ngeu-a lo leh,

Mata-ah eh neh-eu meh. 41 K'oe mi neh, a yaw ma k'a lo k'oe ngaw

dzeh-eu meh. Yesu g'aw leu haw-aw eh-eu, A da-o, naw nga-eu sha daw

na ha-eu mi neh, nga naw-ah ja ceu-eu ma. 42 Naw nga-eu sha daw a

myah lu na ha meh leh nga si nya ma. Eh k'aw, naw nga-ah bi oe-eu meh

leh heu ga jaw jaw-eh yaw lu-eu tsaw ha deu jah la ni, a yaw ma-eu g'a du

nga heu lo-eh sha-eu ma leh, eh-eu meh. 43 A yaw k'oe lo-eh eh-aw neh,

Lazalu-o, do le-aw leh, yaw k'a-eh ku-eu meh. 44 K'oe ngeh, shi ta-eu k'oe

g'a do le-eu meh. A yaw-eu a kui a la-ah maw taw taw ta-aw, a yaw-eu

mya pyaw-ah pa jeh lah ta-eu meh. A yaw-ah pui-aw pyeh neh-aw leh,

Yesu a yaw ma-ah eh neh-eu meh.

A caw Yesu-ah di seh-eu leh baw dza tseh-eu

45 Mali neh-eh oe-eu Yuda tsaw ha g'aw mya g'a Yesu neh m-eu ga-ah ya

maw ngeh, Yesu-ah jah la-eu meh. 46 Eh k'aw, ti pa na deu-a, Yesu neh

m-eu ga kaw Paliseh deu-ah ja neh-i-eu meh. 47 K'oe ngeh, pi ma deu

haw-eu Paliseh deu, baw dza-eu a ma ma ma-ah ku ui-aw, A dui a jo-eh

jah nm. A je mi neh eh na, tsaw ha k'oe g'a bi si bi maw-eu gaw mya je jah

lu meh. 48 A dui a yaw-ah heu lo-eh teh-eh bi jaw na, tsaw ha daw taw lu

a yaw-ah jah la teh-a. K'oe na, Loma tsaw ha la-aw, a dui-eu u du tah nym

nym ma-ah ma eh, a dui-eu mi k'ah-ah ma eh, la pi la byo la teh-a leh

eh-eu meh. 49 A yaw may-eu la k'oe, Gayapa leh myah-eu ti g'a jaw-eu

meh. K'oe ngeh k'o, a yaw pi ma geu lu meh. A yaw eh-eu, Naw ma ti je-i

ma si nya. 50 Tsaw jeu ti jeu jeu lah ma ya caw-i ni, tsaw ha ti g'a tsaw jeu

ti jeu-eu g'a du shi dah na, naw ma-eu g'a du mui teh-a leh naw ma ma sha

noe te lo leh, a yaw ma-ah eh neh-eu meh. 51 Daw k'oe daw a yaw yaw

noe do-aw ngeh-eu ma ngeu-a. K'oe ngeh k'o a yaw pi ma geu lu-eu mi

neh, Yesu-a tsaw jeu k'oe jeu-eu g'a du ya shi dah teh-a leh a yaw eh-eu-a,

Mi yeh-eu g'a du ngeh dah-eu ga lo-eh eh-eu meh. 52 Tsaw jeu k'oe jeu-eu

g'a du teh-eh shi dah-eu leh ma ngeu-a. G'aw-i g'eh-i-aw jaw lu-eu, Mi

yeh-eu za deu ti mu teh-eh pyeu la ni a yaw ya shi dah meh. 53 K'oe ngeh

nah-ah neh, a yaw ma a yaw-ah di seh-eu leh baw dza tseh-eu meh.

54 K'oe mi neh, Yesu-a Yuda mi k'ah la k'oe bya ceh ni ma pa cah meh. A

yaw k'oe ga neh do-i-aw, Ehpale meu-ah i keu-eu meh. Meu k'oe meu-a,

baw tsah-eu daw peh ja-eu mi k'ah k'ah za la k'oe ja-eu meh. K'oe ga a

yaw a yaw-eu za lah deu neh-eh jaw lu meh.

55 Yuda tsaw ha-eu Basaka baw-i g'eh-eu a yam peh la-eu meh. Baw-i

g'eh-eu ma keu la mi na-eh, yaw ha-eu g'aw maw bi shaw la-eu leh, yaw

paw na lu jaw-eu tsaw ha g'aw mya ni Yelusaleh meu-ah le-eu meh. 56

Tsaw ha k'oe deu Yesu-ah po lu meh. A yaw ma u du tah nym nym ma la

k'oe yaw lu ngeh, a yaw ma yaw ka eh-eu, Naw ma a jo-eh noe te. Baw-i

heu-eu la k'oe a yaw ma la-a lo leh eh-eu meh. 57 K'oe ngeh, pi ma deu

haw-eu Paliseh deu daw heu lo-eh bi ta-eu meh. A su g'a ma ka, a yaw

jaw-eu si na, nga ma a yaw-ah ya nyeh ni nga ma-ah ya eh ga la meh leh,

daw bi ta-eu meh.

Betani pu la k'oe za mi za ti g'a Yesu-ah na ma haw leh neh-eu

12:1 Basaka baw-i ma keu la mi na-eh, ko nah ngeh nah neh, Yesu Lazalu

jaw-eu Betani pu-ah le keu-eu meh. Lazalu k'oe g'a, Yesu neh bi g'o deh

la-eu k'oe g'a meh. 2 K'oe ngeh, a yaw ma Yesu-ah ci haw ti byaw bi

dza-eu meh. Mata-a haw beu lah neh-aw, Lazalu haw-eu nui deu-a, Yesu

neh-eh jaw-aw dza lu meh. 3 K'oe ngeh Mali a poe zaw k'a-eu nadu leh

myah-eu na ma haw sm ka yu-aw, Yesu-eu a kui-ah leh neh-eu meh. K'oe

na, tseh kah neh a yaw-eu a kui-ah si neh-eu meh. Na ma haw k'oe nym ti

nym nym lah saw k'eu ni saw-eu meh. 4 Eh k'aw, a yaw-ah a caw-eu a la

la k'oe a neh-eu leh g'eh-eu, a yaw-eu za lah Yuda Isagalio eh-eu, 5 Na ma

haw teu sm ya bya-ah neh ah-aw, sha-eu zah-eu tsaw ha-ah a je g'eh-eu

ma bi neh te leh eh neh-eu meh. 6 A yaw k'oe lo-eh eh-eu-a, sha-eu zah-eu

tsaw ha-ah sha noe-aw eh-eu ma ngeu-a. A yaw-a sm k'oe mi neh eh-eu

meh. A yaw pyu paw beh taw-aw, k'oe-eu la k'oe ah-eu pyu k'oe haw-eu

meh. 7 Yesu eh-eu, Za mi za heu g'a-ah ta deh. Nga-ah du pah-eu a nah-eu

g'a du na ma haw heu a yaw je hm ta-eu meh. 8 Sha-eu zah-eu tsaw ha

naw ma neh-eh a myah lu jaw meh. Eh k'aw, nga naw ma neh-eh a myah

lu jaw-eu ma ngeu leh, eh neh-eu meh.

A caw Lazalu-ah di seh-eu leh baw dza tseh-eu

9 Yesu k'oe ga jaw lu meh leh Yuda tsaw ha a ma ma ma ya si ngeh, a

yaw ma k'oe ga le-eu meh. Yesu-ah maw maw-eu mi neh teh-eh le-eu ma

ngeu-a. Yesu neh bi g'o deh la-eu Lazalu-ah k'aw maw maw-eu mi neh

le-eu meh. 10 K'oe ngeh, pi ma deu Lazalu-ah k'aw di seh-eu leh, baw dza

tseh ta-eu meh. 11 A je mi neh eh na, Lazalu ba da neh Yuda tsaw ha g'aw

mya g'a a yaw ma-eu a mu la k'oe do-i-aw, Yesu-ah jah la lu meh.

Mal tah la dzi-aw Yelusaleh meu-ah u-i-eu

12 Ni-shaw ngeh nah, Yesu Yelusaleh meu-ah oe lu ga baw-i k'oe-eu la

k'oe la keu-eu tsaw ha a ma ma ma ya ga-eu meh. 13 A yaw ma a yaw-ah

ha la-i-eu leh, dao a pya ba-aw do-i-eu meh. A yaw ma eh-eu, Hosana,

Sah pa Mi yeh-eu tsaw myah u mo oe lu-eu, Isalela tsaw ha-eu Sah pa ku

haw kam gui lah hui lu-u leh, yaw k'a-eh eh lu meh. 14 K'oe ngeh, Yesu

mah tah la-ah maw-aw dzi-eu meh. Ja li la k'oe bo ta-eu lo-eh, 15 Zio-eu

za mi-o, ta gu. Haw she, naw-eu Sah pa ku haw kam mah tah la dzi-aw oe

lu meh, leh bo ta-eu meh.

16 A yaw-eu za lah deu ga kaw k'oe ma si nya si. Eh k'aw, Yesu yaw sheh

k'ah seh za g'a ngeh, a yaw-eu ga kaw k'oe lo-eh bo ta-eu ga ma eh, a caw

a yaw-ah k'oe lo-eh jah neh-eu ga ma eh, a yaw ma noe do la-eu meh. 17

Yesu Lazalu-ah lm bym la k'oe ku do-aw bi g'o deh la ngeh, Yesu neh-eh

jaw-eu tsaw ha a ma ma ma k'oe ma, ga kaw k'oe sa ki kam lu meh. 18 A

yaw neh bi si bi maw-eu leh jah-eu ga kaw k'oe-ah a yaw ma ya ga-eu mi

neh, tsaw ha a ma ma ma k'oe a yaw-ah ha la-i-eu meh. 19 K'oe mi neh,

Paliseh deu a yaw ma yaw ka eh-eu, Naw ma ti je-i ma jah nya-a. Haw

she, mi tsa za daw taw lu a yaw-eu meh nah caw teh ji-eu meh leh eh-eu

meh.

Helasa tsaw ha deu Yesu-ah po-eu

20 Baw-i g'eh-eu k'oe ga u du tah la-eu tsaw ha la k'oe Helasa tsaw ha ti

pa na deu ah-eu meh. 21 A yaw ma, Galileh mi k'ah-ah ja-eu Behdzeda

meu-ah jaw-eu Pilipu jaw ga i-aw, Sa la-o, nga ma Yesu-ah maw maw nya

leh sha-eu meh. 22 Pilipu Adehleh-ah eh neh-i-eu meh. Aehyleh haw-eu

Pilipu a nya Yesu-ah eh neh-i-eu meh. 23 K'oe ngeh Yesu eh-eu, Tsaw

ha-eu Za ma yaw sheh k'ah seh za-eu a yam keu la-eu meh. 24 Nga naw

ma-ah a di ma-eh eh neh nya. Ceh si yoe ti nui mi tsa k'oe ta ma ga-i-eh

ma shi na, si yoe k'oe ti nui teh-eh ja-eu meh. Eh k'aw shi na, ceh nui g'aw

mya ni tso le teh-a. 25 Yaw ha-eu deh-eu je-ah ga-eu tsaw ha, deh-eu je ya

sm teh-a. Mi tsa k'oe ta jaw ngeh, yaw ha-eu deh-eu je-ah mui-eu tsaw ha,

m ma ma bya za zi deh-eu je za ni, yaw ha-eu deh-eu je-ah je hm ta-eu

meh. 26 Nga-eu ga m-eu tsaw ha, nga-eu meh nah ya la teh-a. Nga-eu ga

m-eu tsaw ha k'aw, nga jaw ga ya jaw teh-a. Nga-eu ga m-eu tsaw ha-ah

A da Mi yeh ta hui ta mah teh-a.

Tsaw ha-eu Za ma k'ah tu ga ya da-eu

27 Nym-m nga-eu nui ma la k'oe zaw noe sha nya. Nga a jo-eh ya eh-eu. A

da-o, a yam heu-ah nga ya bu-i ni ka do neh la leh, ya eh-eu lo. Ma ngeu.

A yam heu-eu g'a du nga oe-eu ma. 28 A da-o, naw-eu tsaw myah-ah bi ta

hui bi ta mah law leh eh-eu meh. K'oe ngeh, m-ah neh te sa mah do le-aw

eh-eu, Nga-eu tsaw myah-ah nga bi ta hui bi ta mah g'a-eu ma. A ka ti po

k'aw pa bi ta hui pa bi ta mah ma leh eh-eu meh. 29 K'oe ga yaw lu-eu

tsaw ha a ma ma ma k'oe, te sa k'oe ya ga ngeh, M je je-eu nya leh eh-eu

meh. Ti pa na deu eh-eu, M ta g'a k'eh a yaw-ah daw ngeh neh-eu nya leh

eh-eu meh. 30 Yesu eh-eu, Te sa k'oe nga-eu g'a du mah do le-eu ma ngeu

nya. 31 Naw ma-eu g'a du mah do le-eu nya. Mi tsa heu-a, nym-m k'aw ya

k da ga ya da lu meh. Mi tsa heu-ah u lah lu-eu g'a-ah nym-m k'aw teh

do-eu meh. 32 Mi tsa heu k'oe ta nga k'ah tu ga ya da ngeh, tsaw ha daw

taw lu nga jaw ga ya jaw ni nga g'eu ma leh eh-eu meh. 33 A yaw k'oe

lo-eh eh-eu-a, a yaw a jo-eh ya shi-eu ga kaw eh meh neh-eu meh.

34 Tsaw ha a ma ma ma eh-eu, Ka-li-a, m ma ma bya za zi ya jaw teh-a

leh zah daw k'o daw la k'oe nga ma ya si ya ga-eu ma. Tsaw ha-eu Za

ma-a k'ah tu ga ya da teh-a leh, naw a je mi neh eh te. Tsaw ha-eu Za ma

k'oe g'a a su ga-a leh, a yaw-ah na ha-eu meh. 35 Yesu eh-eu, Yaw

sheh-a, naw ma jaw ga ti k'eh teh-eh bya-eu meh. Yaw sheh k'a bya-eu

k'oe keu ni cah-aw. Ma ngeu na, yaw zah naw ma-ah teh mi la teh-a. Yaw

zah la k'oe cah-eu tsaw ha, a ga i-eu ma si nya. 36 Naw ma jaw ga yaw

sheh bya lu ngeh, naw ma yaw sheh-eu za pyeu la ni, yaw sheh-ah jah-aw

leh, a yaw ma-ah eh neh-eu meh.

Yu da tsaw ha ma jah-a

Yesu daw heu deu eh g'a-aw, a yaw ma jaw ga neh do-i-aw jaw za-i-eu

meh. 37 A yaw ma-eu meh shi bi si bi maw-eu je k'oe mya mya-eh a yaw

jah meh-eu k'aw, a yaw ma a yaw-ah ma jah-a. 38 K'oe lo-eh pyeu la-eu-a,

Mi yeh-eu g'a du ngeh dah-eu Isaya neh eh ta-eu daw byah la-eu meh. A

yaw eh-eu, Sah pa Mi yeh-o, nga ma eh-eu daw-ah a su g'a jah ta. Sah pa

Mi yeh-eu bao a su g'a-ah pah meh neh te, leh eh ta-eu meh. 39 K'oe mi

neh, a yaw ma ma jah coe-a. A je mi neh eh na, Isaya ti po pa eh-eu, 40 A

yaw ma mya nui ma ya maw-eh, nui ma la k'oe ma ya noe do ni, nui ma ma

pa-eh nga a yaw ma-ah ma ya la ta ni, a yaw a yaw ma-eu mya nui-ah bi

beh-i-aw, a yaw ma-eu nui ma-ah bi g'ah la-eu meh, leh bo ta-eu meh. 41

Isaya k'oe lo-eh eh-eu-a, a yaw Yesu-eu yaw sheh k'ah seh-ah ya maw-eu

mi neh, a yaw-eu ga kaw eh-eu meh. 42 Sah pa deu-eu la k'oe g'aw mya

g'a Yesu-ah jah-eu meh. A yaw ma jah-eu k'aw, Pahseh deu-ah gu-eu mi

neh, Jah ma leh ma eh do-a. A je mi neh eh na, Yuda tsaw ha-eu a mu la

k'oe teh do la-eu baw le leh, a yaw ma noe sha-eu meh. 43 A yaw ma-a,

Mi yeh-eu yaw sheh k'ah seh za-eu na ma tse, tsaw ha za-eu k'ah seh-ah

za maw-eu meh.

Yesu eh-eu daw deu a yaw ma-ah ya k'a da neh-eu ga kaw

44 Yesu yaw k'a-eh eh-eu, Nga-ah jah-eu tsaw ha, nga-ah jah-eu ma

ngeu-a. Nga-ah bi oe-eu g'a-ah jah-eu meh. 45 Nga-ah maw-eu tsaw ha,

nga-ah bi oe-eu g'a-ah maw-eu meh. 46 Nga-a yaw sheh bya-eu yaw sah

ma. Nga-ah k'a jah-eu tsaw ha daw taw lu yaw zah la k'oe ma ya jaw ni,

nga mi tsa k'oe ta za ka le-eu ma. 47 Nga-eu daw ga-eu k'aw ma na ha

geu-eu tsaw ha a geu g'a-ah ma ka, nga ya k'a ma da. A je mi neh eh na,

nga mi tsa za-ah ya k'a da le-eu ma ngeu. 48 Nga mi tsa za-ah ka k'o le-eu

ma. Nga-ah byeh dzeh-aw nga-eu daw-ah ma na ha-eu tsaw ha-ah ya ka

da-eu ti g'a jaw meh. Nga neh eh-eu daw deu-a, a sa sa ngeh nah a yaw

ma-ah ya k'a da teh-a. 49 Nga nga-eu nui noe tsa-eu lo-eh ti je-i ma eh.

Nga-ah bi oe-eu A da Mi yeh-a, nga a jo-eh ya ngeh ya tm-eu leh a yaw

nga-ah daw bi-eu meh. 50 A yaw neh bi-eu daw-a, m ma ma bya za zi

deh-eu je pyeu-eu meh leh nga si nya ma. K'oe mi neh, nga k'a eh-eu

deu-a, A da Mi yeh nga-ah eh neh la-eu lo-eh eh-eu ma leh, a yaw eh-eu

meh.

Yesu neh za lah deu-eu a kui-ah bi dzui-eu

13:1 Nga-a, mi tsa-ah neh do-i-aw, A da Mi yeh jaw ga g'o le-eu a yam

keu la-eu nga leh, Basaka baw-i ma g'eh mi na-eh Yesu si lu meh. Mi tsa

k'oe ta jaw-eu a yaw-eu tsaw ha-ah a yaw ga lu-eu lo-eh, a sa sa ngeh keu

ni ga lu meh. 2 Yesu-ah a caw-eu a la la k'oe a neh-aw leh, neh sah pa

Simo-eu a li Yuda Isagalio-eu nui ma la k'oe bi noe do-eu meh. 3 A da Mi

yeh nga-eu a ia la k'oe yaw je na lu a neh la ji-eu meh. K'oe u ta, nga Mi

yeh jaw ga neh oe-aw Mi yeh jaw ga ya g'o le meh leh, Yesu si lu meh. 4

Ci haw dza lu ngeh Yesu tu-aw, a yaw-eu peh k'ah peh mah leh-eu meh.

K'oe na, a yaw pa jeh yu-aw jo-ah pa-eu meh. 5 Pa g'a na, k'm ma seh

byeh-ah i cu ku ah-aw, za lah deu-eu a kui-ah bi dzui-eu meh. Bi dzui g'a

na, a yaw pa lu-eu pa jeh neh si neh-eu meh.

6 Simo Betulu nui ga i keu ngeh, Betulu eh-eu, Sah pa-o, naw nga-eu a

kui-ah bi dzui-eu leh g'eh te lo leh, a yaw-ah na ha-eu meh. 7 Yesu eh-eu,

Nga a jo-eh jah lu ga nym-m naw ma si nya k'aw, a ka si nya la teh-a leh, a

yaw-ah eh neh-eu meh. 8 Betulu eh-eu, Naw nga-eu a kui-ah ti jaw-i ma

ya bi dzui-a leh, a yaw-ah eh neh-eu meh. Yesu eh-eu, Nga naw-ah ma ya

bi dzui na, naw nga-ah ma ta-a leh, a yaw-ah eh neh-eu meh. 9 Simo

Betulu eh-eu, Sah pa-o, nga-eu a kui-ah teh-eh ma ngeu-eu, a la-ah k'aw bi

dzui la-aw, u du-ah k'aw tsi la-aw leh, a yaw-ah eh neh-eu meh. 10 Yesu

eh-eu, I cu dzui-eu tsaw ha, g'aw maw maw lah shaw-eu mi neh, a kui

teh-eh dzui-eu lo meh. Naw ma shaw la-eu meh. Eh k'aw, naw ma yaw g'a

na lu shaw-eu ma ngeu-a leh, eh neh-eu meh. 11 A je mi neh eh na, a su

g'a a yaw-ah a caw-eu a la la k'oe a neh-eu nga leh, Yesu si lu meh. K'oe

mi neh, Naw ma yaw g'a na lu shaw-eu ma ngeu-a leh, a yaw eh-eu meh.

12 Yesu a yaw ma-eu a kui-ah dzui neh g'a-aw, a yaw-eu peh k'ah peh

mah pa dm-aw nui-eu meh. K'oe na a yaw eh-eu, Nga naw ma-ah a jo-eh

jah neh-eu ga naw ma si nya ma lo. 13 Naw ma nga-ah Sa la haw-eu Sah

pa leh ku lu meh. Naw ma ku-eu-a, tsa meh. A je mi neh eh na, naw ma

ku-eu lo-eh nga-a Sa la haw-eu Sah pa ma. 14 Nga-a Sah pa haw-eu Sa la

pyeu-eu k'aw, naw ma-eu a kui-ah dzui neh na, naw ma k'aw ti g'a-eu a

kui-ah ti g'a dzui neh-eu tsa teh-a. 15 Nga naw ma-ah m meh neh-eu lo-eh

naw ma k'aw m ni, naw ma bi dzaw geu-eu leh nga m meh neh-eu ma. 16

Nga naw ma-ah a di ma-eh eh neh nya. Za k'a-a, yaw ha-eu yaw sah na ma

tse ma hui-a. G'a k'eh k'aw, a yaw-ah k'eh-eu g'a na ma tse ma hui-a.

17 Ga kaw heu deu naw ma si nya-aw, si nya-eu lo-eh m na, naw ma gui

lah hui teh-a. 18 Naw ma daw taw lu-eu ga kaw nga eh-eu ma ngeu. Nga

neh tse do ta-eu tsaw ha-ah nga si nya ma. Eh k'aw, Ja li la k'oe bo ta-eu

lo-eh, Nga neh-eh dza-eu g'a a yaw-eu a kui kui nui nga-ah beh-eu meh

leh, eh ta-eu daw k'oe daw ya byah la teh-a. 19 Ga kaw heu deu pyeu la

ngeh, nga-ah k'oe g'a nga leh naw ma jah ni, nym-m ma pyeu la mi na-eh

nga naw ma-ah eh neh-eu ma. 20 Nga naw ma-ah a di ma-eh eh neh nya.

Nga neh k'eh-eu tsaw ha-ah ha-eu g'a, nga-ah ha-eu meh. Nga-ah ha-eu

g'a, nga-ah bi oe-eu g'a-ah ha-eu meh leh, a yaw ma-ah eh neh-eu meh.

A caw a yaw-ah a neh-eu ga kaw Yesu eh-eu

21 Ga kaw k'oe deu Yesu eh g'a-aw, a yaw-eu nui ma la k'oe zaw noe

sha-eu meh. A yaw eh-eu, Nga naw ma-ah a di ma-eh eh neh nya. Naw

ma-eu la k'oe ti g'a nga-ah a caw-eu a la la k'oe a neh teh-a leh, yaw

mui-eh eh neh-eu meh. 22 A yaw a su g'a-ah eh maw-eu nga leh, za lah

deu noe-aw, ti g'a ti g'a haw-eu meh. 23 A yaw-eu za lah deu la k'oe Yesu

zaw ga-eu koe g'a, Yesu-eu daw peh teh ni nui lu meh. 24 Simo Betulu-a,

A yaw a su g'a-ah eh maw ta. Nga ma-ah eh neh la-aw leh, za lah k'oe

g'a-ah a la dzaw neh-eu meh. 25 K'oe ngeh za lah koe g'a Yesu jaw paw

gaw pyaw-aw, Sah pa-o, a su g'a-a leh, na ha-eu meh. 26 Yesu eh-eu, Nga

ka mu ti k'eh byah ni yu-aw, g'aw nyoe la k'oe tah leh-aw bi neh-eu g'a, a

yaw meh leh, eh neh-eu meh. K'oe lo eh eh-aw, ka mu ti k'eh byah ni

yu-aw neh, 27 Simo Isagalio-eu a li Yuda-ah bi-eu meh. Yu-da ka mu k'oe

k'eh dza ga ngeh, Sada a yaw-ah u le-eu meh. Yesu eh-eu, Naw m-eu leh

g'eh-eu ga-ah yaw kaw-eh m-i-aw leh, a yaw-ah eh neh-eu meh. 28 A je

mi neh Yesu a yaw-ah k'oe lo-eh eh neh-eu nga leh, haw jaw jaw lu-eu

tsaw ha ti g'a-i ma si nya. 29 Yuda-a, pyu paw beh taw lu-eu mi neh,

Baw-i heu-eu g'a du a dui lo-eu deu zeu-i-aw leh, Yesu a yaw-ah k'eh-eu

ngeu nga. Ma ngeu na, Sha-eu zah-eu tsaw ha-ah ti je na bi-i-aw leh Yesu

k'eh-eu ngeu nga leh, a yaw ma ti pa na deu noe lu meh. 30 Yuda ka mu

k'oe k'eh dza ji-aw, ti po teh-eh do-i-eu meh. A yam k'oe-a, u ci seh g'ah

meh.

Daw yaw shui ti daw bi-eu

31 Yuda do-i g'a ngeh Yesu eh-eu, Nym-m tsaw ha-eu Za ma yaw sheh

k'ah seh za-eu ma. Mi yeh k'aw a yaw ba da neh yaw sheh kaheh za-eu

meh. 32 A yaw ba da neh Mi yeh yaw sheh k'ah seh za-eu ngeu na, Mi

yeh k'aw Za ma-ah yaw sheh k'ah seh bi za teh-a. A yaw ti po teh-eh yaw

sheh k'ah seh bi za-eu meh. 33 Nga ga-eu za deu-o, nga naw ma neh-eh ti

k'eh teh-eh jaw ma. Naw ma nga-ah po teh-a. Naw ma nga i ga ma oe

nya-a leh nga Yuda tsaw ha-ah eh neh-eu lo-eh, nym-m naw ma-ah k'aw

eh neh-eu ma. 34 Naw ma ti g'a ti g'a ga-aw leh, nga naw ma-ah daw yaw

shui ti daw bi-eu ma. Nga naw ma-ah ga-eu lo-eh, naw ma k'aw ti g'a ti g'a

ga-aw. 35 Naw ma ti g'a ti g'a ga na, ga-eu k'oe ba da neh, naw ma nga-eu

za lah nga leh tsaw ha daw taw lu ya si teh-a leh, eh neh-eu meh.

Betulu naw, nga-ah ma si leh pyeh teh-a

36 Simo Betulu eh-eu, Sah pa-o, naw a ga i-eu leh g'eh te leh, a yaw-ah na

ha-eu meh. Yesu eh-eu, Nym-m naw nga i ga ma oe nya-a. A ka ya oe

teh-a leh, eh neh-eu meh. 37 Betulu eh-eu, Sah pa-o, a je mi neh nym-m

nga naw-eu meh nah ma oe nya ta. Naw-eu g'a du nga shi dah ma leh, a

yaw-ah eh neh-eu meh. 38 Yesu eh-eu, Nga-eu g'a du naw shi dah ma lo.

Nga naw-ah a di ma-eh eh neh nya. Ya poe ma doe la mi na-eh, naw

nga-ah ma si leh sm po keu ni pyeh teh-a leh, eh neh-eu meh.

Yesu haw-eu A da Mi yeh-eu ga kaw

14:1 Naw ma nui ma k'oe ta noe sha ta noe zah. Mi yeh-ah jah-aw.

Nga-ah k'aw jah-aw. 2 Nga Da-eu nym-ah jaw k'a za gah meh. Jaw k'a ma

za law nm-a, ma za-a leh nga naw ma-ah eh neh teh-a. Nga g'o le-aw, naw

ma-eu g'a du jaw za la sa le ma. 3 Nga g'o le-aw naw ma-eu g'a du jaw za

la sa g'a na, naw ma k'aw nga jaw ga jaw nya ni, nga ti po pa za ka le-aw,

naw ma-ah sheu k'o le ma. 4 Nga le-eu ga ma naw ma si nya meh leh, eh

neh-eu meh. 5 Toma eh-eu, Sah pa-o, naw a ga le-eu, nga ma ma si. Nga

ma ga ma a jo-eh si nya-eu leh, a yaw-ah eh neh-eu meh. 6 Yesu eh-eu,

Nga-a ga ma ma. Yaw tsa yaw daw je haw-eu sa la deh-eu je k'aw ngeu

ma. Nga-ah ma g'oe na, tsaw ha ti g'a-i A da Mi yeh jaw ga ma le keu nya.

7 Naw ma nga-ah si nya law nm-a, nga Da-ah k'aw si nya teh-a. Nym-m

neh naw ma a yaw-ah ya si ya maw-eu meh leh, Toma-ah eh neh-eu meh.

8 Pilipu eh-eu, Sah pa-o, nga ma-ah A da Mi yeh bi maw la. Bi maw la na

nui k'ah shi ma leh, eh neh-eu meh. 9 Yesu eh-eu, Pilipu-o, nga naw ma

neh-eh heu myah ni jaw la-eu k'aw, naw nga-ah ma si nya te si lo. Nga-ah

maw-eu g'a, A da Mi yeh-ah maw-eu meh. Nga ma-ah A da Mi yeh bi

maw la leh naw a je g'eh-eu eh te. 10 Nga A da Mi yeh-eu la k'oe jaw-aw

nga-eu la k'oe k'aw A da Mi yeh jaw ga, naw ma jah te lo. Nga naw ma-ah

eh neh-eu daw deu-a, nga-eu nui noe tsa ni nga eh-eu ma ngeu. Nga-eu la

k'oe jaw-eu A da Mi yeh-a, a yaw-eu ga a yaw m lu meh. 11 Nga A da Mi

yeh-eu la k'oe jaw-aw, A da Mi yeh nga-eu la k'oe jaw ga jah-aw. Ma

ngeu na, nga neh m-eu deu ba da neh nga-ah jah-aw.

12 Nga naw ma-ah a di ma-eh eh neh nya. Nga-ah jah-eu tsaw ha, nga neh

m-eu ga deu m teh-a. Nga nga Da jaw ga g'o le-eu mi neh, heu na ma tse

hui-eu deu k'aw a yaw m teh-a. 13 A' da yeh-a, Za ma ba da neh yaw sheh

k'ah seh za ni, naw ma nga-eu tsaw myah-ah g'oe-aw k'a sha-eu daw taw

lu nga bi pyeu la ma. 14 Naw ma nga-eu tsaw myah-ah g'oe-aw ti je na sha

na, naw ma sha-eu lo-eh nga bi pyeu la ma.

Yaw sah Mi yeh bi oe-eu ga kaw Yesu eh neh-eu

15 Naw ma nga-ah ga na, nga neh bi-eu daw deu-ah na ha geu teh-a. 16

Nga A da Mi yeh-ah sha-eu leh ma. Nga sha-eu lo-eh, a myah lu naw ma

neh-eh bi jaw-eu leh, naw ma-ah caw ba-eu ti g'a A da Mi yeh naw ma-ah

bi teh-a. 17 Caw ba-eu k'oe ga, yaw tsa yaw daw-eu Yaw sah meh. Mi tsa

za a yaw-ah ma si ma maw-eu mi neh, a yaw-ah ma ha geu nya. Naw ma a

yaw-ah si nya meh. A je mi neh eh na, a yaw naw ma neh-eh jaw-aw, naw

ma-eu la k'oe k'aw jaw meh.

18 Nga naw ma-ah mu coe a nm lo-eh byeh dzeh ya-eu ma ngeu. 19 Nga

naw ma jaw ga g'o le ma. Ti k'eh g'eh na, mi tsa za nga-ah ma ya maw-a.

Eh k'aw, naw ma nga-ah ya maw teh-a. Nga deh-eu mi neh, naw ma k'aw

ya deh teh-a. 20 K'oe ngeh nah keu la na, nga A da Mi yeh-eu la k'oe jaw

ga ma eh, naw ma nga-eu la k'oe jaw ga ma eh, nga naw ma-eu la k'oe jaw

ga ma eh, naw ma ya si teh-a. 21 Nga neh bi-eu daw ga-aw na ha geu-eu

tsaw ha, nga-ah ga-eu meh. Nga-ah ga-eu tsaw ha-ah nga Da ga teh-a.

Nga k'aw a yaw ma-ah ga-aw, nga-eu g'aw maw a yaw ma-ah bya ceh ni

bi maw ma leh, eh neh-eu meh.

22 Yuda Isagalio ma ngeu-eu Yuda leh myah-eu g'a eh-eu, Sah pa-o,

naw-eu g'aw maw nga ma-ah bi maw ga neh, a je g'eh-eu mi tsa za-ah ma

bi maw te leh, na ha-eu meh. 23 Yesu eh-eu, Nga-ah ga-eu tsaw ha,

nga-eu daw na ha geu teh-a. Nga Da k'aw a yaw ma-ah ga teh-a. Nga nya

Da Za, a yaw ma jaw ga oe-aw, a yaw ma neh-eh jaw ma. 24 Nga-ah ma

ga-eu tsaw ha, nga-eu daw ma na ha geu-a. Naw ma ya ga lu-eu daw

heu-a, nga-eu daw ma ngeu. Nga-ah bi oe-eu A da Mi yeh-eu daw meh.

25 Nga naw ma neh-eh jaw ngeh, daw heu deu nga naw ma-ah eh neh-eu

ma. 26 Naw ma-ah caw ba-eu g'a leh ku-eu mui-eu shaw-eu Yaw sah

g'a-ah, nga-eu tsaw myah u mo A da Mi yeh bi oe teh-a. Yaw sah k'oe g'a,

naw ma-ah yaw je na lu meh neh la-aw, nga naw ma-ah eh neh ta ya-eu

daw k'oe daw taw lu a yaw naw ma-ah bi noe do la teh-a. 27 Nui ma sa

leh ni g'eh-eu je nga naw ma-ah ta ya-eu ma. Nga-eu nui ma sa leh ni

g'eh-eu je naw ma-ah bi ya-eu ma. Mi tsa za bi-eu lo-eh nga bi-eu ma ngeu.

Naw ma nui ma la k'oe ta noe sha ta noe zah. Gu-eu nui ma ta ah. 28 Nga

g'o le-aw, naw ma jaw ga nga ti po pa oe ma leh, nga neh eh neh-eu daw

naw ma ya ga-eu meh. Naw ma nga-ah ga na, A da Mi yeh jaw ga nga g'o

le-eu mi neh naw ma la k'a ceh teh-a. A je mi neh eh na, A da Mi yeh-a

nga na ma tse hui-eu meh. 29 K'oe deu pyeu la ngeh, naw ma jah ni,

nym-m ma pyeu la mi na-eh nga naw ma-ah eh neh-eu ma. 30 A ka na nga

naw ma-ah daw g'aw mya ni ma pa ngeh ma. A je mi neh eh na, mi tsa-ah

u lah lu-eu g'a la lu meh. Nga-eu k'oe ta a yaw bao ti paw-i ma ja. 31 Eh

k'aw, nga A da Mi yeh-ah ga-eu nga leh mi tsa za ya si ya maw ni, A da

Mi yeh nga-ah daw bi la-eu lo-eh nga m ma. Tu-aw. I ka-eu.

Yesu-a ma ma ni g'eh-eu a ga ci ni meh

15:1 Nga-a, ma ma ni g'eh-eu a ga ci ni ma. Nga Da-a, ya km la sa-eu yaw

sah meh. 2 A si ma si-eu nga-eu ci ni ni za deu-ah a yuw deu dzeh-eu meh.

A si si-eu ci ni ni za deu-ah bi si dzeh le-eu leh, a yaw yaw mui-eh la sa-eu

meh. 3 Nga neh naw ma-ah meh neh-eu daw ba da neh, nym-m k'aw naw

ma shaw la-eu meh. 4 Nga-eu la k'oe jaw-aw. Nga k'aw naw ma-eu la k'oe

jaw ma. Ci ni ni za deu-a, ci ni ni ma-ah ma tso na, a yaw yaw a si ma si le

nya-eu lo-eh, naw ma k'aw nga-eu la k'oe ma jaw na, a si ma si le nya.

5 Nga-a, a ga ci ni ni ma ma. Naw ma-a, ci ni ni za deu meh. Nga-eu la

koe jaw-aw, nga a yaw-eu la k'oe jaw-eu tsaw ha, a si gaw mya ni si le-eu

meh. A je mi neh eh na, nga-ah g'aw na, naw ma ti je-i ma m nya. 6

Nga-eu la k'oe ma jaw-eu tsaw ha, ci ni ni za deu-ah deu dzeh-eu lo-eh

deu dzeh ga ya da-aw, nyoe-i gui-i teh-a. K'oe lo-eh g'eh-eu ci ni ni za

deu-ah a caw g'o bym-aw, mi dza la k'oe ba pui-eu meh.

7 Naw ma nga-eu la k'oe jaw-aw, nga-eu daw naw ma-eu la k'oe ah na,

naw ma sha maw-eu lo-eh sha-aw. 8 Naw ma za teh-a. Naw ma a si g'aw

mya ni le-eu ba da neh, nga Da k'ah seh za-aw, naw ma k'aw nga-eu za lah

a di a ma pyeu-eu ga a caw ya maw teh-a. 9 A da Mi yeh nga-ah ga-eu

lo-eh, nga k'aw naw ma-ah ga-eu ma. Nga-eu g'oe-eu ga-eu la k'oe

jaw-aw. 10 Nga-a, nga Da neh bi-eu daw deu-ah na ha geu-aw, a yaw-eu

g'oe-eu ga-eu la k'oe jaw lu ma. K'oe lo-eh du ni, naw ma k'aw nga neh

bi-eu daw deu-ah na ha geu na, nga-eu g'oe-eu ga-eu la k'oe jaw teh-a. 11

Nga-eu la k'a ceh-eu je naw ma-eu la k'oe ah-aw, naw ma la k'a ceh dui

dui la nya ni, daw heu deu nga naw ma-ah eh neh-eu ma.

12 Nga neh bi-eu daw-a, heu lo-eh ma. Nga naw ma-ah ga-eu lo-eh, naw

ma ti g'a ti g'a ga-aw. 13 Yaw ha-eu caw g'a du shi dah-eu na ma tse

hui-eu g'oe-eu ga-eu je ma ja. 14 Nga neh bi-eu daw deu-ah naw ma m na,

naw ma nga-eu caw pyeu-eu meh. 15 A ka na, nga naw ma-ah za k'a leh

ma pa ku ma. A je mi neh eh na, yaw sah a je m lu nga leh za k'a ma si-a.

Nga naw ma-ah caw leh ku ma. A je mi neh eh na, nga Da nga-ah k'a eh

neh la-eu deu nga naw ma-ah eh neh-eu ma. 16 Naw ma nga-ah tse geu-eu

ma ngeu-a. Nga naw ma-ah tse do-eu ma. Naw ma i-aw, a si si le-eu u ta,

a si k'oe zi la-eu g'a du, nga naw ma-ah tse do ta-eu ma. K'oe mi neh,

nga-eu tsaw myah-ah g'oe-aw, A da Mi yeh-ah naw ma k'a sha-eu daw

taw lu A da Mi yeh naw ma-ah bi teh-a. 17 Naw ma ti g'a ti g'a ga-aw leh,

nga naw ma-ah daw bi-eu ma.

Mi tsa za naw ma-ah mui-eu meh

18 Mi tsa za naw ma-ah mui na, naw ma-ah ma mui mi na-eh nga-ah mui

lu meh leh si-aw. 19 Naw ma mi tsa-ah ta na, mi tsa za yaw ha-eu tsaw

ha-ah ga teh-a. Eh k'aw, naw ma mi tsa-ah ma ta-a. K'oe u ta, mi tsa

heu-eu la k'oe nga naw ma-ah tse do-eu mi neh, mi tsa za naw ma-ah mui

lu meh. 20 Za k'a-a, yaw ha-eu yaw sah na ma tse ma hui-a leh, nga naw

ma-ah eh neh-eu daw-ah ta ngeh. Mi tsa za deu nga-ah k'eh la k'a la-eu

meh. Naw ma-ah k'aw k'eh la k'a la teh-a. A yaw ma nga-eu daw na ha

geu na, naw ma-eu daw k'aw na ha geu teh-a. 21 Eh k'aw, naw ma nga-ah

g'oe-eu ba da neh k'oe deu daw taw lu a yaw ma naw ma-ah jah la teh-a. A

je mi neh eh na, nga-ah bi oe-eu g'a-ah a yaw ma ma si nya.

22 Nga a yaw ma-ah ma eh neh le-eu law nm-a, a yaw ma i ba ma ah-a.

Eh k'aw, a yaw ma i ba ma ah leh, nym-m deh leh k'a ma za. 23 Nga-ah

mui-eu g'a, nga Da-ah k'aw mui-eu meh. 24 Tsaw ha ti g'a-i ma m haw-eu

deu a yaw ma-eu meh shi nga ma m-eu law nm-a, a yaw ma i ba ma ah-a.

Eh k'aw, nym-m a yaw ma ga k'oe deu-ah ya maw-aw, nga-ah ma eh, nga

Da-ah ma eh, mui lu meh. 25 K'oe lo-eh pyeu la-eu-a, a yaw ma-eu zah

daw k'o daw la k'oe bo ta-eu lo-eh, Ti je-i ga kaw ma ja ga neh a yaw ma

nga-ah mui-eu meh leh, eh ta-eu daw k'oe daw byah la ni pyeu la-eu meh.

26 A da Mi yeh-ah neh do le-eu caw ba-eu g'a nga naw ma jaw ga bi oe

ma. A yaw-a A da Mi yeh-ah neh do le-eu, yaw tsa yaw daw je-ah ta-eu

Yaw sah meh. A yaw oe keu na, nga-eu ga kaw sa ki kam teh-a. 27 Naw

ma k'aw, yaw beh ngeh neh nga neh-eh jaw lu-eu mi neh, nga-eu ga kaw

sa ki kam teh-a.

16:1 Naw ma-eu jah-eu nui ma ma ya caw-i ni, ga kaw heu deu nga naw

ma-ah eh neh-eu ma. 2 A caw naw ma-ah Yuda tsaw ha-eu a mu la k'oe

teh do teh-a. Naw ma-ah di seh-eu tsaw ha, Mi yeh-eu ga m-eu ma leh,

noe teh-a. A ka heu lo-eh g'eh-eu a yam keu le teh-a. 3 A yaw ma A da Mi

yeh-ah ma eh, nga-ah ma eh, ma si-eu mi neh, naw ma-ah k'oe lo-eh jah la

teh-a. 4 A yam k'oe keu le ngeh, nga ga kaw heu deu eh neh-eu ga naw ma

ma ya ngeh ni, daw heu deu nga naw ma-ah eh neh-eu ma.

Yaw sah Mi yeh ga a jo-eh m-eu ga kaw Yesu meh neh-eu

Nga naw ma neh-eh jaw lu-eu mi neh, yaw beh ngeh neh ga kaw heu deu

nga naw ma-ah ma eh neh-a si. 5 Nga-ah bi oe-eu g'a jaw ga, nym-m nga

g'o le ma. Naw a ga g'o le te leh, naw ma ti g'a-i nga-ah ma na ha-a. 6 Eh

k'aw, ga kaw heu deu nga naw ma-ah eh neh-eu mi neh, naw ma noe sha

dui dui-eu meh. 7 Nga naw ma-ah daw coe ni eh neh nya. Nga g'o le-eu-a,

naw ma-eu g'a du mui dui dui meh. A je mi neh eh na, nga ma g'o le na,

caw ba-eu g'a naw ma jaw ga ma oe-a. Eh k'aw, nga g'o le-aw, naw ma

jaw ga nga a yaw-ah bi oe ma. 8 A yaw oe keu ngeh, i ba-eu ga kaw ma

eh, yaw tsa yaw daw-eu ga kaw ma eh, ya k'a da-eu haw-eu ya k'a ja-eu

ga kaw ma eh, a yaw mi tsa za-ah yaw mui-eh meh neh teh-a. 9 A yaw ma

nga-ah ma jah-eu mi neh i ba-eu ga kaw a yaw yaw mui-eh meh neh teh-a.

10 Nga A da Mi yeh jaw ga g'o le-aw, naw ma nga-ah ma pa ya maw-eu

mi neh, yaw tsa yaw daw-eu ga kaw a yaw yaw mui-eh meh neh la teh-a.

11 Mi tsa heu-ah u lah lu-eu g'a-ah ya k'a da neh-eu mi neh, ya k'a da-eu

haw-eu ya k'a ja-eu ga kaw k'aw, a yaw yaw mui-eh meh neh la teh-a.

12 Nga naw ma-ah eh neh pa-eh g'eh-eu g'aw mya je ja k'aw, nym-m naw

ma ma g'o ta ji coe-a. 13 Eh k'aw, yaw tsa yaw daw-eu Yaw sah g'a oe

keu na, naw ma yaw tsa yaw daw daw taw lu-eu meh nah caw teh nya ni,

a yaw sheu meh la teh-a. A je mi neh eh na a yaw k'a ya ga-eu deu teh-eh

meh neh-eu meh. A yaw yaw noe do-aw eh meh-eu ma ngeu-a. A ka pyeu

la-eu ga kaw deu k'aw, a yaw naw ma-ah meh neh la teh-a. 14 Nga yaw

sheh k'ah seh za ni a yaw m teh-a. A je mi neh eh na, nga-ah ta-eu deu a

yaw yu-aw, naw ma-ah meh neh teh-a. 15 A da Mi yeh k'a jaw k'a ja-eu

yaw je na lu nga-eu ma. K'oe mi neh, nga-ah ta-eu deu a yaw yu-aw naw

ma-ah meh neh teh-a leh, nga eh neh-eu ma.

Noe sha-eu je la k'a ceh-eu je pyeu la-eu

16 Ti k'eh g'eh na, naw ma nga-ah ma ya maw-a. Ti k'eh g'eh na, pa ya

maw teh-a leh, eh neh-eu meh. 17 K'oe ngeh a yaw-eu za lah ti pa na deu

eh-eu, Ti k'eh g'eh na, naw ma nga-ah ma ya maw-a. Ti k'eh g'eh na, pa ya

maw teh-a leh eh-eu-a, a je eh maw-eu nga. Nga A da Mi yeh jaw ga g'o

le-eu mi neh leh eh-eu k'aw, a yaw a dui ma-ah a jo-eh eh neh la maw-eu

nga leh, ti g'a ti g'a ja-eu meh. 18 K'oe u ta, a yaw ma pa eh-eu, Ti k'eh

g'eh na leh eh-eu daw k'oe daw, a je eh maw-eu nga. A yaw eh-eu daw a

dui ma ma g'o shaw nya nya leh, a yaw ma yaw ka ja-eu meh.

19 A yaw ma nga-ah na hay maw-eu nga leh, Yesu si nya-eu mi neh a yaw

eh-eu, Ti k'eh g'eh na, naw ma nga-ah ma ya maw-a. Ti k'eh g'eh na, pa ya

maw teh-a leh nga eh neh-eu daw heu daw-eu ga kaw naw ma ti g'a ti g'a

na ha lu te lo. 20 Nga naw ma-ah a di ma-eh eh neh nya. Naw ma ngoe

k'aw ya ngoe, tsaw ngoe k'aw ya ngoe teh-a. Eh k'aw, mi tsa za la k'a ceh

teh-a. Naw ma ya noe sha-eu k'aw, naw ma noe sha-eu k'oe-a, la k'a

ceh-eu je pyeu la teh-a. 21 Za mi za ti g'a za ci ngeh, za ci-eu a yam keu

la-aw, zaw na-eu meh. Eh k'aw, za ci g'a ngeh, mi tsa k'oe ta tsaw ha ti g'a

deh le-eu mi neh, la k'a ceh dui dui-aw, yaw beh a yaw ya da-eu deu ngeh

ji-eu meh. 22 K'oe lo-eh du ni, nym-m naw ma ya noe sha k'aw, nga naw

ma-ah ti po pa ya maw-eu mi neh, naw ma la k'a ceh la teh-a. Naw ma la

k'a ceh ga, la k'a ma bi ceh ni tsaw ha ti g'a-i ma jah nya-a. 23 K'oe ngeh

nah keu la na, naw ma nga-ah ti je-i ma pa na ha-a. Nga naw ma-ah a di

ma-eh eh neh nya. Naw ma A da Mi yeh-ah ti je na sha na, nga-eu tsaw

myah ba da neh a yaw naw ma-ah bi teh-a. 24 Nga-eu tsaw myah-ah

g'oe-aw nym-m keu ni naw ma ti je-i ma sha-a si. Naw ma la k'a ceh dui

dui la nya ni sha-aw. Sha na, za teh-a.

Nga mi tsa-ah ga-eu ma

25 Nga yaw je ma je daw-ah neh ga kaw heu de naw ma-ah meh neh-eu

ma. Yaw je ma je daw-ah ma g'oe-eh A da Mi yeh-eu ga kaw nga naw

ma-ah bya ceh ni meh neh-eu a yam keu le teh-a. 26 A yam k'oe la k'oe,

naw ma nga-eu tsaw myah-ah g'oe-aw sha teh-a. Naw ma-eu g'a du A da

Mi yeh-ah nga sha ma leh, nga ma eh. 27 A je mi neh eh na, naw ma

nga-ah ga-aw, A da Mi yeh jaw ga neh nga oe-eu meh leh naw ma jah

lu-eu mi neh, A da Mi yeh naw ma-ah ga lu meh. 28 Nga A da Mi yeh jaw

ga neh oe-aw, mi tsa k'oe ta oe keu-eu ma. Mi tsa-ah neh nga do-i-aw, A

da Mi yeh jaw ga g'o le ma leh, eh neh-eu meh.

29 A yaw-eu za lah deu eh-eu, Nym-m naw yaw je ma je daw ma zm-eh

bya ceh ni meh neh la lu nga. 30 Naw daw taw lu-ah si nya-aw, tsaw ha ti

g'a-i naw-ah na ha-eu naw ma lo-a leh, nym-m nga ma si nya ma. K'oe mi

neh, naw Mi yeh jaw ga neh oe-eu meh leh nga ma jah-eu ma leh, eh

neh-eu meh. 31 Yesu eh-eu, Nym-m naw ma jah ma lo. 32 Naw ma

g'aw-i-aw, yaw ha-eu i kah g'o-i-aw neh, nga-ah teh-eh byeh dzeh ya-eu a

yam keu le lu meh. Nym-m k'aw keu le-eu meh. Eh k'aw, nga ti g'a teh-eh

jaw-eu ma ngeu. A da Mi yeh nga neh-eh jaw lu meh. 33 Nga ba da neh

naw ma nui ma sa leh ni g'eh-eu je za ni, daw heu deu nga naw ma-ah eh

neh-eu ma. Mi tsa k'oe ta k'eh-eu k'a-eu sha-eu zah-eu ga naw ma ya da

teh-a. Eh k'aw, nui ma zi-aw la k'a ceh-aw. Nga mi tsa-ah g'a-eu ma leh, a

yaw ma-ah eh neh-eu meh.

Yesu za lah deu-eu g'a du gui lah sha-eu

17:1 Yesu daw k'oe deu eh g'a ngeh, a yaw m-ah g'aw leu haw-aw eh-eu,

A da-o, a yam keu la-eu meh. Za ma ba da neh naw yaw sheh k'ah seh za

ni, naw-eu Za ma-ah yaw sheh k'ah seh bi za la. 2 Naw Za ma-ah k'a a

neh-eu tsaw ha-ah Za ma m ma ma bya za zi deh-eu je bi neh nya ni, tsaw

jeu tsaw ca daw taw lu-eu k'oe ta naw a yaw-ah bao bi-eu meh. 3 A yaw

ma naw-ah si nya-aw, naw neh bi oe-eu, Ye-su Ka-li-ah si-eu k'oe-a, m ma

ma bya za zi deh-eu je pyeu-eu meh. Naw ti g'a teh-eh a di a ma Mi yeh

pyeu-eu meh. 4 Naw neh nga-ah bi m-eu ga-ah nga m ji-aw, mi tsa k'oe ta

naw yaw sheh k'ah seh za ni nga m-eu ma. 5 A da-o, mi tsa ma beh mi

na-eh nga naw neh-eh jaw ngeh nga ja-eu yaw sheh k'ah seh k'oe, nym-m

naw-eu meh shi nga-ah pa bi za la.

6 Mi tsa za-eu la k'oe naw nga-ah bi la-eu tsaw ha-ah naw-eu ga kaw nga

meh neh-eu ma. A yaw ma naw-eu tsaw ha pyeu-aw, naw a yaw ma-ah

nga-eu a la la k'oe a neh la-eu meh. K'oe u ta, a yaw ma naw-eu daw na ha

geu lu meh. 7 Naw nga-ah k'a bi-eu yaw je na lu, naw neh bi-eu meh leh

nym-m a yaw ma si nya meh. 8 A je mi neh eh na, naw nga-ah meh neh-eu

lo-eh, nga a yaw ma-ah meh neh ga-aw, a yaw ma daw k'oe deu na ha

geu-eu meh. Nga naw jaw ga neh oe-eu meh leh a yaw ma si du-aw, naw

nga-ah bi oe-eu meh leh k'aw a yaw ma jah-eu meh. 9 Nga a yaw ma-eu

g'a du gui lah sha lu ma. Nga mi tsa za-eu g'a du gui lah sha-eu ma ngeu.

Naw nga-ah bi la-eu tsaw ha deu-a, naw-eu tsaw ha mi neh, nga a yaw

ma-eu g'a du gui lah sha lu ma. 10 Nga k'a jaw k'a ja-eu daw taw lu

naw-eu meh. Naw k'a jaw k'a ja-eu daw taw lu k'aw nga-eu ma. Koe deu

ba da neh nga yaw sheh k'ah seh za-eu ma.

11 A ka na, nga mi tsa k'oe ta ma pa jaw ma. Eh k'aw, tsaw ha heu deu-a,

mi tsa k'oe ta jaw lu meh. Nga naw jaw ga g'o la ma. Mui-eu shaw-eu A

da-o, a nya Da za ti g'a teh-eh pyeu-eu lo-eh, a yaw ma k'aw nui ma ti si

teh-eh ta nya la ni, naw nga-ah bi la-eu tsaw ha-ah naw-eu tsaw myah u

mo bo sa-aw. 12 Nga a yaw ma neh-eh jaw lu ngeh, naw nga-ah bi la-eu

tsaw ha-ah naw-eu tsaw myah u mo nga bo sa-eu ma. Nga bo sa-eu mi

neh, lu-i se-i-eu k'oe g'a ma ngeu na, ti g'a-i ma lu ma se-i-a. Tsaw ha k'oe

g'a lu-i se-i-eu-a, Ja li daw byah la ni lu-i se-i-eu meh.

13 Nym-m nga naw jaw ga g'o la ma. Ngaeu, la ka ceh-eu je a yaw ma-eu

la k'oe byah la ni, nga mi tsa k'oe ta jaw ngeh, daw heu deu nga eh neh-eu

ma. 14 Nga naw-eu daw a yaw ma-ah ja meh neh-eu ma. Nga mi tsa-ah

ma ta-eu lo-eh a yaw ma k'aw mi tsa-ah ma ta-eu mi neh, mi tsa za a yaw

ma-ah mui lu meh. 15 Mi tsa k'oe ta a yaw ma-ah yu do-aw leh nga sha-eu

ma ngeu. A yaw ma yaw hai je-ah ya bu-i ni, a yaw ma-ah bo sa-aw leh

nga sha-eu ma. 16 Nga mi tsa-ah ma ta-eu lo-eh a yaw ma kaw, mi tsa-ah

ma ta-a. 17 Yaw tsa yaw daw je neh a yaw ma-ah bi shaw la-aw. Naw-eu

daw-a, yaw tsa yaw daw je pyeu-eu meh. 18 Naw nga-ah mi tsa koe ta bi

oe-eu lo-eh, nga k'aw a yaw ma-ah mi tsa koe ta bi i-eu ma. 19 A yaw ma

yaw tsa yaw daw je la k'oe ya shaw la ni, a yaw ma-eu g'a du nym-m

nga-eu g'aw maw shaw jeh ni g'eh-eu ma.

20 Tsaw ha heu deu-eu g'a du teh-eh nga gui lah sha-eu ma ngeu. A yaw

ma meh-eu daw ba da neh nga-ah jah la-eu tsaw ha-eu g'a du k'aw, nga gui

lah sha-eu ma. 21 A yaw ma daw taw lu nui ma ti si teh-eh ta nya la ni,

nga gui lah sha-eu ma. A da-o, naw nga-eu la k'oe jaw-aw, nga k'aw

naw-eu la koe jaw-eu lo-eh, a yaw ma daw taw lu a nya Da za-eu la k'oe bi

jaw-aw. K'oe lo-eh jaw la na, naw nga-ah bi oe-eu meh leh, mi tsa za jah la

teh-a. 22 A nya Da za ti g'a teh-eh pyeu-eu lo-eh, a yaw ma nui ma ti si

teh-eh ta nya la ni, naw nga-ah bi za-eu yaw sheh k'ah seh k'oe, nga a yaw

ma-ah bi za-eu ma. 23 Nga a yaw ma-eu la k'oe jaw-aw, naw k'aw nga-eu

la k'oe jaw-eu mi neh, a yaw ma nui ma ti si teh-eh a di ta nya la teh-a.

K'oe lo-eh ta nya la ngeh, naw nga-ah bi oe-eu ga ma eh, naw nga-ah ga-eu

lo-eh a yaw ma-ah k'aw ga-eu ga ma eh, mi tsa za si nya la teh-a.

24 A da-o, mi tsa heu ma beh mi na-eh naw nga-ah ga lu-eu mi neh, naw

nga-ah bi za-eu yaw sheh k'ah seh koe-ah a yaw ma ya maw ni, naw

nga-ah bi la-eu tsaw ha nga neh-eh bi jaw maw mi-a. 25 Tsa-eu daw-eu A

da-o, mi tsa za naw-ah ma si nya k'aw, nga naw-ah si lu ma. Naw nga-ah

bi oe-eu meh leh, tsaw ha heu deu si lu meh. 26 Naw nga-ah ga-eu,

g'oe-eu ga-eu k'oe je, a yaw ma-eu la k'oe ah ni ma eh, nga a yaw ma-eu la

k'oe ya jaw ni ma eh, naw-eu ga kaw nga a yaw ma-ah meh neh-eu ma.

K'oe u ta, pa meh neh ma leh, eh-eu meh.

Yesu-ah nyeh-eu ga kaw

18:1 Yesu k'oe lo-eh eh g'a-aw neh, a yaw-eu za lah deu neh-eh do-i-aw,

Jedolo law gaw k'oe paw ba-ah tseh-i-eu meh. K'oe ga ja-eu ya km la k'oe

a yaw ma u-i-eu meh. 2 Yesu k'oe ga a yaw-eu za lah deu neh-eh gaw mya

po i haw-eu mi neh, a yaw-ah a caw-eu a la la k'oe a neh-eu Yuda k'oe g'a,

jaw du k'oe-ah si nya-eu meh. 3 K'oe mi neh, Yuda-a pi ma deu haw-eu

Paliseh deu neh k'eh le-eu yeh deu-ah sheu-aw oe-eu meh. A yaw ma tsi

k'm do-aw, mi shu keu-aw, keu ka k'aw yu lu meh. 4 Yesu-a, a yaw-eu

k'oe ta a jo-eh keu le-eu nga leh daw taw lu-ah si nya-aw, a yaw ma oe lu

ga le-aw neh, Naw ma a su ga-ah po te leh, na ha-eu meh. 5 Nazaleh pu

za Yesu-ah po-eu ma leh, a yaw ma eh neh ngeh, Nga k'oe g'a ma leh,

Yesu a yaw ma-ah eh k'o neh-eu meh. A yaw-ah a caw-eu a la la k'oe a

neh-eu Yuda koe g'a k'aw, a yaw ma neh-eh yaw lu meh. 6 Nga k'oe g'a

ma leh Yesu eh neh ngeh, a yaw ma meh nah paw ji g'o-i-aw, co-i-eu meh.

7 Naw ma a su g'a-ah po te leh, Yesu a yaw ma-ah ti po pa na ha ngeh

Nazaleh pu za Yesu-ah po-eu ma leh, a yaw ma pa eh k'o neh-eu meh. 8

Yesu pa eh-eu, Nga k'oe g'a ma leh, naw ma-ah eh neh-eu ma. Nga-ah

po-eu je ma-i, tsaw ha heu deu-ah pyeh neh-aw leh eh-eu meh. 9 A yaw

k'oe lo-eh eh-eu-a, Naw nga-ah bi-eu tsaw ha deu la k'oe ti g'a-i ma lu ma

se-i-a leh, eh ta-eu daw k'oe daw byah la ni eh-eu meh. 10 K'oe ngeh,

Simo Betulu a yaw sha lu-eu mi ceh g'aw do-aw, pi ma-eu za k'a ti g'a-ah

coe g'eh-aw, a ma paw-eu na pa tseh-i-eu meh. Za k'a k'oe g'a-eu tsaw

myah-a, Malaku meh. 11 K'oe ngeh Yesu Betulu-ah eh neh-eu, Naw-eu mi

ceh taw k'aw-ah soe ah-aw. A da Mi yeh nga-ah bi daw-eu k'm ma-ah nga

ya daw-eu, ma ngeu-a lo leh, eh neh-eu meh.

Yesu-ah Ana jaw ga sheu g'eh-eu

12 K'oe ngeh, yeh ti mu haw-eu bo mu k'aw, Yuda tsaw ha-eu yeh deu

k'aw, Yesu-ah nyeh-aw pa g'eh-eu meh. 13 Yaw beh a yaw-ah Ana jaw ga

sheu g'eh-eu meh. A je mi neh eh na, Ana-a, Gayapa-eu tsaw maw meh.

Gayapa-a, k'oe ngeh k'o pi ma geu lu meh. 14 Gayapa k'oe g'a, Tsaw jeu ti

jeu-eu g'a du tsaw ha ti ga shi dah na mui teh-a leh, Yuda tsaw ha-ah eh

meh neh-eu k'oe g'a meh.

Pi ma-eu sa na-ah ci ta-eu lah la k'oe Betulu u-i-eu

15 Simo Betulu haw-eu za lah yaw g'a yaw k'aw, Yesu-eu meh nah caw

teh lu meh. Za lah yaw g'a yaw k'oe g'a, pi ma-ah si nya-eu mi neh, pi

ma-eu sa na-ah ci ta-eu lah la k'oe Yesu neh-eh u-i-eu meh. 16 Betulu-a,

lah-eu la nyi paw la g'o daw peh yaw ya-eu meh. K'oe mi neh, pi ma-ah si

nya-eu za lah k'oe g'a do-i-aw, la go-ah lo lu-eu za mi za-ah eh neh-aw,

Betulu-ah sheu u la-i-eu meh. 17 K'oe ngeh, la g'o-ah lo lu-eu za mi za k'oe

ga, Naw kaw tsaw ha k'oe g'a-eu za lah ma ngeu lo leh, Betulu-ah na ha

ngeh, Ma ngeu leh, Betulu pyeh-eu meh. 18 K'oe ngeh, yaw ga ga-eu mi

neh, za k'a deu haw-eu yeh deu k'a g'eu neh mi dza baw do-aw, gaw yaw

yaw-aw neh yaw ga lm lu meh. Betulu k'aw a yaw ma neh-eh yaw-aw lm

lu meh.

Pi ma Yesu-ah na ha-eu

19 K'oe ngeh, Yesu-eu za lah deu-eu ga kaw haw-eu, Yesu neh meh neh

tso neh-eu ga kaw deu, pi ma Yesu-ah na ha-eu meh. 20 Yesu eh-eu, Nga

mi tsa za-ah bya ceh ni ja meh-eu ma. Yuda tsaw ha daw taw lu ui le du, u

du tah nym deu la k'oe ma eh, u du tah nym nym ma la k'oe ma eh, nga a

myah lu meh neh tso neh-eu ma. Nga ti je-i ma k'oe meh haw-a. 21 A je

mi neh naw nga-ah na ha te. Nga a yaw ma-ah a jo-eh meh neh-eu ga kaw,

nga neh meh neh-eu tsaw ha-ah na ha-aw. Nga neh meh neh-eu k'oe a yaw

ma si nya teh-a leh, a yaw-ah, eh k'o neh-eu meh. 22 Yesu k'oe lo-eh eh

g'a ngeh, daw peh yaw lu-eu yeh ti ga Yesu-ah teh g'eh-aw, Naw pi ma-ah

heu lo-eh ngeh k'o te lo leh deh-eu meh. 23 Yesu eh-eu, Nga-eu daw ma

tsa na, ma tsa ga toe meh la-aw. Eh k'aw, nga-eu daw tsa na, a je mi neh

naw nga-ah di te leh, a yaw-ah eh neh-eu meh. 24 Ana Yesu-ah ma bi pui

ni, pi ma Gayapa jaw ga bi sheu g'eh-eu meh.

Ma ngeu leh Betulu pyeh-eu

25 Simo Betulu gaw yaw yaw-aw yaw ga lm lu ngeh, Naw k'aw a yaw-eu

za lah ma ngeu lo leh, a yaw ma a yaw-ah na ha-eu meh. Ma ngeu leh,

Betulu pyeh-eu meh. 26 Betulu neh na pa coe tseh-eu g'a-eu a yui a nyi, pi

ma-eu za k'a ti g'a eh-eu, Naw ya km la k'oe tsaw ha k'oe g'a neh-eh jaw lu

ngeh, nga naw-ah maw-eu ma ngeu-a lo leh, na ha-eu meh. 27 Ma ngeu

leh, Betulu ti po pa pyeh-eu meh. K'oe ngeh, ti po teh-eh ya poe doe la-eu

meh.

Sah pa Pila Yesu-ah na ha-eu

28 K'oe na, u shaw yaw na-eh, a yaw ma Yesu-ah Gayapa jaw ga neh sah

pa yaw hui g'a-eu haw la k'oe sheu g'eh-eu meh. Eh k'aw, a yaw ma ma u

le-a. A je mi neh eh na, a yaw ma k'oe ga u le na, a yaw ma-eu zah ja-eu

lo-eh a yaw ma ma pa shaw-eu mi neh Basaka baw-i ma ya dza-a. 29 K'oe

mi neh sah pa Pila do le-aw, Naw ma heu g'a-eu k'oe ta i ba a jo-eh ta lu te

leh, a yaw ma-ah na ha-eu meh. 30 A yaw ma eh-eu, Tsaw ha heu g'a yaw

hai je ma m-eu law nm-a, nga ma naw-eu a la la koe ma a neh leh, a

yaw-ah eh k'o neh-eu meh. 31 K'oe mi neh sah pa Pila eh-eu, Naw ma a

yaw-ah sheu g'eh-aw, naw ma-eu zah daw ko daw ja-eu lo-eh ya k'a da

neh-aw leh, a yaw ma-ah eh neh-eu meh. Nga ma-a, tsaw ha ti g'a-ah-i la

seh-eu a kaw-a ma ja leh, Yuda tsaw ha deu eh k'o neh-eu meh. 32 A yaw

ma k'oe lo-eh eh-eu-a, Nga k'oe lo-eh ya shi meh leh, Yesu neh eh ta-eu

lo-eh byah la ni eh-eu meh.

33 K'oe na, sah pa Pila a yaw-eu haw la k'oe u le-aw, Yesu-ah ku-aw neh,

Naw Yuda tsaw ha-eu Sah pa ku haw kam ma lo leh, na ha-eu meh. 34

Yesu eh-eu, Naw noe do-aw neh na ha te lo. Ma ngeu na, nga-eu ga kaw a

caw naw-ah eh neh la ta lo leh, na ha-eu meh. 35 Sah pa Pila eh-eu, Nga

Yuda tsaw ha nga lo. Naw-eu tsaw jeu tsaw ca haw-eu pi ma deu naw-ah

nga-eu a la la k'oe a neh la-eu meh. Naw a je m te leh, na ha-eu meh. 36

Yesu eh-eu, Nga Sah pa ku haw kam geu-aw u lah-eu-a, mi tsa-ah ma ta.

Nga Sah pa ku haw kam geu-aw u lah-eu, mi tsa-ah ta law nm-a, nga

Yuda tsaw ha-eu a la la k'oe ma ya keu-i ni, nga-eu tsaw ha deu a yaw

ma-ah gui deu teh-a. Eh kaw, nga Sah pa ku haw kam geu-aw u lah-eu-a,

mi tsa-ah ma ta leh, eh neh-eu meh. 37 Sah pa Pila eh-eu, To-eh ma-i, naw

sah pa ku haw kam ma lo leh, a yaw-ah pa na ha ngeh, Yesu eh-eu, Naw

eh-eu lo-eh, nga-a sah pa ku haw kam ma. Yaw tsa yaw daw je-eu ga kaw

sa ki kam-eu leh nga deh le-eu ma. K'oe lo-eh kam-eu leh, mi tsa k'oe ta

nga oe-eu ma. Yaw tsa yaw daw paw jaw-eu tsaw ha nga-eu daw na ha-eu

meh leh, eh neh-eu meh. 38 Yaw tsa yaw daw leh eh-eu, a je-ah eh te leh,

sah pa Pila a yaw-ah na ha-eu meh.

Yesu-ah la ya k'oe ta bi ta seh-eu

Sah pa Pila k'oe lo-eh eh-aw, Yuda tsaw ha jaw ga do-i-aw neh, Nga tsaw

ha heu g'a-eu la koe yaw leh yaw ca ti je-i ma maw-a. 39 Basaka baw-i

g'eh ngeh, nga naw ma-eu g'a du taw-ah u-eu tsaw ha ti g'a-ah pyeh-eu zah

ja-eu meh. K'oe mi neh, Yuda tsaw ha-eu Sah pa ku haw kam-ah bi pyeh

maw mi-a lo leh, a yaw ma-ah na ha-eu meh. 40 A yaw-ah ta pyeh.

Balaba-ah pyeh-aw leh, a yaw ma yaw k'a-eh eh-eu meh. Balaba-a, tah joe

meh.

19:1 K'oe na, sah pa Pila Yesu-ah di-eu meh. 2 Yeh deu a gah ci ni yu-aw,

shui u k'o lo-eh du ni u k'o dzeu-aw, Yesu-ah nyeh k'o neh-eu meh. K'oe

na, a yaw-ah ne na na-eu peh k'ah peh mah bi dm-eu meh. 3 K'oe ngeh a

yaw ma a yaw jaw ga la-aw, Yuda tsaw ha-eu Sah pa ku haw kam-o, naw

gui lah hui lu-u leh eh-aw, a yaw-ah teh-eu meh. 4 Sah pa Pila ti po pa do

le-aw eh-eu, Nga tsaw ha heu g'a-eu la k'oe yaw leh yaw ca ti je-i ma

maw-a leh naw ma ya si ni, nga a yaw-ah naw ma jaw ga sheu do le-eu ma

leh, a yaw ma-ah eh neh-eu meh. 5 Yesu-a, a gah u k'o k'o-aw, ne na na-eu

peh k'ah peh mah k'aw dm-aw neh, do le-eu meh. Tsaw ha heu g'a-ah haw

she leh, sah pa Pila a yaw ma-ah eh neh-eu meh. 6 Pi ma deu haw-eu u du

tah nym nym ma-ah lo-eu yeh deu Yesu-ah ya maw ngeh, A yaw-ah la ya

k'oe ta ta seh-aw, ta seh-aw leh, yaw k'a-eh eh-eu meh. Sah pa Pila eh-eu,

Naw ma a yaw-ah sheu g'eh-aw la ya k'oe ta ta seh-aw. Nga a yaw-eu la

k'oe yaw leh yaw ca ti je-i ma maw-a leh, a yaw ma-ah eh neh-eu meh. 7

Yuda tsaw ha deu eh-eu, Nga ma-eu zah daw k'o daw ja-eu lo-eh jah na, a

yaw shi-eu tsa meh. A je mi neh eh na, a yaw-a, Nga Mi yeh-eu Za ma ma

leh eh-eu meh.

8 Sah pa Pila daw k'oe daw ya ga ngeh, yaw beh na ma tse gu-eu meh. 9

A yaw haw la k'oe pa u le-aw, Naw a geu ga neh la-eu tsaw ha te leh,

Yesu-ah na ha-eu meh. Eh k'aw, Yesu a yaw-ah ti je-i ma eh k'o neh-a. 10

K'oe m neh sah pa Pila eh-eu, Nga-ah daw ma ngeh caw lo. Naw-ah

pyeh-eu ma eh, naw-ah la ya k'oe ta ta seh-eu ma eh, nga bao ja-eu, naw

ma si nya te lo leh, a yaw-ah eh neh-eu meh. 11 Yesu eh-eu, M-ah neh

naw-ah bao ma bi na, naw nga-eu k'oe ta bao ti je-i ma ja-a. K'oe mi neh,

nga-ah naw-eu a la la k'oe a neh-eu g'a, naw na ma tse i ba hui-eu meh leh,

a yaw-ah eh neh-eu meh.

12 K'oe mi na, sah pa Pila Yesu-ah pyeh-eu leh leh jeh-eu meh. Eh k'aw,

Yuda tsaw ha deu yaw k'a-eh eh-eu, Naw tsaw ha teu g'a-ah pyeh na, naw

sah pa Gehsa-eu caw ma ngeu-a. Yaw ha yaw ha sah pa ku haw kam

geu-eu tsaw ha yaw g'a na lu, sah pa Gehsa-ah gui deu-eu tsaw ha meh leh

eh-eu meh. 13 Sah pa Pila daw k'oe daw ya ga ngeh, a yaw Yesu-ah sheu

do g'eh-aw, ya k'a da-eu nui mah mah ma-ah nui-eu meh. Jaw du k'oe-a,

k'a lo k'aw ta-eu meh. 14 Hebyeh daw, Gabata leh ku-eu meh. K'oe ngeh

nah-a, Basaka baw-i g'a du leh hm-eu a nah pyeu-aw, nah lo ceh la-eu

meh. Sah pa Pila Yuda tsaw ha-ah eh neh-eu, Naw ma-eu Sah pa ku haw

kam-ah haw-aw. 15 A yaw ma eh-eu, A yaw-ah di seh-aw, di seh-aw. La

ya k'oe ta ta seh-aw leh, yaw k'a-eh eh-eu meh, Sah pa Pila eh-eu, Naw

ma-eu Sah pa ku haw kam-ah nga la ya k'oe ta ya ta seh meh lo leh, a yaw

ma-ah na ha ngeh, Sah pa Gehsa ma ngeu na, nga ma sah pa ku haw kam

ma jaw leh, pi ma deu eh k'o neh-eu meh. 16 K'oe ngeh sah pa Pila,

Yesu-ah la ya k'oe ta ta seh-aw leh eh-aw, a yaw ma-eu a la la k'oe a

neh-eu meh.

Yesu-ah la ya k'oe ta ta seh-eu

17 K'oe mi neh, a yaw ma Yesu-ah sheu g'eh-eu meh. A yaw a yaw-eu la

ya ba-aw, U du k'm leh ku-eu tsah le-eu meh. Jaw du k'oe tsah, Hebyeh

daw Gawlagawda leh ku-eu meh. 18 K'oe ga a yaw ma a yaw-ah la ya

k'oe ta ta teh-eu meh. A yaw neh-eh tsaw ha nyi g'a-ah k'aw, ti paw ti g'a

la ya koe ta ta teh ta-aw, Yesu-ah-a g'ah ceh ta teh ta-eu meh. 19 Sah pa

Pila sah bo bo-aw, la ya k'oe ta ta myah ta-eu meh. Sah bo k'oe-a, Yuda

tsaw ha-eu Sah pa ku haw kam, Nazaleh pu za Yesu meh leh, bo ta-eu

meh. 20 Yesu-ah ta teh ta-eu k'oe tsah-a, meu daw peh mi neh, Yuda tsaw

ha g'aw mya g'a sah bo k'oe-ah gui-eu meh. Sah bo k'oe-a, Hebyeh sah bo,

Loma sah bo haw-eu, Helasa sah bo neh bo ta-eu meh. 21 K'oe mi neh,

Yuda tsaw ha-eu pi ma deu sah pa Pila-ah eh neh-eu, Yuda tsaw ha-eu

Sah pa ku haw kam meh leh ta bo. Nga-a Yuda tsaw ha-eu Sah pa ku haw

kam ma leh heu g'a eh-eu meh leh bo pa-aw leh, eh neh-eu meh. 22 Nga

neh bo ta-eu ga nga ma bo pa leh, sah pa Pila eh neh-eu meh.

23 Yeh deu Yesu-ah la ya k'oe ta ta teh g'a-aw, a yaw-eu meh tsoe yu-aw

neh oe bym bym-eu meh. K'oe na, ti g'a ti bym geu-eu meh. La k'oe dm-eu

peh kah peh mah kah k'aw a yaw ma yu-eu meh. Peh k'ah peh mah k'oe

kah-a, pa k'aw ma baw-a. 24 Ti kah kah lah ti po teh-eh za ta-eu meh.

K'oe mi neh a yaw ma eh-eu, Peh k'ah heu ma g'eu pa-eh, a su g'a geu-eu

tsa nga leh ya si ni, tsa haw ka-eu leh, ti g'a ti g'a eh-eu meh. A yaw ma

k'oe lo-eh eh-eu-a, A yaw ma nga-eu meh tsoe bi geu-aw, nga-eu peh k'ah

a su g'a geu-eu tsa nga leh tsa haw-aw geu-eu meh, leh Ja li la k'oe bo

ta-eu daw k'oe daw byah la-eu meh. Yeh deu k'oe lo-eh jah-eu meh.

25 Yesu-eu la ya daw peh a yaw-eu a ma, a yaw-eu a ma-eu meh nm ti g'a,

Galawpa-eu mi za Mali haw-eu Mali Magadala deu yaw lu meh. 26

Ye-su-a, a yaw-eu a ma-ah ya maw-eu meh. A yaw-eu a ma-eu daw peh a

yaw zaw ga-eu za lah k'oe g'a yaw lu ga k'aw ya maw-eu meh. Yesu a

yaw-eu a ma-ah, A ma-o, teu g'a naw li meh leh, eh neh-eu meh. 27 Za lah

k'oe g'a-ah k'aw, Teu g'a naw ma meh leh, eh neh-eu meh. K'oe ngeh

nah-ah neh, za lah k'oe g'a a yaw-eu i kah Yesu-eu a ma-ah bi jaw-eu meh.

28 K'oe ngeh, ga daw taw lu m ji-eu ma leh Yesu si nya-aw, Nga i cu meh

nya leh eh-eu meh. Ja li daw byah la ni a yaw k'oe lo-eh eh-eu meh. 29

K'oe ga, ceh myaw ni g'eh-eu a ga dza ui ti byah dah-eu ci cu cu za ti si

ja-eu meh. A yaw ma i ma la sha-eu a hm ti pyeh yu-aw, ceh myaw ni

g'eh-eu a ga dza ui la k'oe daw dui-eu meh. K'oe na, a to a kah-ah soe

tso-aw, Yesu-eu k'a meh-ah soe tu neh-eu meh. 30 Yesu-a, ceh myaw ni

g'eh-eu a ga dza ui k'oe daw g'a na, Ga m ji-eu ma leh eh-aw, u du tah

mo-aw neh sa tseh-eu meh.

Yesu-eu bya g'a-ah gah neh tsaw-eu

31 K'oe ngeh nah-a, baw-i ga du leh hm-eu a nah pyeu-aw, ni shaw ngeh

nah-a zaw hui-eu jaw nah pyeu-eu meh. K'oe mi neh, jaw nah ngeh nah la

ya k'oe ta shi ta-eu g'aw maw ma ya ja ni, la ya k'oe ta ta teh ta-eu tsaw ha

k'oe deu-eu a kui-ah di k'eh-aw, shi ta-eu g'aw maw k'oe deu-ah bi ba

dzeh-i-aw leh, Yuda tsaw ha sah pa Pila-ah sha le-eu meh. 32 K'oe mi

neh, yeh deu la-aw, Yesu neh-eh la ya koe ta ta teh ta-eu tsaw ha k'oe nyi

g'a-eu a kui-ah di keh-eu meh. 33 Eh k'aw, Yesu-ah ta teh ta-eu ga i keu

ngeh, a yaw shi tseh-eu ga ya maw-aw, a yaw ma a yaw-eu a kui-ah ma di

k'eh-a. 34 Yeh ti g'a Yesu-eu bya g'a-ah gah neh tsaw-aw, shi haw-eu i cu

yaw kaw-eh yoe le-eu meh. 35 Naw ma k'aw ya jah ni, koe-ah ya maw-eu

g'a sa ki kam-eu ma. A yaw sa ki kam-eu-a, yaw tsa yaw daw meh. Nga

eh-eu yaw tsa yaw daw ma leh, a yaw si nya meh. 36 K'oe lo-eh pyeu

la-eu-a, A yaw-eu sha yoe-ah ma ya di k'eh-a leh, Ja li la k'oe bo ta-eu daw

byah la ni pyeu la-eu meh. 37 Ja li la k'oe yaw daw yaw bo ta-eu-a, A yaw

ma neh tsaw ta-eu g'a-ah a yaw ma haw teh-a leh, bo ta-eu meh.

Yesu-ah ba pah-eu

38 Yesu-eu g'aw maw bi ba g'eh la leh, Alimateh meu-ah jaw-eu Yosheh,

sah pa Pila-ah sha-i-eu meh. Sah pa Pila k'aw a yaw-ah a kaw-a bi-eu

meh. K'oe mi neh, a yaw g'o le-aw Yesu-eu g'aw maw-ah ba g'eh-eu meh.

Yosheh k'oe g'a, Yesu-eu za lah pyeu-eu k'aw, Yuda tsaw ha-ah gu-eu mi

neh, Yesu-eu za lah ma leh, a caw-ah ma bi si-a. 39 Dzeu la ngeh, Yesu

jaw ga u ci paw la haw-eu Ni-gawdi k'oe ga k'aw la-eu meh. A yaw-a,

mula leh ku-eu na ma haw haw-eu ajaw leh ku-eu na ma haw keu-aw neh,

sm tse jaw-i eh g'a ni yu g'eh-eu meh. 40 Yuda tsaw ha, tsaw ha du pah

ngeh zah ja-eu lo-eh, a yaw nya k'aw yaw saw deu daw daw-eh, Yesu-eu

g'aw maw-ah sa pa pa pyu neh maw taw taw-eu meh. 41 A yaw-ah la ya

k'oe ta ta seh-eu daw peh ya km ti km ja-eu meh. Ya km k'oe km la k'oe,

tsaw ha ti g'a-i ma ba pah haw-eu, k'a lo-ah ta ta-eu lm bym yaw shui ti

bym ja-eu meh. 42 K'oe ngeh nah-a, Yuda tsaw ha-eu baw-i g'a du leh

hm-eu a nah pyeu-aw, lm bym k'oe k'aw daw peh ja-eu mi neh, a yaw nya

Yesu-ah k'oe ga ba pah-eu meh.

Yesu g'o deh la-eu

20:1 Ti jaw la k'oe yaw beh ngeh nah, u bya ma bya la mi na-eh, Mali

Magadala u shaw yaw na-eh lm bym-ah i-eu meh. Lm bym g'a k'eh-ah

ngaw tsoe ta-eu ka lo k'oe si ngaw dzeh ta-eu ga a yaw ya maw-eu meh. 2

K'oe mi neh, Simo Betulu haw-eu Yesu zaw ga-eu za lah k'oe g'a jaw ga

ceh g'o la-aw eh-eu, A caw lm bym la k'oe neh Sah pa Yesu-eu g'aw

maw-ah ba geh-aw, a yaw-ah a geu ga ba ta-i-eu, a dui ma ma si nya leh, a

yaw nya-ah eh neh-eu meh. 3 K'oe mi neh, Betulu haw-eu za lah nui g'a

k'oe g'a lm bym-ah haw-i-eu meh. 4 A yaw nya ti kaw lo-eh ceh g'eh ngeh,

za lah k'oe g'a Betu-lu na ma tse kaw-eu mi neh, lm bym-ah je hu ceh

keu-eu meh. 5 A yaw lm bym-ah cu hu haw ngeh, maw taw ja ga ya

maw-eu meh. Eh k'aw, lm bym la k'oe ma u le-a. 6 A yaw-eu meh nah ceh

le-eu, Simo Betulu ceh keu le-aw, lm bym la k'oe u le-eu meh. 7 Maw

taw-ah ma eh, u du-ah deh ka-eu pa jeh-ah ma eh, ya maw-eu meh. Pa jeh

k'oe, maw taw neh-eh ma ja ni, yaw ga yaw bya dm-aw neh ja-eu meh. 8

K'oe ngeh, lm bym-ah je hu ceh keu g'eh-eu za lah k'oe g'a k'aw u le-aw ya

maw-eu mi neh, jah-eu meh. 9 Yesu ya go deh la meh leh, Ja li la k'oe bo

ta-eu ga a yaw nya ma si nya si. 10 K'oe na, za lah k'oe nyi g'a i kah g'o

le-eu meh.

Yesu a yaw-eu g'aw maw Mali Magadala-ah bi maw-eu

11 Mali-a, lm bym daw peh yaw-aw ngoe lu meh. A yaw ngoe ngoe-eh lm

bym la k'oe cu hu-eu meh. 12 K'oe ngeh, peh k'ah peh pyu dm lu-eu m ta

g'a k'eh nyi g'a-ah ya maw-eu meh. M ta g'a k'eh k'oe nyi g'a, Yesu-eu g'aw

maw ba ta du-ah, u g'm paw ti g'a, kui bi paw ti g'a leh nui lu meh. 13 A

yaw nya, A bu-o, naw a je mi neh ngoe lu te leh, a yaw-ah na ha-eu meh.

Mali eh-eu, A caw nga-eu Sah pa-ah ba g'eh-aw, a geu ga ba ta-i-eu nga

leh nga ma si nya-eu mi neh ngoe lu ma leh, a yaw nya-ah eh k'o neh-eu

meh. 14 A yaw k'oe lo-eh eh g'a-aw, nah g'o g'o haw ngeh, Yesu yaw lu

ga ya maw-eu meh. Eh k'aw, Yesu nga leh a yaw ma si nya si. 15 A bu-o,

a je mi neh ngoe lu te. Naw a su g'a-ah sha po te leh, Yesu a yaw-ah na

ha-eu meh. Mali-a, a yaw-ah ya km m-eu tsaw ha ngeu nga leh noe-aw

eh-eu, Sa la-o, naw a yaw-ah ba g'eh-eu ma-i, ba ta-eu tsah nga-ah meh

la-aw. Nga a yaw-ah ba la-i ma leh, a yaw-ah eh neh-eu meh. 16 Mali-o

leh, Yesu ku-eu meh. Mali nah g'o g'o haw-aw, Labuni-o leh, Hebyeh daw

neh o to-eu meh. (Labuni leh eh-eu-a, sa la-ah eh-eu meh.) 17 Yesu eh-eu,

Nga-ah ta nyeh teh. A je mi neh eh na, nga nga Da jaw ga ma ya da le-a si.

Nga-eu a yui a nyi za lah deu jaw ga heu lo-eh eh neh le-aw. Nga Da k'aw

ngeu, naw ma-eu A da k'aw ngeu-eu, nga-eu Mi yeh k'aw ngeu, naw ma-eu

Mi yeh k'aw ngeu-eu Mi yeh jaw ga nga da le ma leh, Mali-ah eh neh-eu

meh. 18 Nga Sah pa Yesu-ah ya maw-eu ma leh, Mali Magadala za lah

deu-ah eh neh le-eu meh. K'oe u ta, Yesu a yaw-ah eh neh-eu deu k'aw a

yaw ma-ah dzaw neh-eu meh.

Yesu a yaw-eu g'aw maw za lah deu-ah bi maw-eu

19 Ti jaw la k'oe yaw beh ngeh nah, Yesu g'o deh la-eu a nah u ci paw, za

lah deu ui le-eu meh. A yaw ma Yuda tsaw ha-ah gu-eu mi neh, la g'o pi

teh ta-eu meh. K'oe ngeh Yesu u la-aw, a yaw ma-eu g'ah ceh yaw lu meh.

Naw ma nui sa o lu-u leh, Yesu a yaw ma-ah eh neh-eu meh. 20 A yaw

k'oe lo-eh eh g'a-aw neh, a yaw-eu a la haw-eu a yaw-eu bya g'a a yaw

ma-ah bi maw-eu meh. Za lah k'oe deu Sah pa Yesu-ah ya maw ngeh, la

k'a ceh dui dui-eu meh. 21 Yesu ti po pa eh-eu, Naw ma nui sa o lu-u. A

da Mi yeh nga-ah k'eh le-eu lo-eh, nga k'aw naw ma-ah k'eh g'eh ma leh, a

yaw ma-ah eh neh-eu meh. 22 A yaw k'oe lo-eh eh-aw neh, a yaw ma-eu

k'oe ta sa baw-aw eh-eu, Mui-eu shaw-eu Yaw sah Mi yeh-ah ha geu-aw.

23 A su g'a-eu i ba-ah k'aw naw ma pyeh neh na, Mi yeh tsaw ha k'oe

g'a-eu i ba-ah pyeh neh teh-a. A su g'a-eu i ba-ah k'aw naw ma ma pyeh

neh na, Mi yeh k'aw ma pyeh neh-a leh, a yaw na-ah eh neh-eu meh.

Toma ma jah-eu

24 Yesu a yaw ma jaw ga u la ngeh, za lah tse nyi g'a-eu la k'oe ah-eu

Toma k'oe g'a, a yaw ma neh-eh ma jaw-a. (Toma leh eh-eu-a, ti po teh-eh

nyi g'a deh le-eu ga eh-eu meh.) 25 Nga ma Sah pa Yesu-ah ya maw-eu

ma leh, za lah k'oe deu Toma-ah eh neh-eu meh. Toma eh-eu, A yaw-eu a

la-ah shm seh ta-eu ma byaw-ah nga ma ya maw-eh, ma byaw k'oe-ah

nga-eu la noe neh ma ya toe haw-eu u ta, a yaw-eu bya g'a-ah nga-eu a la

neh ma ya k'eu haw-eu k'oe-a, nga ma jah leh, a yaw ma-ah eh neh-eu

meh.

26 K'oe na yeh nah keu la-aw, Yesu-eu za lah deu nym la k'oe ti po pa jaw

lu meh. K'oe ngeh Toma k'aw a yaw ma neh-eh jaw lu meh. La g'o pi teh

ta-eu k'aw Yesu u la-aw a yaw ma-eu g'ah ceh yaw lu meh. Naw ma nui sa

o lu-u leh, Yesu a yaw ma-ah eh neh-eu meh. 27 K'oe na, Yesu Toma-ah

eh neh-eu, Naw-eu la noe heu ga toe haw la-aw nga-eu a la la za-ah

haw-aw. Naw-eu a la caw la-aw, bya g'a-ah k'eu haw-aw. Ma jah coe-eu

nui ma ta ah. 28 Jah coe-eu nui ma ah-aw leh, eh neh-eu meh. Naw-a

nga-eu Sah pa haw-eu nga-eu Mi yeh nga leh, To-ma Yesu-ah eh neh-eu

meh. 29 Yesu eh-eu, Naw nga-ah maw-eu mi neh jah-eu nga la. Nga-ah

ma maw-eu k'aw jah-eu tsaw ha, gui lah hui teh-a leh, a yaw-ah eh neh-eu

meh.

A je mi neh sah bo heu bo-eu

30 Yesu a yaw-eu za lah deu-eu meh shi jah meh-eu bi si bi maw-eu deu,

sah bo heu ta-eu la k'oe ma bo ah-eu g'aw mya ni ja-a si. 31 Yesu-a, Mi

yeh-eu Za ma Ka-li meh leh naw ma ya jah-eu u ta, a yaw-ah jah-eu mi

neh a yaw-eu tsaw myah la k'oe naw ma sa la ya deh ni, ga kaw heu mya

ni bo ta-eu ma.

Yesu a yaw-eu g'aw maw za lah shi g'a-ah bi maw-eu

21:1 K'oe mi na, Debeli lah daw peh Yesu a yaw-eu g'aw maw za lah

deu-ah ti po pa bi maw-eu meh. 2 A yaw-eu g'aw maw heu lo-eh bi

maw-eu meh. Simo Betulu, ti po teh-eh nyi g'a deh le-eu Toma, Galileh mi

k'ah Gana pu-ah jaw-eu Nadanela, Zebedeh-eu a li nyi g'a haw-eu,

Yesu-eu za lah nui g'a nyi g'a, a yaw ma ti ga teh-eh jaw lu meh. 3 Nga za

dzeh-i la leh, Simo Betulu a yaw ma-ah eh neh-eu meh. Nga ma k'aw i ma

leh, a yaw ma a yaw-ah eh neh-eu meh. A yaw ma i-aw, law dzi-eu meh.

K'oe ngeh mi, a yaw ma nga sha ti maw-i ma dzeh mi-a.

4 U bya bya la ngeh, Yesu lah lah dze yaw lu meh. Eh k'aw, Yesu nga leh,

za lah k'oe deu ma si nya. 5 Caw deu-o, nga sha dzeh mi ma lo leh, Yesu a

yaw ma-ah na ha ngeh, Ma dzeh mi-a leh, a yaw ma a yaw-ah eh k'o

neh-eu meh. 6 Law-eu a ma paw dzeh-aw. K'oe lo-eh dzeh na, mi teh-a

leh, Yesu a yaw ma-ah eh neh-eu meh. K'oe mi neh, a yaw ma dzeh-aw,

nga sha g'aw mya ni pa le-eu mi neh, za ma g'eu do coe-a. 7 K'oe ngeh,

Yesu zaw ga-eu za lah k'oe g'a, Sah pa Yesu nga leh, Betulu-ah eh neh-eu

meh. Sah pa Yesu nga leh eh ga Simo Betulu ya ga ngeh, meh tsoe ma dm

lu-eu mi neh peh k'ah peh mah dm-aw, lah la k'oe tsaw pu g'eh-eu meh. 8

Za lah nui deu-a, nga sha ti byah pa le ta-eu za g'eu-aw, law dzi g'eh-ei

meh, je mi neh eh na, a yaw ma lah lah dze g'aw mah ni ma ka-a. Nga tse

lm eh g'a ni ka-eu teh meh.

9 A yaw ma lah lah dze do-i keu ngeh, k'a g'eu neh mi dza baw do ta-eu

ga ya maw-eu meh. K'oe ga nga sha teh ba ta-eu haw-eu ka mu ja ga k'aw

ya maw-eu meh. 10 Naw ma neh nym-m dzeh mi-eu nga sha ti pa na deu

heh la-aw leh, Yesu a yaw ma-ah eh neh-eu meh. 11 Simo Betulu law la

k'oe u le-aw, nga sha ti byah pa le ta-eu za k'oe kah-ah, lah lah dze g'eu

do-eu meh. Za k'oe kah-eu la k'oe nga sha yaw hui ti ya nga tse sm maw

pa le ta-eu meh. Nga sha k'oe mya ni pa le-eu kaw, za k'oe kah ma pya-i-a.

12 Shaw haw dza la-aw leh, Yesu a yaw ma-ah eh neh-eu meh. A yaw-a

Sah pa Yesu nga leh za lah deu si lu-eu mi neh, Naw a su g'a te leh, ti ga-i

ma na ha coe-a. 13 Yesu oe-aw, ka mu k'oe yu-aw, za lah deu-ah bi

neh-eu meh. K'oe lo-eh du ni, teh ba ta-eu nga sha k'oe k'aw bi neh-eu

meh. 14 Yesu g'o deh la-aw neh, a yaw-eu g'aw maw za lah deu-ah bi

maw-eu-a, heu po sm po ti po meh.

Nga-eu yaw deu-ah bi dza bi daw-aw

15 A yaw ma shaw haw dza g'a ngeh, Yesu Simo Betulu-ah eh neh-eu,

Yoha-eu a li Simo-o, tsaw ha heu deu nga-ah ga-eu na ma tse naw nga-ah

ga ma lo leh, na ha-eu meh. Ga ma, Sah pa-o. Nga naw-ah ga-eu naw si

nya meh leh, eh k'o neh-eu meh. Nga-eu yaw za deu-ah bi dza bi daw-aw

leh, Yesu a yaw-ah eh neh-eu meh. 16 Yoha-eu a li Simo-o, naw nga-ah

ga ma lo leh, Yesu a yaw-ah ti po pa na ha-eu meh. Ga ma, Sah pa-o. Nga

naw-ah ga-eu naw si nya meh leh, pa eh k'o neh-eu meh. Nga-eu yaw

deu-ah bo sa-aw leh, Yesu a yaw-ah pa eh neh-eu meh. 17 Yoha-eu a li

Simo-o, naw nga-ah ga ma lo leh, Yesu a yaw-ah sm po ti po pa na ha-eu

meh. Naw nga-ah ga ma lo leh, sm po keu ni Yesu a yaw-ah na ha-eu mi

neh, Betulu noe sha-eu meh. A yaw eh-eu, Sah pa-o, naw daw taw lu si

nya meh. Nga naw-ah ga-eu naw si nya meh leh, eh k'o neh-eu meh.

Nga-eu yaw deu-ah bi dza bi daw-aw leh, Yesu pa eh neh-eu meh.

18 Nga naw-ah a di ma-eh eh neh nya. Naw za gu pyeu ngeh naw-eu jo pa

naw pa-aw, naw i maw ga naw i-eu meh. Eh k'aw, naw maw la na naw-eu

a la ya caw ja-aw, a caw naw-ah jo pa pa neh-aw neh, naw ma i maw ga a

caw naw-ah sheu g'eh teh-a leh, a yaw-ah eh neh-eu meh. 19 (Yesu k'oe

lo-eh eh-eu-a, Mi yeh yaw sheh k'ah seh za ni, Betulu a jo-eh ya shi ga, eh

maw-eu meh.) Yesu k'oe lo-eh eh g'a-aw neh, Nga-eu meh nah la-aw leh,

Betulu-ah eh neh-eu meh.

Yesu zaw ga-eu za lah g'a-eu ga kaw

20 Betulu nah g'o g'o haw ngeh, Yesu zaw ga-eu za lah k'oe g'a caw teh la

lu ga ya maw-eu meh. Za lah k'oe g'a, a hu ci haw dza lu ngeh, Yesu jaw

paw g'aw pyaw-aw, Sah pa-o, naw-ah a caw-eu a la la k'oe a neh-eu g'a a

su g'a-a leh na ha-eu, k'oe g'a meh. 21 Betulu za lah k'oe g'a-ah ya maw

ngeh, Sah pa-o, k'oe g'a a jo-eh ya pyeu la ta leh, Yesu-ah na ha-eu meh.

22 Yesu eh-eu, Nga g'o le ngeh keu ni nga a yaw-ah bi jaw maw na,

naw-ah a jo-eh ta ta. Naw-a, nga-eu meh nah la-aw leh, a yaw-ah eh

neh-eu meh. 23 A yui a nyi Ka-li za deu, daw k'oe daw ya ga-eu mi neh, za

lah k'oe g'a ma ya shi-a leh, a yaw ma noe-eu meh. Eh k'aw, za lah k'oe g'a

ma ya shi-a leh Yesu eh-eu ma ngeu-a. Nga g'o le ngeh keu ni nga a

yaw-ah bi jaw maw na, naw-ah a jo-eh ta ta leh, Yesu eh-eu meh.

24 Za lah k'oe g'a, ga kaw k'oe deu sa ki kam-aw bo ta-eu g'a meh. A yaw

sa ki kam-eu-a, tsa meh leh nga ma si nya ma.

25 Yesu neh m-eu nui deu k'aw g'aw mya ni ja-a si. A yaw neh k'a m-eu ga

kaw yaw je na lu bo na, bo ta-eu seu g'a pa dm deu mi tsa k'oe ta ma de

le-a leh, nga noe-eu ma.