ገጽ12ይት ሰነት ዕልብ 25 አርቡዕ 12 ጁን 2019

ዐውል 2.00 ነቅፈ12ይት ሰነት ዕልብ 25 አርቡዕ 12 ጁን 2019

ርኢስ ኢሰያስ አፈወርቂ፡ እት ጅምሁርየት መስር ወድየ ለጸንሐ ናይ ክልኤ አምዕል ዝያረት ሽቁል እንዴ አትመመ፡ ዮም 9 ዩንዩ ዐዱ አቅበለ።

ርኢስ ኢሰያስ ወርኢስ ዐብዱልፈታሕ አልሲሲ እት ዮም 8 ዩንዩ እተ ወደዉ ህድግ፡ እት ጠወሮት ዐላቀት ክልኢተን ለድወል፡ ክምሰልሁመ ናይ መንጠቀት ወእድንያይ ተጠዉራት ወብዕድ ናይ ሕበር አሀምየት ለቡ ቅደይ እቱ እንዴ ረከዘው ለወደዉ ህድግ፡ ዓም ናይ ሕበር መትዓዋን እግል አተረዶት፡ እት ቅደይ መንጠቀት እብ ዓመት መትዓዋን መንጠቀት በሐር ቀየሕ ወመንጠቀት ቀር አፍሪቀ ህዬ እብ ፍንቱይ አፍካር ትባደለው።

እምበል እሊ ክልኢቶም ለሜርሐት፡ እት ሓድር ተየልልል ተጠዉራት ሱዳን ለቦም አሰፍ እት ሸረሖ፡ ሸዐብ ሱዳን ወለ

ጋሪት ዱቅሪ ለትኸስሶም ጀሃት፡ እለ መትዐደይት መርሐለት እብ መስኡልየት ለተአረፍዕ ገበይ እግል ልጽቦጠ ወመትኣታይ ኻርጅ እግል ልምነዖ ትላከው።

ርኢስ ዐብዱልፈታሕ አልሲሲ፡ እት ዴዋን ሕኩመት ‘አልእተሓድየ’ እግል ርኢስ ኢሰያስ አፈወርቂ ለወደየ ሕድርኖት፡ እብ ናይ ሕሽመት አሴራር ወአናሺድ ወጠን ኤረትርየ ወመስር ለትተሌት ዐለት።

ርኢስ ኢሳይያስ አስክ ጀምሁርየት መስር ናይ ክልኤ አምዕል ዝያረት ረስምየት እግል ሊዴቱ ዮም 8 ዩንዮ ምን ገጽ ፈጅር ለሳፈረ።

ወዚር ኻርጅየት አሰይድ ዑስማን ሳልሕ ወጌምያይ ርኢስ አሰይድ የማኔ ገብረኣብ ምስል ርኢስ ኢሰያስ አፈወርቂ እብ ሕበር ሱፉራም ዐለው።

ርኢስ ኢሰያስ ምን ናይ መስር ዝያረቱ ዐዱ አቅበለ

እድንያይት አምዕል ፊስቱላ፡ “ፊስቱላ እግል ለአአክትም እብ ሕበር ንክደም” እት ሐንቴለ ትብል ስቅራት እት መንደፈረ ትዘከረት።

እተ ሰብ-መዝ ሕኩመት ኤረትርየ ወመስኡሊን አጅህዘት መነዘመት መጅልስ ቅራን እት ኤረትርየ ለሐድረው እቱ በርናምጅ፡ ወዚረት ዓፍየት አሚነ ኑርሕሴን እተ አስመዐተ ከሊመት፡ ተቃሪር መነዘመት መጅልስ ቅራን ክምሰለ ለሐብሩ፡ እብ ደረጀት ዓለም እት ክል ሖል ምን 50-100 አልፍ እማት እብ ፊስቱላ ክምሰል ልትጸበጠ ዋጅብ ሕክምነ ለረክበ ላኪን 15 አልፍ ሌጠ ክምሰል ተን እት ሸርሕ፡ እሊ መሻክል ዓፍየት ህዬ፡ እብ ፍንቱይ እተ እት ዐቦት

ለልትረከበ ድወል መትሐሳር ክምሰል ኢዐለ እሉ ሐበረት።

መመቅረሓይት መአሰሳት መነዘመት መጅልስ ቅራን እት ኤረትርየ ሚስ ሱዛን ንጎንጊ እብ ተረተ፡ እት ዐለም እት ክል አምዕል 800 እማት ምስል ዉላደት እበ ልትጻበጥ መሻክል ዓፍየት ክምሰል መይተ እት ተሐብር፡ እት መደት ዉላደት እበ ሳድፍ መሻክል ዓፍየት ለትደቀበ ፊስቱላ ሰበት ቱ፡ መነዘመት መጅልስ ቅራን እት ቀበት 10 ሰነት እግል ሀወኖቱ ደዓም ለበይአቱ ገለድ እት ፍዕል እግል ተውዕል፡ ወድወልመ እብ ጀሀተን ምስዳር እግል ልንሰአ አትፋቀደት።

ርኢሰት መሕበር ወጠን አዋልድ

መንደፈረ፡ እድንያይት አምዕል ‘ፊስቱላ’ ትዘከረት

አንሳት ኤረትርየ አሰይደ ተኽኣ ተስፋሚካኤል ህዬ፡ ለጋሪት እግል ዉዛረት ዓፍየት ሌጠ ለትኸስስ ሰበት ኢኮን፡ ለመሕበር ምስል ሰብ-ሽርከቱ እብ መትዓዋን ናይ ጠቢዐት ተቅዪር እግል አምጸኦት ልትሸቄ ክምስል ህለ አፍሀመት።

እተ ምን ፊስቱለ ለተዓለጀየ እማት ረአየን ለሀበየ እተ መናሰበት፡ እት ማርዒት አረይ ፊስቱላ ዶር ለአግደው ዶ/ር ሀብቴ ሀይሌመለኮት፡ ዶ/ር ዳዊት ሰረቄ ወሲስተር ይርጋአለም ኢሳቅ ጀዋእዝ ተሀየበ።

እት ደንጎበ፡ እት ሐረት መርከዝ ማርዒት አረይ ፊስቱላ፡ በርናምጅ ወራታት ሸትል ትሰርገለ።

እት ሙዲርየት ነቅፋ-እዳረት

ደዋይሕ በያን ምን ዮም 26

ማዩ ለአንበተ ወእብ ትሉሉይ

ትዘልም ለህሌት ዝላም ለሰበበቱ

ወሓይዝ፡ እት አግዳም ሕሊል

በያን ልትዐመር ለጸንሐ ጀራዲን

ደማር ዐቢ ክምሰል ጀረ፡ ወኪል

ኤሪነ ሐበረ።

እብ አሳስ ሐብሬ እዳረት ናይለ

ሙዲርየት፡ እበ ብቆት እት ደረጀት

ሰኔት ባጽሕ ለዐለ ሐምሌ ወፈዋክህ

ክምስለሁመ ዐግም መደረት

ክምሰል ጀሬት እቱ ተአመረ።

እብ ፍንቱይ እብ ሕሊል በያን

ለትከረ ወሓይዝ ድቁብ፡ 50 ረአስ

ምን አጣል ወአባግዕ፡ 4 ረአስ ምን

እንሰ ወ3 ሞተር ማይ ወሒዝ ነስኡ

እት ህለ፡ እት 30 ሄክታር ጀራዲን

መደረት ክምሰል ጀሬት ለበጽሐተነ

ሐብሬ እብ ተውሳክ ሸርሐት።

እምበል እሊ፡ 10 ኪሎ ምትር

ምን ከጥ ነቅፋ -አፍዐበት እብ

ወሓይዝ ከርብ እት ህለ፡ እት ገሌ

ድዋራትመ ከባሪ ክምሰል ትደፈነ

ተሐበረ።

ሐረስቶት እተ ሀበወ ሐብሬ፡

እት ረአስ ጀራዲን ጃሪ ለህለ

ደረር ዝያድ መቅደረቶም ሰበት

ቱ፡ እግል አስነዮቱ ሰደይት ማሽኔሪ

እግል ትግበእ እሎም ጠልበው።

እሊ ክእነ እት ህለ፡ ስካን

መዲነት ነቅፋ ነዳፈት ድዋር

እንዴ አድመነው፡ ምስል ምብያእ

ከረም እግል ልትርኤ ለቀድር

ሕማም ጽጋዕ ፊራሮ ሰርግሎ

ህለው።

እብ ሰደይት ደረሰ፡ ሸቃላ

ወአጅህዘት ሕኩመት፡ ዴሽ

ወብዕዳም ስካን ልትሰርገል

ለህለ በርናምጅ፡ ደፊን ሕፈር፡

አትናደዶት ግማመት ወብዕድ

ለሸምል ቱ።

ሀደፍ ናይለ እብ አትመቃረሖት

ዉዛረት ዓፍየት ልትሰርገል ለህለ

ኬወ፡ እብ ርስሐት ምነ መጽእ

ሕማማት እብ ዓመት መላርየት

ህዬ እብ ፍንቱይ እግል ዳፈዖት

ክምቱ ወእብ ትሉሉይ እግል

ልትሰርገል በርናምጅ ክምሰልቦም

ስካን ሸርሐው።

ነቅፈ፡ ዝላም ዐገብ መደረት ተአጀሬ

2ገጽ12ይት ሰነት ዕልብ 25 አርቡዕ 12 ጁን 2019

ክል አርቡዕ ለትጠ’በዕ ጀሪደት

መዳልየት፦- መሐመድ እድሪስ - ከልሹም መሐመድ

- ኣድም ሳልሕ- ሳልሕ እድሪስ

ለይኣውት ወአርተዖት* ዘህረ ዐሊ

* ፋጥነ ኣድም ተለፎን። 121797

ፋክስ። 127749። ዕ.ሰ.ቡ። 247ተውዝዕ ጀሪደት።

ተለፎን። 200454/ 07121322አትአመሮት።

ተለፎን። 125013። ዕ.ሰ.ቡ። 1284

ኤረትርዪን ስካን ዱበይ ወቅብለት እማራት፡ እብ መናሰነት 28ይ ዒድ እስትቅላል ዐዶም”ሰባት ዲብ ስሙድ እግል ዐማር” እበ ትብል ስቅራት እብ ነያረት ዐየደው።

ዲበ እት ዮም 6 ዩንዮ ዲብ ዱበይ ለገብአ ዒድ፡ ሰፊር ኤረትርየ ዲብ እማራት አሰይድ ዑስማን መሐመድ ዑመር ዲበ አስምዐየ ከሊመት፡ ምን ሰነት 1991 አስክ 2018 ለተሐልፈ መራሕል ዐማር ወጠን ወመዳፍዐት እብ ፋይሕ ሐቆ ሸርሐ፡ ዲብ ክፍለት ሰነት 2018 ለመጽአት መደት ሰአየት፡ ፍሬ ስሙድ ወእትሽሃድ ሸዐብ ኤረትርየ ወቅዋት ድፍዖ ክምተ ሸርሐ።

“ብይእት ለህሌት መርሐለት አብካት ወተሐድያት ብእተ” ለቤለ ሰፊር ዑስማን እትሊመ ስሙድ ወመትሰባል ሸዐብ ኤረትርየ ዐጃይብ ከም ሸቄ ሸክ ከም አለቡ እንዴ ሐበረ፡ ዲብ እማራት ኣብ ዓመት ዲብ ዱበይ ወድዋረ ለነብሮ ኤረትርዪን ህዬ እብ ፍንቲት መትነዛሞም ወፈዛዐቶም እንዴ አደቀበው፡ ዶሮም እግል ለዓቡ አትፋቀደ።

ርኢስ ጃልየት ኤረትርዪን ዲብ ዱበይ ወቅብለት እማራት አሰይድ ዐበዱልቃድር መሐመድ-ስዒድ እብ ጀሀቱ፡ እግል ገማለትለ ዒድ ዶሮም ለቀደመው እንዴ ሐመደ፡ ውሕደቶም እንዴ አደቀበው ከም ጃልየት ምኖም ለልጠለብ እግል ለአትምሞ መዳላዮም አከደ።

ለብዝሓም ኤረትርዪን

ወዐዙመት ለገብአት እግሎም ጋሸ ለሐድረው ዒድ፡ እብ ጎልየ ጋምል ከምዐለ ምነ አካን ለበጽሐተነ ሐብሬ አትአመረት።

እምበል እሊ፡ ኤረትርዪን ስካን ክዌት ዲበ ነዘመትው፡ ዐዙመት ለገብአት እግሎም ዲፕሎኣምስዪን ለትፈናተየ ድወል ለሻረከው እቱ ዒድ ናይር፡ መስኡል ቅደይ ተንፊዝየት ሰፋረት ኤረትርየ አሰይድ ሑመድ ያሕየ ሓሊ እተ አስምዐየ ከሊመት፡ እግል ኩሉ ሸዐብ ኤረትርየ ወቅዋት ድፍዑ ‘’አሰናይክም’’ ሐቆ ቤለ፡ ዲብ ወርሕ ዩልዮ ሰነት 2018 ፍንጌ ኤረትርየ ወኢትዮጵየ ዲብ አስመረ ለትፈረመት እትፋቅየት ሰላም ወምስንዮት፡ እግል መንጠቀት ቀር-አፍሪቀ ዲብ መርሐለት መስኩበት ወመዓወነት ከም ዐዴተ እንዴ ሐበረ፡ ገባይል እለ መንጠቀት እብ ሰበብ ሐርብ ኢሀለዮት ዕላቃት ሰኒ ለሓለፈዩ በክት እግል ልብለሶ መትበጋሶም ራሐት ለለሀይብ ክምቱ ሸርሐ።

ርኢስ ጃልየት ሻብ ሰላም ሳፊ እብ ጀሀቱ፡ ጃልየቶም እለ ብጽሕት ለህሌት መርሐለት ሐዳስ ለተአረፈዐ መስኡልየት እብ ፈዛዐት እግል ልሰርግሎ መዳላዮም አከደ።

ለዒድ፡ ምን ኤረትርየ ለጌሰት ፍርቀት እበ ቀደመቱ በራምጅ ጋምል ዐለ።

እሊ ክእነ ዲብ እንቱ ኤረትርዪን ስካን ርያድ ወድዋረ-ስዑድየ 28ይ ዒድ እስትቅላል “ሰባት ዲብ ስሙድ እግል ዐማር” እበ ትብል ስቅራት

ዲብ ዮም 6 ዩንዮ እብ ነያረት ዐየደው።

ዲበ ብዝሓም መዋጥኒን ለሻረከው እቱ ዒድ፡ መስኡለት ቅደይ ተንፊዝየት ሰፋረት ኤረትርየ ዲብ ስዑድየ አሰይደ ወይኒ ገረዝግሄር እተ አስመዐተ ከሊመት፡ ናይ ዮም ዓመት ዒድ እስትቅላል፡ ፍገሪት መዳፍዐት ወስሙድ ሸዐብ ኤረትርየ ዲበ ተአከደ እተ ኢነት፡ ዲብ ቀር-አፍሪቀ ህዬ መርሐለት ሰአየት ዲበ ተዐዴት እቱ ወክድ ልትዐየድ ክም ሀለ እንዴ ሐበረት፡ እትለ መደት ሰላም፡ በራምጃት ዐማር ወጠን እብ መሻረከት ሸዐብ

ዲብ ሀደፉ ክም በጽሕ ከም ትደምን ሸርሐት።

አሰይደ ወይኒ እንዴ አትሌት፡ ዐቦት እጅትማዕየት ወእቅትሳድ ዳይመት እግል ትትአከድ ናይ ሸራከት ወመዓወነት አርድየት እግል ትጥፋሕ ሕኩመት ኤረትርየ እተ ልትከደም እተ ለሀለ ክም ቱ እንዴ ወድሐት፡ እሊ እግል ልግባእ እብ ሰበትለ ልሰርገል ለሀለ ናይ ዲፕሎማስየት ወብዕድ አሽቃል እግል ሙሽተርከት ተውድሕ ሀበት።

ርኢስ ጃልየት ኤረትርዪን ስካን ርያድ ወድዋረ አሰይድ

ዐብዱራሕማን ኢማም እብ ጀሀቱ፡ አምጽኦት ሕርየት ወአድመኖት ስያደት ዐውል ቃሊ ከም ጠልብ፡ ሸዐብ ኤረትርየ ዲብ ሕርየቱ ለቡተ ሕሽመት ህዬ ትኣምርተ ናይ እሊ ክምተ አብርሀ።

ለዒድ፡ እግል ሸባባት ወዐባዪ ለአሻረከ ለለአደርስ ወለለውቅ በራምጅ፡ እተክምሰልሁመ እብ ደረሰ መደረሰት ጃልየት ኤረትርየ ዲብ ርያድ ለትቀደመ ዕፌ ለበብስ፡ ቆምያት ወበራምጅ ርያደት ወጎልየ ሸዐብ ለትተለ ክም ዐለ ምነ አካን ለበጽሐተነ ሐብሬ አፍሀመት።

ኤረትርዪን ስካን ዱበይ፡ ክዌት ወርያድ 28ይ ዒድ እስትቅላሎም ለዐይዶ

መድረሰት አሳስያይ ተእሂል

ምህናት ግንዳዕ፡ እብ ለትፈናተ

መሻክል ምን ዐግሎ ተዕሊም

ለአትካረመው ወመሻክል

እጅትማዕየት እግለ ቦም 47

አዋልድ አንሳት ለብእቶም 106

ሻብ ወሻበት እብ ለትፈናተ

መጃላት እት ዮም ሰቡዕ ዩንዩ

አድሐረት።

ለእብ ሸርሕ ወፍዕል እግል

አርበዕ ወርሕ ለተሀየበ ተእሂል፡

መጃላት ብናእ፡ መዲድ ወአስነዮት

ዐነደር ማይ ወኽጡጥ ከህረበት፡

ክምስለሁመ ኤሌክትሮኒክስ

ወኮምፕዩተር ለሸምል ዐለ።

ተእሂል ለነስአው ሸባብ እት

ወርሕ 600 ነቅፋ እት ልደፈዖ

እግለ ተእሂል ክም ታበዐው

ተሐበረ።

ሙዲርለ መድረሰት ኡስታዝ

ዐብደላ ሕዱግ እተ አስመዐየ

ከሊመት፡ ሀደፍለ ተእሂል፡ እግለ

እብ መሻክል እጅትማዕየት ምን

ዐግሎ ተዕሊም ለሬመው መዋጥኒን፡

ምህናት እንዴ ተዐንደቀው እግል

አርወሐቶም ወዓይላቶም እግል

ልስደው አርደት እግል አጥፈሖት

ክምቱ እት ለሐብር፡ ተእሂል

ለነስአው አንፋር እግለ ረክበዉ

ተእሂል ክምሰል መበገስ እንዴ

ትነፈዐው እቡ እብ ሽቁል እግል

ልጠዉሩ ትፋነ።

እብሊ እት ሰነት 2017 እት

ባጽዕ ለአንበተ አሳስያይ ተእሂል

ምህናት፡ አስክ እለ 165 አዋልድ

አንሳት ለብእቶም 331 አንፋር

ክምሰል ትደሕረው’መ ትሸረሐ።

እት ዉዛረት ተዕሊም ሙዲር

ዓም ቅስም ምህሮ እግል ዐባዪ

ወሜድያ አሰይድ ገብረዝጊ

ድማም እተ ቀደመየ ልእከት፡ እብ

ፍዕል ለልትሀየብ ተእሂልላት፡ ምነ

አውለውየት ለልትሀየቦም በራምጅ

ክምቶም እት ሸርሕ፡ ዉዛረት

ተዕሊም፡ እት ክለ ኤረትርየ እግል

ትወስዑ ወተአደቅቡ ምስል ክሎም

ሰብ-ሽርከተ ጅህድ ትሰርግል

ክምሰል ህሌት ወደሐ።

ግንደዕ፡ መድረሰት ተእሂል ምህናት 106 ደረሰ አድሐረት

ዲብ ሰነት 2004 እብ

ማሕበር ለትከምከመው ‘ ምን

ብሪጣንየ ለአቅበለው ኤረትርዪን’

እት አትሳናይ ክጡጥ ማይ ወርስሐት ፍሩራም ለህለው ሸቃለ ሕራብ ገብአ እሎም

ዲብ አትሳናይ ክጡጥ ማይ

ወርስሐት ጥልት ሸቁ እግለ ህለው

ሸቃለ፡ ሕራብ እንዴ አዳለው

አትናየተዎም።

ለመዋጥኒን፡ ለበራምጅ

ለነዘመው፡ ለምነ ሐልፈ ወርሕ

የናይር እንዴ አንበተው ዲብ

ድዋራት ማይ-አባሻውል ዐነድር

ርስሐት በድሎ ወከናሌታት

ለአነድፎ ለህለው አንፋር መሻርዕ

ዐዲ-ሃሎ ወፈርዕ ማይ አቅሊም

ምግብ ወሼርከት አስቤኮ ሐምዴሆም

እግል ልቀድሞ ቱ።

አንፋርለ ማሕበር እግል ኤሪነ

እተ ሀበወ ሐብሬ፡ መሐገዝ ማይ

ሐል እግል ልርከብ ወነዳፈት

መዲነት አስመረ እግል ትትሐፈዝ

ዲበ ልሰርገል ለሀለ ሽቅል ትሩድ

ፍሩራም ለህለው ሸቃለ እበ

ወራቶም ሐመደዎም።

ለዲበ ሕራብ ሻረከው ሸቃለ፡

እብ ጀሀቶም፡ ሸዐብ ዲብለ ትፈናተ

አውካድ ክእነ ለመስል ሕራብ

ዲብ ወዴ ከም ለአትናይቶም እንዴ

ሐበረው፡ እግል ክሎም ሐምዴሆም

ቀደመው።

3ገጽ12ይት ሰነት ዕልብ 25 አርቡዕ 12 ጁን 2019

ፍሬ መራት ሀንገረመሕሙድ ረአይ መልሀዩ እብ

ዛህረት ኢትከበተዩ ወኢነክረዩ ወእት ከብዱ ለዐለት ረቢ ደልየ። ሓምድ እግል መሕሙድ ዲብ ገጹ ምነ ቀርአዩ ቱ መስለኒ፡ “በስ ረቢ ልባርከከ፡ አስኩት ምን አ’ረደ ልብሎ ዐረብ ዲብ መስሎ፡ ናየን ህዬ አቅንዖተን ዲብዬ ምንካቱ፡ ላኪን እግል እት ልብከ ትጽነሕ፡ ምን ኣመረ ህተን መለሀይለ ተዐወተ ሰበት ገብአ መትሻንሆት ወገሌ ፈከረየ ምን ገብእ፡ ሐቴ ኢትህመም አስክ ንትዐወት ለእግለ ቤለየ እግል ንርዴ እግለን ቱ። ወእንተ አዜ ላመ ሰብለ ብዕራይ ማጽኣም ሚኢለሀሉ ድለዮም’’ ቤለዩ።

መሕሙድ ወአብ ኣምነ ሓምድ ምን ጥውያሆም ክም ፈርተከው፡ ዐሊ-ኣድም እግል መሕሙድ እንዴ ነቅመ ለብዕራይ እት ገበይ ክም አበ ወሰብ እንዴ ተሐለለው ምኑ ክም መጸአው አክበረዩ። ለሽማገላይ እናስ ዲብ መሕሙድ እንዴ ትወለበ፡ “ለሼክ እንዴ ጊስከ ሓለትለ ብዕራይ አስእሉተ’’ ቤለዩ። መሕሙድ አስክለ ሼክ ትበግሰ፡ ሓምድ ወዐሊ-ኣድም እግል በኪተ እሲት መሕሙድ ለዐለት እንዴ ነቅመወ ምነ እት እዘን አድሕድ ሐኖበዝ ልብል ውዕል ለዐለ አንስ እንዴ ነስአወ ነሳፈቲት ምንለ ዐድ እብለ ቀነብያት ሐቆ ጌሰው እበ፡ ትገሰው። በኪታመ እብለ ስምጠ ለዎሮት እንዴ ገንሐቶም ትገሴት። ሓምድ ዲብ ለሐማሕም፡ “ለወለት ከአፎ ትመዬት ወአዜ ከፎ ህሌት? ረቢ ለአቅልል ዲብኩም ወዲብነ። ለዋሬተነ ኢተአድመዐነ እንሻለህ ወናይ ዐቢ ትሕለፍ በስ ህተ ለሕምት ህሌት ወሕነ ለሕያያም ህሌነ ለእንብል ምስል ረቢ ሐቴ ህሌነ መቅፈራት ቱ እሊ፡፡” ቤለየ።

እሊ ህዬ አክቤ ለሐዜ ወለልርዕዩ፡ “አዜ ለእበ ነቀምናኪ እግል ንትሸነህ ዲብኪ ወንትሐንቀቅ ወፈጅር ምስል ሐዮት ዓእሸ እት ፈረሕኪ እግል ንትሓበረኪ ምን ሐዜናቱ፡ ከአዜ ህግየ እንዴ የአትባዝሕ ዲብኪ ሕነ ረቢ ሰዴነ ወእንቱም ሰምዐኩነ ምንገብእ፡ መሕሙድ ወእንቲ ዲብ አድሕድ እግል ንብለሰኩም ቱ ሳዕዱነ ረቢ ልሳዕደነ ወልሳዕደኩም፡፡ ወእላመ ወለትኩም ተዐንግር፡ ዕቅድያት ወአውሃም ጋብእ እግለ ለሀለ ሸይ እለ ፍንቲትኩም ሌጠ ትመስለኒ’’ቤለየ። ዐሊመ ምን ሓምድ እንዴ ትከበተየ ለህግየ “አማኑቱ አቡዬ ሓምድ በስ አዜ ሼጣን እንዴ ዐወዝኩም ዲብ አድሕድ አትቃብሎ ወወለትኩም እግለ ምስል ዓልጆ። ሼጣን ህዬ ካልእ ዶል ኢተአፍርሕዉ፡ በስ ለህግየ እለ ህግየ ክሊናተ ወለሰኔት ጎማት ህታተ፡ ወእለ ዓእሸ እሊ ቤን ክልኩም ለትዳረከቱ ወለትጨንቤቱ ረቢ እብሊ ሕማም እሊ ለአክተፍዩ ምነ። አዜ በስ ምስል ዓልጆ ወምስል ርፍዖ ወክረው አስክመ ረቢ ፈርጀነ

6ይ ክፋል

እብ ሕበር፡ በስ ፍንቲት ወአበ ህዬ ከልብ ልብለዐን ኬን ቦለን በስ’’ ቤለየ።

“አዜ በስ እብ ሸፋግ ጋምየተ ለህሌኪ ወህግያነ ከፎ መስለት ዲብኪ ረአይኪ ንትጸበር ህሌነ እብ ሰኒ፡ ህቱመ እግል ንግመዩ እባቱ በስ ምነ ምሽዋሩ ክም መጽአ፡ ላኪን እንቲ ሰበት ተሐይሲ ወክለ ለጎማት ምስልኪ ትግበእ ሰበት ሐዜነ አስልፍ ናይኪ ንስመዕ ወለ ሽፍር ህዬኒ አዜመ ምን ዓእሸ ኢትዓፌት ጋሻ ዐዱ ወከደኑ ደለ እግል ልዕደድ መጽአከ ትሳርሒ ወትትከበቲ ህሌኪ ወህቱመ ደለ ትገብእታከ እግልኪ ወጅህ ዲበ ሀለ ወለትኩመ ሕዮተ ወሞተ ምስልኩም ትግበእ እንፈቴ፡ አዜ በሊስ ሻፍግ ሀቢነ እንቲ ምን ሽቅል ሀረስናኪ ወጋሾታትኪ ወሕናመ ለብዕራይ አበ ብህላምነ ህለው’’ ቤለወ እብ ክልኦት እንክር። ለምስል መሕሙድ አይታመ ለዐለው እንዴ አዝመው ምነ። በኪተ ሐቴ ከሊመት እንዴ ኢተአሰምዕ ህቶም ክሉ ለዐለ ዲቦም ነግፈው። እብ በርሰት ረያም ዘራሀ ለምድር እንዴ ትከሽሽ፡ “አናመ ምስል ነፍስዬ እሻውር አዜ ህዳይ ጀዲድ ምን ሐንገልዬ ፋግር ሀለ ዓእሸ ክምእነ ዲብ ህሌት ሐቴ እፈርግ ይህሌኮ በስ አዜ አስክ እንቱም ብዕራይኩም ወደወ ዓእሸ ዲቡ ትትረበሾ ህሌኩም አስእለኩም’’ ትቤ ከእግል ቅንጸት ዲብ አብራከ ሐቆ ተንከበት ዐሊ እብ አከይ ነፍስ “አዜ ወጅሂነ ሐርመ ዶልከ አፍጉረ ዲብነ ብሂል ሚ ነአወድ’’ ቤለየ።

ሓምድ ላቱ ምን ጠቢዐቱ ሃድእ ወሞረ ለለአከሬ፡ እናስ ዓግል ሰበት ዐለ “በክት ሀቡኒ ሐቆ ትቤ በክት ሀበ ህታመ ውልድት ተ ወዋልዳመ ወውሉዳም ምስለ፡ ሰበት እሊ በክት ሃይባምኪ ህሌነ በስ አነ ለእትፋኔኪ እበ ምን ተሀሌ እብ አበ ኢተአቅብሊነ’’ ቤለ። አክያር እም በኪተ ለወለትቼ ሚ ሐስለት እግለ እንዴ ትቤ ዲብ ትትሐበዕ ሽብብ ሐቆለ አበለት ህተ ወሓምድ ዲብ አድሕድ በል ክም አበለው እብ ድንጋጽ ሰኒ ህሌኩም ማሚ ዓንጃ ቴለቶም፡ ወአስኮም ሰፍተተት። መርሐበ ሐቆለ ቤለወ “እግል ኢንንቀመኪ ክልክን ምንለ ጋሸ ሚነሀርሰክን እንቤ ወሕነ እግል ደሐን ወመግመሎ ውላድኪ ንትጋሜ ህሌነ” ቤለው ወለቴለል ለበኪተ ጹውያም እቡ ለዐለው ክሉ ደግመው እግለ። አክያር ሰኒ ፈርሐት እግለ ለህግየ ወትከበተተ፡ “በስ ምስሉ እንገሜ ወነአገሜ እምበል እንቱም ወለተበዐኩም ዲብ ሰኔት ቱ ህግየ ካልእ ለይአለበ ሰኔት ተ ትቤ ወአየደተ።

ዲብ እሙ ወአብሁ ፈግር አለቡ ዲብኢኮን፡ አክያር ሰኒ በኪተት ወአትሻፈቀት ዲብለ ሸኪክ እለ ትግበእ ለኢትትበሀል እሲት ተ ለዐለት ረቢ ልርሐመ። ዲብ ወለተ

እንዴ ትወለበት፡ “እብ ሸፋግ ህግየ ካልእ አለበ ወሳልስ በስ እለ ወለት ተዐንግር ለህሌት እንቱም ለዐዘምኩማቱ ሕማም ወአውሃምቱ ዲብኢኮን፡ መራት ሀንገራመ ለእግለ ትብሎ ህሌኩም ዘርእ ትሰአነ ምን ገብእ ዘርእ ዲብ መራት ሀንገረ ጸንሕ ልብሎ እንሰምዕ ዐልነ ወረቢ ለአስባብለ ኬሩ ልናዝፍ ዲብነ በስ ዲብ እናስኪ ተአቀብሊ እብ ህግየ ብትክት’’ ቴለተ እግል በኪተ ወለተ። ወአዜመ ረቢ ለሀይበኩም ነኣይሽ ህሌኩም እንቲ ምን ገብኢ ወህቱ ሕነ ደለ ትሰአሌነ ቀደም እለ ምን ፈትረት ሕድጎኪ እሲት ስጡር ረአሳተ ሕነ ጎማተ ዲብ ረሓተ እንዴ እምቤ ኢካልኣም ወይሃይባም እንዴ ሕነ ዐልነ እብ ፈርሀትኪ በስ ረቢ ለአፍረሀነ፡ አዜ ላቱ ለፈርሀት እሊ ሰብ እሊ እብ ጎማቶም ሐቆ መጽአውነ ለእለ እንብል ክለ ሰኒ ገብአት ወትወጀሀት ክም ረአዬ ወናይኪ መከየር እንቲ ላኪን አድሕድ እንገሜ ወዲብ አድሕድ ነአዌ ገብአነ ምን ገብእ፡ ጠዋሊ ትሰምዕዮም አነ ህዬ ለትወለደ ምንስልኪ ልግበእ ወለ

ወልዴኪ ክሉ እግል እለ ጎማት እለ ለኢፈሬሕ ሀለ ይእብል። በስ እንቲ ክም ወለት-አዋዶ እምበል ጎማት እግል ትትሀየቢ ቱ ዮም አዜ ህሌናሀ ትቤ አክያር እብ ህግየ ብትክት።

ጎማቶም እንዴ በትከው ህዬ ዕቅባለት መሕሙድ ሌጠ ትጸብረው። መሕሙድመ ለቤኖም ወቤን ዐድ-ሼክ ዑስማን ለዐለት ምሽዋር ረያም እንዴ ጠያመ ክም በጽሐ ዲብ እንቱ ሼክ ዑስማን እት እዴሁ ሕረጽ ቀጣን እት ወታውት እንዴ ጸንሐዩ መሕሙድ ሰላም ሐቆለ ቤለ፡ ሼክ ዑስማን እግል መሕሙድ “እለ ሕረጽ እንዴ ነስአከ እበ ሸልግጡ ዲብለ ቤንለ ክልኦት ቀሩ ወሼክ ዑስማን ለሐዜከ ሀለ በሉ ሽሩጥለ ወለት ዲቡ ሰበት ሀለ’’ ቤለዩ ወሳርሐዩ። መስኪን መሕሙድ ዲብ ገበዩ ብዙሕ ሐስበ ወጠብጠበ ወሐሬ ትንፋስ ረዪም ክም ሰሐበ፡ “ህተ ረዴት ምን ገብእ ላተ ላመ ወለተ ሚ ኢትከርዕ ምንዬ ወህታም ግድም ምነ ለዐለቱ ምክርት ሚ ኢተሀሌ ግድም ወላመ እሉ አንጎጌት ሚ ኢከፍየ ወሐሬ ለኢከልጥ የሀለ፡ በዲር ህተ ከልጠት ወሕናመ ከሀላተ ኢረከብነ ከለ ምስዳር ነሰአነ፡ አዜ

ስሉሕ ወሰብ ምግብ ለለሐድረ ኢትከፍእ በስ እብለስ ሌጠ’’ቤለ እብ በኑ ክመ ምስል አዳም ለልትሃጌ ዲብ መስል። ልብ ዲብ ደዋሒሁ እንዴ ኢከሬ ዳግም ሰበት ዐለ ህዬ ዎሮት ወደሌኮ ምኖም ልትፈሌ ለወለት ከአፎ ህሌት ወደሌኮ ምኖም ልብል ለዐለ ጉዋራሆም ዲብ ልትሀራሀር በል ምነ ሽሙም ዲቡ ለዐለ ሕልም አተበለዩ።

መሕሙድ ክመ በዲር ሰምዑ ለዐለ ዲብ መስል “በኪተት ህሌት ረቢ ለአበክተ በል እበ ሓለተ ሌጠ ህሌት’’ ቤለ ሀላፋት ዲብ ልትሃጌ። ሰምዐዩ ሚ ኢሰምዐዩ እግል ለመርዴቱ መስለኒ “አባይከ ርኢ የዐልኮ ምን ምዶል ዐልከ ምስልዬ አነ ረቢ እንሸአላህ ረቢ ሱድፍትነ ለህሌት ለዐቅልል ዲብነ በል፡ እብሊ እምበል ቀደም አሳድር አጥራፍዬ ጋንሕ የዐልኮ’’ቤላ ሰኒ እግል ለአትአክድ። ላመ እናስ “አዜቱ ምነ ዶል ለእሲት አቀብል ትቤ ምን ገብእ እበልሰ ትብል ለዐልካ ቱ፡ ወሕሬ ክእነ ትተዐስ ለእሲት ዔብ ኢኮን ብለሰ’’ ቤለዩ። ግድም አሰናይ ደሌኮ ምንኩም በስ ሐሬ ንትረኤ፡ ደሐን ወዐል ወረቢ ልሻፌኩም እንሸእላህ ቤለዩ ወትበርገጋ ምኑ። መሕሙድመ እብ እንክሩ ምን መትአካር ፈርህ ሰበት ዐለ ዲብ እገሩ ሐዘ ወሐሬ አመተ ኢተአመረት ልቡ ወረሱ ምስል እንዴ ዶረ ምኑ እገሩ እግል ልጥለሙ፡ ልቡ ዲብ ሸግዒት እንዴ ትከረ፡ ዕንታቱ ዲብ ለርኤ ወገንሕ ሰግሊለት እንዴ ትከሬት ዲቡ አስክ ምድር ትሾገለ።

ሰፍረ ዶለ ሓልፈት ዲቡ ሰበት ዐለት ቱ መስለኒ በዲር ትሸግላለ ወሐሬ እብ ኢትሕመቅ ለዲብ ረሱ ሽዩሸ ለዐለ ዕመት ቦርስተል እንዴ ከረ ጠብ እብ ድርዳረት ተዐንደቀ ወከንፈሩ እንዴ ነክሸ ዲብ ልትመንቀሽ ለረአዩ ዐሊ ገልገላዩ እንዴ ትቃበለዩ “ሚገብአከ እንተ፡ ተዐበት ወፈለልመ እቡ ሚኢትመይት፡ግድም እለ እብለከ፡ አዜ ለህሌት ጎርከ እግልዬ እንዴ ሀብካሀ እንተ ፍጃን ስቴ ወዓርፍ፡ ላመ ዐድከ ለዐለት እሲት ህተ ወእመ ረከብናሀ ወቀብለየ እግልነ ወዓእሸ ትሕዬ ዲብኢኮን ኬር ትግበእ ዲበ ብህላት ህለየ ግድም ረቢ አዋክሩ ለአስኔ እንሸእላህ’’ ቤለዩ ወባሸረዩ። እሊ ዶል እሊ መሕሙድ እብለ ፈርሐት ስሉሕ ቤን መሕሙድ ወእሲቱ ለዐለት በኪተ ፋርሕ ዲብ እንቱ ለፍልፍ ዐለ ዲብኢኮን መሕሙድ ላተ እንዴ ፈትረ ወትደየረ በስ ሰኒ ጽሙእ ወዳልህ ሰበት ዐለ እምበል ሕም በዲር እግለ ሕረጽ ለሼክ እግለ ብዕራይ ለሀበዩተ መጠዩ ወሐሬ እብለ ዝቦጡ ከለ ሼክ ለሐዜከ ህለ ቦሉ ቤለዩ፡ ወአስክለ ዐድ ስሌለት እበ ጠወ ምኑ።

ዐሊ በዲር ነሳፈት ጌሰ ወሐሬ “እሊ እናስ ሕነ ሰኔቱ ነሐዜ ወህቱ

ወለ ከበርነ፡ ሰኒ ወዴኩም ኢኮን ወኢፋልኩም ሚተ እለ ወዴናሁ አዜ ሐቴ በሊስ እንዴ ኢለሀይበኒ ትክ እንዴ ቤለ ገይስ’’ ቤለ ወእብ መሐንጸይ ውቁል ደሐን ቤለ ወአስክለ ብዕራይ ዲቡ ክዉናም ለዐለው አንፋር በስ እንዴ አቀመጨ ሰዐ። ለጅማዐት “እሊ ዐሊ እብ ከበር ዎሮት ማጽእ ሀለ መስለኒ ሰኒ ሻፍግ እርእዩ ጽንሖ እንቱምዲ በስ ግድም ዕዉታም ህሌነ መስለኒ’’ ቤለዮም ዎሮት ዐሊ ለረአ ነፈር። ዐሊ ሰላም እንዴ ኢልብል ለብዕራይ እግል ልቅነጽ ሐመጣመጠ። ዐሊ ምነ ለትወጀቡ ለዐለት ሰላም ወሰኒ ማስያም እንዴ አዝማ እት ለሐመጣምጥ ርኢሁ ለዐለ ብዕራይ እንዴ ቀርባ ቤንለ ክልኦት ቀሩ እበ ምን ሼክ ለመጽአት ሕረጽ ሸልገጠዩ። ብዕራይ ከርተፍ እንዴ ቤለ አስክለ ምሽዋሮም ለዐለት እቡ እትጀህ አተጀሀው ከትበገሰው።

ብዕራይ ዲብ ለአላይም ወዐሊ ወሳልሕ አሰሩ ዲብ ገብኦ ዐድ-ሼክ በጽሐው። ሼክ ዑስማን በዲር ቡን እግል ትግበእ እግሎም አሰአለ፡ ወሐሬ ላመ ምህመት ለእግለ ማጽኣም ለህሌኩም አዜዲ በዐለ ኢለዓርፍ ወሕናመ እብ አርድ ዎሮት ምሽዋር ህለ እግልነ ከእግል ንትበገስቱ ሐቆለ ቤለ ለጸዕደ ተብሸሐቱ እንዴ አፍገረ ከምተተየ ወበረየ ወሐሬታኒ ምነ ምክላቱ ሰልአስ ጅንስ ምን አስርየት ቱ ለቤለዩ አክታም እንዴ አፍገረ ሀበዮም “እሊ ሰልፍ ደዋሃቱ እሊ አክታም እሊ ዲብ ደሀብ ሄከል ልግበእ እግለ ወእሊ ትትሸመቱ ወትትሐጸቡ፡ ወእሊ ተመ ወገብአ እግለ ምን ገብእ ካልእ ደወ ብዕድ እግል ነአምብት እግላቱ ወእንሸአላህ ሕነ ምን ረቢ ንተብኔ አን የጅዐል ለሃ አሽፋእ ወልዓፍያ’’ ቤለዮም ወንዋያቱ እንዴ ከምተተ እግል ልትበገስ ምኖም ብጣሩ ገብአ። ሸፋግ ሼክ ዑስማን ዲብኢኮን ላመ እግል ደወ ማጽኣም ለዐለው ጅማዐት ምኑ ሌጠ ሸፍጎ ዐለው።

ደዋሆም ክም ነሰአው አስክ ዐዶም ዐቅበለው ወክም ሰብ ብኡስ መለሀዩ ነቅም እንዴ አለቦም አስር አድሕድ ዲብ ገበኦ ሽፍር ዐድ-መሕሙድ ዔረው። መሕሙድ እንዴ ዓረፈ ማዩ ወነብራሁ እንዴ በልዐ ወሰተ ጽንሐዮም። ለደዋ እንዴ ትመጠ ምኖም ሰሩ ለናይላ ደሀብ፡ ለዲብ ደሀብ ለገብእ እት ጂቡ ሐቆለ ከረዩ ለናይለ ሸሙት ወሕጽቤ እብ ሐት-ሐቴ ዐሊ ዲብ ሸርሕ ወመሕሙድ ዲብ መጤ እት እዴለ አንስ ከረው። እትሊ ዶል እሊ መሕሙድ ለበዲር ለለአምረ ዓእሸ ወለቱ፡ ግርመተ እንዴ ትሰዌት ወትቀርዔት፡ ገጸ እንዴ ትጀቃ-ጀቃ፡ ሕባጥ ለመስል አሻይር እንዴ ወረዩ፡ ለእብ ግርመት ወለቱ ልትፋወሽ ለዐለ መሕሙድ እሊ ዶል ረአ ሰኒ ተአሰፈ ወዕንታቱ እንዴ ማልአ ሰኒ ፈጥነየ ክም ለኢለምረ።

4ገጽ12ይት ሰነት ዕልብ 25 አርቡዕ 12 ጁን 2019

ወላዲት ፊስቱለ ኢለአርእየውላድ ሰኒቱ። ተርፍከ እግል ትሕደግ ወእት እድንየ ሀለዮት አስልከ እግል ተአክድ ገአከ ምንገብእ ውላድ እግል ትሕደግ ለአትሐዜከ። ውልደት ሀዬ መብዝሑ አውካድ ጠቢዕየት እብ ገበይ ዓድየት ለትተላሌተ። ላኪን ክል ዶል እበ ገበይ ሰሊመት ተምም በህለት ኢኮን። ምን ምእት ወላድያት ለዐስር ጅናሀን እብ ገበይ ሰሊመት እንዴ ትወለደ እግል ልሕቀፈ ወልስዐመ ለተአቀድረን ሓለት ትሳድፈን። እለን ወላድያት እለን ገሌሀን መሻክል መማኒት ለብእተን እግል ልግበአ ቀድረ፡ ገሌመ ሐበት ሙሽክለት ለይዐለት እለን፡ እት ዓፍየተን ወመማኒተን እተ ዶል ውልደት ገሌ ለኢትሰአ ውልደት ጅነ እት ከጠር ለካሬ ቴለል እግል ልሳፈን ቀድር።

እብላቱ ዐምሳት አስክ ጅናሀ እት ሕቅፈ ኢረኤቱ እግል ትስከብ ወሰብአ እግል ልስከብ ለኢቀድር። እለ ብቆት እለ ምነ እግል ልትሰለመ ሀዬ ክል ዐምሳት ዲብ ዕያደት እብ በዐል ምህነት ዓፍየት እግል ትውለድ ለልትሐዜ። ቀደም ዕምስናሀ፡ ዐምሳት ዲብ ሀሌት ወዶል ውልደተ ሐኪም እግል ልርአየ ሀዬ ትትሐዜ ለሀሌት።

ቀደም ዕምስናሀ* ዕምረ ምን 18 ወተሐት ዲብ

እንቱ ውላድ እግል ኢቲዴ * ለገብአ ሕማማት አርሓም

ወብዕድ ድዕፍ እግል ኢለሀሌ እተ

* ዳይም ሕማማት ክም ስከሪ፡ ደቅጥ፡ ግርንግሪት ለመስል እግል ኢለሀሌ እተ

* ብጥረተ፡ ርሕብ ጸሎሀ፡ ሜዛን ገሮበ፡ ቅያስ ሂሞግሎቢነ (ደመ ድዒፍ እግል ኢለሀሌ) ከሽፍ ትወዴ

ክም ዐምሰት ዓፍየተ እብ ዓመት ምን

ደቅጥ፡ ድዕፍ ደም፡ ወዶል ዕምስነ ለልትኬለም ሕማማት አክልሚ ናግየት ሀሌት

ሜዛን ትወስክ ሀሌት መትነቅስ መእት አካነ ሀሌት ወለሰበብ ሚቱ

ጅነ መካሪቱ ከፎ ሀለ ወህተ መባትክ ገሮበ አክል አዪ ጅነ እግል ለአፍግር ዱሉይቱ ታቤዕ

በዲር እት ዕምስናሀ ምን ልውሕድ አርበዕ ዶል ከሽፍ እግል ቲዴበ ልትበሀል ለዐለ እትለ መደት እለ እትለ መደት ዕምስናሀ ምን ልውሕድ ሰማን ዶል ከሽፍ እግል ቲዴ ልትሐዜ ሀለ።

ዶል ውልደትአውረሐተ ክም ቀርበ እት

ወሬሕ ክልኤ ዶል ከሽፍ ዲብ ትወዴ ውልደት ክም መጸት ዲብ ሐንቴ ሐኪም እግል ትግበእ ሀሌት እለ።

ለሻፍግ ተቅዪር እት መካሪት ጅነ፡ እት ሓለት እም ክም ነዚፍ መስል ወብዕድ ለሳድፍ አሽየእ አጊድ ራድኢት እግል ልርከብ።

ዓይለት እግል መዋሰላት ወብዕደት መራዐየት እም ወውላደ ምነ ሀሌት እለ እንዴ ኬለለት

ዱሊት እግል ትጽነሕ ሀሌት እለ።

ሐቆ ውልደትጅነ ሰኒ ክም ሀለ አከዶት፡ እም

ምን ነዚፍ ሰሊመት ክም ሀሌት አከዶት፡ ምን ለገብአ መእረር ወረክስ ነጎተ አድመኖት ሐቆ ውልደት ለተሀሌ መራዐየት ምን ገብአት እላመ መታበዐት ሐኪም ተሐዜ።

ፊስቱለ ሚ ዶል ሳድፍእብ ሰበብ ውልደት ለመጽእ

ፊስቱለ ለልትበሀል ፍንጌ መነፈሐት ሽን፡ ዕንድር ሽን ወመዐረቅ ለሀሌ እብ ጨቅጥ ናይ ውላድ ለመጽእ ኢንቡር መትበካእ ቱ። እለ ሓለት እለ ዲበ ለትካሬ እም ሀዬ እት መሐጽ ወክድ ብዙሕ እንዴ ነስአት ጅነ በደል ፈግር እትሊ ባካት ርሕም ለሀለ ገሮብ ጨቅጥ እንዴ ከልቀ ደም ክም ኢደውር እቱ እንዴ ወደዩ ክተፍ እንዴ መሽመሸ ክም ልትበከእ ሰበት ወዴቱ። እሊ ደማር እሊ ክም ጀረ ለወላዲት ለጅናሀ ወክድ እንዴ ነስአ እት ከብደ መይት። ህቱ ሌጣ እንዴ ኢገብእ ህታመ ለገሮበ ምን ሽቅሉ ልትዐጠል። ሽንተ ኢትጸብጠ ኖሰ ትጀሌሕ ምነ፡ ሽን ከደንመ ለኢትጸብጥ እግል ትግበእ ትቀድር አውመ ክልኢቱ መትጸባጥ እግል ልእቤ እለ ቀድር። እለ ትመስል አንሳይት ሰለስ ከሳር ትረክብ። ውላደ ኢረክበት፡ መንበሮሀ እት ዐዛብ ገብአት ወናይ ውላድ ወዕያል መስተቅበለ እት ብቆት ገብእ።

አንሳት አረይ ፊስቱለ ምነ ወዴ፡ አስባብ ህዳይ ምተሐት ዕምር፡

ክሽቦ ወሻፋጥ፡ ሕጭር (ምን 1.6 መትር

ለተሐጭር)ጭብ ጸሎናይ ሕጻን ሸክል ለቡ ጸሎ ቀዳም እንዴ ኢቀንጽ ሓር እት

ረአሱ ውልደት/ብዝሔ ውላድ (ምን ሐምስ ጅነ ወለዐል)

መትሓካፍ እገርፖልዮመትዐጋፍ ክርክር(ዔጻት)

ገበይ አስረቶቱእም ዲብ ቤት እግል ትውለድ

አለበ። ለገብአት ዐምሳት ዲብ ዕያደት ሌጠ ትውለድ። እብለ ገብአ ምስምሰ ለዐምሳት እት ቤት ሐቆ ትወልድ ምነ መሐጽ ለሀረሰት እተ ክልኤ ጸሓይ እግል ልውደቀ እተ አውመ ክልኤ ጸሓይ እግል ልፍገረ እተ በታተን ኢወጅብ። ለፊስቱለ ተአመጽእ ለመደረት ክለ ዲብ መሐጽ ክሮዕ (ደንገሮት እት መሐጽ) ተ ለትትከምተት።

መብዝሐን ለእትለ ሓለት ኬልም ልትካረየ ሀዬ እት ዲብ ቤተን ለወልዳ ተን። ለእት ቤት ወልደ ምን እንርእየን ሀዬ እት ነፍሰን ቀራር እግል ልንሰአ ለኢቀድረ ተሐት ዕምር ለበዝሐያተን። ምኤምራይ ውላደት ወአርሓም ወእብ ፍንቱይ ሐኪም ፊስቱለ ዶክተር ሀብቴ ሃይሌመለኮት ስስ ሰነት አስር ሕድ

እበ ወደየ መታበዐት ምን 57 ምእታይት ናይለ አረይ ፊስቱለ ላተን አንሳት ምን 20 ሰነት ለዕምረን ኢትበከራታት ተን። ሐድ ክለን ሀዬ መንበሮሀን ግድዕት፡ ምን ጂበን መዋሰላተን እንዴ ደፍዐየ እት ለሔሰ ሕክምነ እግል ሊጊሰ እዴ ለተሐጭር ምነን፡ እት ምድር ረዪም ለነብረ መዋሰላት እብ ቀሊል ለኢረክበ፡እብ ኽሱስ ዓፍየተን አምር ሑድ ለበን እት ብቆት ለከሬ ዕዐዋዲ ለኢጠለቀየ በክት ተዕሊም ለኢረክበያ ተን።

እለ ሓለት እለ እግለ ነብራሀ ብዙሕ መራርተ። ኢኮን ዲመ እብ ሽን እንዴ ትጠብስ እግል ትንበር ሐቴ ዶልመ ትመንከልነ ምንገብእ አክል አዪ ክም ንዳየግ ኢትበዴ ምንእነ። ከእለ አንሳይት ምነ ሀሌተ ዐዛብ እግል ንባለሐ ሀሌት እነ። ክል ዎሮ ምስሉ ለሀሌት አው ባኩ ለትነብር እንዴ ኣመረ እት ሕክምነ እግል ለአምጸአ እግል ልትዓወን ዋጅቡቱ። እት እስብዳልየት መንደፈረ እግለን ለትሳሬ ፍንቲት እስብዳልየት ሀሌት። ዐመልያት እንዴ ገአ እተን እግል ልዝፈፈ፡ ልቅደየ ወምኑመ እምዴ ሐ፡ፈየ እግል ልውለደ ወለአፍርየ ቀድረ። አማንተ እብ ሐቴ ዝያረት ቀባሀን ክፍክፍ እንዴ አበለየ ዐደን ኢለቀብለ ምን ስስ ወሬሕ አስክ ገሌ ስኒን እግል ለአስብረ ወዐመልየት ጅረሕ እግል ልደጋግመ ቀድረ። ሰብር ወከህላት ለሐዜ። ለአስበረ ላኪን ልትዐወት። ሐር ሀዬ እግል ሕክምነ ለለአፈግራሀ ሰንቲምመ ኢሀለ። ሕክምናሀን ወነብራሀን ጾር ሕኩመትቱ። ብዝሓት አንሳት መንብሮ እት እድንየ ማረት እተን ለዐለት እኪተን እንዴ ሐልፈተን ሕዱጋት ለዐለየ እንዴ ተሀደየ ለወልደየ፡ እት ሐዳረን ለጸንሐያመ ለዳየመየ ወአትዐየለየ ሀለየ።

እለ እስብዳልየት እለ ክም ቤተንተ። ወቅተን ግምሽ ኢለሓልፋሁ፡ እብ ምጅሮ ዐናዪ ቅዌት ለአበድየ፡ወራት ብስር እፌ ወገሌ ምህናት ልትዐለመ፡ እበ ዐለ እተን ቴለል ነፍሰን እግል ኢልትሓውነ ወጨቅጥ እግል ኢልትሰመዐን ሰዳይት ምኤምረት ዐቅል ትገብእ እለን። እት እያም ቅሩብ ሀዬ ለስኒን ብዙሕ እብ ኢሐረከት ቅዩድ ለዐለ አስዑደን እግል ልትፋተሕ ሕክምነ ድልከት(physiotherapy) እግል ልግበእ እለን ቱ።

እብ ሰበብ ውላደት ለመጽእ ፊስቱለ ላኪን ምን ሳረዮቱ ክርዐቱ ትቀልል። እግል ነአብድዩ ሀዬ ለልትቀደርቱ። ለአግደ እበ ነአበድዩ ክል ወላዲት ዲብ ሕክምነ ሌጠ እግል ትውለድ ብእተ። እብ ዐቢሁ ሀዬ አንሳይት ምን ንእሸ ሰኒ እንዴ እንመውን እግል ንዓብየ፡ ክሽቦሀ ሕርምነ እግል ኒደዩ፡ እግል ንዐልመ፡ ዕምረ እንዴ ኢተምም እት ህዳይ እግል ኢንዕጸጸ፡ ግንጌ

ጅነ ቀዳም ወሓር ለሀለ ፈርግ እተ እሉ ሐዜት ሐድ እግል ትጽበጡ ምን ዕምስነ ለከሬዕ እለ አድውየት አው አብሳር እግል ትነፈዕ ለሀሌት ክድመት ምነ እግል ቲፊድ እግል ነአትናይተ፡ መምበ መሲረ እግል ትግበእ ገበይ ለማልካይት ርዝቅ ትገብእ እበ እግል ንካፍተ እለ ቀደርነ ምን ገብእ እት እለ ትመስል ሓለት ህምሽት ወመራር ለትካሬ እቡ ምስምሰ ኢሀለ።

ከወላዲት ፊስቱለ እግል ኢትርኤ ሐቴ ጀሀት በይነ እንዴ ትጻገመት ኢትትዐወት። ምስል ተዕሊም፡ ፈዛዐት፡ ብንየት ተሕትየት ወስን መንበሮ ለገይስ ምን ገብአ ክል ምንእነ እተ ዲቡ ክሷም ሀሌነ ሽቅል ሕኩመት ልግበእ ወብሕተ ደሐን ጅነት ዮም ወወላዲት ፈጅር ዲብ ሕሳብ እት ንኣቴ ንሽቄ። እትሊ አዜ ሀሌነ ዲቡ ዘበን ወላዲት ፊስቱለ ኢነርእየ።

5ገጽ12ይት ሰነት ዕልብ 25 አርቡዕ 12 ጁን 2019

መሐመድ እድሪስ

7ይ ወናይ ደንጎበ ክፈል

እመግዶም (ዔለባቡ) እት ፍንጌሀ ውቁል ወታኪ አድብር ዐይገት ወሀገር ክምሰልሁመ ፍንጌ ዕልመት መሐርጌ ወደልሐ ለህሌት እግል ትንበረ ለተአትናይት አካን ተ። ላሊ ምስለ ዐለ እትነ ተዐብ ዲብለ ምነ ዕያደት ህዩብነ ለዐለ ዐራታት ሰኒ ወመራትብ ሓምል እብ ስካብ ነሐንርር እት ህሌነ፡ ዝያደት እብ ራሐት ሸዐርነ።

ጽብሕ ምድር ህዬ ለኢትከለሰ ሰፈርነ እግል ነአተላሌ ወኣማሙ ለዐልነ በራምጅ እግል ንሽቄ ዮም 25 ኣፕሪል ምነ ምዩያም እተ ለዐልነ ዔለባቡ አስክ ሐስተ ትወከልነ። በገስነ አክል-ሕድ ክምሰለ ናይ መደት ንዳል መስል፡ ኑር መኪነትነ እንዴ ወለዐነ ህዬ ለዘትለ ብሩድ ሸማል መጋዌሕ እት ነአዳውር ምን ዔለባቡ ሸንከት ግብለት አተጀሀነ።

ለምድር ዐራይብ ለበዝሐ እቱ ወእብ ከተክት ዐቅበ ለትመለኣቱ ለዐለ። እተ ባካት ሳግም ለዐለ አድሁይመ እንሳሁ ለትዓይር ወልጽዕን ዐለ። ለሰፈር ሰኒ ፈቴናሁ። እግልሚ፡ ለዲብ ዐሬርብ ወዔለባቡ ለወዴናሁ ወለሸቄናሁ ሽቅል ዝያደት ደሚርነ ርዩሕ ዐለ። ለዐቢ ወፋዬሕ ሕሊል አዶብሐ-ዐቢ ሐቴ ዶል ክምሰል ተዐዴናሁ ካልእ ዶል ኢኪድናሁ። ህቱ ሸንከት ምውዳቅ ጸሓይ አስክ ባድን ገይስ እት ህለ ሕነ ህዬ ሸንከት ግብለት አስክ ሐስተ ንሄርር ዐልነ። ዐራይብ አዶብሐ-ዐቢ እት እንሻግግ ህዬ ምድር ክምሰል ጸብሐ ለምን ጀሀት ምፍጋር ጸሓይ ትትሓበር እትነ ገበይ አዶብሐ-ንኡሽ እተ ተሓበርነ። ምድር ባርህ ሰበት ዐለ ህዬ እብ በርሀት ጸሓይ እግለ ምን ቃብል ልትረኤ ድዋራት እት ነዐፌ ህዬ እበ አስክ ሐስተ ለለአደንን ትሉሉይ ክምሰል ሸበብነ ለእለ ኢቀዌኮ ሐስተ እብ ዖበለ ወዘራሀ መርሐበ ዲብ ትብል ትከበተተነ።

ሐስተ እግልዬ ፍንቱይ ዝክርያት ከልቀት እቼ። ምን ወሬሕ አርበዕ 2019 ዲብ ወርሕ አርበዕ 1981 ቀደም 38 ሰነት ለዐለ ቴለል ህዬ ፈቀድኮ። ለቴለል ለሀይ ህዬ ሰኒ ወአማን ሰፋለሌኒ ወሰራበቤኒ። ለወክድ ለሀይ ሕነ ዲብ ሐስተ ንደረብ ለዐልነ እቱ ወክድ ሌጠ እንዴ ኢገብእ እግል አፍሸሎትለ ዐቢ ወራር ንጠባጠብ ሰበት ዐልነ ለወክድ ወክድ ስሙድ ወመዳፈዐት ቱ ለዐለ። ህቱ ሌጠ እንዴ ኢገብእ ወክድ ሰፍረ ወዕርቅናመ ዐለ። ዲብለ እብ ሽሂድ መሓሪ ሽዴን ለትትመረሕ እብ አርበዕ መጃሜዕ ለትትከወን ፈሲለት ክምሰል ተሓበርኮ ለመራረት ወጠዐም ንዳል እትለ አካን እላቱ ለጠምጠምኩዉ። ለቀደም እለ እት መድረሰት ሰውረት ወሱዳን ለሓለፍኩወ ሐያት፡ ዲብ ሐስተ ተድሪብ ክምሰል አምበትኮ ሽንጉል ምናድል እግል እግበእ ቀደርኮ። እተ መደት ለሀ ፈሲለት ሽዴን እብ ፍንቱይ ምን ሩስየ፡

አልማንየ፡ ምግባይ ምፍጋር ጸሓይ ወሱዳን እበ መጽአው ሐዳይስ ርግሕት ዐለት።

እሊ ወክድ እሊ ስዱድ ወውቅት ናይ መዳሊት እግል አፍሸሎት ሳድስ ወራር ሰበት ዐለ ምሴ ወእስቡሕ ዲብለ እብ ዖበል ለትከለለ ሕሊል ሐስተ ንደረብ ወዲቡ ንትመዬ ወአደሐ ህዬ ምን ጥያራት እግል ንትሰለም እንዴ ትበሀለ ዲብለ ምን ቅብላት ለልትረኤ አወድግ ሐስተ እንውዕል ዐልነ። እምበል እሊመ ዮም ሐቆ 38 ሰነት ሐስተ ምን ገጽ አምዕል አትየ ዲብ ህሌኮ ክሎም ለዲብለ ወቅት ለሀይ ምስልዬ ለትደረበው ወዲብ ለትፈናተ ወራታት ንዳል ለትወዘዐው፡ ወለአስተሽሀደው መልሂቼመ እብ ዎርዎሮ ትካየለው እግልዬ። እተ ወክድ ለሀይ ለዐለ ፈለልመ ኢትረሰዐኩዉ። እግለ እብ ማይ ብሩድ እንረጭቁ ለዐልነ ለመሽመሸ ወድ ዐከርመ ዲብ እለ ታሪካይት አካን እለ ክምሰል በጽሐኮ ትካየለ እግልዬ። እተ መደት ለሀ ለዐለው ሐካይም ሰውረት እግለ ትነጆም ዲብ ቀበትለ ዖበል እንዴ አዳለዉ ሐማይም ወመጀርሒን ዳዉ እቱ ዲብ ህለው ክኢ ረአሱ ኢትረሰዐኩው።

ዝክርያት ሐስተ እንዴ ይአተምም መኪነትነ እበ ሕሊል ተሐት ሐቆለ ደነት እብነ፡ ድገለብ እንዴ ሸክፈት እበ ቀልዕ ዐራይብ አስክለ ድጌ ሐዲስ ብኑይ እተ ለህለ ቀድሐት አተጀሀነ። አምዕል እብ ግዲደ ዲብ ቀድሐት እንዴ ወዐልነ ህዬ ማሲ ምድር አስክለ ብጉሳም ምነ ዐልነ አዶብሐ ንኡሽ (ድሪት) አቅበልነ።

ገበይ ሐስተ አዶብሐ እት መደት ንዳል ምን ላሊ ለትሰረረተ እብ አምዕል ካይደ ይአምር። አዜመ እት ነቀብል ሕሊል ሐስተ ንትከሬ እት ህሌነ፡ ለዝክርያቼ ዝያደት ተሐደሰ። ለብሉሕ ዕንክላይ ዲብ አቀምት ህዬ ለዲበ መደት ሓለፍናሁ ቴለል ትካየለ እዬ። እብ ፍንቱይ ዲብ ሰነት 1981 ቀደም መትወዘዖትነ ሐቴ ፍርቀት ሸዐብ ምን ገዳረፍ እንዴ መጽአተነ እተ መደት ለሀ ተሐልዩ ለዐለት ሐልየት፡ ክምሰል ከረ “እን ከላሺን ትጥዕም ለግንዳሌ” ለልብል ወብዕድ ትፋቀድኮ። እምበልሁመ ለዲብ ክል ምሴት አርቡዕ ምድጋነ እንዴ ከሬነ እንተክሉ ለዐልነ ጎይለ፡ ምስለ ናይ ሳድስ ወራር መዳሊት ዲብለ መዓላትነ ምን ስሙም ጋዛት እግል ዳፈዖት ነፍሕሙ ለዐልነ ፈሐም ወብዕድ ትዘከርኮ።

ዐራይብ አዶብሓታት ዲብ ዕን ረአይ እት ነአቀምት ህዬ ወእግለ ሰላም ወመስኩበት እንዴ ረክበ እብ ክራም ክራም ዲበ ዐራይብ ፍንጡር ለዐለ ሸወክን ወምን ስሕል ሳግም ለዐለ አንውየት ወክታር እንሰ ዲብ ነዐፌ ህዬ ለሰፈር ዝያደት ፈቴናሁ። ባካት አመቅረብ ህዬ መርከዝ እዳረት ምዴርየት አዶብሐ ላተ ድሪት (ዒታሮ) ዒርነ።

እት አዶብሐ ንኡሽመ ክምሰል ከረ ዐሬርብ ወአዶብሐ ዐቢ፡ ለትፈናተ ታሪካይ ኣሳር ሰውረት ህለ። ለዲብ ሰነት

1969 ለገብአ ሙእተመር ሰውረት እት ፍሩቅ፡ ክምሰልሁመ ዲብ ሰነት 1986 ለገብአ ኢዮቤል ፍዲ መትአምባት ሰውረት ኤረትርየ፡ እምበልሁመ ለዐበ ዲብ ሜዳን ለዐለ ገራጅ አው ወርሸት፡ ሕክምነ፡ እምዳድ፡ መራክዝ ትጃረት ወእቅትሳድ ወለመስሉ ዲብ እሊ ባካት እሊ ሰበት ዐለ፡ ለፍሩራም እሉ ዐልነ ዳይ ልሰዕ ታምም ይዐለ። ፈጅራተ እስቡሕ ዮም 26 ኣፕሪል ህዬ አስክለ ዐቢ ገራጅ ለዐለ እቱ ባካት አግወሕነ። እትሊመ ክምሰል ዐሬርብ ለአሰር ልስዕ ባይን ወዳምቅ እት እንቱ ልትረኤ። ለእተ ወክድ ለሀይ ለተሐፈረ ዐወሊ፡ ለትሳበረ

መካይን ወከራካት፡ ለትፈናተ ሐጻይን ወለመስሉ ለሕሊል ምን ለዓሉ እት ተሓቱ ምሉእ እት እንቱ ልትረኤ። እሊ ህዬ እግለ ናይ ፈንጎሕ ጂል ሰመዕ በሲር ናይለ እት መሳክብ ሰውረት አው እት ምድር ምሔርበት ለህለ እንዴ ኢትሰአሉ እብ ሰውረት ለደግም እግልከ ኣሱር ምሔርበት ቱ።

ሰበት እሊ ለኣሱር ንዳል ዲብ እንወስቅ ለከልአናሀን አምዔላት እንዴ ይእንወንነን ተመየ። ምናተ እግለ ግረ እለ እብ እህትማም ለገብእ በሐስ ወተውሲቅ መአንበት ታያን ወዴነ እግል ኒበል እንቀድር። እግለ ዲብ ዮም 21 ኣፕሪል ለአቴነ እተ መርከዝ እዳረት ምዴርየት አዶብሐ ላተ ድሪት ህዬ ዲብ ዮም 28 ኣፕሪል ትሳረሐነ ምነ። ሄራርነ አስክለ ትበገስነ ምነ አስመረ ህዬ ገብአ። ለዲብ መደት ንዳል ለትበነ ኣሱር ሰውረት ላኪን እት ትጀወል እግል ትታይኑ እግል ትክተብ እቡ አምዕሎታት እንዴ ኢገብእ አውረሐትመ ኢከፌከ።

ሓድር ታሪክነ አሳሱ ለናይ ማሌ ታሪክነ ሰበት ገብአ፡ ሓልፍከ ሐቆ ትረሰዐከ ሓድረትካመ እት ክልኤ ሰበት ተ፡ ለናይ ማሌ ታሪክነ እሎም ለወዐልነ እቱ አስክ እብ ሐያትነ ህሌነ ክምሰለ ለአስትህል እብ ዋጅብ እግል ነትሐልፉ ወንወስቁ ወጅብ። አይወ፡ ድጌ ሰውረት ዲብ ዮም እንዴ ገብአነ እግል ንዳግም እቡ ኢቀደርነ ምንገብእ፡ ፈንጎሕ ፈጅር ክምሰል ትደመረ ወአሰሩ ክምሰል ትሸረበ እግል ነሐንፍሉ ስዱድ ሰበት ገብአ ሀዬ ለወቅት አዜቱ።

ሰፈር ስርቤብ ወሰፈላል

6ገጽ12ይት ሰነት ዕልብ 25 አርቡዕ 12 ጁን 2019

ዶክተር ብርሃነ ደብሩ እት ውዛረት ዓፍየት ናይ ዶሉ ሙዲር ዓም ዐገል ኤታን ወጠወሮት ቅድረት አዳም ቱ። እብ መናሰበት 28ይት ሰነት ዒድ እስትቅላል መትመዳድ ክድመት ዓፍየት ዲብ ዐድነ ከፎ ክም ትመስል ለሸርሐ ዲበ መቃበለት ምስል ሳሕፍየት ክርን ገቢል ኤረትርየ በርናመጅ ትግርኘ ኣርያም ጎይትኦም ዋዲ ዐለ። 2ይ ወናይ ደንጎበ ክፈለ ልተላሌ፦

ሰኣል፦ ፍሬ ናይ እሊ እት ክድመት ዓፍየት ለገብአ ፊራሮ ከአፎ ትሸርሑ?

በሊስ፦ ኤረትርየ ፈድል እሊ እት አዳመ ወመአሰሳተ ለወዴቱ ፊራሮ እት መጃል ዓፍየት ዲብ እድንየ ልግበእ ወቃረትነ ክም ትትአመር ለወደየ ብዙሕ ሰርገል ረክበት። ለስያሰተ ራትዐት ተ። ዲብ ወጠንያይ ዐገል ዐቦት(ማክሮ ፖሊሲ) ክምለ ሀለ ክል መዋጥን እት ምድን ልግበእ ወብሩር አሳስየት ክድመት ዓፍየት ክም ረክብ እግል ልግበእቱ ልብል። ውዛረት ዓፍየት ሀዬ እለ ስያሰት እንዴ ታሌትተ ትሸቄ ለሀሌት። ለትነደቀ መአሰሳት፡ ለተዐለመ አዳም፡ ለትወጀደ አድውየት፡ ለገብአት መታበዐት፡ ጅድየት ዲብ ሽቅል ወሰፋየት ሐብሬ እት ዐለም ለአሰምየ ዐውቴ ረክበት።

እት 1991 ፍድኢት ረክብ ለዐለ አጀኒት 10% ሌጠ ለዐለ፡ ዮም 98% ክታበት ረክቦ ሀለው። እሊ ሀዬ ምነ ሐምዴ ለረክበት እቱ ወዲብ እድንየ ለተአመረት እቡ ወቀይቱ። ሐቴ ወክልኤ ዶልመ ኢኮን እለ ደረጀት እለ ክም በጽሐተ እንዴ ኢትከሬ ምነ እንዴ ሐፍዘተ ተአተላሌ ሀሌት። እብሊቱ ቀደም ሐምስ ሰነት እብለ ጋቢ ኣላያንስ ለልትበሀሎ ሙጅተመዕ ሰዳየት ክታበት ዲብ ቬትናም ውቁል መትመዳድ ክታበት ለአርኤት ደውለት እንዴ ትበሀለት ጃእዘት ለረክበት።

ሞት እማት እት 1991 ምን ምእት አልፍ አስክ 880 እማት መይተ ዐለየ። ዮም እሊ ምን ተሐት 350 ባጽሕ ሀለ። እሊ ሀዬ ዲብ ሀደፍ አልፍየት ምነ ሕዳት ሐምስ ደውለት አፍሪቀ ለዲብ እለ ደረጀት በጽሐየ ገብአት። ሞት ምን ሐምስ ሰነት ወተሐት አጀኒት እት 91 ምን አልፍ ጅነ 150 መይቶ ዐለው፡ አዜ ላኪን ምን 40-49 ባጽሕ ሀለ። እሊመ እትሊ እያም ቅሩብ ዕሹር ኢገብአ ድኢኮን ምኑመ ወተሐት ገብእ ለልብል ተቕዪም ብነ። ዎሮ ምነ እት ሐንቴ ሰሐረ አፍሪቀ ሰበብ ሞት ክምቱ ለልትአመር ሕማም ጥገዕ ኤረትርየ ዕውትት እቱ ሀሌት።

ዲብ 1998 ውዛረት ዓፍየት መላርየት ሐር ንብለሰ (ሮል ባክ ማላርየ) ለልብል በርናመጅ እንዴ አፍገረት እበ ወዴቱ ጅህድ እትለን 20 ሰነት ሞት እብ መላርየት እብ 90 ምእታይት ነቅሰ። ወሕማም

እብ መላርየት እብ 85 ምእታይት ነቅሰ። ከኤረትርየ ዐውቴ ዐቢ ክም ሰጀለት እንዴ ተአመረ እለ ዲብ እተሓድ አፍሪቀ ጃእዘት ክም ትትሀየብ ገብአ። ኤች ኣይ ቪ ወኤይድስ ዲብ ድወል አፍሪቀ ልግበእ ወብዕዳት እት ገበይ ዐቦት ለሀለየ ድወል እትለ ሐልፈየ 20-30 ሰነት ምነ ቄትላይ ወመማስናይ ገብእ ለጸንሓቱ።

ዲብ ኤረትርየ ሽቅል ትሩድ ዲብ አድረሶት ወአፍዝዖት ሸዐብ፡ ዲብ ሕክምነ ወመርመረ ምን ገብአ እተ ስኒን ቀዳም 4-5 ምእታይት ምን ሸዐብ ምስል ኤች ኣይ ቪ ነብር ክም ዐለ ለንትረስዑ ኢኮን እትለ አዜ ሀሌናሀ ላኪን ዲብ 0.65% ሀለ። እሊ ሰርገል እሊቱ ሀዬ እግል ኤረትርየ እት ሰነት 2015 ሀደፍ አልፍየት እብ ብጽሐተ ዲብ አፍሪቀ እብ ሞት እማት ወአጀኒት፡ እብለ ለዐዴ ሕማማት ከረ ምላርየት፡ ኤች ኣይ ቪ ወቲቢ፡ እብ ክታበት አጀኒት ምን ተዐወተት መሰል ሰኔት እግል ድወል ብዕዳት ጋብአት ሀሌት። አዜመ ለዐለም ትታለየ ሀሌት ድወል ዐለም ዲብ መጅልስ ቅራን ለፈረመየ እቱ አስክ 2030 እግል ልትበጸሕ ለቡ ሀደፍ ዐቦት ዳይመት እቱ ፋርመት ሀሌት። ዲብ እሊ እግል ልትበጸሕ ልትሐዜ ለሀለ አስክለ ሰነት ተምም ክሉ ሸዐብ እተ ዲበ ነብር በቃዐት ለበ ክድመት ዓፍየት እግል ልርከብ፡ ምን እለ ትመስል ክድመት እብ ኢረኪብ ማል ክም ኢተርፍ ደማነት እግል ልርከብ ለተአመመ ሀደፍቱ። ሕነ እለ እግል ነአክድ ስትራተጃይ ኤታን ዐቦት እፍጉራም ሀሌነ።

ምን 2019 አስክ 2021 ለልትመደድ ቱ እሊ። ለሀደፍ ዳይመት ዐቦት እተ ትበሀለት ሰነት አው ቀደሙ እግል ንብጽሑ ዳምናም ሕነ። እለ እግል ኒዴ ገአነ ምንገብእ ሀዬ መትሳዳይ ናይ ክለን መአሰሳት ሕኩመት ደሩሪ ቱ። ለአህዳፍ 17 ተን ሐቴ ምነን (ዕልብ 3) ሌጣተ እግል ዓፍየት ለትኸስስ። ለብዕዳት ውዛራትመ ናየንተ ሀሌት እለን። ተዕሊም፡

ወጀዶት ጣቀት፡ አንቀሶት ድብር፡ ሙነት ሰኔት፡ መዋሰላት ወእትሳላት፡ ዐቦት ሐርስ፡ . . . ክሉ ለወጠን ትሸቄ ዲቡ ዐማር ወዐቦት ሀለ ዲቡ። ምስል ዓፍየት ለኢልትጻበጥ ሀዬ ኢሀለ። ሐቴከ ናየ ዲብ ትወዴ ዲብ ዓፍየት ለለትራክበን ብዙሕ ሰበት ለሀሌ፡ ፍንጌ ክልነ መቅሬሕ እግል ለሀሌ ክምቡ እግል እሽራሕ ሐዜ። እግልሚ ለተዐለመ እት ዓፍየቱ ከፎ ክም ለሓፍዝ እግል ለኣምርቱ፡ ሰኒ ለትመወነ ምን ሕማማት እግል ልንጄቱ፡ እት አብያት ሰኒ ወድዋር ነዲፍ ለነብር ምን ብዙሕ ሕማማት ወጨቅጥ እግል ልድሐንቱ። ከለ17 ሀደፍ ዲቡ ለልትከሰአ መአሰሳት ሕኩመት ምስል እንዴ ትመቅረሐየ ሸቀየ ምን ገብእ ለዐውቴነ ደማን ተሀሌ እለ።

ሰኣል፦ ዲብ አስመረ ለሀለየ እስብዳልያት መርጅዕያት ወለ ዲብ አቃሊም ለሀለየ ከፎተ ዕላቀተን፡ እግልሚቱ ዲብ አስመረ ብዝሔ መትነፈዐት ለልትረኤ?

በሊስ፦ ክል እስብዳልየት እበ ፈግረ እለ ደረጃት ትሸቄ ሀሌት። ለኢለአሸቅየ አስባብ ሀለ ምንገብእ ሐቴከ ምስለ ምንለዐለ ለሀሌት እግል ትትፋሀም ነሐዝየ። እግል መሰል ዲብ 2018 ዲብ ዕያዳት ለትሳረው 872 አልፍ ዐለው። ዲብ መራክዝ ዓፍየት ወእስብዳልያት ለትሳረው ሀዬ 1.2 ሚልዮን ዐለው። ምን እሎም ዲብ ወጠንያይ እስብዳልያት መርጀዕየት ለትሳረው 240 አልፍ

ሌጣቶም። እሎም ምነ 1.8 ሚልዮን እት መአሰሳት ዓፍየት ለትሳረው መዋጥኒን 20% ሌጣቶም ዲብ እስብዳልያት መርጀዕየት ናይ ወጠን ለመጽአው። ምን ኣመረ ገሌ ሕዳም ለምስሎም ሀለ ክዳማት ምን የኣመረው አስመረ ሌጣቱ ለሀለ ሕክምነ እንዴ ቤለው ለመጽኡ ኢልትሐገሎ። እብ ዓመት ላኪን ለገበይ ለእበ መጽኡ ምንለ ናይ አቃሊም እንዴ ሐልፈውቱ ወእበ ልትሸቄ።

እት 2018 ዐራት እንዴ ጸብጠው ለትሳረው እብ ደረጀት ወጠን 131.847 ቶም። ምን እሎም ዲብ ወጠንያይ እስብዳልያት መርጅዕየት እንዴ አክረረው ለትሳረው 45 አልፍ ቶም። 34 ምእታይት ምነ ሐማይም ቶም። ለ66 ምእታይት ዲብ አየ ትሳረው ምን እንብል ዲብ አቅሊሞም ወደዋሒሆም ቱ። ዲብ ዐመልያት ጅረሕ ምን ነሀድግ እብ ደረጀት ወጠን 25 አልፍ ዐመልያት ወደው፡ ምን እሎም ለ15 አልፍ ዲብለ እስብዳልያት መርጀዕየት ገብአ። እሊ እብ ምእታይት 55 ቱ ለ45ምእታይት ዲብ ናይ አቃሊም እስብዳልያት ገብአ። እሊ ሸዐብ ዲብ አስመረ ሌጠ

ልትጫቀጥ ክም ኢሀለ ለወዴሕ እናቱ እብል።

ሰኣል፦ ስትራቴጅያይ ኤታን ውዛረት ዓፍየት ሀዬ ሚ መስል?

በሊስ፦ ለውዛረት ዓፍየት ትሸቄ እቡ ጸንሐት ወጠንያይ ስትራቴጅያይ ኤታን ምን 2010 አስክ 2016 ፋግር ለዐላቱ። እሉ ክም አትመመት ምን 2017 2021 ለገይስ ሀለ። አውለውያቱ ደሐን እማት ወአጀኒትቱ። መዳፍዐት ወራቀቦት ለለዐዴ ሕማማት፡ መዳፈዐት ወራቀቦት ክምሰልሁመ ሳረዮት ለኢለዐዴ ሕማማት ሸምል። እበ አዜ እንርእየ ሀሌነ

ክድመት ዓፍየት ወመትመዳደ ዲብ ኤረትርየ ዲብ እለን እት ገበይ ዐቦት ለሀለየ ድወል ጾር ናይ ለልዐዴ ሕማማት ምኑ እንዴ ኢለአባርየ አዜ ሀዬ ለኢለዐዴ ሕማማት እክቡደን ሀለ። ከእሊመ ዋጅብ ሕስር ልትሀየብ ሀለ። ነዳፈት ኖስ ወድዋር፡ አደቃብ ንዛም ዓፍየት፡ አትሓያስ እዳረት ክድመት ዓፍየት፡ እብ ዓቢሁ ሀዬ ዕሙማይት ክድመት ዓፍየት እት ክል አካን ዲበ እብ ሰርገል በርገሽ እግል ኒበል ለመሬሕቱ ለስትራቴጅያይ ኤታንነ። ምን አፍገርናሁ ሀዬ ሰነት ለገብእ እድዉራም ሀሌነ እግል ንሽቄ እቡ ምን አንበትነ።

ሰኣል ፦ ለልትሸቀየ መአሰሳት እብ መቅደረት አዳመን ወኣላተን እግለ እሉ ከድመ ሸዐን ለበቄዕ እንዴ ገብአየ ልትሸቀየ ሀለየ ትብል?

በሊስ፦ ክለን መአሰሳት ኣበ ምቅያስ ውዛረት ዓፍየት ልትሸቀየ። ክል መአሰሰት ሚ ክድመት ተሀይብ፡ ሚ መስል ኣላት፡ አድውየት ወሰብ ምህነት ለሀሌ እለ እሙር ወቅዩስቱ። ንድቀት ቤት ሌጠ ኢኮን፡ ለመቅየሰን እግል ልብጸሓሁ ጅህድ ገብእ ወእግል ኢልሕለፋሁመ መራቀበት ትገብእ።

ሰኣል፦ ዲብ ናይ መስቀል ቀዬሕ ክድመት ዓፍየት ለመጽአ ተቅዪር ሀዬ ሚ ሀለ?

በሊስ፦ ክምለ ክልነ ነአምረ እት ሕዱድ መዳይን ሌጠ እብ መቅደረት ሕድት ገይስ ጸንሐት አዜ ላኪን ለስያሰት እብ ሐዲስ ትትረኤ ሀሌት። ከፎ ክድመት ባቅዐት ወምቅርሕት ለሀይብ ልትደረስ ሀለ።

ሰኣል፦ ተሐድያት ውዛረት ዓፍየት ወክሩይ ለሀለ ሐል ከፎቱ?

በሊስ፦ ዲብ ሽቅል ክለ ታመት ለትበሀል ኢሀሌት። ዲብ ዐድነ ዕልብ ናይ ሰብ ተኸሱስ ሑድ ቱ። ምስለ ብዕድ ለሀለ እነ ምህናት ዶል ልትረኤ ሑድ ቱ ለሀለ። እሎም ሰብ ተኸሱስ እንዴ በዝሐው እሊ አዜ ዲብ አስመረ ሌጠ ለልትሀየብ ክዳማት ሰብ ተኸሱስ ዲብ ክለን አቃሊም ክም ልትረከብ እግል ልግበእ ሀሌት እሉ። እሊ ምነ እግል ንትባለሕ ምኑ እንሸቄ ለሀሌነ ተሐድያት ቱ። እግል መሰል ክም ናይ ዕንታት፡ ናይ ዐጭምት፡ ናይ ዐመልያት ጅረሕ መስል እት አቃሊም ክም ለሀሉ ወልትነሸሮ እግል ልግበእ ውዛረት ትጻገም እቱ ለሀሌት መጃል ቱ።

ሆስፒታል አቁርደት

7ገጽ12ይት ሰነት ዕልብ 25 አርቡዕ 12 ጁን 2019

መሐመድ ዳፍለ

ኣሳር

እለ ሕ ላ የት ፡ ም ን ሔል የት ዐድ ተክሌ ስ መስመር ወድ ገ ዳይ ን ፡ ለሐ ለ የ ሕ ላ የት ተ ። ከ ህቱ እሲቱመ ፈቄራይት ተ ክምሰልሁ ፡ ከ አ ጊድ እ ግል ትቅ ነ ጽ እ ንዴ ቤ ለ ክ እ ነ ሐ ለ እ ግ ለ ፦

ሐሶሲ ወሐጀ ፋዝ ዕቱ ለፌደለመዕጉጅ ወለ ከ ባ ሪ መምበ ወ ለወሬ ዘ

እት እዲ ነ ለኢት ገብእ ዲብ አልኣ ክ ረ ግጤ ተእ ሳት ጸ ላም እ ንፈ ር ህ ባ ሮት እብ ለ ልሜተ

ጽልመት ቀብር እ ንፈ ር ህ አ ክል - አ ክል ለሕዴደ“መን ረ በ ክ ” እ ን ፈ ር ህ መለክ አል ርግሁ ሽቴተ

ስራጥ ጻብጥ እ ንፈ ር ህ ክልኤ ገብ እ ለኬደላሊ ለኬ ረ ም ን ቀ ር በ ለ ሸዋጢ ነ ም ን ጌ ሰለኢወድየ ዲብ ህ ለ ኢረ ክ በ ክም ጌ ሰ ።

እ ንዶ ትጋሜ ነ ን ዒ ወሐጀ ኢን ስ ከብአፎ ለሞት ኢትፈቅዲ ምሴት ለ እ ለ ትትወረብአፎ ለ ስራጥ ኢትፈቅዲ ለ ሽ ክ ነ በ ነ ትት ገ ረብ

አፎ ለ እ ሳት ኢትፈቅዲ ለማደ ለ አጀ ሀ ነ ብእሊ ምድር ንሕደ ጎ ሴመ እም በል ንት ከ ለብ

ለኢወደወ እት ህ ለው ፈ ን ጎሕ እብ ሚ ትትረ ከብ ።

መስመር ወድ ገ ዳይ ን እት መን በሮ እዲ ነ ወመትከማል ነ ፍ ስ ህ ዬ እ ለ ለተሌ ሕ ላ የት ሓሊቱ፦

ቦጀልተ ነ ብ ረ እዲ ነ ጥ ዕም ኢኮ ን ወመራርፈዳብ ነ ፍሱ ነ ዌ በ ለ አ ግዶዴ ባ ም ን ቅራርዲብ ዕ ባ ደት ነ ዌ በ ስ ካብ ከ ለ አ ወአ ክራር

ዲብ ጾም ነ ዌ በ ሐኑ ክ ከ ለ አ ወ ዕ ዳ ርዲብ በ አ ስ ነ ዌ በ ሐጺን ጻብጥ ወጽራርዲብ ግ ን ዐጽ የ ህጅክ ከ ለ አ ወአምሐባ ር

ረ አ ስ ፋዙቅ ልት ገሴ ረ አ ስ ሐቂቀት ወሐላልሰልም ወ ለት ሐውር የ ዎ ዳ ር ሳ ልሕ ወድ ድራር

ምንዲ ተ ዐብድ ትር እያ ቱ ጽሙእ እ ንተ ሐን ዕ ዛ ልሕረጽ ብእተ ወሓትም ጋሙስ ብእተ ወሕያርለ ዘ ባድ ምን ለኩኩ ትወዴ ዲ በ እብ ክ ላልሔለተ ኒ ነ ፍሼ ከ አቤት እል ዬ መትከማል።

እት መትአንባት ሰላሳታት

ሰኣል ይማም እግል ዐቦት መዲነት

አስመረ እህትማም እንዴ ተሀየበዩ፡

እብ ዘበናይ ሸክል ሀንደሰት

ብነእ እግል ልትሸቄ ስታት እት

መዓል እግል ልውዐል ቀድረ።

እት መዳይን ለልትበኔ ሐዳይስ

መባኒ ወእግል ለአምጽኡ ለቀድር

መሻክል እት ጌማም እንዴ አተ

እብ ዕን እድንያይ መትጻገት

አግደ ለልአትሐዙ ሓጃት እግል

ልትዳለው፡ እግል እሊ ህዬ እት

ምልእት እዲነ ለህለየ መዳይን

ለልአትሐዝየን ጠለባት እንዴ ትረአ፡

እግል ወድ አዳም ለልአትሐዜ

አግደ አሳስያይ ሓጃት ለመልክ

እግል ልግበእ እት ሐያት፡ አምር

ዐቅል፡ ነዳፈት ድዋር ለስካን፡ እብ

ሰበብ ትሩድ ቀዋኒን ለበ እዳረት

ወመራቀበት እብ ኢሀለዮተ ስታት

እት ሽቅል እንዴ ኢልትዐዴ እግል

ኢልትረፍ ወእት ብቆት እግል

ኢልትከሬ ለልብል ቱ። እብ

አሳስ እሊ ህዬ፡ እት ሰነት 1933

እብ ቻርተር አቴንስ ለልትአመር

ራብዓይ ለዐበ እድንያይ ወዐለ

ለዐለት ፊና ዘበናይ አምር ብነእ

እት ሽቅል እግል ልውዐል ይማም

ፈግረ።

አግደ ሽከረትለ አዋጅ ህዬ

መዳይን እብ አቃሊም እንዴ

ካፈልከ እግል መንበረት፡ ሽቅል፡

ፋግዖት ወሰፈር እንዴ ትበሀለ እግል

ልትካፈል አርበዕ ዐባዪ ንቃጥ

ሐልፈ። እት ወክድ እስትዕማር

ጥልያን ተክጢጥ መዳይን ምን

ሰነት 1913-1938 እተ ለዐለ ወክድ

ቱ ለትዳለ። ለአግደ መሀንድሲን

ጥልያን እተ ወክድ ለሀይ ለዐለው፡

ኤድዋር ዶካ ካቫኛሪ ፡ቪቶሪዮ

ካፌሮ ወጊዶ ፌራዘ ለልትበሀሎ

ቶም። ምን እሎም ለትሰመው

መሀንድሲን ወመከጥጢን ካቫኛሪ

ለህቱ አዳለዩ ተክጢጥ እት ፈናታይ

ለተንከበት ነዘርየት ሰበት ዐለት

እቱ፡ እት ጅንስ አዳም ለተንከበ

እግል ልግበእ ለአፍገርዩ ይማም

እት ሽቅል ወዐለ። እብ አሳስ እሊ

ህዬ አስመረ እት ሰነት 1930 እት

አርበዕ ዞን አው አሕየእ ትካፈለት።

እሊ ህዬ አወላይ ዞን፡ ሸዐብ እብ

ብዝሔ ለነብር እቱ፡ አብያት

እብ ንዝምት ብንየት ትሕትየት

ለኢትዳለ እቱ እት ገብእ፡ ለእብ

ድያጎናል ብሎክ ለልትአመር

ድዋር ህዬ እግል ሸሪካት ለገብእ

እንዴ ትበሀለ ለትፈንተ ዐለ።

እብ ቪላ ለልትአመር ድዋር ህዬ

እግል ውላድ አሮበ እንዴ ትበሀለ

እግል ልትጸበጥ ለትሰተተ፡ ጥዉር

ዐዳጋታት፡ ንዙም እዳራት ወአካነት

ትጃረት ለከምክም እት ገብእ፡ ኩሉ

ሸዐብ እብ ሕበር ለልትነፈዕ ምኑ

ዞናት ዐለ።

እትሊ አካናት እሊ ለገብአ

መአሰሳት እብ ጅንስ ጅንሱ እት

ገብእ፡ መራክዝ ዓዳት ምስል

ብዝሔ ለበን አፓርተማታት

ለከምክም ዐለ። እት ሰነት 1937

ንዛም ጥልያን ተክጢጥ መዲነት

ለከስስ በርናምጅ ወሀደፉ ለቡ

መሳጢር መዲነት አስመረ

ምስል ሓድር ቴለል ለኢልትመሳኔ

እግል አስሐባቡ ሌጠ አሳስ ለከረ

እት ፈናታይ ወጅንስ ለተንከበ

መምሬሕ አወጀ። ምነ አዋጅ

ኤረትርዪን ሌጠ ለነብሮ እቱ

ድዋር ሐደደ። እብ ሰበብ እሊ

ህዬ ለመንበረት ምግባይት ለዐለት

እግሎም ኤረትርዪን አስክ ቅብለት

ምፍጋር ጸሓይ መዲነት አስመረ

ክም ልግዕዞ ወደ። ክምሰልሁመ

እት ሰነት 1938 እብ ቪቶርሪዮ

ካፌሮ ለልትበሀል መሀንድስ ፕላን

እንዴ ትዳለ ተምመ። ፋሽሽታይ

ፍክር እግል ውላድ ምድር ምን

ጸዓዲ ለነብሮ እቱ ድዋር እንዴ

ተዓረው እብ በይኖም ክም

ልትፈንተው ወደ። ናይ መሳኔዕ

ወተጃረት አካናት ትፈንተ፡ እተ

ወክድ ለሀይ ገሌ ሑዳይ ምን

ተዕሊም ወፈዛዐት ለዐለ እግሎም

ዐሜካሊ (ውላድ ዐድ) ምስለ

ጥልያን እግል ልትዓመሎ ተአጀዘ

እግሎም። መስከብ ውላድ ዐድ ህዬ

ሰኒ ወአማን ክም ረይም ገብአ።

መዲነት አስመረ ሐቴ ምነ እብ

ነዳፈት ለልትሸሀድ እለን መዳይን

ዐለምተ።

ልተላሌ…..

8ገጽ12ይት ሰነት ዕልብ 25 አርቡዕ 12 ጁን 2019

ረመዳን ታይብ

ሸባብሕዱግ ስሌማን

እብ መሕበር ወጠን ሸባባት ወደረሰ ኤረትርየ ለትትዳሌ ሰፍሐት

ሕላሌ ለፈትየ አለቡ፡ ምናተ ብዝሓም ሸባብ ብዞሕ መሕለኪት ዶል ሳድፎም እዴሆም ሰበት ለሀይቦ

እበ ሳድፎም መሻክል ለአጀግሖ፡ ምናተ ገሌ ምን ሸባብ ለትሳድፎም ስድት እት ልትዐደው ለከቱቡ

ክቱብ አክልአዪ መቅደረት አቤኮ እግል ሕላሌ ክም ቦም ቱ ለልአክድ እግልከ። ከእግል ዮም እት

ሰፍሐት ሸባብ ገሌ ምን እሊ እግል ንቀድም እግልኩም ቱ።

1, እት ጋብሆት ተሐዲ ሐያት መትረካብ

ዎሮት ሻብ እሊ ለተሌ ጦግ ካትብ ዐለ፡ ጽበጥለ ጦጉ ዶል እንገኔሕ ክእነ ልብል።

እዲነ መድረሰት ታመት ተ፡ ከራሪስ ወመደርስ ለኢተሐዜ ክም ተ አስክ እሊ ባጽሑ ለህሌኮ ዕምር ሸ’በት እበጼሕ እት ገሮብዬ ርኢሀ ህሌኮ። እግል ሚ አነ መራረ እንድኢኮን ጥዕመ እግል አትዳውር አስክ እለ ባባታ ፍቶሕ እግልዬ ሰበት ይህለ። እብ ዕምር ብዞሕ እትለ እተ እነብር ለህሌኮ እዲነ ምንመ ኢቀደምኮ፡ ምን ሐምቅ ብዞሕ እግል ልሳድፈኒ እተ ክም ቀድር እሊ ወብዕድ ባርህ እግልዬ ህለ። ንኡሽ እት አነ ወእለ አዜ ለህሌኮ እተ ደረጀት እንዴ ይእበጼሕ ብዞሕ ሳድፈኒ ሰበት ዐለ፡ እግለ እት መስተቅበል ሐያቼ እግል ልሳድፈኒ ለቀድር መጋድእ ወዐዛብ እዲነ መቅጠን እንዴ ወዴኮ እግሉ እግል ሄርር ልቡይ እቡ አነ። እግልሚ ክምሰለ ብዕዳም አግሩዝ ወአጄንያም “አባይከ ሕልብዬ” ለትብል ጥዕም ወናይ ዋልዳይት ክርን ምን ጽባብሐ ሕሰ እንዴ ይእሰምዕ ሰበት ዐቤኮቱ። እት እትሻንሀ ወእርከበ እት እፈቴ አክለ ብዕዳም እግሎም ትሰናቄት፡ እብ ሰፈላለ ወሓዚሀ ዕንታቼ ዐናቤዕ እት ዘሬ ወሸርብ ወክርንቼ እት ትትሐዘዝ ወትከርብ ሓልፉ ሰበት አነ።

ምን እሊ ሻብ እሊ ክልኤ ምህማት ንቅጠት እንርኤ። ለሐቴ ይትምነ ምን እሙ ወለካልአይት ህዬ ጋብሆቱ እግል መሐለኪት እዲነ ልትርኤ፡ ለዐቤት ንቅጠት ላኪን እሊ ክሉ ምን ለሀሌ እዴሁ ክም ኢለሀይብ ለልአክድ ንቃጥ ልትረከብ እቱ።

2. መትዐዋት ግረ ሰባት እት መባጥር

እሊ እት ዕልብ ክልኤ ለህለ ሻብ ህዬ እንዴ ሰምደ ወክሉ ተዐደ ሀደፉ ለበጽሓቱ፡ እተ ታምም

ጽበጥለ ክቱቡ ዶል ንትዐዴ ክእነ መስል ዐለ።

መድረሰቼ እተ እግል እፈድብ ህለ እግልዬ ለልብል መብደእ እንዴ ጸበጥኮ እብለ እት አታፍእ እንዴ ሐግሐገ ለአበሽል እግልዬ ለዐለ አቡዬ እት እሰዴ እብላመ ህዬ ለንኣይሽ ሐውዬ እት አትመቃሬሕ ለሓልፍኩዎ ዘበን ሰበት ልትዘከረኒ፡ አናማ ኢሐመቅኮ፡ ረቢ ለጀብሬኒ እተ ሐያት ናዬተ እንዴ እቤ ሰበት ትከበትኩወ ለእለ መረት ምን መረት ወእለ ትሰደደት ምን ትሰደደት ከሀላት ወሰብር እግል ኢዴ እግለ ሰበት ዐለ እግልዬ፡ ከሀልኩወ ወአስበርኮ እግለ። እለ እተ ለህሌኮ ደረጃት ወአካን እግል እብጸሕ ህዬ አሳስ ለከሬት እዬ ዐለት።

3. ሕግላን ምን ጽጋብ ለልትሐሬ እቱ ቴለል

እሊ ሻብ እሊ ገሌ ምነ እግል ልብጽሑ ለሐዜ ለዐለ ሀደፍ እት ሐያቱ እግል ልብጽሑ ምንመ ቀድረ፡ ጠዐም ወለዘት እዲነ ሰአነ፡ ምስለ በዲር ዐለት እግሉ መንበረት እት ለአትቃርን።

ክሉ ትበደለ! ለንኣይሻም ሐውዬ በርእ ደሚር እንዴ ጸብጠው መጦርዬ እተ አታፊእ እንዴ ትገሰው አከለት እት እረውሬ እግሎም ወለ ፈሎሽ ልብል ለዐለ ማይለ ሕለት ክም ወሓይዝ እንዴ ሐሰብኩዉ እዳግም እግሎም እት ህሌኮ ልትረይሖ ወልትበሰጦ እቱ ለዐልው ወክድ፡ አነ ሰላምዬ ወምራጄ እንዴ ሐብዐኮ ለእግል ልትፋግዖ ወልትረይሖ እከልቁ ለዐልኮ ቴለል ዮም እብ ማል ኢልትረከብ። ዮም ሌሂታት ወኢረይሐዮም ዐለ፡ እግልሚ ዝያዳዬ እዲነ ፍህማመ ሰበት ህለው። እምበል እሊታትመ ዝሩፍ እዲነ እንዴ ዐሬት እቦም ገሌሆም ምድር አሬመ፡ ገሌሆም ዓፍየት ሰአነ ወገሌሆም’መ መስኡልየት እንዴ ከብደት እቱ እትለ እዲነ እግል ልንበር ኬን ወእንሰር ልትሳስዔ ሰበት ህላቱ።

ሕቅፍዬ ማሌ እብ ሕግላን ቅሩር ምንመ ዐለ፡ ዮም እግል ሓፍኑ ምን እቤ ቀዲር አቤኮ። እግልሚ ሌሀ ሓለት ሌሀ፡ ሕውትነት፡ ፈተ ወረሐመት ለዐለት እተ እብ መስኡልየት ሐያት ለኢትሽዕር እተ እት ዎሮት ዐርቀይ ሐቴ ድርዕቶ ባልየት እንዴ ለበስከ ለትሓልፈ ሐያት ሕበር ሰበት ዐለት፡ ምነ ገርም ወልሓፍን ይህለ። ዐቢ እግል ምንኣሹ ለልሐስብ እተ ወንኡሽ እግል ምዕባዪ ለፈቴ ወለልሓሽም እተ ኢነት።

4. ዘበን ህዳዩ ለሓለፈ ወእግል ልህዴ ለቀረረ ሻብ

እሊ ሻብ እሊ ዕምር ለእግል ልህዴ እቱ ለወጅቡ ሰበት ሐልፈዩ ምን አዳሙ ወድዋሩ መጽኡ ለዐለ አትፋዝዖት ወሐብሬ እቡ እንዴ ሸዐረ ምስዳር እግል ልንሰእ እት ልዳሌ ለልሐብር ክቱብ ቱ።

እለ ሓስደት ዘዐት እብ ትሉሉይ ዳግመ እግልዬ ሰበት ህለ፡ ለድግምነ እተ ውስዋስ ገብእ ሰበት ህሌት፡ ሰኒ ወአማን እትርህቼ ህሌት። ምራጄ ብዞሕ ሰበት ዐለ ወሄራር ሐያቼ ልሰዕ ሐቴ ምስዳር ናስእ ምኑ ሰበት ይህሌኮ፡ ለህግያሁ እንዴ ፈቀድኮ ነፍሼ እተ እንዴ ትወለብኮ እተ ማጽእ ለህለ ተቅዪር እገኔሕ ወእግል ህዳይ ታምም ወሓልፍ ክም ህሌኮ አክድ ምነ። “እሊ በስ ዋጅብዬቱ፡” ምን እብልመ ብዞሕ መሐለኪት ህለ። ምናተ እሊ መሐለኪቼ እግል እፋትሕ ኬን ወእንሰር እብል ህሌኮ፡ ዝሩፍ፡ ናይ አማን መልሀይ ወብዕድ እት

ወግም እንዴ ኣቴኩዉ። ክትር ለእግለ ህሌኮ ወለ ናይ ዋልዳዬ ድቁጣት በዝሓ እቼ፡ ምነ ሐስቡ ለዐልኮ ፍክር እት ገሌ ንቃጥ ተቅዪር ዋዲ ህሌኮ። እግል እለ ናዬ ለትመስል ሐያት እበ ለሐልፈት አንሳይት ምን እረክብ፡ ህዳይ ፋሻት ወክእነ አነ ለህሌኮ እተ ደረጀት ሽቅል ለወድዉ ዐዙማት ወፈረሕ እንዴ አወለጥኮ ምኑ ሰለስ ነፌራይ ለበ መናሰበት እንዴ ወዴኮ እግል አትምሙ ወይአቤኮ። መድሐር እሊ ዕምሩ እግልነ ለሓለፈዩ አቡዬ እግል እርከብ እንዴ እቤ፡ ክሉ እግል ኢዴ ዱሉይ ህሌኮ። ዮም ለማሌ እት ሐለመ ለዐልኮ

ሐያት ኢኮን ሕልምዬ፡ ከፎ ፍጃን ማይ እንዴ ትካፈለት ምስልዬ እለ እዲነ ለትጋብህ አንሳይት መልሀይ እረክብቱ፡ ነሰበ እት ወግም እንዴ ይኣቴ፡ ገበይ ረቢሀ እንዴ ጸብጠት እበ ቅድረቲተ ተሐይስ ተሐምቅ ለትብል ተ። ምስልዬ ወእሊ እብ ሰበቱ ስካብ ስእን ለህሌኮ አቡዬ እብ ሽቅ’ለ ወረሐመተ ምራዱ ለተአተምም እግልዬ አንሳይት ሐዜ ህሌኮ። እሊታት ወብዕድ ልብዬ ሰበት መልአ እብ ክእነ ሐያት ለሐልፈት አንሳይት አክለ ረከብኮ ጸልዕነ ምስል እግል ንስፈፍ እንዴ እቤ፡ እንዴ ይሐብዕ ወይእሰትር ታሪክ ሐያቼ እዳግም እግለ ህሌኮ።

5. ሰአየት ለበትከ ሻብ እብ ትሉሉይ እሰአለኪቱ

ለዐልኮ ሰኣል ሐቆ ከም ዐንኮላል ክም ከበትክዩ፡ አናመ እት ገለጄ እንዴ ሐጠጥኮ ምስልኪ እኪት

ሸባብ፡ አቤኮ እግል ሕላሌ ዶል ለአሰምዖወሰኔት እግል ሓልፍ ነዌኮ ከትበገስኮ። ምናተ ለእብ አቡዬ መጸኒ ለዐለ ሰኣል እግል እብለስ እንዴ ትዳሌኮ አስክ ዐድ ብጉስ እቱ ለህሌኮ ወክድ ሓለትኪ እምምእቼ ይህሌት። ለእግል ስኒን ብዞሕ እት ሕድ እንልእኩ ለዐልነ ረሳይል ተለፉን (massages) እግል ትምስሕዩ አንበትኪ፡ ናይኪ እንዴ መስሐኪ ናዬመ ክም ለዐሬ ወዴክዩ፡ አፍካርኪመ ረዪም ለአቅመተ መስል እቼ ህለ፡ “ሓለት ዐጄ እንዴ ይአትሓየስኮ ህዳይ ለልቡሉ ይሐዜ!” እት ትብሊ አንበትኪ። ዮም ህዬ እሊ ክሉ እንዴ ተርፈ፡” ሚ ገብአከ ይአተሰልከ?” እንዴ ትበይ ተሐርቂ እቼ ለዐልኪ ተለፉንኪ እግል ትድብኢ ምንዬ አንበትኪ። መምክን እት ሽቅል ተሀሌ እንዴ እቤ ምን ሽቅልኪ አስክ ትትፈደሲ ወተዓርፊ እንዴ እቤ ለወዴኩዉ ጀርቤ ፈሸል ሳደፈዩ። መምክን ዝሩፍ ኢሰምሐት እግ’ለ ገብእ እንዴ እቤ፡ ምን መልህያምዬ ማጽእዬ ለዐለ ረሲድ ነድአኮ እትኪ። እሊመ ምርኤከ ከበሩ ከበር ይአምጽአ። እሊ ወብዕድ ናይኪ ክም በዝሐ ሰበት ሐበሬኒ፡ እለ ናይ ደንጎበ ርሳለት እንዴ ነድአኮ እትኪ የም ስካብዬ ገብአኮ። “መዐሌሽ እረብሸኪ ህሌኮ መስለኒ፡ እሊ ገብአ ምንገብእ ኢትጽበጢ እግልዬ፡አስክ እለ እበ በሊስ ይሀብኪኒ እት ሽቅል ወረሲድ ሰአንኪ እንዴ እቤቱ አመቼ ለኢወዴኪ መስለኒ ዐለ። አዜ ላኪን ምን ረብሸቼ እግል ተአባሪ ተሐዚ ክም ህሌኪ ፍህም ህሌኮ፡ ዎሮት ልቡ ገብአኮ! ዎሮት ልቡ ለመዐነት ኢለአዳውር፡ ላሊ በኪተት!”።

እሊ ሽባብ እሊ ለእግል ህዳይ ለሸንሀየ ሻበት ሚ ሳድፈ ህለ እንዴ ኢደሌ ሰአየት በትከ ወክም ኢትሐዝዩ እንዴ ጌመመ ልቡ እኩይ እት እንቱ ትሳርሐ ምነ፡ ምናተ እት ሐያት ክል ዶል እግል ትጀርብ ህለ እግልከ፡ ወክል ኢነትመ እብ እኩይ እግል ትሕሰብ አለብከ ክምሰለ መሰል ዐረቢተ “አልቃይብ ቤ ዕዝሩ” እት ሂገ ትግረይትመ፡ መሳፍር ግብቱ ኖሱ ልዳግመ ትመስል። ሰአየት ኢበቲክ ጽዋር ዐውቴ ቱ።

ከምን እለን ሐምስ ንቅጠት እለን ወሽዑር ለትፈናተ ሸባብ አቤኮ እግል ሕላሌ ለቤለው ወደረጀት ለበጽሐው ሸባብ፡ ሐያት ወመሐለኪተ ለኣመረው ቶም። ሰበት እሊ ዶል ተሐዲ ሐያት ኤማን ወሰብር እንዴ ተዐንደቅነ ጋብሆተ፡ዶል በቲክ ሰአየት ኤማን እንዴ ተዐንደቅነ ሰአየት ውድየት፡ ዶል ቀራር ንስአት እንዴ ሀድአነ ወሐሰብነ መትበጋስ፡ ዶል ትዕስ እግለ እለ ብነ አልሐምድልላህ ብህለት ወምን ሐዲስ መትበጋስ ገሌ ምነ እግል ለሀሌ እግልነ እብሊ ህዬ አቤኮ እግል ሕላሌ እግል ኒበል ብነ።

9ገጽ12ይት ሰነት ዕልብ 25 አርቡዕ 12 ጁን 2019

• ዎሮት ጠማዕ ላቱ ታጅር እግል ዎሮት ጀኔታይ፡ እብ ከም ትሸቄ ምስልዬ? ቤለዩ። ለጀኔታይ ህዬ፣ እብ ነብራዬ ቤለዩ። ለጠማዕ ታጅር ህዬ፣ ወምን እሊ ህዬ ቅሩብ ሚ ትከሬ ምንዬ ዶል ቤለዩ፡ ለጀኔታይ ህዬ፣ ከላስ እለ ምን ገብእ አትኒን ወከሚስ እግል ኢሱም ቱ ቤለዩ ለተበህል።

ዩስፍ እድሪስ አሚር

ተበሰም

እብኒ ጦሎን ለልትበሀል

አሚር ወልዱ እግል ለአድብ

ሰተተ። ለጀናሁ እት ነብረ ሰኒ

ግሁፍ ነበረ፡ ከሐቴ ላሊ ዎሮት

ምነ ውዘራሁ እንዴ ነድአ እቱ

አዲግ እብ ሸፋግ ምጸኒ እቡ

ቤለዩ። ወአስክ ዲብዬ ትመጽእ

እቡ ነብረ ትትበሀል እተ እዴሁ

ኢተአክርዩ ቤለዩ። ለወዚር

ዲብለ ጀነ እንዴ ጌሰ፡ ለአሚር

ነቅመከ ሀለ የለ አዜ ዲብ እንቱ

ጊስ ከስምዑ ቤለዩ። ህቱ ህዬ

ከሐቴ ዶለቲት አምህለኒ ነብረ

እግል እብለዕ ቱ ቤለዩ። ለወዚር

ህዬ ክመ እለ እብላከ ህሌኮ አዜ

ዲብ እንቱ ጊሱ ቤለዩ፡ ለጀነ

ጌሰ፡ ወእተ ናይ ጸብሬ ቃዐት

መደት ረያም ትጸበረ፡ ወእትላሁ

እት እንቱ ሰኒ ሰፍረ።

ሐቆ መደቲት አቡሁ የለ

ዲብለ ቅርፈት እተው ቤለዮም።

እተ ቅርፈት ዶል አተ አንዋዕ

ምን ነበሪት ለከፊፍ ክም ከረ

ጅርጂር ወሰለጠት ወጪፎት

ወእሉ መስል ክሩይ ጸንሐዩ።

እሊ ነበሪቱ እቱ ትከረ ወአስክ

ከብዱ ከበሮ ትትሳደድ ተማም

በልዐ። ወግድም ምነ ሃፈቶት

በርደ። ሐቆ እለ ለአሚር

ለጀነ እት ብዕደት ማእደት

ምን ለሔሰ ነበሪት እብ ክል

ዐይነቱ ለትመለአትወለአሚር

ኖሱ ምስለ ውዘራሁ ወብዕዳም

ፈተቹ ለትዐግለው እተ እግል

ልትገሴ ነቅመዩ። ለጀማዬዕ ዲብ

እሊ ነበሪቶም ብስምላሂ ቤለው፡

ወህቱ ህዬ እዴሁ ጸብጠ ወትም

ወደ፡ አቡሁ ህዬ ሃልካቱ አፎ

ኢትበሌዕ እት ልብል ትሰአለዩ።

ጸግብኮ ወብዕደት ለሔሰት

ወለጠዐመት ነብረ ክም ህሌት

ኢደሌኮ ቤለዩ። ለአሚር ህዬ

በል ስምዐኒ፡ አነ እንተ እት

ሐያትከ ለኢትትረስዑ ደርስ

እግል አድርሰከ ምን ሐዜኮ ቱ

ለትላኬኮከ፡ እንተ ሐቴ ከብድ

ተ ለእለ ብከ፡ ከእለ ሐቴ

ከብድከ ምን ሰለጠት ወጬፎት

ወእሉ መስል መለእካሀ ምን

ገብእ፡ እግለ ብዕድ ለጥዑም

ወሕሩይ ነበሪት አካን ኢተርፍ

እተ ቤለዩ።

ከወቅትካመ እተ ሐምቅ

ወመንፈዐት ለአለቡ ጋራት

ሓለፍካሁ ምን ገብእ፡ እግል

ወቀይ ወጸገም ትሩድ ለገብእ

ወቅት ትስእን።

በሀል

እሙራም• “ምን ፈርሀት እግል

ተአባሬ ዶል ሐዜከ እት ቤት እንዴ ትገሴከ እብ ክሱስለ ጋር ኢትሕሰብ፡ ምነ ቤት እንዴ ፈገርከ እብ ገሌ ሰንዐት ትሻቀል።” (ዴል ካርኔጂ)

• ለትወቀለ ሀደፍ ናይ እለ እዲነ፡ አምር እንዴ ኢገብእ ውዳይ ቱ።” (ቶማስ ሀንሪ)

• ሐጠር እንተ ክሎም ለመስሉከ ጋራት እግል ቲበል እንዴ ኢትገብእ፡ እንተ ለእሎም ትብል ጋራት ዶል መስሉካ ቱ።” (አርስቶትል)

• አከይ መጋብእ ዶል ትትገበእ እብ እሱወ ገበይቱ ገብእ ለአከርዬ እትፍዴ እት ትብል ኢትሕሰብ፡ እብ ዕግልት ገበይ ወእት ረድ ራቴዕ ሕሰብ፡ አደብ ዕቁል ልትመጣወሩ አለቡ። (ጃን ጃክ ሮሶ)

• ለሔሰት ምስልከ ለህሌት ዶል ተሀይብ፡ ለሔሰት ምስል ብዕዳም ለህሌት ትረክብ። (መሃትመ ጋንዲ)

• አባይከ እብ አበ ኢትትቃርሑ፡ እብ ሰኔት ሌጠ ዋጅሀ፡ እተ ዶል ለሀ ህቱ እት ፍንጌ ክልኤ መራር እግል ልትሐኔቱ፡ አው ሸሩ እግል ልክፌካ ቱ፡ አውመ ህዬ እግል ልክጀልቱ ወምን ዐዶከ እት ሰዲቅከ እግል ልትበደል ቱ። (ቃዚ አልቅሴቢ)

ተርጀመት መሰልአምሳላት ክል ዶል ዐቢ ወፋዬሕ ተርጀመት እብ ሐጫር ገበይ

ለለሓልፎ ዎሮት ምነ ሰኒ ምህማም ላቶም አግቡይ ሂጋቶም፣ ከሂጋ ትግራይት ሐቴ ምነ ሰኒ ብዞሕ ወምህም ላቱ አምሳላት ለበን ሀገጊት ሐቴተ። ከእግል ዮም እለ ተሌ መሰል ምስል ተርጀመተ እዱሉያም እግልኩም ህሌነ። ለተርጀመት እብ ኬትባይ ለትሀየበት ሰበት ተ፡ እብ ጀሀትኩም ኢፋላ እለ ክም እላተ ለትብሎ ዶል ተሀሉ፡ እብ ዕንዋን እለ ጀሪደት ንድእዎ ዲብነ።

“መጥሐን ለእለ ለሀዩበ ኢተአቤ፡ ዳቀይታ ምን ኢትትሀኬ”ለገብአት ጋሪት እት ደንጎበ ፍገሪት መፍሬ ላዝም ኢተሐግል፡

ለአግደ ምህም ጋር እተ ጋሪት ክሱእ ለሀለ ነፈር ሌጣ ቱ። እሊ ነፈር እሊ እት ክሉ ለእቱ ልትፈረር መጻግም ዕጹም ወብሹል ገብአ ምን ገብእ፡ ለእተ ፍሩር ሀለ ወራት ላዝም ቱ ፍሬ ለትረክብ። እግል መሰል ኒበል ገርሀት ብነ፡ እለ ምድርለ ገርሀት እበ ተአስታህል ለራዕየ ወሰኒ እንዴ ሐርሰየ አስክ ዶል በቲከ ወኣተዮተ ሰኒ ለጸብጠ ሐረስታይ ዶል ትረክብ፡ እት ደንጎበ ወለ ምን ተሐምቅመ ድራሩ

ኢትስእን እሉ።

ዝበድ ዘዖታት

እንቆቅሐት ምን አንክር ከደን ትሰበረት ምን ገብእ አክተመት፡ ወምን

እንክር ከርሰ ትሰበረት ምን ገብእ ለእዲነ አዜ ተአነብተ ህሌት፡ ከክሉ

ለቢብ ላቱ ለጋራት እግል ልበድል ትበገሰ ምን ገብእ እት

ሰልፍ እት ከርሱ ለሀለ ተየልል እግል ልበድል

ወጅቡ።

ጠዓሞእግል ብዕዳም እብ ከፎ ትከስቦም? ዎሮት በዐል መቅደረት ክመ

ለሐብሩ፡ ለገብአ ነፈር እግለ ትወጅቡ ሕሽመት እብ ቀላል ገበይ እግል ልርከበ ቀድር፡ ከለተአስትህሉ ሕሽመት እግል ልርከብ ገብአ ምን ገብእ፡ ገሌ ሰኒ ቀሊላም ላቶም ነሳዬሕ እግል ልተበዕ ብዲቡ፣ ከወድ ኣደሚ ሕሹም እግል ልግበእ ታጅር አውመ ዕዉት አውመ ህዬ በዐል ስልጠት እግል ልግበእ ኢለአትሐዝዩ፡ ህቱ ለተአስትህሉ ሕሽመት ወእሕታራም እግል ልርከብ እግል ክም እሎም ተሉ ለምስሎ ልብ እግል ለሀብ ብዲቡ፣

- ምን ሂገ ወለዐል አተንሳይ አብዜሕ።- እግልከ ለከሶ መሳጢር ሰኒ ዕቀቦም።- ለእሉ ትወዴ ዐገብ እብ ሸፋግ ወእብ ገበይ ዕግልት ተከበቱ።- ለበዝሐው ቀራራትከ እብ ኖስከ ንስኦም።- ክል ዶል ናይ ወቅት ቂመት አክል ሕድ ክም ትፍህም ግበእ።- ምን ናይ ክል ዶል ኢትጽበጦ ዲብዬ ወመሰምስ ወእዕትዛራት አሪም።

በሀል- እምበል መስለሐት ማደት ካልእ መንፈዐት ለአለቡ እቱ ጸገም ጸገም ሐምቅ ቱ።- ክሉ ገጹ ቀደም ለአሴርር ዶል ሀለ ዐውቴ እብ ኖሰ ጠበሽ እግል ቲበል ቱ።- በዐለ ሽቅል ኢኮን ለእግለ ዮምየት ደፌዕ፡ ለዮምየት ለሸቃላይቱ ለደፈዐ።- ለሰልፋይ ምስጢር ዐውቴ መትዳላይ ቱ።- እዲነ ዓድለት ኢኮን፡ ከእንተ ነፍስከ እትሊ እግል ተአትላምደ ብዲብከ።- እዲነ እግል ትሕጨር ትቀድር ወእግል ቲሪም፡ እሊ ክሉ ህዬ እተ ገበይ ለሕነ እነብር እበ ለአተንክብ።- እት መድረሰት እት ሰልፍ ለደርስ ለዐልሙከ ወሐር እምትሓን ወዱ እግልከ፡ እዲነ ህዬ እት ሰልፍ ተአምተሕነከ ወሐር ለድርስ ተዐልመከ።

ለለአትፈክር ሐቀይቅ እብ ክሱስ ሕሳብ

ሕሳብ ምነ ሰልፋያም ዕልም ወድ ኣደሚ ለሸቀ እቦም ቱ፡ ወሴድያይ ናይ ክሎም ዲብ እሊ ዘበናይ ወቅት ለህለው ብዕዳም ዕሉም ሰበት ቱመ አስክ እለ ዮም አዳም ሸቄ ወልትነፈዕ እቡ ሀለ። ወህቱ ኖሱመ ብዞሕ ለለአትፈክር ዕልም ቱ፡ ከእሊ ተሌ ገሌ ሑዳይ ምነ ለለትፈክር ወብዞሕ ለለአትዐጅብ ምስል ሕሳብ ለልትጻበጥ ሰኒ ቀሊል ላቱ ሐቃይቅ ቱ።

1 - ሐቴ ድራሰት ክመ ትሸርሑ ምስስቲከት ለመጭሮ ደረሰ እት ናይ ሕሳብ መሳእል ምነ ብዕዳም መልሂቶም ለትትወቀል ደረጀት ሰጅሎ።

2 - ለቅዱማም ባቢሎንያም፡ እግል ሕሳብ ሕኔት እብለ አዜ ንትነፈዕ እበ ለህሌነ ቃዕደት 10 ሕኔት ለሐሱቡ እብ ቃዕደት 60 ለሐሱቡ ነብረው፡ እብለ ምስምሳቱ ደቂቀት 60 ሳንየት ወክሎሊት 360 ደረጀት እግል ልግበአ ለቀድረየ።

3 - ዓላብ እንዴ አትባዝሐካሆም ለትትረከብ ነቲጀት፣- 111111111x111111111= 12345678987654321 ትገብእ፡

እግለ ዕልብ ሰኒ ፍጠኑ።- 1098x9 = 9801 ትገብእ እት ህሌት 21978x4 =87912

ትገብእ፡ እሊ በህለት ለዕልብ ሰልፉ ወደንጎባሁ ልትገለብ።- ዕልብ 2520 ለነእሸ ዕልብ እበ ምን 1 – 10 ለህለው ዓላብ እንዴ

ትከፈለ፡ ነቲጀቱ ታምም ዕልብ እግል ለሀበነ ለቀድር ረቅም ቱ።- ዑለመ ሕሳብ ክመ ዘኩሩ፡ ከረፌታት (ካራቫተ) እግል ትትአሰር

እቦም ለትቀድር ሐድ 177,147 አግቡይ ክም ህለየ ልትሀደግ።- አስክ ሰነት 1900 እት ክለ እዲነ እብ ክሱስ ሕሳብ ለዐለ አምር

ምስል እንዴ ጀመዕካሁ ዲብ ቅያስ 80 ክታብ እግል ልትከተብ ለቀድር ዐለ፡ ምናተ ዲብ እሊ ወቅት እሊ፡ እሊ አምር እሊ እት ዝያድ አልፍ ክታብ እግል ልግበእ ቀድር።

መዕሉመት- አቅሕሞተት ትበለሰት ምን ገብእ እብ አንክር ማነ ሌጣ ቱ

ለትትበለስ።

10ገጽ12ይት ሰነት ዕልብ 25 አርቡዕ 12 ጁን 2019

ፈን ወዓዳት

መሐመድ ዳፍላ

“ግርመት እብ ዕን ዔፍያየ

” እት ልብሎ እሰምዕ ዐልኮ፡

ግርመት ላኪን እብ ዕንታት

ሌጠ ለኢገብአት ለትትመዘን፡

ዕሰ ወመቀየሲታተ ብዞሕ ቱ፡

ግርመት እብ ለመድ ወዓዳት

መጅተመዕመ ክም ትትቀየስ

ርኢ ህሌኮ፡ ከሕበር ንርኤ፦

እት ወቅት ሐሶሳይ አሮበ፡

ብሶተን ዐባይ አው ገበሃታት

ክም ግሩማት ልትረአየ ዐለየ፡

ሰበት እሊ፡ አዋልድ ናይለ

ወቅት ለሀይ፡ ጭገረን ገጽ ግረ

እንዴ ገድለየ ብሶተን ላጽየሀ

ዐለየ፡ እተ ክምሰልሁመ ብሶተን

እግል ቲፈሕ ወትዝሀር ጭገር

ሐወጅበን ወዕንታተን ላጽያሁ

ዐለየ። ለስሚት ነቁሽ ሞናሊዘመ

ጭገር ሐወጅብ አለበ፡ ለሰበብ

ህዬ መነቅሻየ ላቱ ሊዮናርዶ፡

ናይለ ወቅት-ዕስ ግርመት እግል

ለአስብቅ ወልትበዕ ለወደዩ ቱ።

አንያብ ነኣይሽመ ክም መቀየስ

ግርመት አሮብዪን ልትርኤ

ዐለ።

እት ቀቢለት ሶርመ፡ ለእት

ከንፈረን ምን ከላት ለትሸቀ

ስደፍ (ዝራር) ለመስል ሰርጎ

ለበን አንሳት ክም ግሩማት ሰበት

ልትነስአ፡ ኩለን አዋልድ ናይለ

ቀቢለት፡ ጀሃሪ ናይ ተሐት እንዴ

ነወከየ እት ከንፈረን ሰርጎ ምን

ከላት ወድየ ዐለየ። እብሊ ህዬ

አካንለ አንያብ ለትፈናተ ሰርጎ

ልትመለእ፡ ለሰርጎ እሊ ህዬ እት

ወቅት ህዳየን ልትነወክ ምነን፡

ብዝሔ ሰመየን ህዬ እብ ፍይሔ

መፋርቅ ከምፈረን ልትሐደድ።

ህተንመ ሰመየን እግል ልብዘሕ

መፋርቅ ከንፈረን ለአፈይሐ።

እት ዘመን “ቺንግ” ምን

1644 አስክ 1912፡ ለዐለት

መምለከት ቻይነ፡ አጭፋር ረዪም

ክም ግርመት ልትነሰእ ሰበት ዐለ፡

ምን 20 አስክ 25 ስ.ሜ ለሪሙ

አጭፋር ለቦም አንፋር ርእየት

ልሙድ ዐለ። እብ አሳስ እሊ

ህዬ ተጃረተን እግል ለአተአምረ

ለለሐዝየ አንስ፡ እት ቤተን

ሐበት ክም ኢሸቅየ በሀለት፡ ክሉ

ሽቅል ቤተን እብ ወዳያት ክም

ለአሸቅየ እግል አርአዮት እግለ

አጭፋረን ለረዪም እብ ደቅብ

ልብካሁ ዐለየ። እተክምሰልሁመ

ጭገር ሐወጅብ ለጸዮት ወእት

ብሶተን እብ ጸሊም ወአክደር

ሓባር ለትፈናተ አሽካል ርስመት

ክም ግርመት ልትነሰእ ዐለ፡ እብ

አሳስ እሊ ህዬ አዳመን ለሞተ

አንሳት ጭገር ሐወጅበን እንዴ

ላጸየ እት ረአስ ሐወጅበን ምን

ተሐት አስክ ለዐል ክልኦት

ሕንጣጥ ጸሊም ወድየ ዐለየ።

እት ጋቦን ክልኤ አንያብ

ጀሃሪ ሰቡረን፡ አዋልድ ዳሆሚን

ለትትበሀል ቀቢለት ህንዲ

እግል አንያበን እብ መብረድ

ለአበልሓሁ፡ እት ጀዚረት

ማዳጋስካር ለነብረ ቀባይል

አዋልደን አንያበን እንዴ ፈረቀየ

እበን ግሩም ወሐጺን ወድየ

እቱ፡ እት ድባዕ ምፍጋር-ጸሓይ

ታይላንድ አንያብ ባርህ ሰበት

ኢልትፈቴ አዋልዶም እት

አንያበን ሕብር ጸሊም አው

ቀይሕ ወድየ።

አዋልድ ቀቢለት ማየ፡ ምን

ቀደም አልፍ ሰነት አጀኒቶም

ረአሶም እግል ልዕቤ እንዴ ቤለው

ምን ንእሾም ጠፍጡፉ እግሎም

ወፈላቀታት ወድዎም፡ ለሰበብ

ህዬ ሐንገላታት ክም ሓጥራም

ወፋህማም ሰበት ልትረአውቱ።

እምበል እሊመ እትለ ቀቢለት

እለ ሕውሬር ክም ግርመት ሰበት

ልትነሰእ አዋልዶም ሐወርር

እግል ልግበአ፡ ምን ጭገረን እት

ብሶተን ግድ ለአስሮ እግለን

ወእሉ እት ገንሐ ልውዕለ፡፡

ኣላፍ ሰኖታት ዋዲ ለሀለ

ወአስክ አዜ እት ብሩር ጀፓን

ልተላሌ ለሀለ “ኣውሃጎሮ”

ለልትበሀል ክም ግርመት

ለልትነሰእ ለመድ ሀለ። ህቱ

ህዬ ገጸን እብ መዓድን ሰበት

ለብካሁ ጸዓደ ገብእ ወአንያበን

ሰበት ልትሸግሬ፡ ምን ገጸን

እግል ልትፈንቴ እብ ሕበር

ጸሊም ለብካሁ ዐለየ። ለለመድ

እሊ እት ጀፓን አስክ 19 ክ/ዘ

እብ ብዝሔ ዐለ።

እት ቲቤት ወሞንጎልየ፡

ስጋድ ረዪም ክም ግርመት ሰበት

ልትነሰእ አዋልዶም ስጋደን

እግል ሊሪም ምን ንእሸን እንዴ

አንበተየ እት ስጋደን ምን ሐጺን

ለትሸቀ ካትሞታት ለአትየ

ዲቡ።

እት ጀዚረት ባሊ፡ ከናፍር

ጅነ ምን ዕምር 15 ሰነት ፈሩቁ

ወለመፋርቅ እግል ሊፈሕ ዕጨይ

ክርቢት ለኣቱ ዲቡ፡ እት ቅብለት

ጫድ ላኪን ለተሓቲት ከንፈር

እብ ፍርቀት ግድ ለኣስሮ ዲበ፡

እት ባምባይ ለልትበሀል ደዋይሕ

አፍሪቃመ ክልኢቱ አጥራፍ

ከነፍር እንዴ ፈርቀው ዶል

ህግየ ወሰሓቅ ለልትሐረክ ዕጨይ

ክርቢት ነኣይሽ ሳቆ ዲቡ።

እት ወቅት ካልኣይ ሐርብ

እዲነ፡ እት አሜርከ እግል መሻቀዪ

ሽራባት ረቂቅ ለገብእ ናይሎን

ሰበት ተዐደመ፡ አንሳት ስዩሳት

እግል ልምሰለ እገረን ሕብር

ጸዕደ ወድየ ዲቡ ዐለየ።

ኣላፍ ሰኖታት ዋዲ ለሀለ

ወአስክ አዜ እት ብሩር ጀፓን

ልተላሌ ለሀለ “ኣውሃጎሮ”

ለልትበሀል ክም ግርመት

ለልትነሰእ ለመድ ሀለ። ህቱ

ህዬ ገጸን እብ መዓድን ሰበት

ለብካሁ ጸዓደ ገብእ ወአንያበን

ሰበት ልትሸግሬ፡ ምን ገጸን እግል

ልትፈንቴ እብ ሕበር ጸሊም

ለብካሁ ዐለየ። ለለመድ እሊ

እት ጀፓን አስክ 19 ክ/ዘ እብ

ብዝሔ ዐለ።

እት ቲቤት ወሞንጎልየ፡

ስጋድ ረዪም ክም ግርመት ሰበት

ልትነሰእ አዋልዶም ስጋደን

እግል ሊሪም ምን ንእሸን እንዴ

አንበተየ እት ስጋደን ምን ሐጺን

ለትሸቀ ካትሞታት ለአትየ

ዲቡ።

እት ጀዚረት ባሊ፡ ከናፍር

ጅነ ምን ዕምር 15 ሰነት ፈሩቁ

ወለመፋርቅ እግል ሊፈሕ ዕጨይ

ክርቢት ለኣቱ ዲቡ፡ እት ቅብለት

ጫድ ላኪን ለተሓቲት ከንፈር

እብ ፍርቀት ግድ ለኣስሮ ዲበ፡

እት ባምባይ ለልትበሀል ደዋይሕ

አፍሪቃመ ክልኢቱ አጥራፍ

ከነፍር እንዴ ፈርቀው ዶል

ህግየ ወሰሓቅ ለልትሐረክ ዕጨይ

ክርቢት ነኣይሽ ሳቆ ዲቡ።

እት ወቅት ካልኣይ ሐርብ

እዲነ፡ እት አሜርከ እግል

መሻቀዪ ሽራባት ረቂቅ ለገብእ

ናይሎን ሰበት ተዐደመ፡ አንሳት

ስዩሳት እግል ልምሰለ እገረን

ሕብር ጸዕደ ወድየ ዲቡ ዐለየ።

ዐድከ እብ መቀየሲሁ ቱ

አዳወሮት ሽዕርሻም

ናይ ሕድ ክም ሕነ ወእግል ንትራከብ ክምቱ እት አምርለፍንቲትመ ናይ ዶሉ ወእግል መስለሐትነ ክምተ እት

እሽዕርወአመንከኒ ገብእ በዐል-ሻም ኢቀደርክወ ምን እብል?

እንተ ሻም መትዕባይ አዳም

ራሐት እንተ መሕማምዓርድ እንተ መይማም

ምን እብለከ ትወዴሕ እግልዬ እብ ንዛም?

አነ እት ክሉ ይእመጽእ እምበለ እብ አማን ለለሐዜኒላኪን ራሐት አነ እግለ ሰኒ ለዐቅበኒሕማምመ አነ እግል ለአጻልዐኒ

እሊ ለናይ ዲመ ስቅራትከ አዜመ እሉ ሰበት ደግመኒበደል በሊስከ እትጸበር ሕሜቼ ምን አተላሌ ለሐይሰኒ

ለወጽዐኒ ሰበት አለብዬ ህግየ በይን ትካርጀኒ

ገሌ ሻም ልብለከ ወገሌ ዴሪርገሌ መዐር ልብለከ ወገሌ መሪር

ገሌ እት ምግሳዩ ትሳንዩ ወገሌ ተሀንዱ እብ በጢር ምስጢር አነ እት ትብል ትበራብሩ መሳጢር።ሻም ኢትትቀጸብ ምን እብለከ ድድ ዋቅዕ

እግል ሳክብ ትብሉ ፋዝዕእግል ጽሙም ትብሉ ቆቅዕ

ትበኬ ህሌከ እት ልብሎ ተአከክዕወልዉቅ ሀለ እት ልብሎ እንተ ትነብዕ እግልሚቱ ላኪን ሻም ግልቡብ ቀልዕ?

Moዳ

ምን ዳያሪክልኤ ዐባዪ ምዕራፋት ምን ሐያቼ

ዮም 18/12/2017 ከረን ሳዐት 9፡00 ላሊ ሓሽ! ብርድ ወለ እት ከረን ድቁብ ሀለ፡ ማዕሌሽ ዳያሪዬ አቅረርኮኪ

መስለኒ? ከሚ እግል ኢዴ ቴልኪኒ አዪ ሓጀት ዶል እረክብ አስከ ክም እስዔ ተአምሪ ማሚ፡ አዜ ሕሳባቼ ኢልብዴ ምንዬ እተ መውዱዕዬ እግል እቴ እግልኪ።

ዮም ምስለ ቀደም 2ወርሕ እሙር ምስለ ለዐልኮ ዘክየ አምሴኮ፡ ዘክየ ክም ስሜተ ዘክያተ። ላመ አካን ለሻሂ ሰቴነ ዲበ ዐሲር እግል ኢበልቱ፡ ክም ስማ ተ። sweet corner ትትበሀል። ምስል ዘክየ ብዞሕ ተሀጀክነ፡ ምን ብርድ እንዴ አስተብዴነ አስክ ክሉ ሐዋይል እዲነ በጽሐነ። አነ ምስል ዘክየ እንዴ ይእትጃሀክ ምን ምስጢር ሐያተ ሑዳይ አምር ዐልኮ። ምናተ ምስል ዘክየ ሐቆ ተሀጀኮ ላኪን፡ እምበለ ክሉ ለለአምሩ ምን ምስጢር ሐያት ሐበት ክም ይአምር እግል ኣምር ቀደርኮ። ከፎ ቤልኪ ዳያሪዬ? ተማም! አነ ቀደም እት ዘክየ እመጽእ ሰኒ ሹቁል ወትዕብ ዐልኮ። ሰበብ ሽቃልዬ ወተዐብዬ ህዬ፡ ሕማም ፈታይቼ ቱ፡ ፈታይቼ ሓድስ ዐረብየት ዋድየት ሰበት ዐለት፡ እት ዕያደት ራግደት ዐለት። ህተ እት ረአሰ ዝብጥት ሰበት ዐለት ነዚፍ ከርስ ዐለ እግለ። ከሰበት እሊ ምን ቅያብ ክም ሐሶሴት ኩለ ዛክረተ ትመስሐት። ሰበት እሊ እብ ሐለተ ምንለዐል ክሉ ሹቁል ዐልኮ እተ-ክምሰልሁመ ሐበት ፈርግ ሰበት ይዐለት ለደርብ እግል ኢትልከፍ ወምነ ዐራት እግል ኢትውደቅ እጻበጠ ዐልኮ። ዋልዴነ በረ ሰበት ነብሮ ወአቃርበ ሳምዓም ሰበት ይዐለው ሳምን እብ ግዲደ ተዐብ ወትርሃን ዐለ ዲብዬ።

እለ አምዕል እለ ሰበት ትሸበሀት ወአዳመ መጽአወ ዘክየ እግል ተአትፋግዐኒ ዓዝመቼ ዐለት። ሓድስ ፈተይቼ ወህጅክ ዘክየ ክልኤ ዐባዪ ምዕራፋት ዲብ ሐያትቼ እንዴ ገብአየ ረከብክወን። እግልሚ ሕማም ፈታይቼ ምስል ርሕዬ እግል እትሃጀክ ባብ ፈትሐ እግልዬ። ህጅክ ዘክየ ላኪን ዋቅዕ ወንየት ክም እፈንቴ ወዴተኒ። ምን ህጅከ ለሐለፈቱ መታክል ወስለል ሐያት አሳስ ዘካወተ ክምቱ ፈሀምኮ። ህተ ዲመ እት ዋቅዐት ለትነብር ምልእት ወለትተ። ምን ክሉ ለዐጅቤኒ ምንዬ አክል እዪ ብስጥት ክም ህሌት እት ሸርሕ እግልዬ። “ላሊ ክሉ ምንመ ይእብለከ እግል እዘከረካቱ”ቤለተኒ። ዘክየ ሓለት ፈተይቼ ክም ዓዲ ክም እትከበተ ወኦሮት እምተሓን ምን እምተሓናት እዲነ ክምቱ እግል ኣምር ሰዴተኒ። መሸአላህ! ፈታይቼ ትትላኬኒ ህሌት፡ ክመ ናይ በዲረ “ጂሚ” ትብል ህሌት። ኣይወ ሐያቲ መሸኣላህ! ፈጥነት በሀለትቱ! ህሌኮ ምስልኪ ራንየ . . .

ጂሚ ምን ከረን

11ገጽ12ይት ሰነት ዕልብ 25 አርቡዕ 12 ጁን 2019

ረመዳን መ/ኑር ታይብ

ጽብሕ ምድር ለአንበተ ጅግረ አትሌቲክስ አስመረ ሰነት 2019 ሐፋነት ለበዝሐት እቱ ሓለት ጀው እቱ ገብአ። እት ድዋራት መክተብ መርከዚ እትሳላት ለአንበተ ጅግረ መራቶን ውላድ ሐድ 50 አትሌታት ለአሻረከ ዐለ። ምን እሎም ህዬ ውላድ ኬንየ፡ኡጋንደ ወአቶብየ ሰበት ዐለው መጃገረት ትርድት እግል ለአርኡ ጌማም ዐለ። ለጅግረ ክም አንበተ ሜርሓይት ለዐለት መጅሙዐት እብ ኤረትርዪን አትሌታት እግል ትትዋሌ አንበተት። አትሌታት መሓሪ ጸጋይ፡ፔትሮ ማሞ፡ ክልኦት አቶብዪን፡ ዑቅበ ክብሮም ወብዕዳም ለጅግረ እብ ሸፋገት አንበተዉ።

ለሸፋገት አስክ 15 ኪሎ

ምትርለ ጅግረ እግል ትሄርር ሰበት ቀድረት ብዝሓም ስሙያም አትሌታት ሀድፍ ወዴት፡ እብሊ ህዬ አትሌት መሓሪ ጸጋይ ምን ፈሪቅ ውዛረት ድፈዕ (ደንደን) እንዴ ሐድገዮም ሄረረ፡ እሊ ሄራር እሊ ህዬ እብ ብዝሓም መታብዐት ጅግረ አትሌቲክስ ካቲማሁ እግል ልብጸሕ ክም ኢቀድር ምንመ ትሸርሐ፡ አትሌት መሓሪ ለዐለት እግሉ ሸፋገት እንዴ ወሰከ እምበል ልትሓገጉ አለቡ እብ 2 ሳዐት፡14 ደቂቀት ወ30 ካልኢት ጅግራሁ ሰበት አትመመ መልክ ጅግረ ማራቶን አስመረ ሰነት 2019 ገብአ። ምስል አትሌት ፔትሮ ማሞ መጃገረት ትርድት ወድ አቶብየ ላቱ አትሌት ታደሴ አሰፋ እብ 2 ሳዐት፡17 ደቂቀት ወ19 ካልኢት 2ይ ፈግር እት ህለ፡ አትሌት ፔትሮ ማሞ ህዬ እብ 2 ሳዐት፡17 ደቂቀት ወ31 ካልኢት 3ይ ፈግረ።

4ይት ደረጀት ለጸብጠ

አትሌት ዑቅቡ ክብሮም ምን አቅሊም ምግብ እብ 2 ሳዐት፡23 ደቂቀት፡ 5ይ አትሌት ደበሳይ ደሳሌ ምን ፈሪቅ ደንደን እብ 2 ሳዐት 23 ደቂቀት ወ47 ካልኢት፡ 6ይ ኮስሞስ ሚትኩ ምን ኬንየ እብ 2 ሳዐት፡ 24 ደቂቀት ወ34 ካልኢት፡7ይ ኣይኮ ናታን ምን ኡጋንደ እብ 2 ሳዐት፡24 ደቂቀት ወ45 ካልኢት፡8ይ ክብሮም ገብሬእዝጋብሄር ምን አቅሊም ግብለት እብ 2 ሳዐት፡25 ደቂቀት ወ55 ካልኢት፡9ይ ቺርፖዴቪድ ምን ኡጋንደ እብ 2 ሳዐት፡26 ደቂቀት ወ 21 ካልኢት፡ 10ይ ተስፋሂወት ገብሬትንሳኤ ምን ፈሪቅ ደንደን እብ 2 ሳዐት፡27 ደቂቀት ወ43 ካልኢት ጅግራሆም አትመመው።

እት ጅግረ ማራቶን አስመረ ሰነት 2019 ለትዐወተ አትሌት መሓሪ 6000 ዶላር አሜሪኪ

ማራቶን አስመረ 2019 እብ ዐውቴ ኤረትርዪን አትሌታት ተመነስእ እት ህለ፡ እብ ክሱስለ ጅግረ እተ ሀበየ ሐብሬ፡ ድቁጣት ሓለት ጀው ክም ሐፋነት ሀወእ ወለመስሉ ሰበት ዐለ ለጅግረ ክም ደቀበ እንዴ ወደሐ ምስል መደርቡ ለወደየ ጎማት እት መዓል ሰበት ወዐለት ፋሬሕ ክም ቱ አከደ።

እሊ ክእነ እት ህለ ጅግረ ሰር መራቶን አንሳትመ ጋብእ ዐለ። እትሊ ጅግረ እሊ ክለን አትሌታት ምን ቀበት ዐድ ለመጸየ እት ገብአ፡ መጃገረት ትርድት አርአየ።

አትሌት ናዝሬት ወልዱ፡አትሌት ኮከብ ተስፋጋብር ክልኢተን ምን አቅሊም ምግብ፡ ስምረት መርሃዊ ወዶልሺ ተስፋይ ህዬ ምን ፈሪቅ ደንደን ለአርአያሀ መጃገረት እብ ፍንቱይ እግል ልትርኤ ቀድር። እት ደንጎበ አትሌት ናዝሬት ወልዱ እበ ተአትዐጀብ መቅደረት እግለ ቀደመ ለዐለት አትሌት ኮከብ ተስፋጋብር እንዴ ሐልፈት 1ይት ፍግረተ ለአትዐጀበ ዐለ። አትሌት ናዝሬት እግለ ጅግረ እብ ሳዐት 18 ደቂቀት ወ6 ካልኢት አትመመቱ። ኮከብ ህዬ እብ 6 ካልኢት እንዴ ትቀደመት 2ይት ደረጀት ጸብጠት። እብ 22 ካልኢት እንዴ አደገት ጅግራሀ ለአትመመት አትሌት ስምረት መርሃዊ ዐለት ምን ፈሪቅ ደንደን ህታመ 3ይት ደረጀት ጸብጠት።

ጀዋእዝ 1ይት 6000 ዶላር

አሜሪኪወካስ ዐባይ፡2ይ 4000 ዶላር ወ3ይ ህዬ 2000 ዶላር ማል ልትሀየቦ እት ህለው፡ ምን 4ይ-10ይ ህዬ ምን 1000 አስክ 300 ዶላል ለልትመደድ ማል ተሀየበዮም። እት ናይ አንሳት ጅግረ ህዬ እግል 1ይት 40 አልፍ ነቅፈ ወካስ ዐባይ፡ እግል 2ይት ወ 3ይ ህዬ 20 ወ10 አልፍ ነቅፈ ነስአየ።

እግል አውርሐት መዳላይ ገብእ እግሉ ለዐለ ጅግረ መራቶን አስመረ ሰነት 2019፡ እምበለ እት ሂበት ጀዋእዝ ለትረአ አከይ መቅሬሕ፡ እብ ክሉ መቃዪሱ ዕዉት ዐለ እግል ልትበሀል ቀድር።

አትሌት መሓሪ ጸጋይ እግል ሰልፍ ኢነቱ እት ሰር መራቶን ኒስ ናይ ፈረንሰ ቀደም ወርሕ እንዴ ሻረከ 1ይ ፋግር ዐለ፡ እትሊ ናይ ሰልፉ ለዐለ ጅግራሁ እት ማራቶን ህዬ መትዐዋቱ ዐጃይብ ለሸቀ አትሌት ዋዲሁ ህለ፡መሓሪ ጸጋይ፡ ቀደም እለ እት ጅግረ ትራክ ሌጠ ሻርክ ዐለ።

12ገጽ12ይት ሰነት ዕልብ 25 አርቡዕ 12 ጁን 2019

ሐሞድሪስ ወአብሐሪሽ

ክል ሰነት ዮም 14 ጁን እድንያይት አምዕል ሃይበት ደም እብ

ደረጀን ዐድነ ወእዲነ እግል 16ይት ሰነተ ዲብ ሐንቴ “ደማን ለቡ ደም

እግል ክሉ” ለትብል ስቅራት ትትዘከር ህሌት።

ወጠንያይ መሕበር ሃይበት ደም እብ ምራድ ኖስ ኤረትርየ፡ ለእብ

ምራድ ኖሶም ደሞም እንዴ ትበረዐው ዲብ ደሐን ሕጉዛም ለትሰበለው

ክሎም ምዋጥኒን ዶሮም ለነሐምድ እቡ ወለነሐሽሞም እተ መናሰበት

ተ።

ሕነ ወድ አዳም ገሮብነ እብ ዳይመት ሓለት ለበድል ደም ዲብ

መደት ወሊድ እግለ ሳድፍ ነዚፍ አው እብ ብቆት እብ አዳም ልግበእ

ወሕማም ደም እግል ልትሀየቦ ለልታከው እዙያም፡ እብ ምራድ ኖስኩም

እብ ደምኩም እንዴ ትበረዐኩም፡ ፍቲኩም ወመርዒትኩም ለአከድኩም

ምዋጥኒን እብ ስሜት ወጠንያይ መሕበር ሃይበት ደም እብ ምራድ

ኖስ ዛይደት ሐምዴነ ትብጸሐኩም። ፈክ መትሰባልኩም ህዬ ምንቱ

ደም ለትበረዐ እሎም እንዴ ኢደሉ እት ዳይመት ሐያቶም ለአቅበለው

እዙያም ርዝቅኩምቱ እበ ወዴኩመ በዳሪት ሰኔት ተሐበኖ።

14 ጁን 1868 እብ መናሰበት ኑዕየት ደም እግል ልፈንቴ ለቀድረ

ዓልም ወድ ኦስትርየ ላቱ ዶክተር ካርል ላንድስተይነር ለትወለደ እተ

አምዕል እግል ፍቅደት ለተሐሬት ዕለት ምንመ ትገብእ፡ ምነ ወኬን

ናይ ዝክረት መናሰበት እግል ክሊነ ክምሰል ምዋጥኒን ዲብ ሂበት ደም

ለሀለ መትሰባል አርወሐትነ ለንሰአል እተ መናሰበት እግል ትግበእ

ወጅብ።

እበ በደለ ለቡ ደም በደለ ለአለበ አርወሐት ነአድሕን ክሊነ ሚ

ክም ወዴነ ወሚ ክም ሰርገልነ ምዋጥኒን እግል ጌመሞት ለተአትፋቅደነ

ዕለት ተ።

ወጠንያይ መሕበር ሃይበት ደም እብ ምራድ ኖስ፡ ዲብ ሐንቴ

ውዛረት ዓፍየት እንዴ ገብአ ምስል ክሎም ሰብ ሽርከቱ እት ልትዓወን

ፈሀም ምዋጥኒን ዲብ መትበረዖት ደም እግል ልዕቤ እብ ክለ ሒለቱ

ከድም ህለ።

ክምሰል ፍገሪት ናይ እሊ ዲብ አቃሊም ወምዴርያት አስክ ተሐት

ዲብ ልትከሬ ምዋጥኒን ዲብ አፍዘዖት ወቀይ ዐቢ ለአወቄ ህለ። ምናተ

ጠለብ ካፊ ደማን ለቡ ደም ዲብ መአሰሳት ዓፍየት ካፊ ወታምምቱ

እግል ልትበሀል ኢቅድር።

ሰበት እሊ፡ ክል ምዋጥን ዲብ ውዳይ ሰኔት እበ ህሌት እሉ

መቅደረት በህለት እት መትበረዖት ደም፡ አርዛቅ እት ካፍል ዲብ ናይ

ዐቅል ወምህነት ዶር ዐቢ ዲብ ለአገዴ እግል ልሻርክ እብለ መናሰበት

እለ ንትላኬ።

ክሊኩም እብሊ እብለ ውዳይኩም ለሰኒ እንዴ ትናየትኩም ዲብ

ረአስ ወራትኩም ዲብ ወራት መትበረዖት ደም ፍሩራም ለህሌኩም፡ እብ

መዕነውየት፡ እብ ፍክር፡ እብ አርዛቅኩም ምስል መሕበር ወሰብ ሽርከቱ

ለትትዓወኖ መአሰሳት ሕኩመት፡ መሓብር፡ ቅዋት ድፈዕ፡ መአሰሳት

ደያናት…..ወለመስሉ ዝያደት ክሉ ህዬ እብ ምራድ ኖስኩም ደምኩም

ትትበረዖ ለህሌኩም ምዋጥኒን እብ ስሜት መሕበር እብ ድግማን ፈድለ

ወዴኩሙ ውዳይ ሰኒ ሐምዴነ ትብጸሐኩም። ክምሰል ዲመ ህዬ ምነ

ቀደም እለ ለዐለ አግቡይ እብ ዝያደት ዲብለ ሔሰት ወሰኔት ደረጀት

ወቀይ ጀላብ እግል ልትወቀል አዜመ ለልሙድ መትሰባልኩም እግል

ኢልትፈንቴነ ነአትፋቅድ።

“እበ በደለ ለቡ ደም በደለ ለአለበ አርወሐት ነአድሕን”

ዐውቴ እግል ገቢል!

ወጠንያይ መሕበር ሃይበት ደም እብ ምራድ ኤረትርየአስመረ 14ጁን 2019

ከሊመት ወጠንያይ መሕበር ሃይበት ደም ኤረትርየ፡ 2019

ዖማን ንኢሽ ደውለት እት ምፍጋር ጸሓይ ሽብህ ጀዚረት ዐረብ ለህሌት እብ ለትፈናተ ለለትዐጅብ ጠቢዐታይ ወአዳም ለሸቀዩ ድዋር ለትመለአት ደውለት ምን ድወል ዐረብ ተ።

• ዖማን ለገደመት ሕር ደውለት ዲብ ድወል ዐረብ ተ።

• ዖማን ለትትሐከም እቡ ንዛም አው ስርዐት ለሬመ ዲብ ድወል ዐረብ ቱ።

• ዖማን ምን እርሃብ ሕር ለገብአት ደውለት ተ

• ጃምዐት ሱልጣን ቃቡስ ለሰልፋይት ጃምዐት ዲብ ዖማን ተ

• ዖማን ለዐቤት ሼቅያይት ጅላብ (በዋቢር በሐር) እት ዐለምተ።

ዖማን ዲብ ሰነት 1744 እብ ወድ ዖማን ላቱ ዖማኒ አልሰይድ ዲብ ትትመቃረሕ ጸንሐት። አስክ ሰነት 1970 ሱልጣን ቃቡስ እት ሰልጠት መጽእ ህዬ እብ ለትፈናተ ለመድ ወዓዳት ትትመቃረሕ ወትትመረሕ

ዐለት። እምበል እሊ ዖማን ወድ ሚን ኣደም ምን ልውሕድ እግል መደት 106,000 ሰነት ነብር እተ ለዐለት ሰበት ገብአት እለ ደውለት እለ ምነ ወድ አዳም ምን ረዪም ዘመን ነብር እተ ለዐለየ ድወል ዐለም ሐቴተ።

ዖማን ምን ሰነት 1970 ሱልጣን ቃቡስ ሰልጠት ምን ጸብጥ ወሐር ሻፍግ ወለለትዐጅብ ተጠውራት ዲብ ተአርኤ ገጽ ቀደም እት ትትፌተት ትገይስ ለህሌት ደውለት ተ። እሊ በህለት ዲብ መጃላት ስያሰት፡ እቅትሳድ ወማል ምነ ተጠውር ሰኒ ለአምጸአየ ድወል ሐቴተ።

እምበል እሊ ዖማን ምን እርሃብ ሕር ለገብአት ደውለት ክምሰልተ ልትሀደግ። እሊ ህዬ እብ አሳስ እድንያይ ሐብሬ እርሃብ እለ ደውለት እለ ለሔሰት እብ ሰላም ወመስኩበት ለትትአመር እት ገብእ፡ እብ ሰበት እሊ ዲብ ሰነት 2016-1017 እበ ገብአት ድራሰት ዖማን ግረ ክለን ለእብ እርሃብ ልትዐዘበ

ድወለ ርትብት ህሌት። እሊ ህዬ በሕ እት መዋዲት እርሃብ ምነ ህለየ ድወል ዋዲሀ ህለ።

ጃምዐት ሱልጣን ቃቡስ ለሰልፋይት ጃምዐት ዲብ ዖማን እት ገብእ፡ እለ ጃምዐት እለ እት ሰነት 1986 ለተአሰሰት ተ። እለ ዲብ ባካት ዓሲመት ዖማን መስቀጥ ለህሌት ጃምዐት ክሉ ለህለ እተ አቅሳም መክተባት፡ መካዝን ወብዕድ እንዴ ወሰክከ አክል ሐቴ ታመት መዲነት ተ።

ዖማንዪን ለትቀደመው አው እብ አወላይት ድረጀት ዲብ ሽቅየት መራክብ እት ገበኦ፡ እሊ ህዬ ዖማን እግል ኖሰ ክምሰል ሐቴ ሽብህ

ጀዚረት እብ ሰለስ አርካነ እብ ማይ ለትከለለት ሰበት ገብአት፡ ምስል በሐር ለህሌት እግለ ዕላቀት እት ሽቅየት መራክብ አው ጅላብ እብ አውለውየት እግል ትትረተብ ላብድ ቱ። እብሊቱ ህዬ ዖማንዪን ለአግደ ልትከሰኦ እቱ ሽቅል ሚቱ ምን ልትበሀል ሽቅየት ጅላብ አው መራክብ ቱ። እብሊ ህዬ ዖማን እብ ሽቅየት መራክብ ዲብ ድወል ዐረብ ሌጠ እንዴ ኢትገብእ ዲብ ዐለም እት ሰልፋይት ደረጀት ትትረተብ።

ብኹር (ልባን) ዲብ ክል ዖማንየት ቤት ለህለ እት ገብእ፡ ብኹር ዲብ ዖማን ክምሰል ቡን ለትወለፋ ቱ። ዑማንዪን ክል ዮም እት ቤት ወእት ክል አካን ብኹር ለአተኖ፡ ዶልዶልመ ዲብለ ትትሐረክ እቱ አግቡይ ብኹር እግል ልጼኔከ ቀድር። እብሊቱ ህዬ ለጊስከ እተ ቤት ዲመ ሰንደል ዲብ ጼኔ ትጸነሐከ።

ሰልጠነት ዖማን ለከስስ ገሌ ሐቃይቅ

ስ ቅ ራ ትክል እናስ አዋን ጸግም ልግበእ

ማ መትፈዓይ ወክል ወቀትመ ለእበ ለአሰቅር ስቅራት ቡ። ክል ዎሮ ክም ወቀዩ ማ ክም ስቅራት ቤት አብሁ ዎክ ምን እዝን ሓሁ ለአሰቅር። ወመብዝሑ አስማይ ለእቡ ለአሰቅሮ እሊ ለተሌቱ። አዜ ለህለ ግም እግል ለኣምሩ ሰበት ወጅብ ህዬ ምን እሊ ለተሌ ስቅራት ዋልዴኑ እብ እሱወ ስቅራት ክምሰል ለአሰቅሮ እግል ለኣምር ወጅብ። ከእግል ዮም እት ዓሙድ ነፌት አምር 15 ስቅራት እግል ንርኤ፦

1. ሐየት ግርጉር2. ሕዳክዋት3. ሕጌ ስናት4. ሕጌ ጸሩ5. ምርዝም6. መስመር ገደቦ7. መቴለ8. ማንጊት9. ማደ ክሩይ10. ረባዕ ርቡዕ11. ረባዕ ጥሉቅ12. ረውሬት13. ሰረት ደም14. ስብር15. ሰባሪት

ርክን ስወርእለ ትመስልመ ተሐለፈት!!

ለክልኦት ዐባዪ መሓዛት በህለት ዐንሰበ ወበርከ እት ሰልዐ ለትትበሀል አካን እት ሕድ ክምሰል ተሓበረው፡ ምኑ ምድር ሱዳን ክምሰል አተው ኮር-በረከ ለትብል ስሜት እንዴ ነስአው ሄራሮም ለአተላሌ።

ኮር በረከ፡ ቶከር እንዴ ኢለአቴ ላኪን እት ሒን ከረም ምን ፖርሱዳን ወሰዋክን አስክ ሜዳን ወምን ሜዳን አስክ ሱዳን ጅወ ለአቴ ለዐለ መዋሰላት ጀብሀት ሸዕብየት እት ወክድ ንዳል ሰኒ ተክሉ ዐለ። እተ ወክድ ለሀይ ክልነ ለመካይን ወቦጣት እብ እለ ዲብ ማይ ሽምት እንርእየ ለህሌነ ኦራል ለጅንሰ መኪነት ዲብ ልትከርከር ፈግር ዐለ። ከለሕሊል ኮርበረከ፡ ለመኪነት ኦራል ወዲብ መሸንገለ ህለው ህዬ ምሔርበት ቶም።