PAULA: TUKUTUKU E LIU KEI NA KACI

Lesoni 11 ni Sepiteba 12, 2015

Tukutuku e liu:• Tukutuku baleti koya. O cei o Paula?• Nona iVakarau. Tamata vakacava o Paula?

Kaci:• Takete. Na cava na inaki ni nona kacivi?• iNaki. Na cava na vua ni nona kacivi?• Veimataqali. E sotava vakacava nona itavi?

Ena macawa oqo eda na vulica e vica na tiki ni bula nei Paula.

OCEI O PAULA?“Oi au dina na Jiu, au a sucu mai Tarisu mai Silisia, ia ka’u a susugi ena koro oqo ka sa vakavulici au vakadodonu ko Kamalieli me vaka na nodra vunau na qase, ia ka’u a gumatua ena vuku ni Kalou, me vakataki kemuni kecega ena siga oqo.” (Cakacaka 22:3)

E a sucu mai Tarisu mai Silisia. E lewe ni vanua o Roma. (Cakacaka 22:3,

28)

E wili ki na yavusa i Penijamini (Filipai

3:5)

E a Farisi me vaka na tamana

(Cakacaka 23:6)

E a tubu cake e Jerusalemi. E tisaipeli nei

Kamalieli (Cakacaka 22:3).

E lewe ni Seniedrini, ka vakawati. Ia, e a sa dawai ena gauna e vola kina na nona ivola eso. (AA, p. 92; 1Kor

7:8).

E dua na ganena kei na vugona ka a tiko e

Jerusalemi (Cakacaka 23:16).

E dau cula valelaca (Cakacaka 18:3)

E MATAQALI TAMATA VAKACAVA O PAULA?“Ni’u sa uasivi sobu vei ira kecega na iapositolo, ka’u sa sega ni yaga me’u vakatokai me’u apositolo, ni’u a vakacacana na isoqosoqo lewe ni lotu ni Kalou. Ia, na loloma ga ni Kalou sa yaco kina noqu tiko e daidai…”(1 Koronica 15:9-10)O Paula e dua na tamata e dei na nona vakabauta ka gugumatua.Ni bera na nona tavuki:

E tokona na vakaviriki nei Sitiveni (Cakacaka 7:58).E vakacacana na Lotu (Cakacaka 8:3).E vakatututaka me vakamatei iratou na tisaipeli (Cakacaka 9:1).E vakarautaka e dua na nodra kabai na lotu e Tamasiko (Cakacaka 9:2).

Ni oti na nona veisau e vakaraitaka ni:

Dodonu (Fil 3:6). Dau cakacaka (2 Ces 3:7-8). Yalo ramusu (1Tim 1:16). Kaukauwa (2Kor 11:23-33). Yalomalumalumu (1Kor 15:9).

“O ira beka era sa Iperiu? Au sa vaka kina. Era sa luve iIsireli? Au sa vaka kina. Era sa kawa iEparama? Au sa vaka kina. Era sa italatala iKarisito?-Au sa vosa me vaka na lialia- Au sa uasivi cake: au a dau cakacaka vakalevu cake, ka’u a yaviti vakalevu sara, au a tiko vakavuqa cake ena vale ni veivesu, au a voleka ni mate vakavuqa. Sa yaviti au vakalima o ira na Jiu, a sa tau na kuita vakatolusagavulu ka ciwa. Au a warolaki vakatolu, au a vakaviriki vakadua ena vatu, ena noqu veisokoyaki au a mate vakatolu, au a tiko ena wai titobu ka bogi dua ka siga dua, au a veilakoyaki voli vakavuqa, au a ca ena vei uciwai, au a ca mai vei ira na dau butako, au a ca mai vei ira na kai noqu, au a ca mai vei ira na sega ni lotu, au a ca ena loma ni koro, au a ca ena loma ni veikau, au a ca ena loma ni wasawasa, au a ca mai vei ira na veiwekani vakailasu, au a dauoca ka dau rarawa, au a dau yadra vakavuqa, au a dau via kana ka dau via gunu, au a dau lolo vakavuqa, au a liliwa ka luvawale. Ia, ka sa sega ni wili na veika sa vo, oqori talega sa bitaki au ena veisiga, na dau nanumi ira kecega na vei soqosoqo lewe ni lotu. O cei beka sa malumalumu ka’u sa sega ni malumalumu? Ko cei sa vakacalai, ka’u sa sega ni lomakatakata kina? Kevaka e dodonu me’u vakalevulevui au ena vuku ni noqu malumalumu. A Kalou na Tama ni noda Turaga ko Jisu, o Koya sa vakarokorokotaki ka tawamudu, sa kila ni’u sa sega ni vosa lasu.”

(2 Koronica 11:22-31)

O Paula e a taqomaki koya mai vei ira na vakavuvuli vaka-Jiu ka ra tovolea me ra vakacacani koya ena mata ni soqosoqo lotu mai Koronica. E a vakamacalatakai koya vaka oqo:

NA CAVA NA INAKI NI NONA KACIVI?“Ia mo tucake ga ka tu e yavamu; ni’u sa rairai vei iko ena vuku ni ka oqo, me’u lesi iko me italatala kei na dau tukutuku talega ena veika ko sa raici au kina, kei na veika ka’u na rairai kina vei iko; ni’u na vakabulai iko mai vei ira na tamata na Isireli, kei ira na vei matanitu tani, o ira ka’u sa qai talai iko kina, mo la’ki basuka na matadra, me ra saumaki mai na butobuto ki na rarama, mai na kaukauwa talega nei Setani ki vua na Kalou me ra kakua ni cudruvi ena ivalavala ca, me ra itaukei vata talega e muri kei ira era yalosavasava, ni ra sa vakabauti Au.” (Cak 26:16-18)O Jisu e vakanananutaki Paula me Mosese vou. O Mosese e a

vakabulai ira na Jiu mai vei ira na Matanitu e Sau me rawa ni ra cakava na loma ni Kalou. O Paula e a lako vei ira na Matanitu e Sau me rawa ni ra cakava talega na loma ni Kalou (Roma 15:19).

E a kacivi koya o Jisu me rawa ni yacovi keda kece na Nona itukutuku. Me rawa ni vakacavara na nona kacivi, O Paula me:

Dolava na matadra. Vukici ira ki na rarama. Sereki ira mai na kaukauwa i Setani. Tukuna vei ira na ciqomi ni veivosoti. Vukei ira me ra rawata na iyau vakalomalagi.

NA CAVA NA VUA NI NONA KACIVI?“Ni sa dei na yaloqu me’u kakua ni kila ena kemudou maliwa e dua na ka tani, ko Jisu Karisito duadua ga, kei na Nona lauvako ki na kauveilatai.” (1 Koronica 2:2)

Na cakacaka nei Paula e ologa e tolu na tikina bibi:

Vunautaki Jisu Karisito.• E laveta tu ga e cake na kauveilatai i Jisu

Karisito (1Kor 2:2).

Tei soqosoqo lotu.• E tea e dua na isoqosoqo lotu ena veikoro

lelevu kece e lakova (Taito 1:5)

Vakania na iSoqosoqo Lotu.• E vakania na iSoqosoqo Lotu ka

vakadodonutaka na nodra cala e na nona ivola (1Kor 14:37).

E SOTAVA VAKACAVA NA ITAVI NI NONA BULA?“Ia ka’u sa yaco me’u vaka e dua na Jiu vei ira na Jiu, me’u rawai ira kina na Jiu; vei ira sa vauci ena vunau, me’u vaka e dua sa vauci ena vunau, ia, ka’u sa sega ni vauci ena vunau, me’u rawai ira kina era sa vauci ena vunau, vei ira sa sega kina na vunau, me’u vaka e dua sa sega vua na vunau, me’u rawai ira kina sa sega vei ira na vunau, ia ka sa sega ni yali vei au na vunau ni Kalou, au sa muria ga na vunau iKarisito.” (1 Koronica 9:20-21)Na inaki ni bula nei Paula e tara na mata tamata kece. E vunautaka na Kosipeli vei ira na Jiu kei ira na Matanitu e Sau. Ia, e vukici koya me ciqoma na duidui ni itovo eso ni wasea tiko na Dina.E vukici ira na Jiu me ra ciqomi ira na Matanitu e Sau ena iSoqosoqo Lotu ka sega ni vesuki ira na duidui ni tovo vakavanua. E vatonaki Pita ena kena voleka ni leqa na duavata ni Soqosoqo Lotu baleta na duidui ni tovo vakavanua. (Kalatia 2:11-16).O Paula e dua na Farisi; e kila ruarua na Vosa ni Kalou kei na itovo vakavanua. E rawa ni wasea na ka e dei mai na ka wale; na dina tawamudu mai na veika vakavanua se baleta na ivalavala ni lotu.

E na inaki e dei, e vuki tani mai kina o Paula mai na vutuniyau, wekana kei na kilai, mai na rogo, mai vei ira na wekana dina ka taleitaki ira dina. E digitaka me semata na yacana kei na icavacava ni nona bula vei ira e dua na mata tamata e a dau vakatoka e liu me lolovira duadua mai na ka kece; ia ena vuku i Karisito, e sotava kina na kena yali na ka kecega. E levu duadua na nona cakacaka mai vei ira na tisaipeli, na nona warolaki e sega ni vakamacalataki rawa. E mokulaki ena kau, vakaviriki ena vatu, takasa, ka voleka ni mate vakavuqa. E leqa e vanua kei na waitui, ena koro kei na veikau, mai vei ira na dau butako kei ira na kai nona. E qarava na nona itavi ena kena sotavi tiko na leqa, ena mosi, ena oca, ena batabata, ena luvaiwale…

O Paula e ivakadinadina bula ni nona bula na lotu dina va-Karisito. E bula me vakalagilagi kina na Kalou…’Vei au na bula, o Karisito.’ Filipai 1:21”

E.G.W. (Our High Calling, December 23)