ዐውል 1.00 ነቅፈሳድስ ሰነት ዕልብ 23 አርቡዕ 29 ማዮ 2013

ኤረትርዪን ስካን መዳይን ኣምስተርዳም፡ ሮተርዳም ወኡትረኽት - ሆላንድ፡ በርሊን፡ ሃምቡርግ፡ ሉሌክ፡ ብረሜ - ጀርመን፡ ጀሃንስ-በርግ ግብለት አፍሪቀ፡ ድወል ግብለታይ አፍሪቀ ኣንጎለ፡ ዛምብየ፡ ዚምባብዌ፡ ናሚብየ፡ አሜሪከ - መዳይን ደንቨር፡ ሳንሆዜ፡ ሲሲናቲ፡ ሴንትልዊስ፡ ላስቬጋስ፡ ኦክላን- ካሊፎርንያ ወጃልየት ኤረትርዪን ዲብ ቫንኩቨር ከናደ፡ ‘’መዳፍዐትነ ደርዕነ፡ ሽቅል ሕሽመትነ” እበ ትብል ስቅራት 22ይ ዒድ ሕርየት ዐዶም እብ ነርያረት ክም ዐየደው ምን ክል አካን ለበጽሔነ ተቃሪር ለሐብር፣

ኤረትርዪን ስካን ሆላንድ ዲበ ወደው እሕትፋል፡ እብ እስትሽሃድ ቃሊ ለመጽአት ወትሐፈዘት ሕርየት እግል ዐማረ ክም ዲመ ዱልያም ክም ቶም እንዴ አከደው፡ መትነዛሞም እንዴ አደቀበው እብ ፈዛዐት እግል ልጋብሆ ክም ቱ ወድሐው፣ሰፊር ኤረትርየ ዲብ

ርኢስ ኢሰያስ አፍወርቂ፡ እት ዮም 26 ማዮ ምን ገጽ ምሴ ምስል ሓክም ውላየት ከሰላ ሱዳን አሰይድ መሐመድ ዩስፍ ኣድም ዲብ ቃዐት ሃገር አምሐበረ፣

ዲበ እት ጠወሮት ዕላቀት

አዮቤል ዘህቢ መትአሳስ መነዘመት ውሕደት አፍሪቀ(እትሓድ አፍሪቀ) ዲብ ማሌ-ለሀ 27 ማዮ ዲብ አስመረ ሆቴል አዝመራ ፓላስ ተዐየደ፣

ዲበ እብ ውዛረት ካርጅየት ኤረትርየ ለትዳለ እሕትፋል፡ ውዘራእ፡ መስኡሊን ጀብሀት ሸዐብየት እግል ዲሙቅራጥየት ወዐዳለት፡ ሕካም አቃሊም ወዲብ ኤረትርየ ለህለው ሱፈራእ ወዲፕሎማስዪን እተ ክምሰልሁመ ወካይል እድንያይ መነዘማት ሓድራም ዐለው፣

ዲብ ውዛረት ካርጅየት ኤረትርየ ሙዲር ዓም ቅስም ዳእራት ወሰፊር ፍስሃጼን ጴጥሮስ ዲበ አስምዐየ ከሊመት፡ ቃረት

ልእኮታት አሰናይ ልተላሌርኢስ ጅምሁርየት አልጀርያ ዐብዱልዓዚዝ ቡተፍሊቓ፡

ርኢስ ጅምሁርየት የመን ዐብዱሮቦ መንሱር ሃዲ፡ ርኢስ ጅምሁርየት ፖላንድ ብራኒስላቭ ኮሞሮቭስኪ፡ መልክ ሞሮኮ መሐመድ ሳድሳይ፡ ንጉስ ሽወደን ካርል ጉስታቭ፡ አሚን ዓም መነዘመት መጅልስ ቅራን ባን ኪ ሙን፡ርኢስ ኮንፍድራልየት ስዊስ ኡሊ ማውረር፡ ርኢስ ጅምሁርየት ኢጣልያ ጂዮርጆ ናፖሊታኖ፡ ርኢስ ፈረንሰ ፍራንስዋ ኦላንድ፡ መልክ ኡርዱን ዐብደላ ካልኣይ ወወሊ አል-አሐድ ክዌት ነዋፍ አልኣሕመድ አልጃብር አልሱባሕ እብ መናሰበት 22ይ ዒድ ሕርየት ኤረትርየ እት ወሕኩመት ኤረትርየ ልእኮታት አሰናይ ነድአው፣

ለሜርሐት እት ልእኮታቶም፡ እግል ሸዐብ ኤርትርየ ሰላም ወመትቀዳም ወእግል ርኢስ ኢሰያስ አፍወርቂ ህዬ ዓፍየት ታመት ትተምነው፣

አሚን ዓም መነዘመት መጅልስ ቅራን ባን ኪ ሙን እንዴ አትለ፣ ዶር ወመሻረከት ኤረትርየ ዲብ ወራታትለ መነዘመት እብ ዓመት ወዲብ አከዶት ናይ ሕበር እድንያይ ሀደፍ ላቱ ሰላም፡ ዐቦት ወመትቀዳም ህዬ እብ ፍንቲት ምህም ክም ቱ ሸርሐ፣

ርኢስ ኢሰያስ፡ ሓክም ውላየት ከሰለ ትከበተ

ክልኤ ለጀሀት ለረከዘ ልቃእ፡ ዲብ ዐማር ዲብ ሕዱድ ክልኤ ለደውለት ለሀለ ድዋራት ወእግሉ ለለአትሐዜ ኣልያት፡ አድመኖት ሐረከት ሻፍገት ምን ወአስክ ኤረትርየ ወሱዳን፡ አደቀቦት ወራታት ትጃረት፡ ወአደቀቦት

ናይ እቅትሳድ፡ ዓዳት ወእጅትማዕየት ዕላቃት ዲቡ ሀድገው፣

ርኢስ ኢሰያስ ወሓክም ውላየት ከሰለ እምበል እሊ እብ ሰበት ፈዓልየት ቀደም እለ ብጹሕ ለዐለ እትፋቅያት ሀድገው፣

50 ሰነት ምን መትአሳስ መነዘመት ውሕደት አፍሪቀ

አፍሪቀ ለባቱ አርዛቅ ክዙን ዲብ መንፈዐት ሸዐበ እግል ልውዕለ፡ እትሓድ አፍሪቀ ምን መትኣታይ ካርጅ ወቲላሁ ሑር እንዴ ገብአ፡ አሳስ ሸዐብ ለቡ ንዛም ወመካይድ እግል ልተባዕ ስየአት ወዐሸም ሸዐብ አፍሪቀ ክም ቱ ሸርሐ፣

ሰፊር ፍስሃጼን እንዴ አትለ፡ ለመነዘመት ምን ትትአሰስ ለሐልፈቱ መራሕል፡ ለሳደፈ ተሐድያት፡ ወድዕፈ እብ መጆብ አህዳፈ እንዴ ፈሰረ፡ ሕሽመት ወቂመት ሸዐብ አፍሪቀ እግል ልትሐፈዝ፡ አግደ ህዬ አብካት አፍሪቀ ዲብ አፍሪቅዪን እግል ልትሐደድ አርድየት እግል ትትጥፈሕ ሰአየት ሸዐብ አፍሪቀ ክም ቱ አፍሀመ፣

መነዘመት ውሕደት አፍሪቀ፡ ሕርየት ለኢረክበ ሽዑብ አፍሪቀ ክሉ ምን እስትዕማር አፍገሮት፡ ውሕደት ሸዐብ አፍሪቀ አተረዶት፡ እብ መዓወነት ሕበር ዐቦት እቅትሳድ አከዶት፡ ሕቁቅ እንሳኒ አፍሪቅዪን፡ እትፋቅያት ስያደት፡ ውሕደት ወሕዱድ ክም ልትሐፈዝ ዊደት፡ ዲብ ቀድያት ቀበት አዕደእ ድወል እዴከ ጀመሎት፡ እተ ክምሰልሁመ ዲብ ፍንጌ አዕደእ ድወል ለልትከለቅ አከይ-መቅርሕ እብ ገበይ ዜረኖት ወቃኑን፡ ሐል ሰላም እግል ልርከብ ከዲም ለልብል አግደ ሽከረት መባድእ እንዴ ጸብጠ ዲብ ዮም 25 ማዮ ሰነት 1963 ክም ተአሰሰ ልትአመር፣

ኤረትርዪን እት ካርጅ አምዕል ሕርየቶም ለዐይዶ

ግብለት አፍሪቀ ወመንጠቀት ግብለታይ አፍሪቀ አሰይድ ሳልሕ ዑመር ዲበ አስምዐየ ከሊመት፡ ሕርየት ኤረትርየ እብ መሻረከት ክሉ ሸዐብ እብ ዐውል ቃሊ ለትአከደት ወተሐፈዘት ክም ተ፡ ሸዐብ ኤረትርየ ህዬ ምን ዐዱ ለጠመዐ ክም አለቡ እንዴ ወድሐ፡ እብ መሻረከት ሸዐብ ዛይደት ልትሰርገል ለሀለ በራምጅ ዐማር ሕርየትነ ለረሽድ ክም ቱ አፍሀመ፣

ኤረትርዪን ስካን ደንቨር- ኮሎራዶ ዲበ ወደው ብዝሓም መዋጥኒን እብ ዓመት ወሸባባት እብ ፍንቲት ለሐድረው እሕትፋል፡ አማነት እግል ለአትመሞ ገለዶም ሐደሰው፣

ዲብ መዳይን ካርጅ ገብእ አስመነ ዐየዶት ሕርየትነ፡ ሸባባት ወጃልያት ዓዳት ወህግየ ዐዶም ለሸርሕ ለትፈናተ ዕፌ ቀድሞ ዲብ ህለው፡ ለበርናምጅ እብ ሄሳት ጋምል ክም ዐለ ለበጽሐተነ ሐብሬ ተአፍህም፣

29 ማዮ 2013 2

ክል አርቡዕ ለትጠ’በዕ ጀሪደት

መዳልያይ። መሐመድ እድሪስ መሐመድ

ናይብ መዳልያይ። ኣድም ሳልሕ (አቡሐሪሽ)

ለይ-ኣውት። ነጃሕ ዐብደላ

ተለፎን። 121797 ፋክስ። 127749። ዕ.ሰ.ቡ። 247

ተውዝዕ ጀሪደት።ተለፎን። 125394አትአመሮት።

ተለፎን። 125013። ዕ.ሰ.ቡ። 1284E-Mail: tigreit@zena.gov.er

“መዳፈዐት ደርዕነ ወሽቅል ሕሽመትነ” እት ሐንቴለ ትብል ስቅራት 22ይ ዒድ ሕርየት ኤረትርየ እት ዓሲመት ሱዳን - ኸርቱም ምን ዮም 24 አስክ 26 ማዮ እብ ነያረት ተዐየደ፣ እግል ገማል እሊ ዒድ ካብር

መዕረድ ስወር፡ ልባስ ዓዳት ናይ ቆምያት ኤረትርየ ክምሰልሁመ መትኣማር ምስል ኤረትርየ ወብዕድ ለሸምል በራምጅ ትቀደመ፣ እብ ፍንቱይ ለእግል ዕፌ ዱሉይ ዐለ ስወር ታሪኽ ወሀውየት ሸዐብ ኤረትርየ፡ ፈራሰት ወመዳፈዐት፡ መካሪት ምድር ኤረትርየ ወአርዛቅ ስያሐት፡ መዳይን ወአማክን ድያናት(መዓብድ)፡ ለትፈናተ አጅናስ ጽዋር ወናይ ነባሪ

መትሻቀዪ ኣላት ለሸሬሕ እት ገቢእ፡ መተቅብለቱ አትዐጀበ ወበሰጠ፣ዲብ እሊ አክልሕድ ሰዐት 8፡

30 ላሊ እት ሜሪላንድ ሆቴል ለትከሰተ ዒድ እስትቅላል ኤረትርየ ዲብ ኸርቱም፡ ዲብ ጀምሁርየት ሱዳን ለሸቁ ሱፈረ ብዝሓት ድወል፡ ለዓልያም ሰብ ሰልጠት እት ሕኩመት ሱዳን፡ ወካይል ለትፈናተየ ሓዛብ ወመሓብር ሱዳን፡ ሜርሐት ደያናት ወዕጋል ክምሰልሁመ ወካይል አንፋር ጃልየት ኤረትርየ እት ሱዳን ሻረከው፣ እተ መናሰበት ምን ለዓልያም

ሰብሰልጠት ወኪል ርኢስ ሱዳን፡ ወዚር ሽኡን ዳኽልየት ሱዳን እብራሂም መሕሙድ ሓምድ፡ ወዚር አምን ሱዳን መሐመድ አጣእ ፈድለለ መውለ፡ ወዚር መጅልስ ውዘረ አሕመድ ስዒድ ዑመር፡ አሰይድ አሕመድ ዐብዱራሕማን በዐል መንበር እድንያይ መጅልስ ሸዕቢ ምስንዮት ሱዳን፡ መውላነ መሐመድ ዑስማን አልሙርቐኒ በዐልመንበር ሕዝብ አልእተሓዲ ወሙዲር ውላየት ኻርቱም ዶክቶር ዐብደልራሕማን አልከድር፡ ለልትረከቦ እቶም ሱፈረ ናይ 74 ደውለት ሐድረው፣ዲብ መክሰቲ ናይለ ሄሰት አወላይ

ሰክሪቴር ሰፋረት ኤረትርየ ዲብ ሱዳን ወመስኡል ሽኡን ስያሰት ወዲፕሎማስየት አሰይድ እብራሂም እድሪስ፡ “አሰናይ እትለ አብጸሔነ” እት ልብል ዲብለ ቀደመየ ከሊመት፡ “እስትቅላል ኤረትርየ ክእነ ዮም ቀደም 22 ሰነት ጀለ ሕርየት ለገብአ ንዳል መሪር ወለትደፈዐ እስትሽሃድ ቃሊ እንዴ ሐልፈት፡ ፈድ’ለ ኢልትሐለል ንዳለ ወመዳፈዐት ስያደተ ወእስትቅላለ ተአክድ እት ሀሌት ሐበን ዐቢቱ፣ ሸዐብ ኤረትርየ እለን ለሐልፈየ ናይ ሕርየት ስኒኑ

ምስዳር ራትዐት። እግል አትሐደሶት አፍሪቀዝክረት 50 ሰነት ምን መትአሳስ መነዘመት ውሕደት አፍሪቀ። ሐቴ ምን ዐባዪ

አሕዳስ እለ ሳምን እላተ፣ ቀደም 50 ሰነት ዲብ ዮም 25 ማዮ 1963 ለተአሰሰት ናይ በዲር መነዘመት ውሕደት አፍሪቀ ወናይ ዮም እተሓድ አፍሪቀ። ዐቦት ስያሰት ወእቅትሳድ ናይለ ለወክሉ ገባይል አፍሪቀ እግል ለአክድ። ዐባዪ አህዳፍ ዲብ ሜሳቁ እንዴ ከትበ ለትበገሰ። ኦሮት ምነ አሀምየት ዐባይ ለቦም ተጀመዓት ዐለም ቱ፣ እግል መትፋቀዲ መነዘመት ውሕደት አፍሪቀ ትትአሰስ እንዴ ህሌት ዲብ ሚሳቀ እንዴ ከትበቶም ለትበገሰት እግሎም አህዳፍ እሎም ለተሉ ቶም።- 1. ሕርየት ለኢረክበ ሸዐብ አፍሪቀ። ምን እስትዕማር ባልሖቱ። (እግልሚ

ለመነዘመት እተ ለተአሰሰት ዲቡ ወቅት። ብዝሓት ድወል አፍሪቀ ዲብ ሐንቴ እስትዕማር ሰበት ዐለየ)2. ውሕደት ሸዐብ አፍሪቀ አደቀቦት3. እብ መዓወነት ሕበር ተጥዊር እቅትሳድ አከዶት4. ሐቅ አፍሪቅዪን እግል ልትሐሸም ወልትአከድ5. ምን ላዋሽ እደይ ዲብ ቀድያት አንፋርለ መነዘመት ላተን ድወል መትጀ’ማል።

ስያደት ወሕዱድ ኩለን ለድወል አከዶት ወሐሸሞት። ምን አጅል ሰላም ወመስኩበት አፍሪቀ። ሕዱድ እስትዕማር ወእሉ ለከስስ እትፋቃት ክም ልትሐሸም መትጻጋም።

6. እት ፍንጌ ለትፈናተየ አንፋርለ መነዘመት ላተን ድወል ለልትከለቅ አከይ-መቅሬሕ። እብ ራቴዕ ወዓድል መትዓርያይ። እብ ገበይ ሰላም ወመፋሀመት ክም ልትባለሕ እግል ትክደም ልብል፣ እሎም ለትሸርሐው። ዐባይ አሀምየት ለቦም አህዳፍ ናይለ መነዘመት እት ገብኦ።

ብዕዳም ለኢትሸርሐው። ዲብ አከዶት ተጥዊር። ሰላም ወመስኩበት ሸዐብ አፍሪቀ ተረት ዐባይ ለቦም አሃዳፍ ብዝሓም ዲብ ሚሳቅ ናይለ መነዘመት ክቱባም ህለው፣ ምን ሐረስ እሊ። መትአሰሳ እሊ ለመስል አህዳፍ ለበ መነዘመት። እት መደቱ እግል አፍሪቅዪን ሰአየት ተጠውር ወሐበን ለልሀይብ ዐለ፣ ዮም ሐቆ ሄራር ሰር ዘመን ላኪን። እሊ አህዳፍ እሊ እንዴ ጸብጠት ለትበገሰት

መነዘመት። “ሚ አፍሬት ገብእ?” እንዴ ትቤ እግል ትትሰአል ወትጌምም። እግለ መነዘመት ልግበእ ወእግለ ህተ ለትወክሉ ሸዐብ ተርጀመት ዐባይ ቡ፣ እብ አማን። ለመነዘመት እትለን ለሐልፈየ 50 ሰነት። ምስል ኩለ ሰኔት ትምኔት ናይ ሸዐብ አፍሪቀ። ክምሰሌሁመ ሙአስሰተ ወሜርሐተ። ምስል ቅያስ ለአለቡ አርዛቅ ናይለ ድወል። ዲብ አትመሞት ገለድ አማነት። በሀለት ዲብ አከዶት ዐማር አፍሪቀ ልግበእ ወዲብ አከዶት ሰላም ወመስኩበት ድወ’ለ ቃረት። ወቀየ ለለሐብን ኢኮን፣ ክምሰለ ርኢስ ኢሰያስ እብ መናሰበት ዝክረት 50 ሰነት ምን መትአሳስ መነዘመት ውሕደት አፍሪቀ ዲብ ኩሉ ገባይል አፍሪቀ እተ ለሓለፈየ ልእከት ለሸርሐዩ። “ናይ እለን ለሐልፈየ 50 ሰነት ጌማም። ደቅብ ድወል ቃረትነ መጦርለ ለትበገሰ እግሎም አህዳፍ በህለት። ዐቦት እቅትሳድ። ስያሰት ወእጅትማዕየት ልትመጣወር እንዴ ሀለ። እብ ከማሉ ዕውት አው ለለአፈሬሕ ወለለሐብን ዐለ እግል ልትበሀል ኢቀድር” እተሓድ አፍሪቀ። አድመዖቱ ወመቅደረቱ ክምሰለ ለትሰአዩ እግል ልግበእ ኢቀድረ ሌጠ እንዴ ኢገብእ። ዲብ መትጸባር ምን እዴ ብዕዳም መንገአት ፋይሐት ሰበት ከስተ። ዲብ ለትፈናተ ባካት አፍሪቀ ለልትከለቅ ክላፋት። ዝያደት እንዴ ልትሐባለክ። ምን አፍሪቀ እንዴ ፈግረ፡ እብ ደረጀት ዐለም እንዴ ልትረኤ። ወረሀየት እንዴ ለሐግል። አብካት ወወቅት ሸዐብ ለለአከስር ሰበብ ጋብእ ክም ጸንሐ። እብ አምሳል ብዞሕ እግል ትትሸረሕ ለትቀድር አማንተ፣ ምናተ። አዜመ ለትከሰረ ወቅት ወአብካት እንዴ ተዐልብ አስተንተኖት ወበቲክ

ሰአየት ኢለአትሐዜ፣ ለለአትሐዜ ለሀ። እሊ ሽንኩይ ታሪክ እሊ። እተ ለተየ 50 ሰነዋት እግል ልትደ’ገም አለቡ እንዴ ትቤ መርበይከ አርተዖትቱ፣ እብሊ አፍካር እሊ። ዝክረት 50 ሰነት መትአሳስለ መዘነመት። ፊቃዶ ዕለት መተአሳስ ሌጠ እንዴ ኢትገእ። ዕለት ለለአትሐዜ ቀራራት ምህም እግል አትሐሶሳይ አፍሪቀ እግል ልግበእ ለአስትህል፣ እተሓድ አፍሪቀ ምን እሊ ሐዋን ሀለዮቱ። ለፈግር እቡ በሰር ወዐቅል እንዴ ትከለቀ። አድመዖትለ እተሓድ እንዴ አደቀበ። ዐቦት ወሕሽመት ድወል አፍሪቀ እበ ለትትጠለብ ደረጀት እግል ለአክድቡ፣ አፍሪቅዪን። ዲብ ሙእተመራት ዐለም እግል ልወክሎም ለቀድር በዐል መቅደረት ብቅዕት። ምህም ቀራር ለነስእ ወክርን ዐዳለት ለለአሰሜዕ። ቅዋት ካርጅ ለኢመሉኩ። ሕር ወዋቂ እተሓድ ከሊቅ ለአትሐዝዮም ሀለ፣ እሊ እግል ልግበእ ህዬ። እብ ደረጀት ድወል ብሕተ። ሀይኣት መዓወነት

እቅትሳድ። ክምሰሌሁመ። እብ ደረጀት እተሓድ አፍሪቀ። መባድእ አህዳፍ ራቴዕ ወዋዴሕ። ቀየሶት በራምጅ ስትራተጅየት ወዲብ ዐመል ለልውዕል እበ ገበይ እግል ልቅፈር ለአስትህሉ፣ ለዐለ ጌጋታት እግል ኢልትደገም ልግበእ ወሐዲስ አህዳፍ እስትራተጅየት እግል አከዶት ህዬ። ለሐልፈ ሄራር እብ ዕን ዐገብ እንዴ ትጌመመ። ተየልል ሄራር ስያሰት ዐለም አክል ሕድ ኣመሮት ለአትሐዜ፣ እብ ረአይ ኤረትርየ። ሸዐብ አፍሪቀ። ለጸንሐ አክጠኣት እምበል መጃመለት ወረሕመት እንዴ አትዐገበ ወሰቀ። ገበዩ እንዴ አጥፈሐ ወአርተዐ። እግል አምጸኦት ለለአትሐዜ ተቅዪር። ምስዳራት ለነስእ ዲቡ ወቅት። እግል ለአሪሙ ኢለአስትህል፣

ተቅሪር

22ይ ዒድ ሕርየት ዲብ ኸርቱም

ኤማን ወስሙድ እንዴ ትሴፈ እት ብነ ወዐማር ወጠኑ እንዴ ተዐንደቀ ሓለፈየን” ቤለ፣እንዴ አትለ አሰይድ እብራሂም፡

“ዮም ዐመት መዳፈዐት ደርዕነ ወሽቅል ሕሽመትነ” እት ሐንቴለ ልብል ሸዓር ለዐይደ እት ሀለ፡ እብ መዳፈዐት ስያደቱ ወእብ ሽቅል ዐቦቱ እንዴ አድመነ ቀደም ለአሳድር ክም ሀለ ለወስፍቱ፣ እሊ አሌላት እሊ ሀዬ ሸዐብ ኤረትርየ እተ እለ ሀለ ምን ለሀሌ ለእብ ፈድል እስትሽሃድ ወንዳል ለረክበየ ሕርየቱ ለዐይደ እት ሀለ፡ ሐምዴ እግለ

መጦር ሸዐብ ኤረትርየ ለሰምደው ወእግል እሊ ካብር ዒድነ ምስልነ ለዐዩዶ ለሀለው ሐው ሱዳንዪን ወሕኩመቶም” ቤለ፣ ሐቆሁ ከሊመቱ ለአስመዐ ሰፊር

ኤረትርየ እት ሱዳን አሰይድ መሐመድ ስዒድ መንታይ “ሸዐብ ኤረትርየ እብ ዐውል ቃሊቱ ሕርየቱ ለነስአ፡ ሕቆ ሕርየትመ የም አለቡ ግድኦ ወዋይዲባት እንዴ ጋብህ እት ዐማር ወዐቦት ወጠኑ እበ ኦሮ እንክር፡ ወእበ ካልእ እት ድፈዕ ወጠኑ እት ልትጻገም ለትወቀለት ግዴቱ ወዴ ለሀለ፣አማንተ፡ ሸዐብ ወሕኩመት

ኤረትርየ እብ ጻብኢታት ወከይናት እንዴ ኢልትከረዖ፡ እት ለትፈናተ መጃላት ብነ፡ ዓፍየት፡ ማይ-ጽሩይ፡ ከህረበት፡ መዋሰላት ወእትሳላት፡ ስያሐት ሐርስ ወብዕድ ለረክበዩ ሰርገል ቀሊል ኢኮን፣ ሰበት እሊ እግለ ሳደፌነ ዋይዲባት ወመኔዕ እቅትሳድ፡ እት መብደእ መተንካብ እትኖስ እንዴ ‘ተኬነ፡ ለተሐበከ እነ ታላት እንዴ ኢገርመሐነ እብ መዕጸም እንሸቄ ሀሌነ፣ እብለ መናሰበት ዒድ ሕርየት እግል እዝከሮ ለሐዜ ዕላቃት ዲብሎማስየት ምስል ኩለን ድወል ሐዋት ወመነዘማት አቃሊም ወእድንየ እብ ፍንቱይ ሀዬ ፈታይነ ሽዐብ ሱዳን ወሕኩመቱ ለኸስስቱ፣ ምን እያም ቅዱም ለአተላሌ ለሀለ ዕላቃትነ ለደርዕ ናይ ጋዘሎት እት ሕድ እትፋቅያትነ ዲብ ስትራቴጅያይት መዓወነት ሕድ ወምስንዮት ገባይል ክልኢቱ ለድወል ምህም ምስዳራት ትነሰአ፣ እብለ መናሰበት እለ፡ ፍንጌ ገባይል

ሱዳን ወግብለት ሱዳን ሰላም እግል ትትመደድ ገብእ ለሀለ ህድግ ፍሬ

ዲብ ገጽ 9 ልተላሌ

29 ማዮ 2013 3

እተ ሐልፈ ሳልሳይ ክፋል ሼክ ዐሊ ሓዝየት ሕርየት ሙናድሊን እግል ልሕዜ ምን ከረን አስክ ስነይ ክም ትጸዐነ ምናተ ፍንጌ ፍንጌ ባስ ክም ተዐተለ እንዴ ትከረ ምኑ እብ እገሩ ሐቆ ናይ ሰለስ ምዕል ሰፈር ገሉጅ ክም አተ ወእቱ እት ለአሰርብብ ወለአተናሴ ጀሀት ጋሽ ወበርከ ላቱ ከበሮም ክም ኢሀለ ኣምር ክም ዐለ ምናተ ልቡ ለኢትከይድ ህግየ ሳሜዕ ክም ዐለ ረኤነ፣ ከራብዕ ክፈል ልተላሌ፦እሊ ወክድ እሊ ሼክ ዐሊ

ንኩድ ዲብ እንቱ ‘’ የሀው አነ ሸዕብየት ይአምር ወምን ሸዕብየት ይአነ ሳብዓይ ፈስል ለአድረስክው ወልዬ ሰበት በደ ምንዬ እሉ ዲብ ሐዜቱ እንሰር ማጽእ ለህሌኮ ብዕድ ለሰምዐኩዎ ወለረኤኩው ሴመ አለብዬ’’ ቤለ ወእለ ምስምሰ እለ ክምሰል ነሺድ ደለ ትሰአለዩ እግሉ ደግመየ፣ ገሉጅ ላኪን ድድ ሼክ ዐሊ ለተዐንደቀት እት መስል ከበር በደ ሌጠ በላለሰት፣ ምዳደት በዴት ለልብል ትሉሉይ ልብ ለነኪእ ቤለ ቤለው ህዬ ስካብ ከልአዩ፣ ምናተ እት ልቡ ለገብአት ትግበእ አኪደት እግል ልርከቦ ልሰዕ አምበል ሕላሌ እግል ልሰአሎ ወለአተንትኖ ምንመ ነወው ለበለድ ለሀይ አፍረሀዮም፣ ለጽልመት ወለ ጭምብወ ምስለ ድማን ወድገለብ ክምሰል ሸማል ልትፌረቅ ለዐለ ቤለ ቤለው እግል ሼክ ዐሊ ዳየገዩ ወንየቱ ሓጨረ፣ ለእት ደሚሩ ድጉል ለዐለ ሰእዮብ እብ ሸፋግ እግል ልትሐቀቅ ሰበት ኢቀድር ሰብር እግል ሊዴ ህዬ ትቀሰበ፣ ለግሬሻቱ ሰበት ትወሐየ ህዬ ለናይ ዔርባይት ሓዚሁ እግል ለአተላሌ አሰልፍ ለነብር እቡ ክሳር እግል ልርከብ ቡ፣ እብሊቱ ህዬ ምስል ኦሮ ሱዳኒ ታጅር ክምሰል ሸቃላይ እግል ልሽቄ ትሰአለዩ፣ ላኪን ክልኤ ክልኤ ሐስበ፣ ህቱ ህዬ ለእምቡቱ ዐለ ሄራር አተላላይ ወለ እንዴ ሸቄከ ሴፋከ ወነወልከ እግል ትድመን ብከ ቤለ፣ ለሱዳኒ ክምሰል ትሰአለ ህዬ ሰኒ አው ኢፋል እንዴ ኢልብሉ ጽነሕ ሌጠ ቤለ ከእግል ልግሜ ታከዩ፣ሼክ ዐሊ ዲብ ገሉጅ እት

እንቱ፡ ዲበ ዑሩፍ እተ ለዐለ ቤት እንዴ አቅበለ እብ ስምጡ ገብአ፣ ስካብ ላኪን ክሉ ርአሱ ጤረ ምኑ፣ ምን ሀማት ዲብ ሀማት ወምን ሸቀሌብ ዲብ ሸቀሌብ ትካረ፣ ቀመትመ ምን አንፈረ ለበዲር ዲብ ዝለ ለአምሮም ወአዜ ዲብ ሓዚሆም ብጉስ ለሀለ ምሔርበት ሕርየት እት ቀደሙ ልትካየሎ እሉ፣ ገሉጅ ህዬ እምበለ ልታወጭ ለዐለ አብያት እብ ጽልመት ግልብብት ዐለት፣ ክርን

ከበር ተሕሪር ወስድት ገበዩ 4ይ ክፋል

ጽልመት ገያሲት ተ ሼክ ዐሊ ጉምጉም ለልብል አክራን አዳም ሰበት ሰምዐ አዜመ ምነ ለሐምስ እተ ለዐለ በሐር ሃማት ወሸቀላት ሐሶሰ፡ ለእሉ ፈቴ ከበር ለሰምዐ ሰበት መስለ እቱ ህዬ ዝያደት እግል ለአተናሴ አምበተ። ለልትሃጀኮ ዐለው አንፋር ናቅሾ ወልትከሐዶ ዐለው፣ ለንቃሽ ወመክሐደ ህዬ ዲበ ምክራሩ እንዴ ገብአ ለአተንስዩ ዐለ፣ ኦሮ ምነ መትክሕደት ‘’ ሸዕብየት ኢበዴት እብ እንክር ሱዳን ዓይተርበ እተ ትትበሀል አካን ህሌት ቤለው፣ እግል ትብዴመ ኢትቀድር ‘’ ክምሰል ቤለ ሼክ ዐሊ እንዴ ኢልትአመሩ ምነ ምክራሩ ፍርግናጽ ወደ ወለልቡ ሸፈ ከበር ዝያደት ኤማኑ ወሰከ ወሰእየት ሀበዩ፣እግል ለአተንሴ ህዬ እዘኑ አተናከለ፣ ሼክ ዐሊ እባሁ እሊ

ከበር እሊ ለአምኣት ኪሎሜተራት ራይም ምኑ ለዐለ ድጌ ዝለ እግል ልስምዑ

ተምነ፣ ለብዲር ለ አ ም ሮ ም ዐ ለ

ምሔርበት ሕርየት ዲብ ኦሮ ውቁል ለኢልትአመር ደብር አው አዳም ወንዋይ ለኢነብሩ ሕሊል እግል ሕርየት ለለአንጎጉ ሽባን ሕርየት እንዴ ትጀመዐው ዲብ ልሄሮ ወእት ገናድሎ ትካየለው እሉ፣ እበይኑ ህዬ እብ ፈርሐት ስሕቅ ቤለ፣ እባሁ ህዬ ዲበ አካኑ ፋርሕ ዲብ እንቱ ትገስ ወአስክ ሀደፍከ ትወከል እበ ልብል ሽዑር ህዬ ከተፍ ቤለ ወሐር ዲበ ምግሳዩ ምን ሐዲስ ትርግዝ ወደ፡ ‘’ማልዬ ወዳርዬ ተዋብዬ ወዐጄ ለጀላብ ወጠን ምን ዐድ ከደን ለሐረው ፍራስ ምሔርበት ተሐሪርቶም’’ እንዴ ቤለ ህዬ ሐስበ ወአስተንተነ፣ፈጅራተ ምድር ክምሰል

ጸብሐ ዲበ ሱዳኒ ሐረስታይ እንዴ አቅበለ ‘’አናዲ እግል እሽቄ ወፈቴኮ ላኪን ምስል ኦሮ ዲብ ገዳረፍ ለሀለ ነፈር ሰላዲ ሰበት ብዬ አሰልፍ አስኩ ምን እገይስ ሐ ይ ሰ ኒ ’ ’

ቤለዩ፣ ላመ ሱዳኒ ረቢ ልባርኩ ሰበት አምነዩ “ከላስ ኮይስ እንዴ ቤለ ገበይ ሐበረዩ፣ ወእግለ ዐለ ምስሉ ብር ዲብ ጅኔ እንዴ ቀየረ ገበዩ አተላለ፣ ዲበ ሸካኒከ ለልውሕል ፋይሕ ጋድም እገሩ ዲበ ጸሊም መርግ ከላት ዲብ ልትወሐል ምኑ ህዬ ተከሽ እግል ሊበል አምበተ፣ ሼክ ዐሊ ወድ 50 ሰነት አብቱ፣ አምዕል እብ ግዲደ ለሄርር ውዕል እንዴ ዐለ ህዬ ባካት ማሲ ምድር በሐር ሴቲት እንዴ ተዐደ ሑመረ ሐልፈ ከዲብ ኦሮ ድጌ ሱዳን ገንገአ፣ለእብ ሐፋነት ልሁፍ

ለዐለ አርሓት እገሩ ዲብ ማይ ኣተዩ ሽውየ እግል ለአተንፍስ፣ ቡን ዋልፍ ሰበት ዐለ ወለፉ እግል ለአፍግር ወለ ካስል ዐለ ደሚሩ እግል ልረይሕ ዱሉይ ዲብ እንቱ ወእት ሸፍግ፡ አመተ ኢተአመረት ዲበ ድጌ ለዐለው ዐሳክር ሱዳን አዳም ገ’ፎ ሰበት ዐለው ሼክ ዐሊመ አረይ እ ግ ል ኢ ል ግ በ እ ትሻቀለ ወ እ ት ሐ ዲ ስ

ሀማት ትካረ፣ ለቴለል ህዬ እግል ልእመኑ ኢቀድረ፣እተ መደት ለሀ ለዐሳክር

ሱዳን እግለ እምበል ገበይ ቃኑን እግል ልሽቀው እት ምድር ሱዳን ለአተው አንፋር ልትነዐው ዐለው፣ ለልትነዐው ዐለው ህዬ አርወሐቶም እግል ለአንግፎ ለሀርቦ ወለዐሳክር ደርቦም ልትሳሰዐው ክምሰል ረአዮም ሰኒ ወአማን ትነከደ፣ ‘’አላላ እሎም ልትነዐዎም ለህለው ክእነ ክምሰልዬ ኤረትርዪን ገበኦ፣ ሕናመ ዐድነ ሕርርት ምንገብእ ምን ክእኒታት ወትነጄነ ላኪን ደሐንቱ አምዕል ህሌት እሎም እት ከደን ሽፉላም ለህለው ምሔርበት ተሕሪር ልትሰርገሎ ወኤረትርየ ትትሐረር’’ ቤለ እብ ደሚሩ ዲብ ለአስተንትን፣ እተ አካኑ ህዬ ክምሰለ ለሀርቦ ለዐለው አንፋር እግርዬ አፍግሪኒ እንዴ ቤለ እት እግሩ ይሐዘ፣ እግል ልህረብመ ኢወጠነ፣ መረ ድዩር ወታልፍ ሰበት ዐለ ህዬ እታ አካኑ እግለ ረቢ ወደየ አስበረ፣ እለ ወደው ልውደው እንዴ ቤለ ህዬ ታከዮም፣ ለዐሳክርመ ይአደገው እግል ሼክ ዐሊ ከብ እብ ጽብጠት አበለው፣ሼክ ዐሊ ለዐሳክር

አሰልፍ ጸብጠው ወሐር ለዕምሩ ገብእ ረአው ሐቆ መደት ዐተቀው፣ ክምሰል ጠለቀው፡ ፈጅራተ ምነ አካኑ አስክለ ኣ’መ ለዐለ መዲነት ገዳረፍ ተሀርበበ፣ ሀደፍ ሄራሩ ህዬ አስክለ እት ግምራሪብ በሐር እንክር ምፍጋር ጸሓይ ለዐለ መዳይን ሱዳንቱ ለዐለ፣ ሰበቡ ከበር ናይለ ብጉስ እሎም ለዐለ እንክር ምውዳቅ ጸሓይ እንዴ ኢገብእ እንክር ምፍጋር ጸሓይ ወእብ ፍንቱይ ባካት ዐይተርበ ህለው ለልብል ስርባቢት ሳምዕ ሰበት ዐለ፣ሐቆ ናይ ገሉጅ ከበር

ላኪን እብ ሰበት እሎም ምሔርበት እሎም ለገብአ ልግበእ ከበር ኢረክበ፣ ለወደ እንዴ ወደ ምን ገዳረፍ አስክ ቦርሱዳን ወምኑመ አስክ ቶከር ወመራፊት እንዴ ጌሰ ዲበ ለሐዝዮም ለዐለ ምሔርበት እግል ልብጸሕ ወምኑመ ሕዱድ ኤረትርየ እንዴ አተ አስክለ ከበር ሰኒ እግል ለአምጽእ እሎም ብጉስ ለዐለ ስካን ዙለ እግል ሊጊስ እብ ልቡ ስታቱ አፍግረ፣ ሼክ ዐሊ እሎም ሙናድሊንቶም ምን ምፍጋረ እት ምውዳቀ ወምን ቅብለተ እት ግብለተ ክምሰል ልትሐረኮ እት ደሚሩ ኢበይአ፣ አምበል እረክቦም ህዬ ብዕድ ሕሳብ ኢመጽአዩ፣ ክምሰል በዐል መዋዕድ ህዬ አስክ አድብር ሳሕል ወአግዳም በሐር እግል ሊጊስ ወእግል ልሕዘዮም ሌጠ ትባደረ፣

29 ማዮ 2013 4

ኣድም አብሐሪሽ

ዐደድ መዳርስ አቅሊም ምግብ ሰነት 1991 ምስል 2013 እት ልትቃረን (ተክተት I)

ደረጀት 1991/92 2012/2013 ዐቦትእብ ዕልብ

ዐቦት እብ %

ረውዳት 41 143 102 248.8

መአንብታይ 100 107 7 7

ምግባይ 24 49 25 104.2

ካልኣይ 11 26 15 136.4

ዕሙማይ ጀምዕ 176 325 149 84.7

ዐቦት ተዕሊም አቅሊም ምግብ፡ እት መደት ሕርየት

ተ ዕ ሊ ም ዎሮት እብን አሳስ እግል ኩሉ ተጠውራት ደውለት ቱ፣ ደውለት ቀደም እግል ተአሴርር ሐቆመ ገብአት፡ እሰልፍ መዋጥኒነ ጀሀል እንዴ መሐው፡ እት ተዕሊም ገጾም ቀደም ለሄረረው ዶል ገብኦ፡ እት መናበረቶም ምን ገብእ ወአግቡይ ሽቅሎም፡ ዐቦት ክም ለአመጽኦ አኪድ ቱ፣ዐድነ ኤረትርየ እት

መደት እስትዕማር፡ እት ሑድ ክለው፡ መዓህድ፡ አብያት ክስታን ወሕዱዳት መዳርስ ቶጭ ዕልም ለረክቦ ሑዳም ምን ኢለዐሉ፡ ኩሎም መዋጥኒን ገጽ ሕድ፡ አንሶም ወተብዐቶም፡ ንኡሾም ወዐቢሆም ለልትዐገሎ ዲቡ አብካት ተዕሊም በታተን የዐለ እግለ፣ መስተዕምረት ካስታሙ

ለዐለው መዳርስመ፡ ምስለ ሕዴሁ፡ እግለ መስተዕምረት ለከድም ወክም ምራዶም እት ስያሰቶም ለቃንዉ መዳርስ ቱ ለዐለ፣ ሐቆ ሕርየት ዐድነ

ላኪን፡ ሕኩመት ኤረትርየ

አቅሊም ምግብ እግለ በክቱ ለሰኒ፡ ደገጊቱ ምን በዲሩ ክምኩም ሰበት ጸንሐ ወምን አስመረ ብዙሕ ረዪም ሰበት ኢኮን፡ ብዝሓም እሎም ዳርሳም ለአፍረ፡ መብዝሑ ሸዐቡ ለቀርእ ወከትብ ወምነ መጽእዎ ለዐለው መስተዕምረት ገሌ ናይ ምህሮ ሽንኮሪት ለአትረፈ ሸዐብ ቱ፣ አዜ ዲብ አቅሊም ምግብ ምን ረውደት አስክ 2ይት ደረጀት 325 ቤት ምህሮ ህለየ፡ እለን እት ሰነት 1991፡ 176 መድረሰት ሌጠ ዐለየ፣ አዜ እት አቅሊም ምግብ፡ ዝያድ 157 አልፍ ደረሳይ/ት ወ4,677 ምደርሲን እት ወራታት ደሪስ ወአድረሶት ክስኣም ክም ህለው፡ ቅስም እሕሳእያት ፈርዕ ተዕሊም አቅሊም ምግብ ለአክድ፣

ዐደድ ምደርሲን አቅሊም ምግብ፡ ሰነት 1991 ምስል 2013 እት ልትቃረን (ተክተት III)

ደረጀት 1991/92 2012/2013 ዐቦትእብ ዕልብ

ዐቦት እብ %

ረውዳት 123 696 573 465.9

መአንብታይ 1,322 1,864 542 41

ምግባይ 254 1,128 874 344.1

ካልኣይ 475 989 514 108.2

ዕሙማይ ጀምዕ 2,174 4,677 2,503 115.1

ዐደድ ደረሰ አቅሊም ምግብ፡ ሰነት 1991 ምስል 2013 እት ልትቃረን (ተክተት II)

ደረጀት 1991/92 2012/2013 ዐቦትእብ ዕልብ ዐቦት እብ %

ረውዳት 6150 19,702 13,552 220.4

መአንብታይ 57,707 67,926 10,219 17.7

ምግባይ 12,326 36,088 23,762 192.8

ካልኣይ 23,977 33,488 9511 39.7

ዕሙማይ ጀምዕ 100,162 157,204 57,042 56.9

ለእብ ብንየት ትሕትየተ ምን ገብእ ወመቅደረት አዳመ አርድ ዛብጠት ለጸንሐተ ምን ንዛም ደርግ ለትሰለመተ ደውለት ወእቅትሳደ እግል ተሓዬ፡ እሰልፍ መዳርስ እግል ተአትሐሶሴ እበ ነስአተ ከጥወት ሻፍገት ወእበ አፍገረቱ ማል ብዙሕ፡ ዮመቴ እት ክል ርክን ወጠን፡ መዳርስ እግል ኩሎም መዋጥኒን ኤረትርየ በሀለት አጀኒት እት ንዙም

ተዕሊም ወዐባዪ እት በራምጅ አብደዮት ቅዌት እንዴ አተው ደርሶ ዲበ ለህለው ደረጀት ብጽሕት ህሌት፣ እሊ ህዬ፡ ሕርየት ሐቆ ህሌት ኩሉ ተጠውራት ወአብካት ክም ሀለ ለልአርኤ ጋር ቱ፣ ሕርየት ለአለቡ ላኪን እግል ልትዐለም ኢኮን፡ ለሀለዮቱመ እት ክጡረት ሰበት ቱ፡ ሕርየት እግል ኣደሚ ምን ገብእ ወብዕድ መክሉቅ አካነተ ልትዓደለ አለቡ፣

እተ ሐልፈት ጥብዐት ኤረትርየ ሐዳስ፡ ዐቦት ተዕሊም አቅሊም ግብለት በሐር ቀየሕ ሐቆ ሕርየት ርእያም ዐልነ፣ ከዮም ሄራር ተዕሊም እት አቅሊም ምግብ፡ እት ሰነት 1991 ከአፎ ክም ጸንሐ፡ ወአዜ ህዬ ዲብ ሚ ደረጀት ክም ሀለ እብ ተክታት ወእሕሳእያት (Statistics) እግል ንርኤ ቱ፡

29 ማዮ 2013 5

መሐመድ እድሪስ

ለአዳም ለበልሶም። ለረፍዖም ወለከርዮም። ለለአበለዖም ወለለአሰትዮም ምስኩናም ሐርብ ከረ ኢብራሂም ሳልም ለዐለው ዲበ እስብዳልየት ሰበር-ቀጤ። አባይ ምንኬነ ሸንከት ቅሮረ ክም ሐልፈ፡ ምን ሰበር-ቀጤ እበየ ረትዐው ገብእ? መሔርባይ ኢብራሂም ሳልም ለሐልፈት እንዴ ዳግም።-“ሕነ እግልነ ሌጠ እንዴ

ኢገብእ እግል ብዝሓም አጅህዘት እተ ደዋይሕ ለዐለ ለሳደፈ ሸይ ዐለ፣ ሕነ ዲብ ቀበት ሰበር-ቀጤ እንዴ ህሌነ። ከረ ዜሮ ወደብዐት ዲብ አካናቶም እንዴ ህለው። አባይ ደዋይሕ ግሮይቶ፡ ነፍሰ ለመዐረከት አደሐ ገብአት ወአባይ ዲቡ ሐቆ ጸብጠ እ’በ ላሊሁ። እግለ አጅህዘት እንዴ ሐየጠ ዲብ ከርዶን እግል ለኣቴ ወለአጅህዘት ናይ ከልፍየት እግል ልጽበጥ በርናምጅ ዐለ፣ አስቦሕ ላኪን መባደረት ወደው ጀማዐትነ፣ ወሕነ እንዴ ነሐልፍ ባሮት እንዴ ጼኔነ ሐለፍነ፣ እግል ሚ ቱ ባሩድ ለጸኔነ ለዐለ፡ ለመዓርክ ዲብ እለ አካን ጎነ ውዕልቱ ቤለውነ፣ ከሐቴ ዶል በጠርነ ዛቱ፣ ወምነ እባነ ሚ ትብሉ ለሐጠር ለሀይ! ኩለ ለአጅህዘት እተ ደዋዬሕ ለዐለት፡ እበ መዐረከት ናይለ ምዕል ለሀ ገበይ ትፈተሐት እለ ከምነ ከርዶን ሰልመት በህለትቱ፡ ወለከጥ ትፈተሐ፡ አስክ ከረ አልጌን ወእሊ ጌሰ ዐዶ፣ ወለከልፍየት ሐሬ ለረኤናሀ ከረ ዐሬርብ። ዐምበርበብ ትበሀለ ወሕነ ፈልከት-ንኢሽ ነስአነ፣ ሐዋሊ ሸሀር ክልኤ ላኪን

ዐየት እንመጽእ፣ ለዝሩፍለ ንዳል ወሰውረት በርዱ ንሕናመ ሳድፈነ ዐለ፣ ክፋል ናዩ ሰበት ገብአነ፡ ብዞሕ ዕረጎ-ትከረዮታት እግል ትርኤ ትቀድር፣ ምን ዐየት ህዬኒ እት ጭልሕንቴ እንመጽእ በህለትቱ፣ አዜ እሊ ኩሉ ተቅዪራት መጽእ እንዴ ሀለ፡ እብ ቃብሉ ሀዬኒ እሊ ሳልሳይ ወራር፡ ራብዓይ ወራር ወእሊ ለልትበሀል መጽእ፣ ኣክር ላኪን ለክቡድ ምስክናሆም ለተክ’ሎም አው መስከኖት ለብዲቡ አካን እግል

36 ሰነት። እት ኩርሲ ዐጀለት

እብራሂም ሳልም አዜ

እብራሂም እንዴ ኢመስክን 1977

ልትረኤ ብዲቡ ቤለ ተንዚም ወእግል ኩሉ ለ ሔ ሰ ት ተ ፣ እብ ሐቴ እ ግ ል ነ ለ ሔ ሰ ት ተ ፡ አ ው ለ ው የ ት ክም ሒራን ህዬ በርሶዳን፣ እኽትያር ናይ በር-ሶዳን ህዬኒ እብ አማን ዶል መጽአነ ሕነ ብዞሕ እኩይ ኢ ሳ ደ ፌ ነ ዲቡ፣ ወበርዱ

ለተንዚም ህዬኒ ለሐስበየ አካን ሰላም ሐንገሎም ለቀስን እቱ ምስለ ለሀለ እግሎም ምስክነ ድቁብ። እቱ እግል ልብጸሖ ቦም ትበሀለ፣ ከክ’መ ተንዚም ለሐስበዩ እተ ውቀት ለሀይ። ፖርት-ሶዳን ለአካን ለአቴነ ዲበ ክ’መ ኖስከ

ለሸቄካሀ እግል ምስኩናም እንዴ ገብአት ረከብናሀ በህለትቱ፣ እሰልፍ አርዲ ተሐት ዋጢቱ። ካልእ ህዬ ክ’መ አዜ ለህሌናሀ እንዴ ኢገብእ፡ “ካሊ-ብራቲ-ካሊበር” ለልትበሀል እገር ስናዐት እግሉ እንዴ ወዴነ ለዐል ወተሐት ለእምብል እቱ ወቅትቱ ለዐለ፣ ሰበት ዲብ ናይ በር-ሶዳን መናበረት እተ መጽአነ ምን ገብእ፡ ምነ መናበረት እት ሜዳን ለዐለት እቡ፡ መናበረት እብል እንዴ ህሌኮ ለወድዕ ለእት ሜዳን ገይስ ለዐለ ኩሉ ነሻጥ እት ሜዳን ለዐለት ዲበ ቤት ዐለ በህለትቱ፣ የምክን ክም ሐቴ መዲነት ናስኣመ ሕነ ለአካን ለዐለት፣ ክም ሐቴ መዲነት ለገብአት ሓጀት ትትረክብ እተ፣ አዪ ሓጀት ለትረክብ እታ ተ፣ እግል ሚ፡ እተ ወቅት ለሀይ እሰልፍ

ዲብ ክልኤ መጅሙዐት ዐለ ወሐሬ አዳም ሐቆ በዝሐ ላኪን፡ ዲብ ሰለስ መጅሙዐት ትከፈለ ለአዳም፣ እሊ እግል ሚ ልትካፈል ሀለ? ሐቴ እግለ ነሻጥ ለገብእ ለዐለ እግሉ ዶር እግል ለሀሌ እግሉ። ካልኣይ ሀዬኒ ናይ ነብረ ኖስነ እስብዕየት እንፈግር እቱ ዐልነ፣ እስብዕየት እብ ክል-ክልኦት ነፈር እንፈግር፣ ነፈርከ ምን መጅሙዐት ሐቴ አስቦሕ እግል ጸቤሕ ለትገብእ እስቤዘት ለአትዳሌ፣ ሐቆሀ ለመጅሙዐት ለፋግረት ለሀሌት እት መገጎ አነግረ ትሰንክት፣ ምኑ ወኬን ድሩስ አካዳሚ ዲቡ ለአቴ ለአዳም፣ ምን አወል ፈስል አስክ ሱሳይ ወሳብዓይ ፈስል ዐለ እግልነ እተ ዉቀት ለሀይ፣ ሙደርሲነ ምኒናቶም፣ ምን እለ ፈገርከ ምን ገብእ ሄኒ ለነሻጥ ምን ሰዐት

ሰለስ ወኬን፡ ተስቂፍ ስያሲ ትደርስ፣ ናይ ምሴ ገአ ምን ገብእ፡ ረስም ዲቡ ለአቱ አው ዲቡ ለአደርሶ ዐ ለ ው ፣ ለ ሰ ሮ ም ህዬኒ፡ ፈን ወ ሙ ሲ ቀ ት ደርሶ፣ ሰበት እሊ ለገብአ ሽቅል ዲበ ተንዚም ለዐለ ምኑ፡ ምን ሐበት ውዕላም ይሕነ፣ ኩለን እለን ዲብ እ ሕ ት ፋ ላ ት መሰለን ዒድ ረ አ ስ - ሰ ነ ት ኒበል። ሰማን ማርስ ኒበል። ሐቴ ማዮ። ዒድ ሰውረት ሰ ብ ተ ም በ ር እምብል። እለን ኩለን ዲቡ ለፍርቀት እተ ዳክ’ለ ቤት

እብ በርናምጅ እቡ አው ከማን በረ መስረሓት ናይ በር-ሶዳን አው ዲብ ሰፋረት አው ዲብ ክለብ ናይ ኤረትርዪን፡ ዲቡ ለሸዐብ እግሉ ዕፌ ዓዳት ትቀድም ከምሰል ዐለት በህለትቱ፣ ዲቡ ለትከለቀት ውሕደት ህሌት አስክ አዜ፣ እለ ውሕደት እለ። ምን ሳክት አው ምን ስፍር ለትከለቀት ኢኮን፣ እሊ እግሉ ዘከርኮ እግልከ። በዲር ሙናድል ናይ ጀብሀት ሸዐብየትቱ፣ ከሙናድል ናይ ጀብሀት ሸዐብየት ምን ገብእ፡ ዲብ ለትፈናተ አማክን ልትረኤ ለዐላቱ፣ አንፋርለ ተንዚም ሕድ እንዴ ጸብጠው ገይሶ ለዐለው ቶም፣ ዝያደት ላኪን፡ ዲቡ ሐቆ ጌስነ ሕድ ሐቀፍነ በህለትቱ፣ ሽቁልነ ሽቅል ሕበርቱ ለዐለ፣ ኩሉ እት ሜዳን ገብእ ለዐለ ወራታት እንወድዩ ዐልነ እቤለከ ኢኮን፡ አስክመ ዋርድየት ለበዋበትነ ኖስነ ነዐቅበ ዐልነ! ላሊ ሀዬኒ ምን ሰረቂት ልግበእ ወምን አዪ ሽእ ምን አዪ አባይ ዔቅቢት እንፈግር፡ አስክ ኦሮት ተሐት ወኦሮት ዲብ ለዐል ሐረስ ፈግር፣ አብያትነ ልግብእ ወለሐመማትነ በርዱ እብ ተረት ኖስነ ነሐጽቡ፣ ምን በረ ለመጸአነ መሳዐዳት ይዐለ ወለምን መጽእ ከማን እተ ወቅት ለሀይ ለአትሐዜነ የዐለ፣ ከአነ ናይ በርሶዳን መምክን እብለን ክልኤ ሰለስ ከሊመት እንዴ ኢገብእ፡ ወቅት ለልሐዜቱ፣ መምክን ስጅላት ሀለ ሰሩ። ክ’መ ለአትሐዜ ኢትሰጀላኒ፣ ዶር ናይ ሙመርዲን ወናይ ደካትረ በርዱ ዲብ እሊ እግል ነአምጽኡ። ዲብ ሰበር-ቀጤ ዘከርናሁ አዜ ዲብ በር-ሱዳን ህዬ፡ መጦር ናይለ ሙቃትልቶም ገይሶ፣ እብለ ሸቁ፡ እብለ ናዮም ናይለ እግልከ ለአትሐዜ ዕላጅ እግሉ ወዱ ልውዕሎ፡ ወዶል ሀዬኒ አስቡዕየት ፈግሮ፡ እዳርዪን ሀለው እቶም፣ ሚ እግል ኢበለከ፡ ክም ማይ ወሐሊቡቱ ዐልነ ምስሎም፣ አስክመ እተ ሰቃፈት መሽተርኪን ቶም ምስልነ፣ እተ ዓዳት ልግበእ። ረስም ወአዪ ሓጀት፣ ከለ በዲር አሰስናሀ ምስሎም ዕላቀት አስክ አዜመ ሀሌት፣

እብራሂም ሳልም እት ስዊድን (2002)

እብራሂም ሳልም ወመልህያሙ እት ሰዋክን (1988)

29 ማዮ 2013 6

“ዲብ ገለድከ ስበት” ለትብል ህግየ ናይለ መልከት ዲብ እዝን ፈረጅ ዶል በጽሐት። ፈረጅ ረአሱ ደውሸት አቴት ዲቡ፣ ሰልፍ ልትደውረር ለሀለ መስለዩ፣ ሸበህ ክምሰል ጸንሐ ላኪን እስትቅፋር በልሰ ወረቢሁ ትዘከረ፣“ያረቢ እንተ ካልቅ ክሉ

ወቃድር ክሉ እንተ፣ አነ ወእለ ክፍእት መክሉቀት ክሊነ እብ ምራድከ ከለቅከነ፣ ሕነ ህዬ እብ ክልቀትከ ራድያም ወክቡታመ ሕነ፣ እለ ዕንታቼ ክፍእት ለቤለየ እሲት። እንተ እብ ምራድከ ከለቅካሀ፣ የምክን አናመ እበ ዕንታተ ክፉእ እንዴ ገብአኮ እግል እትረአየ እቀድር፣ ክፍኤ ሸክል እንዴ ኢገቢእ ክፍኤ ፍክርቱ ለአከ፣ እለ

መርሐባቦም አውኪራም ፍሬ ሕርየት! ሰብ በክት ሰኒ ወመስተቅበል ባሪህ! ዒድ ሜላድ ሕርየት ኤረትርየ ሸላሊት ከአፎ ሓለፍኩሙ። እንዴ ዳግሞ እግልዬ፣ ንዕኖ እብሊ ጀፈርዬ ትገሰው ጋምል መሕበሮም፣ አነ ኖሱ ደለ እለ ትከልኦ ምንዬ ትበዝሕ ዲብዬ፣አውኪር። መርሐባበ አቦቼ

ዳፍአት፣ ፍሬ ሕርየት ምን ትብሊናመ አማንኪቱ፣ ክሊነ ግረ ሕርየት ለትወለድነ ወምን አምር ለነአምሩ ለዐበ ዒድ እሊ ዒድ ሕርየት ቱ፣ ብዕድ ዓያድ ምንመ ብነ አክል እሊ ዒድ እሊ ለንትጀመዕ ዲቡ ወምስል እንዴ ትሳዴነ ለነዐይዱ የሀለ፣ ዳፍአት። ከአናመ እሊቱ

ኢኮን ለእሉ እግል ትዳግሞ እግልዬ ሐዜ ህሌኮ፣ እንዴ ሰለመት እንቲ ዲብ አየ ወእብ ከአፎ ሀይአት ክምሰል ዐየድክዩ ዳግሚ እግልነ፣ ሰለመት። አነ ምስል

መልህያምዬ ቀደም ክልኤ ሳምን ለአትዳሌናሁ በርናም ናይ አሽዓር ወተማሲል ሰብት ዐለ እግልነ። ዮም 24 ክሎም ዋልዴነ (ጀዋሪን) ዲበ እዱሉያሙ ለዐለው ድላለት ሐፍለት ዕፌ አርኤነ፣ ክሉ ለአዳም አጣቅዐ እግልነ ወምስልነ ዲበ ድላለት ሰስዐ ወዕፌ ተማሲልነ ዐፈ፣ ሰሮም ዓሽ ዲብ ልብሎ አትሳጅዐውነ። ወሰሮም ምን

ርክን ሽዕር

ዋልዳይት ሐመድክዉ ሞላዬ ሻነት

ሰኒ መነየ

እለ ዛይደት ረሕመተ ክሉ መክሉቅ ፈተየ

በዐል ሐበን ወዕለት አልባብ ሸፌ

ወቀየትንበር እነ ወተሀሌ

ምንለዐል ክሉ ሊደየምን ንእሽ መዓብያይትምን ቅዌት መሐብራይትሳምዳይት ወሃይባይት

እለ ዋልዳይትዓልም ደረሳይዓልም ደረሳይ

ፌጥራይ ወሜህዛይበዐል ወቀይ ወዐባይዕጹም ምን ግሳይደረሳይ ሻጥር

ምን ሐፍዝ ወፈስርምን ለአትላጥእ ወበርብር

አጥዐሚቶ

መደት ሐቴ ከራይ ወሐሺል ምስል እንዴ

ልሄሮ እት ወሐል ለትሸረበ ለገ ረአው፣ ከራይ እግለ ለገ ክምሰል ርኤት እብ ፈርሐት በረቴዕ ገብአት፣ እግል ትብልዑ ህዬ አስኩ ትበገሰት፣ ወድ ሐሺል መካይድ ከራይ ክምሰል ረአ። ‘’አለ ሐልቼ ከራይ ክም በልዐኪ ትሰሐቂ’’

ቤለየ፣ ክራይ ላኪን ‘’ወሚ ብዬ ኢትአትስሕቅ እለ

ወሀበት እትሊ ገጬ ክሪት ህሌት ትርእየ ኢህሌከ’’

እንዴ ትቤ። ከልያተ እንዴ አትባልሐት ለለገ እግል ትብለዕ ብት ክም ትቤ እበ እገረ እት ወሐል

ትሸረበት፣ እግል ትፍገር ክምሰ ትቤ እገረ አበ እግለ፣ ሕኔት ትሰሐቅ ዐለት ዎይ እብ ብካይ

ትቤ፣ ወድ-ሐሺል እንዴ ልትሐጋነ ለብካይ አዜ

ኢኮን፣ በዐለ ለገ ክምሰል መጽኣቱ ቤለ፣ ከራይ መውዒ እት ወዴ በዐለ

ለገ መጽአየ፣ ሰይፉ እንዴ ሐርጠ ሸንከተ ክምሰል

ቀርበ ከራይ እግል ትፍገር ሃፈተት፣ እገር ላኪን ሽት ወደ እግለ፣ ወድሐሺል እንዴ ልትሻበበ ‘’አለ! ሐልቼ ከራይ በዲር

አስአልኮኪ ማሚ፣ እንዴ ኢትደሊ እት ሀድፍ ከሬኪ

ቤለየ፣ በዐለ ለገ ብት እንዴ ወደ እበ ሰይፍ እግለ

ከራይ ስጋደ አንፈረ፣ ለጋሁ እንዴ ነስአ ህዬ ዐዱ ጌሰ ልትበሀል፣

አውኪር ወአቦቶም ዳፍአት

እሊ ወለዐል እግል ንቀድም ምክር ወሐብሬ ሀበውነ፣ዓፈ። ሕናመ ምስል ዋልዴነ

እበ መናሰበትለ ዒድ ልትቀደም ለአስመነ ዕፌ ለትፈናተ መአሰሳት ወቀወሺ እት ካርኒቫል ልትቀደም ለዐለ ዐፌነ፣ ሐውዬ ለነኣይሽ ርእያሙ ለኢኮን ሓጃት ክምሰል ረአው ወእበ ብዝሔ ናይለ አዳም ለእግል ገማለት ዒድ እበ ስከት ልሄርር ለዐለ

አክለ ረአው። መጦሩ እት ልትሳረሮ መትጸባጥ እግልነ አበው፣ ሰሚር። ሕናመ እብ

መድረሰትነ ለትዳለ ዐውል ሕርየት ለሸሬሕ። እተ ክምሰልሁመ ለዘት ሕርየት ለሸሬሕ በርናምጅ እትዱሉያም ሰበት ዐልነ። ምስል ክሎም ምደርሲ’ነ ወዋልዴ’ነ ዮም 22 እብ ፈርሐት ወለውቀት

ዐየድናሁ፣ ዮም 24 ህዬ ምስል መልህያምነ ወገወውርነ ክሊነ አምዕል ምልእት ፋርሓም ወልውቃም ወዐልነ፣ዐቤ። ያሬት ክሉ ለዓያድ

ክምሰል እሊ አምዕል ሕርየት ወገብአ፣ አነ እለ አምዕል እለ እብ ፍንቲት እትጸበረ፣ ዳፍአት። ማሽአለህ! አሰናይ

እብ ነያረት ዐየድኩመ፣ ሕርየት ክምሰለ ስሜተ ጥዕም ተ፣ ሕርየት ፍሬሀ ጥዑም ወዐውለ ቃሊ ቱ፣ ሕርየት ለዘተ ለልጥዕም ሐያት ዕምሩ ለዐቅበ፣ ሕርየት አምዕል ዒደ ሐቴ አምዕል ሌጠ ኢኮን ለትትዐየድ፣ ሰነት እብ ግዲደ ተ ለትትዐየድ፣ እሊ ህዬ ሕርየት ክል አምዕል ምን ምልክ እስትዕማር ሕር እንዴ ገብአነ ዲበ ሕነ ለእንመልከ ሕርርት ዐድነ። ክም ምራድነ ለንትሐረክ ዲበ ወዲብ ዐማር ወጠነ ሰበት ነሓልፋቱ፣ ሰነት እብ ግዲደ ለዘት ሕርየት ዲብ ነአትዳውር እንዴ ዐልነ። ሐቴ አምዕል ህዬ እብ ገማለት ወክሉ መዋጥን እብ ሕበር አምዕል ሜላደ ለዐይድ እግለ፣ ከእንትም ከማን ውላጄ አውኪራም። “እለ ሕርየት ምን ኢተዐሌ ሕነ ዲብ አየ አው ዲብ ሚ ደረጀት መንበረት ወህሌነ” እንዴ ትብሎ ርሕክም ትሰአሎ ወእለ ራክባመ ለህሌኩም ሕርየት እግል ረኪበ ለትደፍዐ ዐውል ቃሊ

ዲብ ትትዘከሮ። እግል ዓቅቢተ እግል ቲደው ለወጅበኩም ዋጅብኩም ዲብ ተአተሞ ዐዩደ፣

ገለድ 4ይ ክፋል

ክፍእት እሲት ለግሩማም እግል ልብሎሱ ለኢቀድረው በሊስ መንገፎ ምነ ረከብክዉ ወረገበቼ እብ ሰበበ ምን ብቆት ደሐነት፣ አነ ህዬ ምን ሞት እግል እድሐን ገለድ አቴኮ እግለ። ወአዜ ክም ደሐንኮ ገለድዬ እግል እጥለም አለብዬ፣ ሰበት እሊ ያረቢ አነ እብ ሕክምከ ረዴኮ። እት ገለድዬ እግል እስበት ቱ” እንዴ ቤለ። ከላስ ዲብ ገለድዬ ሳብት ህሌኮ፣ እግል ህዴኪ ቱ ቤለየ እብ ክርን ድህርት፣ እተ አካኖም ህዳይ ወደው፣ ህዳይ እምበል መዳላይ። እምበል ልባስ መርዓውዮታት። እምበል ነብረ ውጅህት። እምበል ሰርጎ ወለመስሉ፣ ህዳይ እብ ቀላል ተመ፣

ግረ እለ መርዓዊ ገጽ መርዓቱ እግል ልርኤ ሰበት ኢትነየተ አምዕል ምልእት ሕቡዕ ወዐለ፣ ላሊ እሲቱ ለክፍእት እንዴ

መጸቱ። “እንተ ሓይስ ወበዐል ኤማን እንተ ሙሽ። አፎ ሀረብከ ምንዬ? ዎሮት እከ መስል ሓይስ ዐስከሪ መልክ ላቱ ዲብ ገለዱ ሰብት፣ አነ ህዬ ሚ ወዴኮከ? ዲብ ሚ እኪት ወዐልኮ እግልከ? እንተ ዐገብዬ አስእለኒ ወአነ ክሉ እከ ለረይሕ እግል እውዴ ቱ” እት ትብል አትሓሌቱ፣

እዪ ለረይሕ እግል ትውደይ? በታተን ገጽኪ ገጽ ሽምብሬበት ግርም እግል ትብሌሱ ኢትቀድሪ ወዕምርኪ ዕምር መርዓት

እግል ቲደዩ ኢትቀድሪ፣

ዐገብዬ እሊ ቱ በስ? ቴለቱ ሰሓቅ ተርጀገት እት ትትሰሐቅ፣

ወእሊ ዐገብ ካፊ ኢኮን? በልሰ ዲበ ገጹ ኬን እንዴ ትወለበ ምነ፣

ግርመት ሸክል ሌጣተ አዳም ለልርእየ፣ ገጽ እብ ድግልልነ ምንመ ጨራምጥ። ልብ ላኪን ዲመ ሸባብ ቱ፣ ዎሮት ዕውት እብ ወቀዩቱ ለልትሐመድ፣ ዎሮት በኪት ነፈር ለሔሰ ወለ በከተ መዋዲት ለወዴ። ምነ ትሩድ ወመክሩህ መልክ ለሐይስ፣ እግል ወቅት ረዪም ተሃጌቱ እሲቱ፣ፈረጅ ሰኒ ትፈከረ፣ እንቲ

ብዙሕ ተአምሪ ወላበት እንቲ፣ ጠባይዕ አዳም እግል ኣምር ወእኪት ወሰኔት እግል እፈናቴ ብዙሕ ሰዴኪኒ። እንዴ ቤለ ገጹ አስከ በልሰዩ፣

ህታመ ሰኒ ፋርሐት ዲብ እንተ። “ምን ወሐሬከ ምን እሲት ሰኒ ግርም ወሐያትከ ኩለ እርሃቅ ወፈርሐት ለአለበ ሐያት ለተአርኤከ። ወለ እሲት ድግለሊት ወክፍእት ወሐያትከ ፈርሐት ወለውቀት ለትመልእ” ምን ክልኢተን ምን ወሐሬከ? ትሰአለቱ፣ፈረጅ ልቡ እበ ትሰምዑ

ለዐለት ከሊማት ምእት ምን ምእት ፍክረ ቀየረት፣

ክምበልዐኪ ትሰሐቂ

29 ማዮ 2013 7

አምዕል ፈረሕአምዕል ፈረሕ

ዛይደትተ ምን ትትፈቴ ወትፈረህ

እብ ደም ቃሊ ማጽአትተ ወእብ አንዋረ ንትመረሕአምዕል ለዐስተር ተሃደደት

ወድላለት ትዋተደትአምዕል ለቤት ትጣነበትወምንሕትነ ተሐለበት

አምዕል ፈረሕተ ለገቢለ ሐረበት

ድንግል ወለ ወሬዘእግለ ትባለሕናሆምሻመ ምንዲ ዜደ

ግቢእ ከህለው ወጽሚእወአምዒት እግለ ቤተ

እት ጀላበ ሕበር ገአው ቤዘ

አሕመድ እድሪስ ዓፈ

29 ማዮ 2013 8

አጀኒት ነኣይሽ እት ዓማሮም ምን ሰነት ዲብ ሰነት እብ ለትፈናተ

ነጀሕ ዐብደለ

እለ ሰፍሐት እለ ዓፍየት ሙጅተመዕ ለትከስስ እት ገብእ፡ እግል አግሩዝ ወእማት እብ ዝያድ ክምሰልሁመ ብዕድ አትሐዘዮት

ለቡ ሐብሬታት እንዴ ጸብጠት ትዳሌ።

ዔማተ ህዬ ለትፈናተ ክቱብ ዓፍየት ወሰብ መቅደረት ቶም።እብ ብዝሔ እት ሙጅተመዕነ ለልትረኤ መታክል ዓፍየት ለባልሕ

ጽበጥ ህዬ ተአዳሌ።

አጀኒትነ እብ ንእሾም ህግየ ዶል ልትዐለሞ ሰኒ ወአማን ንትበሰጥ፣ እብሊ ህዬ “ወድ ፍላን ማሽአላህ እበ ህግየ ከፎ ፈላክም!” ፡ እት እንብል ዐጀቤብነ እንሸርሕ ወንትረየሕ።፡እብ ፍንቱይ ዝያድ ሐቴ

ህግየ እንዴ መልከ ጸንሔነ ምን ገብእ መትበሳጥነ ስዱ ለሐልፍ።፡እትሊ አያም ቅሩብ ላኪን

እት አጀኒት ለገብአት ድራሰት ክምሰለ ተሐብሩ፡ ዎሮት ጅነ እብ ንእሹ ምን ሐቴ ህግየ ወለዐል ለአምር ወልትሃጌ ዶል ገብእ፡ ቅደረት ፍክረ ሐንገሉ ክም ትደሀር ሕብርት ህሌት።፡እለ ድራሰት እለ፡ እት

200 ጅነ ለገብአት እት ገብእ፡ ዕምሮም እት ፍንጌ ሐምስ ወ ሰቡዕ ሰነት ቱ።፡ ለድራሰት ክምሰለ

ትወድሑ፡ ለአግደ መሻክሎም ለጸቡጡ መዐሉማት እት ወክድ ሐጪር ክምሰል ለአበድዉ ገብኦ ትቤ።፡እለ ድራሰት እለ ለትሐብሩ

ምን ለሀሌ፡ አጀኒትነ እብ ቅሩታዮም ምኮም ክም ነሽጥ እግል ኒደዮም ክም ብነ ተሐብር።።

አጀኒት ህግየ ዶል ለአነብቶ

ዓቀቦት መዐዘቦትጠባይዕ ልትረአው፣እሊ ጠባይዕ እሊ አሻይር ናይ ተጥዊሮም’መ ምን ገብእ፡ እት ክል ሰነት ምን ዓማሮም ብስር ጃዘዮት ብነ እግሎም፣ ላኪን እት ዐድነ ኤረትርየ ጅነ ትጌገ ምን ገብእ፡ እት ለበዝሕ ዓኢላት ለትትረኤ ዝብጣት ተ፣ መስኪናይ እኪት ወሰኔት ኣምርመ ምን ገብእ ለእለ ዋዲ ህለ ላኪን እብ አምር ቱ መ እብ ጀሀል እንዴ ደሌነ እግል ንጃዝዩ ወጅበነ፣ ዋልዴን አጀኒቶም ዶል ጃዙ፡ ለጅነ አቡሁ አው እሙ ሌጣቱ ለፈርህ፣ እሊ ላኪን ከለጥ ከም ቱ

እግል ንኣምር ወጅበነ፣ እሊ ጅነ እሊ ከልጠ ምን ገብእ፡ እበ እለ ወደ እሙ ልግበእ ወአቡሁ ኖሱ እግል ለአፍርህዉ ወጅብ፣ እሊ በህለት እግል ኦሮቶም ፈርሁ ወእግለ ካልኣይ ዶል ልትሐንቀቅ እቱ፡ እግል ልእዘዩ ቀድር፣ ክም ለመድ እት ዐድነ ጅነ ከልጠ ምን ገብእ፡ “ጽነሕ አቡከ ልምጸእ ሌጠ” እንዴ እምቤ ክም አትፋርሆት እንርእዩ፣ እሊ ጅነ ሳዐት ቀልጥ እበ ኸጣሁ እግል ልትጃዜ ወእት ወቅት ጃዘዮቱ ህዬ እብ ዕየር ወአከይ ሀገጊት እንዴ ኢገብእ፡ ለእለ ዋዲ ህለ እንዴ አትአመርናሁ ጀዛሁ ህዬ እብሊ አስሉብ ምን ገብእ ልትሐሬ፣

አስሉብ ጃዘዮት አጀኒትሰልፋይ ኸጣሁ ገብአ

ምን ገብእ፡ ከለጡ እንዴ አሰአልከ፡ ደግመየ ምን ገብእ እግል ልትጃዜ እበ ክም ቱ አፍሀሞትሐቆ ደግመ ህዬ፡

እግል ገሌ ደቃይቅ አው ሳዖታት እንዴ ኢትትሃገዩ ወኢተአትሃግዩ አጽነሖትምነ እግል ልትዛበዩ አው

ለሐዝዩ ሓጃት ምንዐትእግል ገሌ ደቃይቅ እብ

በኑ አትገሰዮቱሐቆ ኸጣሁ እቡ ለአምን

ህዬ፡ እግል ዋልዴኑ ሳምሑኒ እግል ሊበል ቡእለን አስሉብ እለን

እግለ አኽጣኣት ለእሉ ወዴ እግል ኢልድገሙ

ወክም ልትደገግ ወድያሁ፣ ዝያድ ኩሉ እግል ነኣምረ ለብነ ጅናነ ዝብጣት ለአረቄ እበ እንዲኢኮን፡ ብዙሕ ኢልትአደብ እበ፣ ሕነ ለዋልዴን ዝብጣት ለመድነ ምን ገብእ፡ እንዴ ሐረቅነ አከይ ዝብጠት ሐቆ እንዘብጦም፡ ገሌ ምን ገሮቦም እግል ነሀሽክብ ሰበት እንቀድር፡ ዝብጣት እንዴ ኢነአነብተ ነፍስነ እግል ንጽበጥ ወጅብ፣ ዋልዴን ፍንጌ ጀዘ ወዐዛብ እግል ንፈናቴ ወጅበነ፣ ገሌ ምን ዋልዴን እብ ገሌ ሓርቃም እት እንቶም፡ ወለጅነ ገሌ ዶል ወድዮም እብ ምስምሳለ ውዳዩ ሐሩቀቶም ለአፈግሮ እቱ ወሐር እት ትዕስ ልትካረው፣

ሐቆ ክሩይ ጸነሔኒ ምን ጸብጠኒ ምኑ፡ ምን

ሐዜ እበልዑ ወምን ሐዜ እተልሄ እቡ፡

ወሐዛመ ምን ገብእ ሸልትፈኒ ወለአወድቀኒ

29 ማዮ 2013 9

ሰኒ እግል ልትረከብ ምኑ እተምኔ”፡ ዲብለ ሐልፈ ወሬሕ ሰብተምበር ለገብአ እትፋቅያትመ፡ እት ፍዕል እንዴ ወዐለ እግል እርአዮ እተምኔ” እት ልብል ህግያሁ አትመመ፣እብ ስሜት ሕኩመት

ወርኢስ ሱዳን ዑመር ሐሰን አልበሺር ከሊመት ለቀደመ ወዚር ሽኡን ዳኽልየት ሱዳን እብራሂም መሕሙድ ሓምድ ሀዬ፡ ሰልፍ አሰናይ እትሊ ዒድ አብጸሔነ ሐቆለ ቤለ፥ “ኤረትርየ ለሔሰት ሰላም ወመስኩበት ለትመደደት እተ ደውለት ምንገብአት፡ ሱዳን ሀዬ ምስል ኤረትርየ ምን በዲረ ሕዱድ እስትዕማር ለኢከረዐ ምስንዮት ሰበት ጸንሐት እለ ፍንጌለ ገባይል እማነት ወሕሽመት ሕድ ለአሳሰ ምስንዮት ትርድት ሀሌት፣ ግረ እላመ እት ቆሬ እግል ቲጊስ ሰእየትቼተ” ቤለ፣ እት ደንጎበ ከሊመቱ ሀዬ እግል ሸዐብ ኤረትርየ ወማርሐቱ ሰኔት ትምኔቱ ሀበ፣ሐቆ እሊ ገድም ለተረት

ናይለ አዳም እብ አኖካይ ልታከየ ለዐለ ምን ኤረትርየ እግለ ዒድ እግል ተአግምል ለመጽአት ፍርቀት ዓዳት ገብአት፣ “ዜየኩም ኬፍነኩም” ለትብል፡ ምን በዲር ለጸንሐት ግልግልኖት ገባይል ኤረትርየ ወሱዳን ለትወስፍ ሕላየት ሱዳን እብ ፋጥነ እብራሂም ክም ፈትሐቶ ሀዬ፡ ሸዐብ እግለ ናይ ዕ’ዘት ዒዱ እብ ዕላላት ወጣቅዒት እት ነውሮ፡ ኩሉ እተ ሜዛን ስስዒት እንዴ ልትከሬ ከስክስ ወልትለወቅ አምሰ፣ እግል እለ ሰር ናይ አንፋረ

ገጽ እስትዕማር ለኢረአው አውመ አግሩዝ እት እንቶም ለዐረውቡ ምናተ ሽዑር ወጠን ለቀስቅስ ወሸዐብ እት አስራሩ ለለበርድ ሐልየት ቀድሞ ለዐለው ተረተ ከአፎ ክም ዐለት ምስል

22ይ ዒድ ሕርየት ዲብ ከርቱም

መስኡለ ሻብ ተስፋማርያም ሐጎስ (ሾንቄ) ህጁጅካም ዐልነ፣ ህቱ፡ “ፍርቀትነ እብ አርበዕ ሔልየት ወአርበዕ መተልህየት ሙዚቃት ለትከወነትተ፣ ክምለ በዲር ሙናድሊን ተዐብነ ወሰፍሬነ እንዴ ኢልብሎ ሸቁ ለዐለው፡ እሎምመ ለአሰሮም እንዴ ጸብጠው ሰፈር ረዪም እንዴ ኢለትዕቦም እተ እለ ዓረፈው አየ ሕላየት አዳም ትጀዝብ እት ልብሎ ወልትለማመዶ ቶም ምን ከሰለ ለአንበተው እሎምቶም ከርቱም ባጽሓም ህለው፣ ክእነ እንዴ ወዱ እግለ ሸዐብ እት ለውቆ ወሸድ ወጋሕ እት ለአቡለ ዶል እርኤ ሰኒ እትረየሕ” እት ልብል አትሃጀኬነ፣እት ደንጎበ እብ ሰበትለ

እሕትፋል ምነ ሀደግነ ምስሎም አሰይደ ኤደን ታደሴ፡ አሰይድ እብራሂም ዮሱፍ ወሻብ አዶናይ ብሩኽ እተ ሀበዎ ሕድ ለሸብህ ረአይ፡ “እምበል ወጠን

ምን ገጽ 2 ለአተላሌ

ሕሽመት ሰበት አለቡ ወወጠን እንበል እስትቅላል ሀለዮተ ግምሽ ሰበትቱ፡ ሕነ ምን ተውሊደት ወጠን ወምን ዒድ እስትቅላል ለለዐቤ እትነ ዒድ ኢሀለ፣ እተ እለ ሀሌነ ምን ነሀሌ እግል እለ እብ እስትሽሃድ ቃሊ ለትረከበት ወተአተላሌ ለሀሌት ወጠንነ ክምለ እብ ከባካብ ለተዓብዮ ጅናከ እግል ንራዕየ ለአስትህል” ቤለዉነ፣እግለ ሄሰት እፍትታሕ

ዒድ ሕርየት ለገብአ ዲበ ቃዐት እግል ልሰርጉ፡ ጋሻሆም እግል ልትከበቶ ወልረይሖ አንፋር ሰፋረት ወጃልየት ኤረትርየ ዲብ ኸርቱም ለወደዎ ጸገም ለልትሐመድቱ፣ ዝያድ ሀዬ ለዲብ ልጁእ ትወለደው ሽባን ለአረወ ምርወት ወመሻረከት ኤረትርያይ እግል ወጠኑ ለቡተ ፍቲ ወሕሽመት ቅያሰ ወስፍ ክም አለቡ ወዴሕ እከ፣

እንዴ አትሌት አሰይደ መርየም፡ ንዳል ጀለ ሕርየት ወእስትቅላል እት ቃርን፡ “ንዳል እግል ሕርየት ገበዩ ሐቴተ፡ እግል ሞት ወቀትል ሌጠ ዕንዱቅ እንተ፣ንዳል እግል ሐፊድ እስትቅላል ላኪን ለአግቡዩ ብዝይሕ ወሕቡሉክቱ፡ እግል ኩሉ እንዴ ከሀልከ እግለ ቃሊ ለደፍዐከ እሉ እስትቅላል እግል ተአዳይም ወዐድከ አስክ ዐቦት ወተጠውር እግል ትዋሌ ዝያድለ ሕርየተ ለጠልበ’ቱ ሰብር ወ ከ ህ ላ ት ለ ሐ ዜ ፣ እ ለ ሀዬ መስኡለት ክል ኤረትርያይተ” እት ትብል ተሃጌት፣ናይ ዮም ዓመት ዒድ

ሕርየት ቀደም 22 ሰነት ለዐለት ምዕል ወዕለት (ጅምዐት) ዲበ ወዐለት፣ ለረስሚ መክሰቲ እት ኸርቱም ጅምዐት 24 ማዮ 2013 ሰፋረት ኤረትርየ ምንመ አንበተቶ፡ ሐቆሁ

25 ወ26 ማዮ እት ጃልያት ኤረትርየ ዲብ ኸርቱም አተላለ፣ እት ዮም 25 እት ጃልየት ኤረትየ ዲብ ኸርቱም ዲብለ ገብአት ሄሰት፡ በዐል መንበር ጃልየት ኤረትርዪን ዲብ ከርቱም አሰይድ የማኔ ተስፋስላሴ “ 24 ማዮ ዒድ ሕርየትነ ነዐይድ እት ሀሌነ እግል ንፍረሕ ወንትለወቅ ምንመ ብነ፡ እት መቃብሉ ለተረፈዐናተ መስኡልየትመ ሰበት ሀሌት ክል መዋጥን ዓይላት ሹሀዳሁ እግል ለዓውን ወእማነቶም ልዕቀብ መስኡልየቱ ተ” እት ልብል ወዐዘ፣ ሐቆሁ ከሊመቱ ለቀደመ

በዐል መንበር ለጅነት ዓያድ ዲብ ሱዳን አሰይድ እስማዒል ሙሰ፡ ሐቆ ናይ 30 ሰነት ንዳል ክፈሕ መሰለሕ ለመጸት ሕርየት ዒደ ምን ሰነት እት ሰነት ገርም ለሀለ ፈድል መሻረከት መዋጥኒነ ዲብ ገቢእ፡ ዲብ አጅያል ለሐልፍ ለሀለ ነባሪ ክምቱ አከደ፣ እግል ገማልለ ዒድ ለሸቀየ ልጃን ጃልየት፡መሓብር ገቢል ወእብ ፍንቱይ ማሕበር ወጠን አዋልድ አንሳት ወሸባባት ክምሰልሁመ ለጅነት ዓያድ ሱዳን ሀዬ ሐመደ፣ገሌ ምነ እተ ዒድ

ለሻረከው ሸባባት ሮቤል ግርማይ፡ ሀምዘ ዓጠ፡ ሮቤል ክፍሌሱስ ወሰለሙን መሰረት ለሀበዎ ረአይ፡ “ ሽባን ዔጻት ሙጅተመዕ ቶም፣ ሽባን ማሌ አርወሐቶም እንዴ ቤዘው ሕርየት አምጸአው ሽባን ዮም ሀዬ እማነቶም እንዴ ረፍዐነ ስያደት እግል ንዕቀብ ወወጠን እግል ለዐምር መስኡልየት እግል ንርፈዕ ሀሌት እነ” ቤለው፣ሰፊር ኤረትርየ እት

ሱዳን አሰይድ መሐመድ ስዒድ መንታይመ እተ መናሰበት እንዴ ሐድረ፡ ገቢልነ ቅብላት ኩሉ መኔዕ ወዋይዲባት እንዴ ሰምደ እብ ዐማር ዔጻት ወጠኑ ምን ዓከከ፡ እት ክል አካን ክዳማት እጅትማዕየት እንዴ ትወጀደ እሉ መናበረቱ እት ተሐይስ ትገይስ ለሀሌት ፈድል ሕርየት ክምቱ ሸርሐ፣ለሰለስ ምዕል እብ ዕፌ

ዓዳት፡ መዕረድ ስወር ወብዕድ ወራታት ናይር ለአስመነ ኣላፍ ኤረትርዪን ወሐው ሱዳንዪን ክምሰልሁመ እት ኸርቱም ለመርከዞም ዲፕሎማስዪን ለሻረከው እቱ 22ይ ዒድ ሕርየት እት ኸርቱም፡ ዝክርያቱ እት መሻርከት እንዴ ሐድገ ዮም 26 ማዮ እብ ነያረት ተ’መ፣ለእሕትፋል እት መዲነት

ፖርትሱዳን ዮም ወፈጅር ምን ገጽ ላሊ እብ ዕፌ ዓዳት ወብዕድ ነሻጣት ልተላሌ ህለ፣

ለኣይክ ውዛረት አዕላም መሐመድ እድሪስ ወአማኑኤል ሐድጉ

ምን ኸርቱም

29 ማዮ 2013 10

29 ማዮ 2013 11

መሐመድ አቡበከር

ማይተመናይ 5-3 ቀይሕ በሕሪ (እብ ሪጎሌ)እግል ፍረቅ አቅሊም

ምግብ እንዴ ከምከመ እግል ገለ ሳምኖታት ለአተላለ ጅግረ ኩረት እገር ፍረቅ አቅሊም ምግብ ካስ ሕርየት ሰነት 2013 እተ ሐልፈት ሰንበት ዐባይ 26 ማዮ እብ ዐውቴ ፈሪቅ ቀይሕ በሕሪ ተመ።፡ሻምፕዮን ኤረትርየ ላቱ

ፈሪቅ ቀይሕ በሕሪ ሰንበት ዐባይ እግል ካስ ምስል

አትሌት ተክሌማርያም መድሕን ሐድ 3000 ዩሮ ለዐውሉ አላት አትሌቲክስ እግል ሕጉዛም አትሌታት ሀበ።፡እተ ሐልፈት ሳምን እት

ሆቴል እምባሶይረ እተ ለገአት ዓደት ሰለሞት አላትለ ርያደት፡ አትሌት ተክሌማርያም 23 ናይ ብድረ እስእን ወ50 ማልየት ለብእቱ አላት አትሌቲክስ እግል ሕጉዛም አትሌታት ትበረዐ።፡እተ መፈወድ

ምደወድየት ርያደት አቅሊም ምግብ አሰይድ እንድርያስ አስመሮም ወመስኡሊን አትሌቲክስ አቅሊም ምግብ ክም ሰልሁመ ገሌ አትሌታት ለሐድረወ ሙናሰበት፡ አትሌት ትክሌማርያም፡ ‘እሊ ለትበረዕክዎ ህያብ ብዙሕ ለለአትሃጌ ኢኮን፡ አነ ክም አትሌት እትወቅት ተማሪን ልግበእ ወብድረ እግል አትሌታት ለሳድፎም መሻክል ሰኒ ትሩድ ክምቱ ኖሼ አምሮ።፡ እሊ ህዬ ምነ ብዙሕ መሻክል ገሬ ምን ለአርሄ እንዴ እቤ እከውኖ ለዐልኮ ቱ’ እት ልብል ወደሐ።፡

እተ እብ ቦንድስ-ሊገ ለልትአመር ደውሪ ኩረት እገር ጀርመን እዴ ዛይደት ለቡ ፈሪቅ ባየር-ሙኒክ ዮም ዓመት እግል 5ይት ሰነቱ ካስ ሻምፕዮንስሊግ አውሮጰ 2012/2013 ነስአ።፡ ናይ ዮም ዓመት ካስ

ሻምፕዮንስሊግ እት እንድሊዝ እት ስታድዩም ዊምፕለይ እግል ልግበእ ሐቆለ ተሐረ ፍረቅ እንግሊዝ እለ ደረጀት እለ እግል ልብጽሑ ወለናይ ደንጎበ ትልህየ ኖሶም እግል ልሻርኮ እተ ብዙሕ ምንመ ትጻገመው ምን ተልህየት ርቡዕ ነሃየት የሐልፈው።፡ እብ ፍንዩይ ናይ ደዓም ዕውት ላቱ ፈሪቅ ቼልሲ እብ ሰልፍ ቱ ምነ ትልህየ ለተርፈ።፡ ህቶም ወሙአይደቶም ህዬ እት ሜዳኖም ለትልህየ እግል ልታብዑ ትቀሰበው።፡ በክት ለወደ እት ሜዳን

ፈሪቅ ላዝዮ ናይ ኢጣልየ እግለ ወድ ሕለቱ ላቱ ፈሪቅ ሮመ 1-0 እንዴ ቀልበ ካስ ኢጣልየ ነስአ።፡ እሎም ክልኤ ፈሪቅ 0-0 እግል ዕርፍ ሐቆለ ፈግረው እት 67 ደቂቀት ሙዳፍዕ ፈሪቅ ሮመ አንቶንዮ ካንድረቨ አስክ ፖርታሁ ለበልሰየ ኮበሪት አመተ ኢተአመረት እት ሃዳፍ ላዝዮ ሉሊክ በጽሐት ወሴናድ ሉሊክ እንዴ ፈጥነ እት ሸግዒት ወሸቀየ ወእብለ ላዝዮ ካስ

ካስ ሕርየት ፍረቅ ኩረት እገር አቅሊም ምግብ

ፈሪቅ እዳረት ደዋይሕ ማይተመናይ እተ ለወደየ ትልህየ ቀላል የዐለት።፡ እት ሊግ ኤረትርየ እግል ኩሎም ፍረቅ አቃሊም እንዴ ሔሰ ካስ ሊግ ኤረትርየ ምንመ ነስአ።፡ ለነአይሽ መተልህየት እዳረት ደዋይሕ ማይተመናይ እተ ርቱባት ወውሱካት ደቃይቅ(90+30) ትማጣወረዎ።፡ እት ደንጎበ ህዬ ምን ክልኢቱ ፈሪቅ ለትሰጀለት ጎል ሰበት የዐለት እግለ ትልህየ መርሕ

ባየር-ሙኒክ ካስ ሻምፕዮንስሊግ ነስአ

ወአካን ለሰእነ እብ ሻሻት ቴሌቭዥዮን።፡ብዝሓም ሙሐልሊን

ርያደት ናይ ደንጎበ ትልህየ ጀርመን ወስታድዩም ዊምፕለይ ለሰመወ ትልህየ ክልኤ ፈሪቅ ጀርመን ባየር-ሙኒክ ወቦርስየ ዶርት-ሞንድ ሰንበት ንኢሽ ናይ ምሴ እብ ምግባይ ዳይነ ወድ ኢጣልየ ኒኮለ ሪዞሊ ተአንበተት።፡ ሙደርብ ፈሪቅ ቦርስየ ምስተር ጁርገን ክሎፕ ዮም ዓመት እትለ ካስ እግል ልትዐወት ለእት ምግብ ጀርመን ለገብእ ትልህየ ኩሉ እንዴ ትረሰዐዩ እሊ ካስ ለአኖኬ ዐለ።፡ ትልህየ ክም ተአንበተት ህዬ ምስለ እሙር ሀዳፍ ናይ እሊ ፈሪቅ ላቱ ለዋንዶዊስክ ገሌ መተልህየት ጀርቤታት ወደው።፡ ምናተ ፖርቴሌ ባየር-ሚኒክ ኔውር የሓለፈዮም።፡ ምን ሙኒክመ

ለፖርቴሌ ቦርስየ ዌደን ፌለር ለእምከነይ ገሌ ጅርቤታት ናይ ቀደም ዕርፍ ዐለየ።፡ሐቆ ዕርፍ ሳይፋይት ጎል

ሙኒክ እት 60 ደቂቀት እብ ማንደዙኪስ ትሰጀለት፡ እለ ጎል እለ እግል ለዓድሎ መተልህየት ቦርስየ 8 ደቂቀት ሌጠ ቶም ለትታከው።፡ እትለ ደቂቀት እለ ምን ሪጎሌ እብ ጉንዶጋን ለዓደለቶም ጎል ሰጀለው።፡ ሐቆ እለ ጎል እለ ትልህየ እብ ሪጎሌ እግል ትትመም ቱ እት ልትበሀል፡ ወድ ሆላንድ አርጀን ሮቬን እግል ሙኒክ ለዐወተት ጎል ሰጀለ።፡ ፈሪቅ ባየር-ሙኒክ እት ሰነት 2010 ወ2012 እት ደንጎበ እንዴ ትቀለበ እለ ካስ እለ ስእነ ዐለ፡ እትለን ሰኖታት እለን ህዬ ለአግደ ፈሸል እሊ ፈሪቅ ሮቬን ዐለ።፡ አዘ ላኪን መርባቱ አቅሰነ።፡

ለዐለ ዳይነ እብ ሪጎሌ እግል ልትፈናተው ሰፋረቱ አስመዐ።፡ እብ ሪጎሌ ህዬ፡ ለዝያድ ተጃርብ ለቦም መተልህየት ቀይሕ በሕሪ እበ መአይሽ ወሐኣዳይስ መተልህየት ማይተማናይ ትቀለበው።፡ ቀደም እለ ትልህየ እለ እግል ደረጀት ምነ ለተልሀው አልታሕሪር ወገዘባንደ ፈሪቅ ካዘባንደ እግል አልታሕሪር 3-1 እንዴ ቀልበ 3ይት ደረጀት ነስአ።፡

ተክሌማርያም ሰዳይት ሀበኦሎምፕያይ አትሌት

ተክሌማርያም መድሕን ክእኒ ለመስል ህያብ ናይ ሰልፍ ዶሉ ኢኮን ቀደም እላመ ክእኒ ለመስል ህያባት እግል አትሌታት ብሩዕ ዐለ።፡ ምፈወድየት ርያደት አቅሊም ምግብ አሰይድ እንድርያስ አስመሮም እግለ ትክሌማርያም ለወደየ ሰዳይት እትለሐምድ ክእኒ ለትመስል ሰዳይት እግለ ግረ እለ እት አትሌቲክስ ጽሙዳም ለህለው መትባድረት ለተአትናይት ወለ ለሐብን ክምቱ አፍሀመ።፡ ምነ ሰዳይት ለገአት

እግሎም አትሌታት ኦሮ ግርማይ ዮውሃንስ ቱ።፡ እለ ለገአት እግሎም ሰዳይት እት ማጃል አትሌቲክስ ዝያድ እግል ልትጻገሞ መስኡልየት ለተአረፍዕ ክም ተ እት ወድሕ፡ ብዕዳም አትሌታት አሰር ተክሌማርያም እግል ልትብዑ ትፋነ።፡ተክሌማርያም መድሕን

ጅግረ አትሌቲክስ ለአነብት እት ህለ ብዙሕ መሻክል ወኢሀለዮት መትጃገሪ ኣላት ሳድፎ ክም ዐለ ለልትፈቅድ ቱ።፡

ላዝጆ ካስ ኢጣልየ ነስአ

ኢጣልየ ነስአ።፡ፈሪቅ ላዝዮ እት ናይ

ዮም ዓመት ደውሪ ሴረ-አ ወላመ 7ይት እንዴ ገአ ለደውሪ ምንመ አትመመ፡ እብሊ ዐውቴ እሊ እት ትልህየ መጃምዕ ፍረቅ አውሮጰ እግል ልሻርል ቃድር ህለ።፡ ሮመ እት መትከላስ ወቅት እብ ቶቲ ለተዓድሎም ጎል እግል ልሰጅሎ በክት ራክባም ምንመ ዐለው እትፈፈዐው እበ።፡

29 ማዮ 2013 12

ረመዳን መ/ኑር ታይብ

በሊስ ተክተት 10/2013

12ር

1ክ

13ም

ሰ14

ል15

ም ራ ድ ዬ

2ዮ

16ም

3ስ እ ስ

4ሕ ጌ

5ል ስ ዔ

6ሕ

17ሩ

18ር

ወ7ር ዐ መ

19መ

20ረ ለ

8የ መ ት

ስ ሀ አ9ት ፈ ዴ

ኩ የ ለ10ዐ ት ም

በ ት ም11ድ ራ ር

ት ነ ቤእብ ረመዳን ታይብ

ስ ጃ ር ክ ም ሰ ልሁመ ስ ተ ይ አልኮል ምነ እት ዓፍየት አዳም ደረር ዐቢ ለሰብቦ ክ ም ሰ ል ቶ ም ክሊነ እት ወዴሕ እግልነ መጽእ ለህለ ጋርቱ፣ እብ አሳስ እሊ እትሊ ፍሩራም ለ ህ ለ ው አንፋር እት ረሖም እት ክል ካልኢት እኩይ ተቅዪር እት ልርኡ ገይሶ።፡እብ ገበይ ዕልምየት

ለገብአት ድራሰት ክምሰለ ሐበረቱ፡ ክእነ ለመስሎ ሰብ ወለፍ እተ እግል ልንስእዉ ለልሐዙ ቀራራት ወብዕድ፡

አዳም እተ ጥዉራት ላተን ድወል እዲነ እብ አክረሾት ልትጀረስ እት ህለ እተ ለኢትጠወረየ ህዬ እብ ሰፍረ እት ልትጀረስ ልትርኤ፣ እሎም ለእብ ጽጋብ እት ለትፈናተ አ ም ራ ድ ል ት ከ ረ ው ለህለው እዲነ እቦም ሹቅልት ሰበት ህሌት እብ ከፎ ከባደት ሜዛኖም ክም ለአንቅሶ እምበል ዕርፍ እት በሐስ እንዴ ትጸመደው እግሎም፡ዶልከ እብ ገሌ ሐል በሹሮም ህለው።፡እት አሜሪከ ጃምዐት

ኣሪዞነ ለገብአት ድራሰት ክምሰለ ወደሐቱ፡ እብ

ስተይ ወስጃር ምክ ደክድክ

ከኣር ፈጅር ስራይተ

በቃዐት ምክ ሰበት ልስእኖ እብ መትሀላግ ወኢራቀቦት አሻይር ገሮብ ክምሰል ልትጀረሶ ውድሕት ህሌት፣እሎም አንፋር እሎም ህዬ

ረጀፋን ወኢራቀቦት ገሌ

ክፈል ገሮብ፡ እብ ዕንታት ለ ል ት ር ኤ መሻክል እት ገብእ፡ ነቃስ ደሚር ህዬ ምነ እብ ዕን ለኢልትርኤ ክ ም ሰ ል ቱ አሸረት።።ለ ድ ራ ሰ ት

ክ ም ሰ ለ ተ ሐ ብ ሩ ዎሮት ነፈር ምን እሊ እንዴ አባረ

ሐያቱ እብ ገበይ ራትዐት እግል ለአትመቃርሕ ቀድረ ምንገብእ ዕምሩ እግል ሊዚድ ወፍክሩመ እግል ልበርክት ክም ቀድር ውግምት ህሌት፣ ሰበት እሊ ዕምር ጥዉል ወነፍስ ጽሪት ንሕሬ።፡

ገበይ ቀላል ምን አክረሾት ለባልሕ ስራይ ለቴለቱ ህለ፡ እሊ ህዬ ፈጡር ሑድ ንስአት ክምሰልቱ አከደት።፡ዎሮት ነፈር ሐድ 700

ካሎሪስ ለትከምክም ነብረ

ነስእ ሐቆ ዐለ፡ እት ወጅበት ፈጅር በሀለት ፈጡር 270 ካሎሪስ ለከምክም እግል ልንሰእ ክምሰልቡ እሊ ህዬ እት ደሀሮት ሜዛን ገሮብ ዶር ዐቢ ክምሰል ቡ አከደት።፡

ሰበት እሊ ለአክረሽነ ገብአነ ምንገብእ ለ270 ካሎሪስ እንዴ

ላወሽነ ለ530 ካሎሪስ እግለ ስምጥነ እብ ሰፍረ ልትሳሄ ለህለ ጎርነ ነሀበ።፡

እት ዐድ እንግሊዝ እግል ዐዛበ እንዴ ትበሀለየ ለትዳለየ አተቡሳት መዋሰላት ከድመት አስተብደየ።፡እለን አተቡሳት እግለ እብ

ኢረኪብ ጼወ ልትጀረሶ ለህለው መዋጥኒን ክምሰል አተስዮን ዕድም ወመትኣማር እንዴ ትነፍዐው እግል ልሕረው ወልትሐረው በክት ለፈትሕ

አተስዮን ህዳይ

ሕላይ ሰብ በዲርምን ሐልየት ዐድ ትማርያምመሐመድ ወድ ባሓይላይ እት ቅብላት ከንቴባይ

ሻውሽ ለቤለየ ሕላየት፦ወለት መሐመድ ወድ መዲን ኣምነ ሳልም ወሀንገለ

ህታመ ዕሽርተ ቤለውነ ትትሃጀኩ ለመሐበረህታመ ግርምተ ቤለውነ፡ ግርሰ ጋብአት ሀወራወህታመ ቅዲተ ቤለውነ፡ ዘባድ ጼነ ሰንደለ

ሕነ ውዳይነ ዳረቱ፡ ክምሰል ተሓደራወእብ እዴነ እንወዴ ወንትላከየ ለአምሐረ።፡

ምን ገጽ 469 ክታብ ሐልየት ትግራይት 1913

እት ሰነት 1949 እት ሐንቴ እስትዕማር ጥልያን ለዐለየ ድወል “ሕርየተን ልንስአ መኢፋሉ” ለልብል ሰኣል ዲቡ እብ መጅልስ ቅራን መክሐደ ጋብአት ዐለት፡፡ እተ እዋን ሌሂ ወዚር ካርጅየት አሜሪከ ለዐለ ጆን ፎስተር ደላስ እብ ክሱስ ኤረትርየ፡ ለሀበዩ ረአይ፡ “ኤረትርየ ውሕደት ለአለበ ወእግል ሕርየት ለኢትዳሌት ተ” ለልብል፡ እግል ትትካፈል ለአትናይት ዐለ።፡እለ ሐብሬ እለ

ምን ክታብ አለም ሰገድ ተስፋይ ኢንትፈናቴ ገጽ331 ለትሸንከረት ተ፣

ገሌ ምን ታሪክ ዐድነ

ወስፍ ጠባይዕኩም እብ ሰልፋይ

ሐርፍ ስምኩምሰልፋይ ሐርፍ

ስምኩም እብ V ለልአስተብዴ ሐቆ ገብአኩም፡ ክእነ

ትትወሰፎ፣ሰብ ሰላም እንቱምፍርስነት ትፈቱመልህያምኩም ትመዝኖ

ቆሪነ መልሀይኩም ፈትሾ

አግቡይ እቡ ፈቴኩም ባስሮ

መንካሳሁ ወብቅዕናሁ ፈትሾ

ምስል ጠባይዕኩም ለይገይሶ አንፋር

ኢትቀርቦዐባዪ ኢትፈቱእግል እኪት

ዱሉያም እንቱምእብ ቅላል

ኢትትበአሶ

ወእብ እንክርመ በደል መዋሰላት በይን መዋሰላት ሕበር እግል አትናያት ለፈግረ በርናምጅቱ፡ ሰበት እሊ ሕጻን ልግበእ ወወለት ዕንቱ እግል ሕርያን

ብርንቶ እንዴ ወደ እትለ መዋሰላት እለ ልትጸዐን አምዕሉ ጸዐዴት ምንገብእ ህዬ ሐቴ እሉ ለትመስል እንዴ ትሼበ ልትከሬ ምነ፡ ዐጃይብ ቱ !